طلب متبرع لعمل باكتست لبعض الاكسبيرتات مشكوراً

**صاحب هدف** · 09-10-2014, 10:10 PM

السلام عليكم ورحمة الله تعالى وبركاته

من كام يوم طلبت مساعدة بخصوص الباكتست 99% هنا

https://forum.arabictrader.com/t207084.html

لكن للأسف في مشكلة معينة
فمحتاج احد الأخوة يساعدنا في إختبار الإكسبيرتات إلي هنعملها إن شاء الله في الموضوع ده

https://forum.arabictrader.com/t207960.html

ياريت إلي عنده إستعداد يساعدنا يقلي وشكرا مقدما للجميع

**صاحب هدف** · 10-10-2014, 11:01 PM

إيه يارجالة

أمال لو طلبنا 10000 دولار هتعملو إيه

**مكابر** · 11-10-2014, 08:35 PM

بودي والله اساعد بس مشغول جدا بالدراسة..
مع هذا اذا ممكن اساعد حسب مقدرتي و وقتي انا تحت امرك.

**صاحب هدف** · 13-10-2014, 04:46 PM

بارك الله فيك ياغالي وربنا يوفقك بدراستك
بإذن الله أول ماتخلص الفكرة الأولى هقولك
تحياتي

**mohcinex** · 13-10-2014, 09:02 PM

ضع الاكسبيرت الاعدادات و الفريم و العمله و الفتره الزمنيه و ساحاول مساعدتك قدر المستطاع
.لكن يجب ان يكون إكسبيرت جيد يستحق التعب عليه
......لانه عندي العشرات ولم اعمل لها باك تيست لاني اعلم ان لا جدوى منهم

**صاحب هدف** · 15-10-2014, 11:32 AM

السلام عليكم ورحمة الله تعالى وبركاته
تم برمجة الفكرة الأولى ياشباب بارك الله فيكم محتاجين الإختبار حاليا
هلاقو النسخة النهائية هنا

المشاركة الأصلية كتبت بواسطة Jmeel

تمت الأضافة .

هقول فكرة الإكسبيرت بسرعة
هنحدد زمن معين بالساعة والدقيقة
لما يجي الوقت ده الإكسبيرت هيفتح صفقة
نوع الصفقة إما بيتحدد يدوي (بيع او شراء)
أو بيتحدد عن طريق فلاتر
الفلاتر الموجود : 1- لما يجي وقت الصفقة والسعر فوق الإفتتاح اليومي هيكون نوع الصفقة شراء والعكس لو كان السعر تحت الإفتتاح هيكون نوع الصفقة بيع
2- الفلتر التاني هو عبارة عن موفينج أفريج ونفس الطريقة لو السعر فوق الموفينج وقت موعد الصفقة بالتالي هتكون صفقة شراء والعكس صحيح
بنقدر نختار فلتر واحد بس مش التنين مع بعض
حجم الصفقة بيتحدد يدوي أو عن طريق نسبة من رأس المال والنسبة دي بتتحسب على أساس الستوب يعني لو الستوب 100 نقطة , فلما يتضرب الستوب بنخسر النسبة دي

دي صورة لإعدادت الإكسبيرت مع الشرح بيد الأخ جميل
https://forum.arabictrader.com/attac...2&d=1413307359
وتم إضافة المضاعفات في النسخة الأخيرة

الفكرة بالاساس بتعتمد على الإحتمالات مع محاولة الفلترة ببساطة
الإختبار الأول محتاجين يكون إحتمالات بحت ,, يعني
هنختار يدوي بيع او شراء
هنلغي الفلاتر
هنختار توقيت وليكن الإفتتاح الاوربي عشان نضمن يكون في حركة
بالنسبة للتوقيت عندنا (ستارت اور وإند أور ) و (ستارت منت وإند منت)
لو عايزين التوقيت مثلا 09:00 هتكون إعدادت التوقيت بالترتيب كده
09
09
00
00
بحيث في الدقيقة دي بس يفتح الصفقة مش بعد كده
برضه هنختار لوت ثابت وليكن 0.1 وهنسيب دلوقتي (مارجن اوتو لوتس =0)
ستوب وهدف قد بعض تماما وليكن 30 أو 40
وبرضه من غير تريلنج ستوب
-----------------------------
كده الإختبار هيكون إحتمالات بحت , بحيث نشوف كل يوم في التوقيت ده لو دخلت شراء هيحصل إيه ؟؟ بعد كده إن شاء الله نشوف هنستخدم مضاعفات ولا نسبة من رأس المال والفلاتر

ياريت إلي عايز يختبره يقلي عشان اتابع معاه
ومشكورين جميعا يارجالة

**صاحب هدف** · 15-10-2014, 11:36 AM

محتاجين يارجالة الإختبار يكون على الاقل 200 صفقة يعني 200 يوم ولو سنة أفضل عشان ناخد فكرة صح للإحتمال ده
وطبعا البيانات 99% مش أي كلام

تحياتي

**صاحب هدف** · 16-10-2014, 04:57 PM

السلام عليكم ورحمة الله تعالى وبركاته
إيه الأخبار يارجالة
في شخصين حملو الإكسبيرت

ياريت يقولولنا النتايج عاملة إيه

**mohcinex** · 17-10-2014, 01:03 AM

لحد الان التجربه غير ناجحه
كيف يمكنني ان افعل المضاعفات ؟؟

**صاحب هدف** · 17-10-2014, 06:40 PM

السلام عليكم ورحمة الله تعالى وبركاته
تمام اخي محسن تسلم إيدك

أول حاجة إنت مش مغير أي حاجة في المتغيرات الخارجية والفلتر الأول فعال بالشكل ده
أما عن التجربة الحالية بالعكس انا شايف ترند هابط جميل وممكن نعكسه ,, دونت أول ملاحظة وإن شاء الله نستفيد منها وهي عكس عمل الفلتر رقم 1

نرجع للإختبار الاول إلي عايزين نعمله فياريت ترجع وتقرا المشاركة رقم 6 وتعمل الإختبار بالشكل المطلوب بالتعديل على المتغيرات الخارجية وإن شاء الله هنوصل مع بعض لنتايج حلوة
لو مش فاهم المتغيرات قلي عشان أشرحها على صورة جديدة
تحياتي

**mohcinex** · 18-10-2014, 04:30 AM

حاولت مرات متعدده ان اعمل باك تيست بهده الاعدادات ولكن يعطيني هدا الخطأ في الجورنال
لا ادري ما المشكله ؟

**Jmeel** · 18-10-2014, 08:53 AM

تفضل الأكسبيرت مرفق .

**mohcinex** · 19-10-2014, 02:15 AM

الباك تيست من 01 /2012 إلى 05/2013

**صاحب هدف** · 19-10-2014, 08:45 PM

المشاركة الأصلية كتبت بواسطة mohcinex

الباك تيست من 01 /2012 إلى 05/2013

تمام ياغالي
كده عرفنا إن الفكرة زي النظري مابيقول 50% نجاح 50% فشل
هنعمل إيه دلوقتي , هنسيب كل الإعدادات إلى إنت عاملها زي ماهي , هنغير بس في الستوب والهدف وياريت لو عملت التوقيت على الإفتتاح الأوربي
ياريت تعمل إختبار تاني تخلي الهدف ضعف الستوب مثلا ستوب 10 وهدف 20 وبعدين إختبار تاني تخلي الهدف 3 أضعاف الستوب مثلا ستوب 10 وهدف 30
هنشوف وقتها نسبة النجاح للفشل هتبقى أكتر زي النظري مابيقول لاننا كده بزيادة الهدف برضه بنقلل فرصة نجاح الصفقة لكن هيكون عندنا الهدف ضعف أو أكتر بالنسبة للستوب فهنشوف النتائج عملة إزاي
لكن قلي إنت ليه غيرت الزوج

خليك في أي حاجة مقابل الدولار أفضل ياغالي بلاش الكروسات وبرضه ياريت الـ 2014 تكون في الإختبار يعني مثلا إنت عامل تقريبا 16 شهر فحنا دلوقتي في الشهر العاشر من 2014 فحاول تكون الفترة من 6/2013 للـ 10/2014 هيكون الإختبار أفضل إن شاء الله
تحياتي

**صاحب هدف** · 21-10-2014, 06:50 PM

إيه ياحج محسن إنت زهقت من اول إختبارين

الموضوع: طلب متبرع لعمل باكتست لبعض الاكسبيرتات مشكوراً

أدوات الموضوع

طلب متبرع لعمل باكتست لبعض الاكسبيرتات مشكوراً

عروض شركات الفوركس