طلب عمل اكسبريت لى استراتيجية المتوسطات المتطورة ( استراتيجيه ممتازه بجد )

[elsaden]

السلام عليكم ورحمة الله وبركاته

الشكر كل الشكر لجميع مشرفين والمبرمجين على تعبهم ومجهودهم فى هذا القسم بارك الله فيكم جميعا

بفضل من الله توصلت لاحدى افضل الاستراتيجيات التى عملت بالمتاجره عليها منذ دخولى فى الفوركس .. الاستراتيجيه اسمها استراتيجية المتوسطات المتطورة .. والشكر واجب على شارح هذه الاستراتيجيه الاستاذ ايهاب راغب


حقيقى انا معرفش مين المصمم الحقيقى لاستراتيجيه دى بس جزاه الله كل الخير لانها فعلا مربحه وسهله جدا وان شاء الله تكون خير لجميع الاعضاء

مطلوب من مشرفينا الافاضل عمل اكسبريت للاستراتيجيه دى لانها فعلا صعبه فى التداول اليدوى علشان ننتظر فرصه ليها

مرفق بالموضوع جميع مؤشرات والتمبليت للاستراتيجيه

شرح الاستراتيجيه

وقت العمل للاستراتيجيه : جلسة لندن .. ياعنى من الساعه 8 صباحا الى 4 مساءا بتوقيت جرينتش
الفريم المستخدم : 5 دقائق
العملات المستخدمه : (العملات الرئيسيه ) اليورو دولار_ الدولار ين _ الباوند دولار _ الاسترالى دولار
الهدف : لا يزيد عن 10 نقط
الاستوب : عن نفسى باخد الاستوب 15 نقطه لان فى شرح الاستراتيجيه متكلمش عن الاستوب

الاستراتيجيه تتكون من 3 مؤشرات .. مؤشر kr wt وده علشان يحدد على الشارت جلسة لندن .. ومن جواه تقدر تغيرها على حسب توقيت المنصه بتاعتك (كفاية تعرف ان وقت عمل الاستراتيجيه جلسة لندن )
مؤشر kr sma باعدادات مختلفه وبيظهر على الشارت مؤشرين هنستخدم اعدادات التامبليت زى ما هى
ومؤشر kr st ch وبرده هنستخدم اعادادات التمبليت زى ما هى


الدخول شراء
1 فقط العمل فى وقت جلسة لندن
2 مؤشرين kr sma لازم يكونوا الاثنين لونهم ازرق .. لو واحد لونه ازرق والتانى احمر مبندخلش على اى صفقه
3 اشارة الشراء من مؤشر kr st ch لونها اخضروالدخول بيكون مباشرة مع ظهور اشارة الدخول والتنبيه



الدخول بيع
1 فقط العمل فى وقت جلسة لندن
2 مؤشرين kr sma لازم يكونوا الاثنين لونهم احمر .. لو واحد لونه ازرق والتانى احمر مبندخلش على اى صفقه
3 اشارة البيع من مؤشر kr st ch لونها برتقالى والدخول بيكون مباشرة مع ظهور اشارة الدخول والتنبيه



الاستراتيجيه غاية فى السهوله ومربحه جدا بفضل الله .. بجد اتمنى من مبرجينا فقط الاطلاع عليها والحكم بنفسهم

باختصار شديد فى فترة جلسة لندن بنشوف الخطين لونهم ازرق ولا احمر .. لو الخطين لونهم ازرق يبقى فقط هندخل شراء مع ظهور فرص الشراء ونتجاهل كل فرص البيع لو الخطين الاثنين لونهم احمر يبقى فقط هندخل فرص بيع مع ظهور فرص البيع ونتجاهل كل فرص الشراء .. لو خط لونه احمر والتانى ازرق مبنشتغلش وبندخلش اى صفقه وفقط ننتظر مغاية الاثنين يكونوا بنفس اللون

ساعات بيظهر فرصة بيع مثلا وبعد شويه تظهر فرصة بيع تانيه والفرصه الاولى لسه مبتكونش جابت الهدف او ضربت استوب .. عن نفسى بدخل فى الفرصه الثانيه كمان وبحط برده 10 نقط هدف للفرصه الثانيه وبسيب الفرصه الاولى كمان مفتوحه ( زى ما حصل فى الصوره المرفقه ) .. ممكن مبرمجينا يحطوا اختيار لجعل الاسكربت ميدخلش الا فرصه واحده بس فى نفس الوقت للى يحب الاختيار ده او يتساب عادى للى يحب يشتغل زى ما شرحت

مراقبة اكثر من عمله على فريم ال5 دقايق طوال 8 ساعات فعلا مجهده .. فياريت مشرفينا ومبرمجينا الافاضل يتكرموا بعمل اكسبريت للاستراتيجيه ( والحكم هيكون ليهم ) وان شاء الله تكون اربح استراتيجيه علينا جميعا فى العام الجديد

اى استفسار انا تحت امركم

[elsaden]

اتمنى من الاخوة الكرام التواصل .. واى سؤال انا تحت امركم ... وان شاء الله مع بداية الاسبوع هحط فرص على اكثر من عمله ... بالتوفيق ان شاء الله

[Jmeel]

لاهو متوسطات حديثه ولا غيره هو مؤشر BBandStop ومسحوب مرتين على الشارت في كل مرة بأعدادت مختلفة ، تفضل الأكسبيرت وفضلا ارفع هنا الأعدادات والنتائج التي تراها ناجحة .

[amazing]

مش بيفتح و لا صفقه عملت له بكتيست

[Jmeel]

جرب باك تست على فريم الدقيقة وتأكد من وجود المؤشر على المنصة

[elsaden]

لاهو متوسطات حديثه ولا غيره هو مؤشر BBandStop ومسحوب مرتين على الشارت في كل مرة بأعدادت مختلفة ، تفضل الأكسبيرت وفضلا ارفع هنا الأعدادات والنتائج التي تراها ناجحة .

الشكر موصول لاستاذى الكريم جميل على جهده و سرعه اجابته
الاستراتيجيه منقوله من فيديو على اليوتيوب وانا فقط نقلتها وان كان الذى شرح الاستراتيجيه اخطأ فى تسميتها فانا فقط ناقل فعذرا على اى خطأ غير مقصود
اما بخصوص الاكسبريت
الاكسبريت يفتح صفقات طوال اليوم استاذ جميل وهذا عكس تماما الشرح الذى قمت به
ياريت حضرتك تضيف اختيار لوقت عمل الاكسبريت .. لانى فقط عاوز الاكسبريت يعمل فى جلسة لندن مش طول اليوم

وشرح تانى للاكسبريت .. مؤشر kr sma هو فعلا مؤشر واحد بس مسحوب مرتين علشان كده ظاهر خطين باعدادت مختلفه .. لازم الخطين يكونوا نفس اللون علشان الاكسبريت يشتغل .. لو لونهم الاثنين احمر يبقى فقط الاكسبريت هيفتح صفقات بيع الى داخل جلسة لندن ... ولو الخطين الاثنين لونهم ازرق يبقى فقط هيفتح صفقات شراء ويتجاهل اى فرص بيع تظهر

الدخول بيكون عن طريق مؤشر kr st ch ... فورا متى تظهر الاشاره .. طبعا فقط الاشاره المتوافقه مع مؤشر kr sma
منتظر رد حضرتك

[Jmeel]

المؤشر غير ثابت وارفقت لك صورة وتم اضافته وتستطيع ايقافه فالس ترو وكذلك تم اضافة التوقيت وتم اضافة ايقاف التكرار لنفس الأتجاه فالس ترو .

[elsaden]

الف شكر استاذ جميل .. جارى تجربة الاكسبريت

[elsaden]

الاكسبريت يعمل الان بالباك تيست بالظبط كما بشرح الاستراتيجه الف الف شكر استاذ جميل .... فقط الباك تيست بطىء جدا جدا .. ولا اعرف السبب فى ذلك وده هيصعب جدا اختباره لتحديد افضل اعدادات .. مشعارف المشكله دى عندى انا فقط ولا عند الجميع .. هل هناك حل استاذ جميل لجعل الاكسبريت اسرع فى الباك تيست لانه بطىء جدا الان ... والف شطر مره تانيه وجزاك الله كل الخير

[Jmeel]

المؤشرات بطيئة ولهذا الأكسبيرت بطئ .

[elsaden]

تحياتى ليك استاذ جميل .. واسف جدا على ازعاج حضرتك .. بس ملاحظه على الاكسبريت

الاكسبريت لا يفتح صفقه جديده الا بعد ان تغلق الصفقه الحاليه على مكسب او خساره فهل ممكن جعله يفتح اكثر من صفقه فى نفس الوقت متى ظهرت اشارة جديده .. ياعنى لو الاتجاه شراءوظهرت فرصة شراء صحيحه ودخل الاكسبريت فيها ثم ظهرت فرصه شراء اخرى ولسه الفرصه الاولى مجبتش الهدف او ضربت استوب يدخل برده فى الصفقه الجديده شراء طالما ظهرت اشاره جديده وهكذا ؟؟؟ويحطلها استوب وتارجيت برده وهكذا وكل صفقه تقفل على التارجيت الخاص بيها او تضرب استوب برده الخاص بيها ..هل ممكن حضرتك ؟؟؟
واخر طلب وانا اسف والله .. هل ممكن اضافة خيار اداره الحساب .. ياعنى يتحدد اللوات على اساس نسبة المخاطره من قيمة الحساب
والف الف الف شكر لحضرتك استاذ جميل .. وان شاء الله هشغل الاكسبريت على حساب واشارك الجميع بافضل النتائج لان الباك تيست فعلا صعب جدا يتنفذ عندى
منتظر الرد من حضرتك

[mdsalman]

السلام عليكم ورحمة الله وبركاته

يا اخوان انا نزلت الاكسبيرت الاول مع المؤشرات وطلع عندي المؤشرات تختلف لاكن الاكسبيرت اشتغل ولاحظت انه يدخل الصفقات قبل ثبات اشارة السهم اذا ممكن اخي جميل تخلية يدخل عند ثبات السهم شوف الشارتات دخل شراء بدون اشارة الشراء لانها ماثبتت



وهذا شارت ثاني نفس المشكلة

[Jmeel]

السلام عليكم ورحمة الله وبركاته

يا اخوان انا نزلت الاكسبيرت الاول مع المؤشرات وطلع عندي المؤشرات تختلف لاكن الاكسبيرت اشتغل ولاحظت انه يدخل الصفقات قبل ثبات اشارة السهم اذا ممكن اخي جميل تخلية يدخل عند ثبات السهم شوف الشارتات دخل شراء بدون اشارة الشراء لانها ماثبتت



وهذا شارت ثاني نفس المشكلة

استخدم التمبلت الذي ارفقه صاحب الموضوع في طلبه وفيه الأعدادات المطابقة للأكسبيرت .

[Jmeel]

تحياتى ليك استاذ جميل .. واسف جدا على ازعاج حضرتك .. بس ملاحظه على الاكسبريت

الاكسبريت لا يفتح صفقه جديده الا بعد ان تغلق الصفقه الحاليه على مكسب او خساره فهل ممكن جعله يفتح اكثر من صفقه فى نفس الوقت متى ظهرت اشارة جديده .. ياعنى لو الاتجاه شراءوظهرت فرصة شراء صحيحه ودخل الاكسبريت فيها ثم ظهرت فرصه شراء اخرى ولسه الفرصه الاولى مجبتش الهدف او ضربت استوب يدخل برده فى الصفقه الجديده شراء طالما ظهرت اشاره جديده وهكذا ؟؟؟ويحطلها استوب وتارجيت برده وهكذا وكل صفقه تقفل على التارجيت الخاص بيها او تضرب استوب برده الخاص بيها ..هل ممكن حضرتك ؟؟؟
واخر طلب وانا اسف والله .. هل ممكن اضافة خيار اداره الحساب .. ياعنى يتحدد اللوات على اساس نسبة المخاطره من قيمة الحساب
والف الف الف شكر لحضرتك استاذ جميل .. وان شاء الله هشغل الاكسبريت على حساب واشارك الجميع بافضل النتائج لان الباك تيست فعلا صعب جدا يتنفذ عندى
منتظر الرد من حضرتك

طالما آخر طلب ، تفضل تم اضافة خيار لتكرار الصفقات أو وقف التكرار ، تم اضافة اللوت مع رأس المال .

[elsaden]

طالما آخر طلب ، تفضل تم اضافة خيار لتكرار الصفقات أو وقف التكرار ، تم اضافة اللوت مع رأس المال .

والله استاذ جميل بجد مشعارف اشكر حضرتك ازاى .. احيانا لما الانسان يأسرك بخدماته تعجز كلمات الشكر .. يكفى دعاء بظاهر الغيب لك ولاهلك ولاحبائك جميعا .. جعله الله فى ميزان حسناتك .. وجزاك الله كل الخير