تحليل الأوضاع الاقتصادية الحالية وتوقع التحركات القادمة

[عاصم منصور]

هناقش معاكوا في الموضوع ده تحليل كل عملة من الناحية الأساسية والفنية عشان نعرف مدى قوة العملة قصاد التانية وخلينا نبتدي بالدولار:

طبعا كله ملاحظ ارتفاع الدولار بشكل قوي أمام معظم العملات الرئيسية، وبيرجع الارتفاع ده بسبب اقتراب إنهاء التيسير النقدي واللي من المتوقع أنه هيتم خلال اجتماع لجنة الاحتياطي الفيدرالي الأمريكي خلال الشهر اللي جي، وقيمته الحالية هي 25 مليار دولار شهريًا ويعتبر إنهاء التيسير النقدي من أول الخطوات اللي بتشير لرفع معدلات الفايدة.

وطبعًا رفع معدلات الفايدة هيخلي الدولار يكمل ارتفاع، ومن المتوقع ان الاحتياطي الفيدرالي الأمريكي يرفع معدلات الفايدة خلال النصف الثاني السنة القادمة.

وممكن أنتوا تعرفوا تحددوا بالتقريب كده ميعاد رفع معدلات الفايدة، هقولكوا ازاي:

معدلات التضخم أو CPI مؤشر اسعار المستهلكين، وطبعًا معدلات التضخم عامل مهم جدًا في تحديد رفع معدلات الفايدة وكل ما اقتربت من هدف لجنة الاحتياطي الفيدرالي عند 2% كا ما اقترب موعد رفعها.

بيانات مؤشر التغير في أعداد التوظيف بالقطاع غير الزراعي (NFP) ومعدلات البطالة... عشان أوضاع سوق العمل هي اللي بتحدد قوة النمو الاقتصادي بالنسبة للجنة الاحتياطي الفيدرالي الأمريكي... عشان كده خلوا بالكوا من اي اصدار للبيانات أول جمعة من كل شهر.

خلو بالكوا بردو من معدلات الأجور، لأن مينفعش أن مؤشر أسعار المستهلكين يزيد (أسعار السلع والخدمات) والأجور مش بتزيد وبالتالي مينفعش يتم رفع معدلات الفايدة إلا لما الأجور ترتفع هي كمان، وشوفنا ده في الاقتصاد البريطاني.... كانت كل البيانات إيجابية ومعدلات البطالة تراجعت بأكثر من بنك إنجلترا متوقعه لكن ضعف بيانات الأجور هي اللي خلت التوقعات اللي بتقول أن رفع معدلات الفايدة قرب تتراجع وعشان كده الاسترليني تراجع بقوة وهنتكلم برده عن الاسترليني وأسباب تراجعه في فقرة تانية خاصة مع موضوع استقلال اسكتلندا.

وبكده يكون الاحتياطي الفيدرالي الأمريكي هو أقرب واحد لرفع معدلات الفايدة عشان كده الدولار مرتفع بشكل قوي.

وديه توقعات أزواج الدولار اللي هو فيها عملة رئيسية:

الدولار ين إلى 110 ان شاء الله، وانا اشرت للموضوع ده من شهر نوفمبر اللي فات لما كان عند مستويات 101.... عندنا دلوقتي ارتفاع الدولار بسبب قوة النمو الاقتصادي واللي بيقابله الناحية التانية الاستمرار بالتيسير النقدي في بنك اليابان عشان يحفز النمو.... واي دولة تعمل تيسير نقدي، تعرف علطول أن عملتها هتنزل.

الدولار فرنك لسه هيكمل صعود عشان هو عكس اليورو دولار، كمان انخفاض قيمة الفرنك بيبقى في صالح سويسرا ... واليورو دولار لسه قدامه هبوط لحد 1.27 خاصة مع بداية التيسير النقدي الشهر اللي جي وضعف النمو بمنطقة اليورو واللي سجل 0.3% الشهر اللي فات وهم عايزينوا 2%!! الله يكون في عونك يا دراجي

الدولار الكندي في اتجاه صاعد بشكل عام لكن النمو الاقتصادي في أمريكا أحسن من اللي في كندا... انا بقولكوا كده بناء على بيانات وتحليلات مش كده وخلاص وهو دلوقتي بيختبر مقاومة عند 1.0995 خلينا مستنيين الارتداد أو الاختراق عشان في احتمالية انه يصحح الأول قبل ما يكمل صعود... كمان خلي بالكوا أن فيه دول من مصلحتها أن عملتها تنزل عشان قطاع الصادرات ومنهم كندا واليابان ومنطقة اليورو بتفضل أن اليورو دولار يوصل 1.25 عشان سعر الصرف بيشكل جزء في معدلات النمو برده.

لو حد عنده اي استفسار يشاركنا بيه عشان نستفيد من بعض، وان شاء الله هيكون في فقرات تانية لبقية العملات

[FX.BMW]

ما شاء الله عليك اخي الكريم
معلومات ولا اروع
انا صارلي سنين بشتغل فوركس
عمري ما فهمت شيئ من التحليل الاساسي
بشتغل فني فقط
لاول مره بفهم على حد بيحكي اساسي
اسلوبك جميل وبسيط ومفهوم وواضح
التحليل الفني اللي لدي متفق معك تماما به من حيث الاتجاه بشكل عام
لكن النقطه التي انت حددتها انت بختلف معك فيها على اليورو فهو ذاهب الى اكثر من 1.2500
والله اعلى واعلم
والله ولي التوفيق
اسمتر اخي الكريم
تحليلك ممتع ورائع

[عاصم منصور]

ما شاء الله عليك اخي الكريم
معلومات ولا اروع
انا صارلي سنين بشتغل فوركس
عمري ما فهمت شيئ من التحليل الاساسي
بشتغل فني فقط
لاول مره بفهم على حد بيحكي اساسي
اسلوبك جميل وبسيط ومفهوم وواضح
التحليل الفني اللي لدي متفق معك تماما به من حيث الاتجاه بشكل عام
لكن النقطه التي انت حددتها انت بختلف معك فيها على اليورو فهو ذاهب الى اكثر من 1.2500
والله اعلى واعلم
والله ولي التوفيق
اسمتر اخي الكريم
تحليلك ممتع ورائع

شكرا جزيلا اخي الكريم على هذا الكلام الرائع اللي بيشجعني أني اقدم المزيد، انا اتفق معك على رأيك في اليورو ده الهدف الثاني على المدى الأبعد ان شاء الله وممكن كمان أقل من كده. انا بستخدم التحليل الفني وبدعمه بالأساسي للصفقات طويلة المدى، ولو عندك اي استفسار عن أي حاجة لا تتردد عشان نستفيد من بعض . شكرا على مرورك.

[FX.BMW]

شكرا جزيلا اخي الكريم على هذا الكلام الرائع اللي بيشجعني أني اقدم المزيد، انا اتفق معك على رأيك في اليورو ده الهدف الثاني على المدى الأبعد ان شاء الله وممكن كمان أقل من كده. انا بستخدم التحليل الفني وبدعمه بالأساسي للصفقات طويلة المدى، ولو عندك اي استفسار عن أي حاجة لا تتردد عشان نستفيد من بعض . شكرا على مرورك.

لا يوجد عندي اخي الكريم اي استفسارات
السبب اني لا افهم بالتحليل الاساسي
فلا اقدر ان اجادلك فيه
لكن لي عندك طلب
اذا تغيرت النظره لسبب ما وممكن تعمل تغيير بالاتجاه لا تنسانا
وخبرنا بكل جديد اول باول
انا بحب دايما اعرف اذا كان التحليل الاساسي متفق مع تحليلي او لا
هناك الكثير من المحللين الاساسيين
لكن الكثير منهم بيحللوا خطا
او انهم بيحللوا صح بس بطريقه معقده لا استطيع فهمها
اصبح عندي ثقه بتحليلك الاساسي
لا اعرف مصدر هذه الثقه
يمكن بسبب البساطه والوضوح بالطرح
اعيد واكرر لا تنسانا من كل جديد
ولا تنسانا من العملات الاخرى
وشكرا لك اخي الكريم

[د/مصطفى]

موضوع متميز و الحقيقة انا اعجبت بتحليلك من اول https://forum.arabictrader.com/t205335.html

لان للاسف قليل جدا اللي بيحلل تحليل اساسي و الاغلب بيعتمد على لون المؤشر جاء اخضر و لا احمر من غير ما يعرف هو بيقيس ايه اصلا , و اللي بيعرف بيتعامل معاه من غير ما يكون عنده صورة عامة للاقتصاد و بقية المؤشرات

بداية قوية و بالتوفيق ان شاء الله

[عاصم منصور]

لا يوجد عندي اخي الكريم اي استفسارات
السبب اني لا افهم بالتحليل الاساسي
فلا اقدر ان اجادلك فيه
لكن لي عندك طلب
اذا تغيرت النظره لسبب ما وممكن تعمل تغيير بالاتجاه لا تنسانا
وخبرنا بكل جديد اول باول
انا بحب دايما اعرف اذا كان التحليل الاساسي متفق مع تحليلي او لا
هناك الكثير من المحللين الاساسيين
لكن الكثير منهم بيحللوا خطا
او انهم بيحللوا صح بس بطريقه معقده لا استطيع فهمها
اصبح عندي ثقه بتحليلك الاساسي
لا اعرف مصدر هذه الثقه
يمكن بسبب البساطه والوضوح بالطرح
اعيد واكرر لا تنسانا من كل جديد
ولا تنسانا من العملات الاخرى
وشكرا لك اخي الكريم

شكرا جزيلا على كلامك الرائع، ان شاء الله نتابع مع بعض كل ما هو جديد وتأثيره على العملة. اتمنى لك التوفيق

[عاصم منصور]

موضوع متميز و الحقيقة انا اعجبت بتحليلك من اول https://forum.arabictrader.com/t205335.html

لان للاسف قليل جدا اللي بيحلل تحليل اساسي و الاغلب بيعتمد على لون المؤشر جاء اخضر و لا احمر من غير ما يعرف هو بيقيس ايه اصلا , و اللي بيعرف بيتعامل معاه من غير ما يكون عنده صورة عامة للاقتصاد و بقية المؤشرات

بداية قوية و بالتوفيق ان شاء الله

شكرا اخي الكريم، فعلا المؤشرات محتاجة دراسة ومش اي حاجة دايما بتبقى مهمة أو ضعيفة ولكنها تحتاج إلى دراسة شاملة لتحديد تأثيرها في كل وقت.... عندك مثلا مؤشر مديري المشتريات الخدمي هو مؤشر مهم في المملكة المتحدة لكن مش مهم قوي في بقية الدول ... والسبب هو أن القطاع الخدمي بيمثل ثلث الاقتصاد البريطاني عشان كده هو مهم جدًا في بريطانيا أكثر من الدول التانية.... ممكن نناقش بعد كده المؤشرات وأهميتها وكيفية تأثيرها.... شكرا على مرورك وبالتوفيق.

[alyelgebaly]

بصراحة اكثر من ممتاز
رائع بمعنى الكلمة متابع معك

[عاصم منصور]

بصراحة اكثر من ممتاز
رائع بمعنى الكلمة متابع معك

شكرا جزيلاً لك أخي الكريم..... النهارده هيتم إجراء استطلاع تاني على استقلال اسكتلندا ياريت خلو بالكوا من إدارة رأس المال... أول واحد أظهر أن 51 موافقين على استقلال اسكتلندا وده سبب الفجوة السعرية وامبارح بعد ما حذفوا الأصوات اللي مصوتتش كانت النتجة أن 53% مش موافقين وده سبب ارتفاع الاسترليني تاني... وكل ما هيكون في استطلاع رأي الاسترليني هيتحرك على اساسه.... لحد الاستفتاء النهائي يوم 18 سبتمبر واللي هيحدد مصير اسكتلندا والاسترليني.

[عاصم منصور]

الدولار الاسترالي:

دلوقتي الدولار الاسترالي عند مستوى فني مهم وهو 0.9100 وفي انتظار الكسر أو الارتداد وانا بتوقع أن الدولار الاسترالي هيتراجع أمام الدولار الأمريكي الفترة اللي جاية.... بيانات التوظيف امبارح جت إيجابية جدًا بس الارتفاع القوي ده متتخموش فيه عشان لو شوفتوا مكونات المؤشر هتلاقوا ان ارتفاع التوظيف كان أغلبه بسبب الوظائف المؤقتة ومش الدائمة... وده اللي خلى معدلات البطالة تتراجع من 6.3% لـ 6.1% عشان كده ممكن يكون ده أمر مؤقت.... تاني حاجة مهمة أن الاقتصاد الاسترالي بيعتمد على حاجتين مهمين الأول الاقتصاد الصيني عشان بيمثل ثلث صادرات استراليا وتاني حاجة القطاع التصنيعي خاصة قطاع التعدين.... ولاحظنا ان مؤشر أسعار المستهلكين الصيني اللي بيقيس معدلات التضخم (النمو) تراجع من 2.3% لـ 2% وده بيدل على ضعف الاقتصاد وبالتالي هيأثر على الاقتصاد الاسترالي... ثانًيًا، أسعار السلع زي الذهب والفضة والنفط كلها بتتراجع عشان ارتفاع الدولار وضعف الطلب العالمي على الذهب وده هيأثر على قطاع التعدين في استراليا اللي بيمثل جزء مهم في النمو الاقتصادي... وأخيراً تصريحات محافظ الاحتياطي الاسترالي "ستيفن" اللي كل شوية يطلع يقول ان قيمة الدولار الاسترالي مرتفعة جدًا ولازم تبقى اقل من كده.... عشان كده بالرغم من ارتفاع بيانات التوظيف الدولار الاسترالي نزل ... العوامل ديه كلها بتقول أن الدولار الاسترالي هينزل على المدى المتوسط خاصة مع ارتفاع الدولار الأمريكي واقتراب انتهاء التيسير النقدي الشهر القادم.... خلوا بالكوا من البيانات اللي جايا عشان تعرفوا تحددوا قوة الاقتصاد الاسترالي.

[alyelgebaly]

الدولار الاسترالي:

دلوقتي الدولار الاسترالي عند مستوى فني مهم وهو 0.9100 وفي انتظار الكسر أو الارتداد وانا بتوقع أن الدولار الاسترالي هيتراجع أمام الدولار الأمريكي الفترة اللي جاية.... بيانات التوظيف امبارح جت إيجابية جدًا بس الارتفاع القوي ده متتخموش فيه عشان لو شوفتوا مكونات المؤشر هتلاقوا ان ارتفاع التوظيف كان أغلبه بسبب الوظائف المؤقتة ومش الدائمة... وده اللي خلى معدلات البطالة تتراجع من 6.3% لـ 6.1% عشان كده ممكن يكون ده أمر مؤقت.... تاني حاجة مهمة أن الاقتصاد الاسترالي بيعتمد على حاجتين مهمين الأول الاقتصاد الصيني عشان بيمثل ثلث صادرات استراليا وتاني حاجة القطاع التصنيعي خاصة قطاع التعدين.... ولاحظنا ان مؤشر أسعار المستهلكين الصيني اللي بيقيس معدلات التضخم (النمو) تراجع من 2.3% لـ 2% وده بيدل على ضعف الاقتصاد وبالتالي هيأثر على الاقتصاد الاسترالي... ثانًيًا، أسعار السلع زي الذهب والفضة والنفط كلها بتتراجع عشان ارتفاع الدولار وضعف الطلب العالمي على الذهب وده هيأثر على قطاع التعدين في استراليا اللي بيمثل جزء مهم في النمو الاقتصادي... وأخيراً تصريحات محافظ الاحتياطي الاسترالي "ستيفن" اللي كل شوية يطلع يقول ان قيمة الدولار الاسترالي مرتفعة جدًا ولازم تبقى اقل من كده.... عشان كده بالرغم من ارتفاع بيانات التوظيف الدولار الاسترالي نزل ... العوامل ديه كلها بتقول أن الدولار الاسترالي هينزل على المدى المتوسط خاصة مع ارتفاع الدولار الأمريكي واقتراب انتهاء التيسير النقدي الشهر القادم.... خلوا بالكوا من البيانات اللي جايا عشان تعرفوا تحددوا قوة الاقتصاد الاسترالي.

بعد اذنك ازاى اعرف مكونات المؤشر ؟؟
واية احسن موقع نتابع منة بعد forex factory؟

[عاصم منصور]

احسن موقع اجنبي للمؤشرات هو forex factory وبالنسبة لمكونات المؤشر.... ممكن من MNI الأخبارية وده باشتراك شهري أو ممكن تفتح حساب مع WWM وهتجيبلك الأخبار منهم على حسابك

[د/مصطفى]

بعد اذنك ازاى اعرف مكونات المؤشر ؟؟
واية احسن موقع نتابع منة بعد forex factory؟

بعد اذن اخي عصام . هذا ايضا موقع متميز لمتابعة المؤشرات العامة و مكوناتها بالتفصيل

http://www.tradingeconomics.com/

اضغط على اسم اي دولة و ستظهر لك جميع المؤشرات الخاصة بها

[عاصم منصور]

شكرا د/ مصطفى على الإضافة... الموقع ده رائع برده وفيه مؤشرات زيادة وشرح جيد

[د/مصطفى]

ما رايك استاذ عصام في فرص الاسبوع القادم و هل يشكل استفتاء اسكتلندا فرصة لبيع الباوند ( ارتفاع الامال بشكل كبير اذا جائت النتيجة بلا ثم بعد فترة تزول هذه الحالة و يعود الباوند الى حالته الطبيعية خصوصا مع سوء نتائج مؤشرات المملكة المتحدة )