معلومات هامة يجب أن تعرفها عن استخدام الفيبوناتشي

[عاصم منصور]

اهم حاجة في استخدام فيبوناتشي هو انك ترسمه صح عشان هيعمل اشارات غلط على اساسها هتدخل صفقات غلط، خلينا نشوف ازاي نقدر نستفاد من فيبوناتشي ونتجنب الوقوع في الاخطاء المنتشرة

1- متلخبطش نقط رسم فيوبناتشي وانت بترسمه، يعني دايمًا وانت بترسمه خلي نقاط الرسم واحدة مثلُا من أعلى سعر وصله الزوج لحد أدنى سعر للزوج ومش الاغلاق (ظل الشمعة)، ارسم لأعلى ظل ولأدنى ظل للشمعة لو كان الاتجاه هابط والعكس صحيح، عشان ساعات بيدينا اشارات غلط لما بنرسم من جسم الشمعة ومش الظل، في الصورة ديه السعر احترم مستوى المقاومة عند 50% عشان مرسوم صح (من أعلى ظل الشمعة 1.0578 حتى أدنى ظل للشمعة 0.8848 AUD/USD, Daily)

لكن في الصورة اللي تحت ديه شايفين ان السعر محترمش مستوى المقاومة عشان مرسوم من جسم الشمعة بفرق 10 نقاط عشان كده هنشوف اختراق الشموع لمستويات فيبوناتشي وممكن ندخل شراء على اساس كده وهو بالعكس ارتد منها

2 – المفروض نحدد الاتجاه العام على الإطار الزمني الطويل ومش الانترا داي بس، يعني ممكن تكون شايف الاتجاه هابط على الاربع ساعات أو الساعة وترسم عليه فيبوناتشي ولكن لو شوفت على الديلي تلاقيه صاعد، عشان كده المفروض تحدد نقاط دخول الشراء ومش البيع، خليك مع الاتجاه العام

3- متعتمدش على فيبوناتشي بس، عشان انت محتاج حاجة تأكد الاشارات ديه فممكن تستخدم مؤشر MACD أو Stochastic أو Moving Averageعشان تتأكد من الاشارات. ويفضل ملاحظة الشموع اليابانية.
4- ميفضلش استخدام فيوبناتشي على الإطار الزمني الصغير زي السكالبنج كده عشان بيبقى في تقلبات كبيرة في السوق وعشان كده الاشارات هتبقى مش واضحة عشان كده خليك في الإطار الزمني الأطول

ملاحظة: اللي عايز يضيف السعر على مستويات فيبوناتشي يتبع الآتي:
نقوم بتحديد خاصية فيبو بروبيرتز لمؤشر الفيبوناتشى < تظهر لنا مستويات الفيبو < تضيف $%بجوار كل رقم < ثم الضغط على زرار المسافات عشان النسب تبقى زي كده ( 61 $%)

في حاجة مهمة اسمها كلستر وهو تجمع عدة مستويات عند مستوى معين عند مستويات فيبوناتشي يعني لـو السعر كان اتجاهه صاعد وواجه عند مستوى 50% هيمثل مقاومة بس هل سيخترقها ولا هيرتد منها؟ عشان نقدر نحدد ده نشوف كده أدنى مستوى له خلال حطينا موفنج 200 ومؤشر ستوكاستك عند منطقة التشبع الشرائي كمان ممكن يكون مستوى مقاومة قوي كل ده يبين ان المستوى ده قوي جدًا فالسعر ممكن يرتد منه للهبوط.

[Gaith Bajbouj]

معلومات قمية فعلا

والفايبو من الادوات الضرورية لكل متاجر

بالمرفقات مؤشر مستويات الفايبو القوية للاخ تركم مؤشر لا استغني عنه ابدا على الشارت

تحياتي لك

[عاصم منصور]

شكرا ليك هنزل المؤشر، تقبل تحياتي

[عاصم منصور]

افتح الشارت وتعالى على اخر شمعتين، الشمعة الأولى هتكون ثابتة عشان أغلقت والتانية هتكون لسه بتتكون
ارسم على الشمعة الثابتة إسقاط فيبوناتشي من أعلى لأسفل يعني من الظل العلوي حتى الظل السفلي للشمعة وكه هنتوقع سعر إغلاق الشمعة الجديدة إذا اتجه السعر نحو الهبوط هتظهر لك 3 أهداف
في الصورة ديه بعد ما رسمنا اسقاط فيبوناتشي من من الظل العلوي للظل السفلي ظهر لنا ثلاث مستويات لفيبوناتشي وممكن الشمعة تغلق عند المستوى 100.0 أو 161.8 وهو الدعم الأبعد للشمعة

ونرسم أيضًا على نفس الشمعة اسقاط فيبوناتشي من آخر الظل السفلي للشمعة حتى أعلى الظل العلوي للشمعة لتوقع سعر إغلاق الشمعة الجديدة إذا اتجهت نحو الصعود

نيجي بقى لتحقيق الربح: المستوى 100% هو الهدف للـ 10 نقاط لـو رسمت اسقاط فيبوناتشي نحو الصعود ضع امر شراء تحت المستوى 100% بعشر نقاط وخد الهدف عند المستوى 100%
و لـو رسمت نحو الهبوط ضع أمر بيع فوق المستوى 100% بـ 10 نقاط وخد هدفك عند المستوى 100%.

[عاصم منصور]

ملاحظة: يفضل استخدام مؤشر الزجزاج لتحديد أعلى قمة وأسفل قاع، وهذا مؤشر لرسم الفيبوناتشي اوتوماتيكيًا في الملفات المرفقة

[hady]

ما شاء الله أستاذ / عاصم موضوع رائع

[hady]

معلومات قمية فعلا

والفايبو من الادوات الضرورية لكل متاجر

بالمرفقات مؤشر مستويات الفايبو القوية للاخ تركم مؤشر لا استغني عنه ابدا على الشارت

تحياتي لك

مرحبا أخ غيث وياريت بعد إذنك تشرح لنا طريقة إستخدامك لمؤشر الأخ تركم

[عاصم منصور]

شكرا يا اخ هادي

ما شاء الله أستاذ / عاصم موضوع رائع

[سلمان2003]

شكرالله لك وغفر لك ولوالديك

[عاصم منصور]

شكرا لك يا سلمان جزالك الله خيرا

[عاصم منصور]

مؤشر لرسم فيبوناتشي مع تحديد الاتجاه

[hady]

معلومات قمية فعلا

والفايبو من الادوات الضرورية لكل متاجر

بالمرفقات مؤشر مستويات الفايبو القوية للاخ تركم مؤشر لا استغني عنه ابدا على الشارت

تحياتي لك

مرحبا أخ غيث وياريت بعد إذنك تشرح لنا طريقة إستخدامك لمؤشر الأخ تركم

[turkm]

مرحبا أخ غيث وياريت بعد إذنك تشرح لنا طريقة إستخدامك لمؤشر الأخ تركم

عفوا أخي عاصم

حجاوب الأخ هادي

أخي الكريم بالمرفقات النسخة المطورة عن المؤشر

وفي الزاوية اليسرى العليا حتشوف رقم انا وضعت حوله مربع أزرق عشان تميزو

الآن عندما يصل السعر لاي مستوى وعلى اي فريم (طبعا هاد الرقم بتغير من فريم لفريم) شوف هل تم الاغلاق تحت ام فوق المستوى الذي وصله السعر مع الانتباه انك لازم تضيف أو تنقص قيمة الرقم السابق الى قيمة المستوى مثال:

الآن السعر وصل أحد المستويات صاعدا من الاسفل للأعلى الان تنتظر حتى يتم الاغلاق اعلى او ادنى المستوى ولنفرض انه أغلق فوق المستوى الان تحسب كم قيمة هذا المستوى عند الشمعة التي أغلقت فوقه ثم تضيف عليه الرقم الذي في الزاوية فاذا كانت قيمة الإغلاق أعلى من نتيجة (قيمة المستوي + الرقم السابق) إذا باذن الله الأتجاه سيتابع لاعلى

والعكس في الاتجاه الهابط فتقوم بطرح الرقم السابق من قيمة المستوى

تنبيه هذا مؤشر كأغلب المؤشرات لا يعتمد عليه بشكل مطلق وأنما أداة إضافية لتساعدك في إتخاذ قرارك ولاتنسى قوة التوافق مابين الفريمات ولا أنصح أبدا أبدا بالمتاجرة على الزوج عند تداول السعر عند الحد العلوي أو السفلي لقناة الديلي

هذه طريقتي وربما للأخ الحبيب غيث طريقة أخرى

[عاصم منصور]

طريقة جيدة وشكرا على التوضيح، جزاك الله خيرًا

[turkm]

طريقة جيدة وشكرا على التوضيح، جزاك الله خيرًا

أهلا فيك أخي عاصم