النتائج 1 إلى 13 من 13
- 09-04-2014, 04:25 PM #1
ليه تحول لشركة عشان تفتح حساب لايف !!!
**انا عايز اقولكم حاجة اريحكم بيها من قصة الشركات ده
دلوقتي الشباب بتدور على شركات تفتح فيها حساب لايف وتودع فيها
طيب ده معناه انك وصلت لطريقة عمل ووصلت لخبرة تؤهلك لمكسب المفروض
طيب ليه بقا تروح تحول فلوس وتبقا تحت رحمة الشركة ده كويسة ولا لا ..وان نفسيتك فى المتاجرة اللايف وقتها حتختلف لانك خايف على فلوس
طيب ما تشترك فى مسابقات الى المنتديات المحترمة بتقدمها مثل المتداول العربي وتكسب منها حساب لايف مدام وصلت لطريقة العمل.. وتريح دماغك وتبقا مؤهل نفسيا ومرتاح نفسيا انك مشداخل بفلوسك
**مع العلم اني شخصيا حسابي اللايف اهو بقالوا سنتين وكاسبوا من مسابقتين كانت بالمتداول العربي
فده نصيحتي لكم .. وانا عارف ان المسابقات بتختلف عن اللايف عن الديمو.. بس ده الصح والله في رأيي..خاصة للى بيفتحوا حسابات بمبالغ صغيرة لا تتعدي الف دولار
وفي انتظار ارائكم الكريمة
بالتوفيق للجميع
تقبلوا تحياتي
- 09-04-2014, 04:43 PM #2
تمام يا معطي باشا ... بس فين هى المسابقات دي ... وياتري اى حد يقدر يشترك فيها ولا ايه
ولو فى موضوع ف المنتدي بيتكلم عن المسابقات ياريت لينك لو سمحت
- 09-04-2014, 04:52 PM #3
اهلا اهلا ياباشا منور الموضوع والله
اكيد اى حد يشترك فيها بعد ما بيقرى قوانينها وبيوافق عليها
وهنا فى المنتدى فى مسابقتين لينكاتهم الاتية
https://forum.arabictrader.com/t193762.html
https://forum.arabictrader.com/t191325.html
وفى هنا فى موقع myfxbook
http://www.myfxbook.com/contests
شركات الوساطة نفسها بتعلن كل فترة عن مسابقات تابعها ايضا بس ده مشكلتها بيبقا اغلبها بدون ادارة راس مال فلا انصح بها شخصيا لان حتى لو كسبت بتيجي فى اللايف .. بيبقا النفسية متغيرة لانك اتعودت على العمل بدون ادارة راس مال وبطمع
فركز اكتر فى المسابقات الى بيبقوا طالبين فيها ادارة راس مال
- 09-04-2014, 05:08 PM #4
بصراحة ده اللي انا بعمله حاليا بعد ما خسرت لعل الله يرزقني من احدى المسابقات
- 09-04-2014, 05:25 PM #5
فكرة جميلة
والجميل فيها انك تحصل على حساب مجاني بعد الوصول لطريقة عمل جيدة
- 09-04-2014, 08:16 PM #6
هذا ليس ذكاء
هذه عبقرية وقمة الاحترافية
لك التحية عزيزي
- 10-04-2014, 12:18 AM #7
- 10-04-2014, 02:15 AM #8
سمعت عن توارد الخواطر او توارد الافكار يا معطي
بصراحة انا الان شغلي الشاغل هذا الموضوع وكنت قد شرعت في كتابة موضوع بل كتبتة بالفعل في ملف خارجي واخذت رأي الاستاذة الاخت / رانيا فيه لانني كنت احب ان اناقش بعض النقاط واولها ليه تودع حساب لما ممكن تكسب جوائز
على العموم يا معطي باشا ده اللي كنت كاتبة بملف خارجي ولم اكتب موضوع بالمنتدى وذلك يوم 31-3 السابق
---------------------المسابقات
السلام عليكم ورحمة الله وبركاتة
قرت ان ابحث عن مسابقات في كل مكان
لاشترك بها واربح الجائزة الاولى
او غيرها
وتكون لي رأس مال بدون عناء الايداع
وبما انني اعمل اساساً على حساب تجريبي فلن اخسر شئ
بل بالعكس العمل على حساب تجريبي مشتركاً بمسابقة افضل بكثير
خاصة لاقيم مستواي بين الاخرين
ظللت انتظر كثيراً ولكنني كنت ابحث وانتظر داخل نطاق ضيق
الى ان علمت بأماكن اخرى تنظم مسابقات وبالبحث الموسع عثرت عليها
اشتركت في ثلاث مسابقات نظمتها منتديات عربية تباعاً
وبفضل الله وحده تمرجنت الثلاث حسابات
علقت شماعتي على انه لم يكن هناك شروط للتداول تمنع المضاربة على الذهب
الرافعة كانت 1:500 في الحسابات الثلاث
ثم علمت بموقع اخر ولكته لشركة شهيره وهذا الموقع ينظم مسابقات اسبوعية
اقصد كل اسبوع مسابقه وتمتد لاسبوعين
اشتركت في المسابقه وكان عدد المشتركين اكثر من 1400 مشترك من جميع دول العالم
الرافعة في مسابقات هذا الموقع 1:50 فقط
لاحظت ان اكثر من 90% من هؤلاء المتسابقين
يضاربون على الذهب والذهب فقط
ولاحظت ان معظم البارزين من الصين
عجبت وانبهرت لمن يحقق 100% في اليوم برافعة مالية 1:50
في بدايه المسابقة كان مركزي بعد 1400 يعني قبل الاخير بشويه
ثم تم استبعاد بعض المتسابقين الى ان وصل واستقر على 848
وبدأ مركزي في التأرجح الى نهاية المسابقة
المسابقة انتهت بأنتهاء هذا اليوم وحقق المركز الاول متداول من الصين
بنسبة 464.68% فقط
وبقية المراكز الرابحة كلها لمتسابقين من الصين
ما شاء الله
لا اعرف السر واود ان اعرفه من حضراتكم
اما انا فكان افضل مركز لي هو 51 وانتهت المسابقة وانا في المركز 75
بنسبة 35.82% فقط
بحثت عن مسابقات مره اخرى فوجدت مسابقات لشركة وتمنع التداول على الذهب والمعادن
فسعدت صراحة بهذا الامر الى ان علمت ان الشركة تعد من الشركات الغير موثوق فيها
بعد الاشتراك في هذه المسابقات اكتشفت شئ مهم
ان الرافعة المالية قد تضر اكثر من ان تنفع
الغرض من كتابة الموضوع
فضفضة ودردشة
عرض تجربة قد تفيد الاخرين
الخروج بإستفادات
شكراً لحضراتكم والسلام عليكم ورحمة الله وبركاتة
-------------------------
عاوز اضيف كام حاجة
اكتشفت ان من يربحون يتاجرون على الاسهم او المؤشرات بجانب الذهب يعني انا طبعاً اتابع المتصدرين فأجدهم يتاجروا على PAM4 وحاجات اخرى تشبهها
هي معادلة صعبة : ازاي تحافظ على الحساب من المارجن وازاي تحقق اضعاف الحساب في وقت قليل
اكتشفت ايضاً واسمح لي ان اقول ان الموضوع اشبه بالمقامرة يعني لعب قمار .. ليه ؟؟ انت لازم تدخل بلوتات كبيرة علشان تلحق بالحيتان اللي معاك وده بالتوفيق ممكن يوصلك للمركز الاول او نقول الفوز بأي جائزة ولو تخلي عنك عمك توفيق سيكون طبعاً مارجن كول
لكن طلعت بنتيجة عمري ما تخيلت ان اطلع بيها بعدما دخلت 3 مسابقات بـ رافعة 1:500 واتمرجنت بسرعة رهيبة ودخلت 3 مسابقات برافعة 1:50 ولم يتمرجن لي حساب منهم رغم عدم فوزي
يعني على الاقل بالنسبة لي الرافعة الكبيرة طريقة سريعة للمارجن عن الرافعة القليلة
حاجة اخيرة يا معطي : المركز الاول الان في اشهر المسابقات العالمية عربي من المغرب دون منازع لانه عامل 16656.0% ، والمركز الثاني عامل 3732.0% يعني مفيش مقارنة ، رغم ان عدد المتسابقين 4000، هذا العربي المحترم العبقري خسر من حسابه 96% في مسابقة كنت مشترك فيها وكان عدد المشاركين كلهم 207 فقط
هو عبقري وشرف العرب جميعاً والمغاربة خاصة ولكن قد يتخلى عنه التوفيق لحظة فيأتية الزائر اللعين
انا اسف على الاطالة بس كنت عاوز اتناقش في الموضوع ده فعلاً
اشكرك على موضوعاتك الجميلة
تحياتيآخر تعديل بواسطة mahdy1 ، 10-04-2014 الساعة 02:29 AM
- 10-04-2014, 01:32 PM #9
- 10-04-2014, 05:56 PM #10
- 10-04-2014, 08:59 PM #11
للأسف انا حاولت عدة مرات بالدخول لمثل هذه المسابقات
ولكن مشكلتي يجيني ملل فضيع بسبب طول المدة للمسابقة
- 10-04-2014, 10:47 PM #12
فى شركات بتقدم حسابات ب 100 دولار بدون ايداع ممكن تستفيد بيها لانه مش كله هيكسب مسابقه
- 11-04-2014, 12:31 AM #13