إللي قال زمان صوابع

جوه مصر موجودين

كل يوم فيها بتلعب

وإللي قالوا مؤيدين

للرئيس مرسي وهنرفع

الصوابع إللي تنفع -

تبقى رمز لفض رابعة

وقتل إخوان مُسلمين

واللوا إللي قال هيقدر

يشفي مش برد وصُداع

لأ ده قال بجهاز بإريال

أي فايرس يبقى ضاع

سي وإيدز هيبقوا فجأة

قول هيبقوا إيه .. صُباع -

كفته . يحيا الإختراع

تسقط اللحمة إللي غِليِت

والكباب والجزارين

يظهر إحنا شعب أصلاً

بالصوابع موعودين

والحقيقة إن إختراعه

مش دقيق وده ليه .. ثواني

أصلها نظريات علمية

مش طواجن أو صواني

والدليل ماقالشي أصلاً

كفتته هتكون بإيه

لحمة كندوز أو .. بضاني !