وندسور تتلاعب فى حسابى وتم شكويتهم فى هيئات الرقابة وعمل قضية دولية

[fady_younan]

مشكلتى مع وندسور يوم الاربع الماضى كنت اخد 8 لوط بيع على الاسترلينى وفتحت هيدج 8 لوط الساعة 11:35 لقيت الشركة قفلت عليا كل الصفقات كلمت الديلنج روم اشتكى قالى انت وصلت للمارجن قولتلة لاء يااستاذ انا قاعد امام المنصة والمارجن كان شغال قالى هشوف المشكلة دى مع الادارة وارجعلك الساعة 12:30 لقيت الصفقات رجعت تانى من غير ماحد يكلمنى انا كلمتهم قولتلة مينفعش بعد ماتقفل الصفقات ترجعها تانى بعد ساعة قالى ينفع وكلمنى بمنتهى قلة الذوق قولتلة كدة تلاعب قالى اللى عندك اعملو بعت اشتكى [email protected] قالولى احنا رجعنالك الصفقات عاوز اية تانى
ابتديت اخد اجراءات قانونية وقدمت شكوى cysec القبرصة وكلفت محامى برفع قضية دولية والان اخد اجراءات قانونية فى مصر فى نيابة الاموال العامة والبنك المركزى لاغلاق حساباتهم فى بنك بيريوس وبنك باركليز وعدم اخراج اى اموال اخرى لهذة الشركة وانا هطالب بحقى مهما كلفنى من اموال واليكم بعض الصور التى قدمت فيها شكاوى ورد complaints على
قولت للشركة نحل المشكلة بطريقة ودية من غير شوشرة قالولى اللى عندك اعملو وفى موظف فى الشركة رد عليا بكلمة تعتبر فى مصر شتيمة وقفلو الشات فى الموقع عليا نوع الحساب STP
دة شكوتى لادارة complaints

رد ادارة complaints
ان اللى هما عملو قانونى

قمت بعمل شكوى لهيئة الرقابة القبرصية جالى الرد بعد ساعتين انهم تلقو الشكوى وهيجرى التحقيق فيها
ودة رد هية الرقابة

تقدمت بشكوى لهيئة الرقابة فى لندن FCA كما موضح بموقع وندسور انهم خاضعين للرقابة فى لندن
رديت عليا FCA قالو لى انهم غير خاضعين للرقابة فى لندن يعنى معندهمش ترخيص FCA كما يدعون ودة رد الهيئة

صفقات فى الحساب الشركة عملاها باسعار غير موجودة بالسوق
وندسور بيعالى صفقات على حسابى يوم 22/1/2014 على الاسترلينى دولار من اسعار 1.63585 و1.6379 و1.63639
مع العلم ان فى هذا اليوم اللو للعملة كان 1.64502 والهاى كان 1.65870


لما الشركة عرفت انى هرفع قضية دولية كلمونى وقالولى مش هتستفاد حاجة لان احنا ماشين قانونى عن اى قانون يتحدثون قلت لهم يكفينى شرف التجربة وكلفت محامى دولى برفع قضية دولية فى شركة وندسور واى جديد هؤلكم علية

[ayser]

اخي حاول تسحب فلوسك منهم لان الشركه نصابة ويوجد اكثر من موضوع بالمنتديات شكوى ضدهم ولي تجربه معاهم في كثير شركات مضمونه ومرخصة

[اوراق الخريف]

مع احترامي وتقديري للجميع
انا احد الاشخاص الذين يتعاملون مع شركة وندسور بروكرز ليميتد
وهي دون مجاملة مني او مبالغة ايضا من ارقى الشركات التي تعاملت معها
سواء سحب ايداع الاهتمام بالعميل
سرعة انجاز الصفقات وغيرها
ماحدث معك ربما يكون خلل منك انت

بالتوفيق

[fady_younan]

انا ليا عمر طويل فى مجال الفوركس ياصديقى واعمل مع شركات وبنوك محترمة جدا وعندما تحدث لى رامى نعيم من شركة وندسور لفتح حساب لديهم وان عمرهم 25 عام وان هما مسجلين FCA واكتشفت بعد عملية ان النصب انهم غير خاضعين FCA بعد ماتقدمت بشكوتهم لهيئة الرقابة فى لندن واتضح انها لا تخضع لهذة الهيئة التجأت الان الى المحاكم الدولية للنظر فى هذة القضية وان شاء الله الحق هيرجع ويعرفة ان العرب مش بيسيبو حقهم مهما كلفهم الامر

[fady_younan]

استاذى الفاضل خلل منى انا يغلقون الصفقات ويرجعوها تانى للحساب بعد ساعة يفتحو صفقات على الحساب من اسعار واهمية وانا موضح كل حاجة وشكرا ليك على المرور صديقى

[اوراق الخريف]

انا ليا عمر طويل فى مجال الفوركس ياصديقى واعمل مع شركات وبنوك محترمة جدا وعندما تحدث لى رامى نعيم من شركة وندسور لفتح حساب لديهم وان عمرهم 25 عام وان هما مسجلين FCA واكتشفت بعد عملية ان النصب انهم غير خاضعين FCA بعد ماتقدمت بشكوتهم لهيئة الرقابة فى لندن واتضح انها لا تخضع لهذة الهيئة التجأت الان الى المحاكم الدولية للنظر فى هذة القضية وان شاء الله الحق هيرجع ويعرفة ان العرب مش بيسيبو حقهم مهما كلفهم الامر

بما ان لك عمر تتداول مع بنوك محترمة مالذي رماك على وندسور
يا عزيزي انا اتعامل مع وندسور منذ اكثر من 4 سنوات واتعامل مع MIG منذ اكثر من 4 سنوات ولم اشاهد فرق بين الاثنين
انا اتكلم عن تجربة معهم

[fady_younan]

صديقى انا لو ليا حق هاخذة ولو الشركة ليها حق هتاخذة منى عبر المحاكم الدولية حط نفسك مكانىى انا حسابى كبير جدا وتم التلاعب انا انا الان حصل معايا مثل هذا التلاعب غدا سوف يكون غيرى انا منزل كل حاجة بالصور والاثبات هل من حق الشركة ان تغلق لك صفقات وتقوم بفتحها بعد ساعة وانا حسابى STP هل من حقها ان تضع لك صفقات بيع على الباوند دولار من سعر 1.6363 يوم 22/1/2014 واللو كان فى هذا اليوم 1.6450 وتقول خلل منى حضرتك اقرأء الموضوع جيدا وممكن تراسل الشركة حضرتك ودة رقم حسابى 91116 انا اللى عاوز اوصلة للشركات ان احنا نعرف نجيب حقنا محدش يضحك علينا فى ناس بيتنصب عليها وبتكست ودة اللى بيخلى الشركات تفعل هذا يكفينى شرف التجربة ياصديقى للبحث عن حقوقى

[ابــ آدم ــو]

مساء الخير
يعنى مبدائيا بقولك حقك اعمل الى يرضيك
شوف ياغالى انا معاهم من 2008
ماشوفتش منهم اى حاجه غير صراحه اوقات الاسبريد يوسع واوقات يحصل على بعض العملات الكروسات رونج تك اسعار خطا

لكن انا سحب وايداع وكلام من ده كله تمام واعرف ناس من الاداره لان حجم التعامل معاهم كويس وانا قديم
سيبك من ده كله
انا رياض كلمته كتير جدا انصدمت صراحه لما قريت اللفظ الى قالهولك
انا عايز اقولك من كتر مابحس انه محترم مابطلبش اكلم حد فى الديلنج غيرو
صراحه انصدمت
وبعيد وبقولك حقك تعمل كل الى انت عايزه لو ده هيريحك
تحياتى ياباشا

[fady_younan]

شكرا ليك صديقى على المرور وانا قدمت شكوى فى رياض المدير بتاعة اتصل بيا قالى الكلمة اللى قالهالك عندنا فى قبرص بنقولها عادى هى دى الناس المحترمة
ربنا مش بيضيع حق حد

[maxjan]

أنا ماتعاملتش مع الشركة دي قبل كدة
وكنت اسمع مجرد سمع مش اكتر انهم كويسين
بس علي العموم
كل واحد فينا تعبان في الفلوس اللي بيتاجر بيها
ومش من حق أي شركة أيا كانت سرقة تعب ومجهود المتداول بأي شكل
لو ليك حق يا باشا خده

[fady_younan]

الشركات اللى بتنصب بتقول العميل فى مكان واحنا فى مكان مش هيعرف يطالب بحقة لكن ميعرفوش انة لا يضيع حق احد طالمة هناك مطالب وربنا يبعدنا عن شركات النصب المتلاعبة

[fady_younan]

ربنا يرجع لى حقى ولا يضيع حق احد طالمة هناك مطالب

[EakaTrading]

تمام عليك يا باشا وانا فاهم قصدك كويس والله يقويك ويكثر من امثالك خليهم عبره لغيرهم من الشركات ومتى الله يفكنا من ها النصابين ويصير فيه شركات عربيه لها مقر حتى الواحد يقدر يتفاهم معاهم صح
ونصيحتي لك لا تجامل احد خذ حقك مهما كلف الامر واتمنى تعطينا طريقه المحامي الدولي وكيف التعامل بيكون معاه وحلوه منك انك ذكرت ها الامور وها الترتيب حتى الواحد اذا صار معاه شي يكون موضوعك مرجع للجميع إن شاء الله وبالتوفيق والله يحقق مرادك إن شاء الله

[fady_younan]

انا هوافيكم باخر المستجدات لاى حد حصل مع مثل هذا التلاعب يقوم باخد اجراءات قانونية مثل ماانا فعلت

[mohamed028]

ان شاء الله تأخذ حقك اخي الكريم و انا معك في رفع الدعوى و رربنا يكثر من امثالك لانه بسبب سكوت أغلب المتداولين عن حقهم و تفويض امرهم لله فقط دون القيام باجراءات قانونية زاد عدد الشركات النصابة و زاد طغيان الشركات و سرقتها للمتجارين ..