ورشة استراتيجية محتار

[Blitzkrieg]

الورشة دى للمهتمين باستراتيجية محتار والمبتدئين مثلى اللى بيحاولوا يتعلموها
اما عن تجربتى لهذه الاستراتيجية انا كنت جربتها فى شهر 6 او 7 مش فاكر
وحققت فى اول اسبوعين 720 نقطة بس بعد كده الدنيا اتعكت منى بسبب بعض الاخطاء وتركتها فترة
وعموما انا قررت ارجع لها واحاول اشوف اذا كانت فعلا استراتيجية تستحق الاهتمام
حاولت اتواصل مع الاستاذ محتار بس مش عارف اوصله
قررت افتح الورشة دى لنفسى قبل اى حد عشان اجبر نفسى على الشغل والتعلم لانى كسلان
وربنا يستر والورشة تنجح
-------
عموما رابط الاستراتيجية:
https://forum.arabictrader.com/t33190.html#post405328

وده كتاب مجمع:
https://forum.arabictrader.com/uploaded/dros_m7tar.rar
------------
فيه بعض الاشياء اللى انا غيرتها لان طبعا الواحد عشان يرسم خطوط ويقعد يلون كل خط هيبقى مجهود كبير وكل زوج هيستغرق تحليله وقت كبير فمابالك ب10 او 15 زوج
عشان كده انا برسم الفايبو على جميع الفريمات باللون الابيض - والدعوم والمقاومات كلها باللون الاحمر - والترندات كلها باللون الابيض عدا الدايلى بخليه اورانج للتمييز فقط وعموما كل واحد على حسب اللى يريحه
واللى بيعجبنى في الاستراتيجية هو امكانية الاعتماد على الاوامر المعلقة
عشان كده هعمل على تحليل الازواج يوم السبت او الاحد قبل افتتاح السوق وارفاق الصور للمناقشة والمتابعة وربنا يسهل
يتبقى فى النهاية بعض الاقتباسات الهامة والتساؤلات التى تعترينى هرفقها فى المشاركة القادمة لكى تكون الامور واضحة
فيه جزء تانى من تلك الاستراتيجية ولكن تركيزى الان على الجزء الاول
والله الموفق والمستعان

[Blitzkrieg]

اقتباسات هامة:

تنويه:الاستوب يتم وضعه عند اقرب قاع او قمة للسعر ولا يشترط ان يكون القمة او القاع الاخير (الاقرب وليس الاخير)

المتاجره على حسب الطريقه تعتمد بشكل اكبر على خطوط الاتجاه

ومستويات الدعم والمقاومه هي للاطمئنان اكثر للدخول

يعني اذا وجد ترند + مستويات مقاومه او دعم = الدخول يكون اكثر امان

لكن ان وجد ترند لحاله ايضا راح ندخل

لكن ماندخل بعمليه بيع او شراء من عند مقاومه او دعم الا بوجود خط اتجاه او ترند لاين

يعني الاهميه للترند وبعدها تجي اهميه الدعم والمقاومه

خلنا ناخذ مثال على زوج الدولار ين

ردا على سؤال بخصوص تحريك الاستوب:

تتبع الاستوب يكون بفتره زمنيه اقل

يعني التحليل الاسوعي تتبع الاستوب يكون على اليومي

التحليل على اليومي تتبيع الاستوب على الاربع ساعات

التحليل على الاربع ساعات تتبع الاستوب على الساعه



لكن علشان نحل هالمسأله يفضل اذا كان مكان الاستوب بعيد جداًمثلا على اليومي نبحث عن مستوى قريب على الاربع ساعات (لكن الاهم يكون مستوى ستوب واضح قمه او قاع واضحيين على شارت الاربع ساعات)

لقائنا غدا او يوم الاحد انشاء الله

[رانيا وجدي]

ورشة موفقة ان شاء الله

واسمح لي ان اسجل متابعة معك

تحياتي وتقديري

[Blitzkrieg]

ورشة موفقة ان شاء الله

واسمح لي ان اسجل متابعة معك

تحياتي وتقديري

تنورى الموضوع استاذتنا

[Blitzkrieg]

انا قررت انى ارفق الشارت بالفرص عيطول اختصارا للوقت لان صعب ان الواحد يمسك كل زوج يكتب له خطوات التحليل - اما فى حالة الخلاف او الجدال حين اذن يبقى كل واحد (اذا فيه حد يعنى) يرفق التحليل بالتفصيل للتناقش
بس حاليا وبما ان دى اول مشاركة عملية فى الورشة فانا هحلل زوج usd/chf خطوة بخطوة كما فى طريقة محتار وقد يتخلل شرحى بعض التساؤلات اللى ربما يجيب عليها من لديه الخبرة فى هذه الطريقة
نبدء بالتحليل:
1-نفتح فريم الويكلى ونرسم الترند باللون الابيض

2-نفتح فريم الدايلى ونرسم الترند باللون الاورانج

3-نفتح فريم الاربع ساعات ونرسم الترند باللون الابيض (فى الحقيقة لقيت كذا ترند فرسمتهم)

4-تحديد مستويات الدعم والمقاومة على الويكلى والدايلى (صراحة الى الان مش عارف اذا كان الاستاذ محتار كان قاصد جميع الدعوم والمقاومات ولا الدعوم والمقاومات الحديثة او الذى مازال يحترمها السعر ولكن اعتقد من قرائتى لمواضيعه انه يقصد جميع المستويات سواء الجديدة او المستهلكة)

5-رسم الفايبوناتشى على جميع الموجات الهابطة على الويكلى
1-موجة اولى

2-موجة ثانية

3-زوم اوت للبحث عن موجة اكبر ورسمها

6-نذهب للرسم الفايبو على اخر موجة متكونة على الدايلى (باللون الاخضر)

وبكده نكون انتهينا ونقدر نشوف اذا كان فيه فرصة
1-دى ممكن تكون منطقة كويسة للدخول من فريم الدايلى ترند هابط+50 فيبو+مقاومة

2-على حسب كلام الاستاذ محتار ان ممكن الدخول من الترند فقط (راجع الاقتباسات المشاركة 2) فممكن نحتسب دى فرصة على الاربع ساعات

[Blitzkrieg]

الملف المرفق 394067

[Blitzkrieg]

اخر اليوم هنزل الازواج اللى انا ناوى اتابعها وشايف عليها فرص اما السوق يفتح

[Blitzkrieg]

usd/chf - GBP/USD - EUR/USD-USD/CAD-AUD/USD-EUR/GBP - EUR/CHF - AUD/CAD - EUR/NZD - CAD/CHF
نتابع الازواج دى ولو فيه فرص هرفقها بالصور

[Blitzkrieg]

نستعرض بعض الفرص ثم نضع التفاصيل:
1-زوج ال usd/chf فيه فرصتين الاولى مع ترندات الاربع ساعات انا قررت ادخل فيها مع انه لايوجد مستوى فيبو او مقاومة بس ادينا بنجرب طريقة محتار

والفرصة التانية على الديلى ترند هابط+مستوى 50 فيبو + مقاومة


2-زوج usd/cad
نراقبه على الاربع ساعات لوجود ترند صاعد ومستويات فيبو ودعم لو حصل والسعر نزل للمستويات دى ندخل شراء


3-زوج aud/usd
عندنا ترند هابط 4 ساعات + مقاومة


4-زوج eur/gbp
على فريم الدايلى ترند هابط + مستويات فيبو


5-زوج aud/nzd
ترند هابط 4 ساعات + مقاومة


6-زوج aud/cad
ترند هابط 4 ساعات ومستوى 60 فيبو


7-زوج eur/nzd
ترند صاعد 4 ساعات ومستويات فيبو ومستوى دعم


8-زوج cad/chf
ترند هابط 4 ساعات ومستويات فيبو

--------
طبعا فيه فرص تانية ولكن السعر بعيد عنها هتبقى العين عليها فى حالة وصول السعر اليها
واما اقول ترند هابط يبقى بيع وصاعد يبقى شراء

[Blitzkrieg]

الاوامر المعلقة اللى انا وضعتها على الازواج

بالنسبة للدخول فانا وضعت اوامر الدخول عند اقرب مستوى دعم او فيبو للترند وطبعا الاستوب عند اقرب قمة او قاع للسعر والهدف ضعف الاستوب
فىى المشاركة القادمة هدى شوية امثلة

[Blitzkrieg]

امثلة على تحديد الاستوب




وربنا يسهل