█ الرينكــو ,,, عالم من الارباح - استريتيجية و ورشة عمل █

مشاهدة نتائج الإستطلاع: شايف الرينكو مفيد و هيضيف لك جديد فى تحليلاتك و فرص دخولك ؟

المصوتون
80. أنت لم تصوت في هذا الإستطلاع
  • نعم , سيضيف بقوة

    66 82.50%
  • لا , لن يفيدنى بشىء

    6 7.50%
  • لا افهم الرينكو ولا احبه

    10 12.50%
إستطلاع متعدد الإختيارات.
صفحة 1 من 10 1234567 ... الأخيرةالأخيرة
النتائج 1 إلى 15 من 139
  1. #1
    تاريخ التسجيل
    Feb 2009
    الإقامة
    الولايات المتحدة
    العمر
    32
    المشاركات
    2,962

    افتراضي █ الرينكــو ,,, عالم من الارباح - استريتيجية و ورشة عمل █

    السلام عليكم و رحمة الله و بركاته

    الموضوع دا هيكون مخصص لشرح الرينكو عموما و استراجيتى للتداول باستخدام الرينكو و ازاى نحدد نقط الدخول بطريقة كويسة و سهلة و كمان الاستوب ازاى نتحكم فيه و نخليه صغير و امن فى نفس الوقت و ازاى نربط الرينكو بالتحليل العادى عشان نعلى فرصة الدخول و نعلى نسبة نجاح الصفقة

    ( بدايتى مع الرينكو )

    مبدئيا بدايتى من الرينكو كانت فى شهر 9 سنة 2012 و كانت السنين الى قبلها باستخدم اساليب التداول العادية زى معظم المتاجرين - الادوات المتاحة لينا جميعا فى الميتاتريدر او غيره
    و من وقتها و انا بدرس اساليب الرينكو و استخدماته و بتابعه باستمرار و بدأت شغل بيه رسميا فى شهر فبراير 2013 و من وقتها بقى جزء لا يتجزأ من متاجرتى
    جرب كتير ادمج مؤشرات مع شارت الرينكو لكن لقيت ان جمال و سهولة الرينكو فى بساطه و مينفعش تشوهه بكترة المؤشرات - ممكن تضيف مؤشر او اتنين عشان يساعدوك على تحديد الدخول و عشان زى ما بقول لنفسى دايما يريحوا عينيك على الشارت ( فيه ناس كدا فيه الوان معينة او مؤشرات معينة لازم تكون على الشارت بتاعها عشان تحس براحة نفسية )
    جربت استراتجيات كتيرة و قريت كتير عن تجارب ناس مع الرينكو - لقيت ان استخدامك انت نفسك للرينكو مع تحليلك الفنى هو الى بينجح الفرص الى بتدخلها لان تحليلك بيكون بمثابة فلتر للرينكو - يعنى مش كل ما تشوف بوكس صاعد تروح شارى ولا بوكس هابط تروح بايع ( على فكرة فيه استراتيجية كدا .. اه والله )
    فى وجهة نظرى المتواضعة الرينكو لوحده مينفعش - لازم حاجة تفلتره - لازم تحليلك للزوج الى هتدخل عليه - لازم تكون عارف الاتجاه صاعد ولا هابط - اتجاه عام دا ولا تصحيحى - و كان الحل انى ادمج تحليلى على الشارت العادى مع شارت الرينكو و دا هيبان فى الشرح ان شاء الله .

    ( نبذة عن الرينكو )
    طيب ايه بقى الرينكو دا و ايه البوكس دا و ايه الكلام الغريب دا ؟
    الرينكو عبارة عن نوع تحليل و شارت لا يلتفت ابدا للزمن - بيهتم فقط بالسعر و الارقام و البوكس هو شكله على الشارت - كل بوكس بيعبر عن حركة السعر لمسافة معينة ( انت الى بتحددها ) و ليكن مثلا 5 نقاط او 10 نقاط او اى عدد تختاره انت من النقاط

    و بيكون شكله على الشارت كالاتى :





    و بالتحديد بيعبر عن حركة السعر زى المثال دا كدا :
    دا شارت رينكو على الباوند ين و اعداداته 5 نقاط ( 50 نقطة على المنصات زو الخمس ارقام عشرية )



    ( طريقة تركيب شارت الرينكو )

    طيب دلوقتى عرفنا ايه هو الرينكو بصورة مختصرة
    طيب نركبه ازاى على شارت الميتاتريدر العادى بتاعنا ؟
    الحمد لله افتكرت ان كان احمد معطى Mo3Ty كان عامل شرح فيديو قبل كدا فى موضوع لتركيب الرينكو و بكدا يبقى رحمنى من الشرح
    لينك الموضوع و الفيديو اهو :
    http://forum.arabictrader.com/t157766.html

    و عموما برضو الى يحتاج يسأل فى حاجة هنا يسألنى و انا هجاوب ان شاء الله

    ( ما الذى يضيفه الرينكو للمضارب )

    طيب دلوقتى ايه الجديد ؟ ايه الى ممكن انا ك متاجر او بالاخص ك مضارب استفيده من شارت الرينكو
    بص يا سيدى ممكن تستفيد اهم حاجتين
    - انك تبقى داخل من نقطة دخول قوية
    - الاستوب بتاعك هيكون انعكاس اتجاه الرينكو و دا هيخلى الاستوب قريب , يعنى مثلا لو انت شغال على رينكو بوكس 10 , الاستوب فى الحالة دى هيكون تغيير الاتجاه للبوكس يعنى هيكون 20 نقطة ل تغيير بوكس هابط و كمان 10 نقاط بوكس كمان هابط لتأكيد تغيير الاتجاه ,, يعنى الاستوب بدل ما تدخل كل صفقة تعمله 50 ولا 100 نقطة لآ هيكون قريبا , دا غير ان نقدة دخولك هتكون قوية و السعر هيتحرك فى صالحك بسرعة و دى فيها استفادة كبيرة جدا للمضارب و خصوصا الاسكالبر زى حالاتى كدا

    دى صورة من حساب عامله مخصوص عشان المغامرة على رافعة 1:2000 و دا بيكون مبلغ ربح و بغامر بيه حبا فى المغامرة و زيادة ثقة فى استراجيتى ( الرينكو )
    الطريقة دى او المغامرة دى مش بعملها كتير ممكن مرة كل كام اسبوع و لما بيكون معايا مبلغ ربح زيادة عن احتياجى بغامر بيه و لو عمل مبلغ كويس بسحبه , لو خسر و ضربت مارجن بيه اهو اسمه كان مبلغ صغير و كان جى من ارباح مش من راس مال

    الحساب حقيقى على فكرة بس الصور واخدها من الموبايل
    احسن مرة بالنسبة ليا كانت من 450 دولار تقريبا الى 4500 دولار و كان فى يوم عمل كامل صفقات سكالبنج بالرينكو و بعدين سحبتهم ( الرافعة كانت 1:2000 حتى راس مال 1000 و بعد ال 1000 بتقل الرافعة الى 1:1000 لحد 5000 دولار )
    بصراحة الرافعة كانت مساعدة جدا جدا فى المغامرة و الاستوب هو كان ضرب المارجن لو السعر عكس 30 نقطة او 35 بالكتير فى بعض الازواج
    الصفقات الى فى الصور دى كلها بالكامل بناءا على الرينكو







    و اسوء مرة كان حساب بدأته ب 500 دولار مغامرة برضو و وصلته ل 1500 دولار فى نفس اليوم و بعدين ضربت مارجن و كانت الخسارة شموع الرينكو قلبت لان دخولى كان قبل خبر مهم - و لو كنت انتظرت الخبر يعدى و بعدين اشتغل كان الحساب هيكمل مكسب .

    الخلاصة : ان الرينكو اسلوب كويس اوى اوى للمتاجرة بيساعدك تكون واثق فى تحليلك و نقطة دخولك و تبقى عارف
    ان لو السعر عكس تخرج امتى و منين بالظبط .

    ( استراتجيتى )

    الحقيقة انا بستعمل استراتجيتين - 2 استراتيجية يعنى
    واحدة منهم كانت جاهزة و مجمودة فى احد المنتديات الاجنبية و انا عدلت عليها حاجة بسيطة
    و التانية من تصميمى

    الاولى :
    استراتيجية لشخص اجنبى كان حقق بيها نجاحات باهرة لكنه وثق فيها زيادة عن اللزوم و طمع و كانت النتيجة انه خسر كل حساباته و ابتعد عن السوق
    و دا لينك الاستراتيجية الاصلى :

    http://www.forex-tsd.com/ideas-sugge...ng-system.html

    انا حذفت بعض المؤشرات الى ملهاش لزمة فى الشارت و عدلت حاجة بسيطة فى الاعدادات و بستخدمها على اعدادات بوكس 10 نقاط

    و الشكل النهائى للنظام بتاعى هو دا :



    و هرفق المؤشرات و التمبلت للنظام فى البوست فى ملف مظغوط ب اسم Renko system 1

    و زى ما هو موضح فى الصورة ان اليورو كان فى حالة صعود الفترة الى فاتت و بعدين اعطى هبوط من اول 1.3870 تقريبا و دى حلاوة الرينكو انه بيهتم فقط بالسعر بدون الالتفات للزمن

    الثانية :

    النظام التانى الى بستخدمه على منصة تانية غير النظام الاول
    هو نظام بسيط من تصميمى بس بشتغل فيه على بوكس 5 نقاط

    و هرفقه فى المرفقات مضغوطا ب اسم Renko System 2

    و دا شكله :



    استخدامى دايما للنظام دا اكتره فى عمليات الاسكالبنج السريعة
    و فى شرح الاستراتيجية فى المشاركة القادمة هنعرف ازاى نستخدم النظامين مع بعض ان شاء الله

    -------------------------------------------------------------------------------------------------------------

    * ملحظوظة مهمة :
    الرينكو بيتقل جهاز الكمبيوتر او اللاب بطريقة ما لانه بيحتاج جهاز مواصفاته عالية عشان يقدر يستحمله .

    ------------------------------------------------------------------------------------------------------------

    ان شاء الله المشاركة الجاية اكتب فيها شرح نظام العمل و الصفقات و اعذرونا على اى تقصير فى الشرح او اللغة العامية الى بكتب بيها
    الملفات المرفقة الملفات المرفقة

  2. #2
    تاريخ التسجيل
    Feb 2009
    الإقامة
    الولايات المتحدة
    العمر
    32
    المشاركات
    2,962

    افتراضي

    شرح الاستراتيجية


    ----------------------------------------------------------------------
    دلوقتى ازاى نقدر نستفيد من الرينكو و ازاى نقدر نحدد الدخول و الاتجاه

    هناخد مثال حى على الدخول صفقة شغالة حاليا
    على زوج الدولار ين

    اول خطوة بنفتح الشارت العادى للزوج
    و نجيبه من اول الفريم الاسبوعى
    هنلاقى الزوج حاليا صعود على الرغم من الهبوط فى الاسبوع الفائت الا انه مازال محافظ على الترند الصاعد , و عنده 3 دعوم فولاذية رد منها عندها بقوة
    الشارت يوضح :



    طيب يبقى دلوقتى هندور على فرص للشراء مش البيع
    هنروح على الشارت ال عليه نظام الرينكو بوكس 10 الى هو النظام الاول
    هنفتح شارت الزوج
    و نشوف اشارة شراء



    هنلاقى ان اشارة الشراء كانت واضحة و كان مدلولها الحاجات دى ...
    - بوكسات الرينكو خضراء
    - البوكسات فوق الموفنج افرج 5 السيمبل و الاكس ( الموفنج بالخط الابيض )
    - مؤشر MA_ Applied Color لونه ازرق و السعر فوقه
    - اشارة صعود من السهم الاخضر
    و دى شروط الدخول شراء فى اى صفقة و اى شارت
    طيب عاوزين نتأكد برضو من الدخول و ندخل من نقطة كويسة

    هنروح للنظام 2 الى هو شارت الرينكو بوكس 5
    الى شكله كالاتى



    هنلاقى ان شروط الدخول شراء متوفرة برضو
    من سعر 101.76 تقريبا
    يبقى نتكل على الله و ندخل شراء
    طيب كدا فتحنا صفقة شراء من سعر 101.76
    هيكون الهدف فين و الاستوب فين بقى ؟
    لحد اللحظة بتاعت كتابة البوتس كانت الصفقة فيها حوالى +33 نقطة
    طيب نخرج ؟ و لا نستنى ؟ ولا نعمل ايه بالظبط ؟!
    اقولك انا يا سيدى
    انت ادامك كذا حل كلاتى
    - تروح للشارت العادى و تشوف اقرب مقاومة للسعر و تخرج قبلها ب نقطة و يكون دا هدفك
    - تستنى اشارة انعكاس بوكس احمر على شارت ال 5 يبقى كدا تخرج لان الاتجاه ممكن يتغير او يرجع تانى لنقطة دخولك
    - تخرج على حساب قناعتم و رؤيتك للسعر و الحركة

    طيب جميل دا بالنسبة للهدف , طيب بالنسبة لوقف الخسارة اعمل ايه ؟
    بص يا سيدى
    وقف الخسارة بيكون انعكاس بوكس الرينكو على شارت ال 10 نقاط
    او فى الغالب 30 نقطة من سعر دخولك
    او بعد ما الصفقة تديلك ربح شوية تقرب وقف خسارتك لنقطة الدخول .

    و بكدا يبقى وضحنا ازاى نستخدم الرينكو مع التحليل العادى و فى المشاركات الجاية اكيد هنوضح اكتر ب أمثلة حية و همتكم معانا فى الامثلة

    ملحوظة **
    انا بستخدم الرينكو على الازواج دى : اليورو دولار - باوند دولار - استرالى دولار - يورو ين - دولار ين - باوند ين
    اقوى تحرك و احسن استخدام : يورو ين - باوند ين

    بعتذر عن الشرح الى باللغة العامية و عارف انه ضعيف لكن دا الى قدرت عليه و لو فيه اى استفسار او توضيح اكيد هكون سعيد وانا برد عليه

    تحياتى
    آخر تعديل بواسطة خدمة الأعضاء2 ، 16-04-2014 الساعة 05:48 AM

  3. #3
    تاريخ التسجيل
    Mar 2008
    الإقامة
    cairo
    العمر
    32
    المشاركات
    1,422

    افتراضي

    ربنا يوفقك
    انا بحب الرينكو جدا وهو سهل وبيسهل قرائة الشارت

  4. #4
    تاريخ التسجيل
    Jul 2008
    الإقامة
    مصر
    المشاركات
    20,802

    افتراضي

    موضوع قوى كعادتك يامحمد .الله ينور عليك
    والرينكو بالفعل بسيط ومحترم جدا.ومشكلته تكمن لدينا في بطئ الميتا تريدر بالفعل.بس باذن الله نلاقي حل
    تسجيل متابعة
    تقبل تحياتي

  5. #5
    تاريخ التسجيل
    Jan 2008
    الإقامة
    مصر
    المشاركات
    193

    Thumbs up

    بارك الله فيك اخى محمد اكمل الشرح


    تقبل تحياتى

  6. #6
    تاريخ التسجيل
    Feb 2009
    الإقامة
    الولايات المتحدة
    العمر
    32
    المشاركات
    2,962

    افتراضي

    شرح الاستراتيجية خلاص خلصته و راسلت الادارة عشان تنزله فى تانى مشاركة ,, شكرا للشباب الى بدأت تتابع الموضوع حتى من قبل ما يتشرح و شكر خاص لمعطى

  7. #7
    تاريخ التسجيل
    Feb 2009
    الإقامة
    الولايات المتحدة
    العمر
    32
    المشاركات
    2,962

    افتراضي

    اقتباس المشاركة الأصلية كتبت بواسطة Mo3Ty مشاهدة المشاركة
    موضوع قوى كعادتك يامحمد .الله ينور عليك
    والرينكو بالفعل بسيط ومحترم جدا.ومشكلته تكمن لدينا في بطئ الميتا تريدر بالفعل.بس باذن الله نلاقي حل
    تسجيل متابعة
    تقبل تحياتي
    بالنسبة للبطىء يا احمد انا الحمد لله الاجهزة بتاعى كلها قوية
    بس عموما لقيت مؤشر للرينكو بدل الاسكربت و دا اخف بكتير من الاسكربت و هيساعد الناس على موضوع البطء دا
    المؤشر مرفق فى المشاركة دى
    و دا بيتركب على شارت الدقيقة العادى و بتظبط الاعدادات و تفتخ بعدها شارت ال M2 offline
    و هتلاقى الموضوع اسهل و اخف بكتير
    الملفات المرفقة الملفات المرفقة

  8. #8
    تاريخ التسجيل
    Feb 2009
    الإقامة
    الولايات المتحدة
    العمر
    32
    المشاركات
    2,962

    افتراضي

    شىء كمان يا ريت منغفلش عنه

    المتاجرة تكون دايما فى اوقات الحركة
    يعنى انا دايما شغال فى الاوقات التالية
    بتوقيت القاهرة
    اسيا من الساعة 2ونصف صباحا
    اوروبا من الساعة 9 صباحا
    امريكا من الساعة 3 عصرا و بعد الساعة 6 تقريبا السوق بيبدأ يريح الا اذا كان فيه مؤتمر صحفى مساءا او حاجة
    فا نخلى بالنا دايما و نشتغل وقت السيولة
    اينعم الرينكو ملهوش دعوة بالوقت و بيعبر عن السعر فقط
    بس مش لازم ندخل نزنق نفسنا بالساعات على ما يبقى فيه حركة

  9. #9
    تاريخ التسجيل
    Jul 2008
    الإقامة
    مصر
    المشاركات
    20,802

    افتراضي

    اقتباس المشاركة الأصلية كتبت بواسطة Leonardo مشاهدة المشاركة
    شرح الاستراتيجية خلاص خلصته و راسلت الادارة عشان تنزله فى تانى مشاركة ,, شكرا للشباب الى بدأت تتابع الموضوع حتى من قبل ما يتشرح و شكر خاص لمعطى
    شكرا لذوقك ياصديقي العزيز.على راسي والله
    وبالتوفيق لك دائما

  10. #10
    تاريخ التسجيل
    Jul 2006
    الإقامة
    مصر
    المشاركات
    16,730

    افتراضي

    ماشاء الله موضوع ممتاز جد جدا

    شكرا جزيلا لمشاركتنا هذه المعلومات القيمة وطرق العمل

    تحياتي وتقديري
    توقيع العضو
    متداول ومحلل محترف للأسواق المالية أسهم وعملات منذ 2006

  11. #11
    تاريخ التسجيل
    Feb 2009
    الإقامة
    الولايات المتحدة
    العمر
    32
    المشاركات
    2,962

    افتراضي

    شرح الاستراتيجية


    ----------------------------------------------------------------------
    دلوقتى ازاى نقدر نستفيد من الرينكو و ازاى نقدر نحدد الدخول و الاتجاه

    هناخد مثال حى على الدخول صفقة شغالة حاليا
    على زوج الدولار ين

    اول خطوة بنفتح الشارت العادى للزوج
    و نجيبه من اول الفريم الاسبوعى
    هنلاقى الزوج حاليا صعود على الرغم من الهبوط فى الاسبوع الفائت الا انه مازال محافظ على الترند الصاعد , و عنده 3 دعوم فولاذية رد منها عندها بقوة
    الشارت يوضح :



    طيب يبقى دلوقتى هندور على فرص للشراء مش البيع
    هنروح على الشارت ال عليه نظام الرينكو بوكس 10 الى هو النظام الاول
    هنفتح شارت الزوج
    و نشوف اشارة شراء



    هنلاقى ان اشارة الشراء كانت واضحة و كان مدلولها الحاجات دى ...
    - بوكسات الرينكو خضراء
    - البوكسات فوق الموفنج افرج 5 السيمبل و الاكس ( الموفنج بالخط الابيض )
    - مؤشر MA_ Applied Color لونه ازرق و السعر فوقه
    - اشارة صعود من السهم الاخضر
    و دى شروط الدخول شراء فى اى صفقة و اى شارت
    طيب عاوزين نتأكد برضو من الدخول و ندخل من نقطة كويسة

    هنروح للنظام 2 الى هو شارت الرينكو بوكس 5
    الى شكله كالاتى



    هنلاقى ان شروط الدخول شراء متوفرة برضو
    من سعر 101.76 تقريبا
    يبقى نتكل على الله و ندخل شراء
    طيب كدا فتحنا صفقة شراء من سعر 101.76
    هيكون الهدف فين و الاستوب فين بقى ؟
    لحد اللحظة بتاعت كتابة البوتس كانت الصفقة فيها حوالى +33 نقطة
    طيب نخرج ؟ و لا نستنى ؟ ولا نعمل ايه بالظبط ؟!
    اقولك انا يا سيدى
    انت ادامك كذا حل كلاتى
    - تروح للشارت العادى و تشوف اقرب مقاومة للسعر و تخرج قبلها ب نقطة و يكون دا هدفك
    - تستنى اشارة انعكاس بوكس احمر على شارت ال 5 يبقى كدا تخرج لان الاتجاه ممكن يتغير او يرجع تانى لنقطة دخولك
    - تخرج على حساب قناعتم و رؤيتك للسعر و الحركة

    طيب جميل دا بالنسبة للهدف , طيب بالنسبة لوقف الخسارة اعمل ايه ؟
    بص يا سيدى
    وقف الخسارة بيكون انعكاس بوكس الرينكو على شارت ال 10 نقاط
    او فى الغالب 30 نقطة من سعر دخولك
    او بعد ما الصفقة تديلك ربح شوية تقرب وقف خسارتك لنقطة الدخول .

    و بكدا يبقى وضحنا ازاى نستخدم الرينكو مع التحليل العادى و فى المشاركات الجاية اكيد هنوضح اكتر ب أمثلة حية و همتكم معانا فى الامثلة

    ملحوظة **
    انا بستخدم الرينكو على الازواج دى : اليورو دولار - باوند دولار - استرالى دولار - يورو ين - دولار ين - باوند ين
    اقوى تحرك و احسن استخدام : يورو ين - باوند ين

    بعتذر عن الشرح الى باللغة العامية و عارف انه ضعيف لكن دا الى قدرت عليه و لو فيه اى استفسار او توضيح اكيد هكون سعيد وانا برد عليه

    تحياتى[/QUOTE]

    قناعتى بتقولى كفاية 45 نقطة
    الحمد لله قفلتها على +45 نقطة

    آخر تعديل بواسطة خدمة الأعضاء2 ، 16-04-2014 الساعة 05:51 AM

  12. #12
    تاريخ التسجيل
    Jun 2008
    الإقامة
    الإمارات العربية المتحدة
    المشاركات
    4,363

    افتراضي

    بارك الله فيك على الشرح المتميز
    تسلم الايادي

  13. #13
    تاريخ التسجيل
    Sep 2011
    الإقامة
    مصر
    المشاركات
    1,696

    افتراضي

    السلام عليكم و رحمه الله و بركاته

    - من الواضح و الاكيد باذن الله تكون ورشة مميزة من اخ و صديق غالى مميز
    Leonardo ,, تحياتى لك و دائما إلى المزيد من التقدم و اسمحلى ان اكون من متابعين الورشة ..

    تحياتى و تقديرى
    توقيع العضو
    التوكل على الله + خطة + هدف + دقة فى التنفيذ = نجاح باذن الله

  14. #14
    تاريخ التسجيل
    Dec 2006
    الإقامة
    مصر
    المشاركات
    1,678

    افتراضي

    موضوع هايل ومثير للاهتمام

  15. #15
    تاريخ التسجيل
    Jan 2008
    الإقامة
    مصر
    المشاركات
    193

    افتراضي

    بارك الله فيك اخى محمد
    فرصة على الذهب البوكس على الذهب جعلته 20 لان المنصة 5 ارقام

    السستم رقم 2 ممتاز


    تقبل تحياتى
    الصور المصغرة للصور المرفقة الصور المصغرة للصور المرفقة xauusdm2.png‏  
    آخر تعديل بواسطة princ71 ، 16-04-2014 الساعة 07:35 AM

صفحة 1 من 10 1234567 ... الأخيرةالأخيرة