تأثير أخبار هذا الاسبوع !!!!

[حسن السيد]

نقطه مهمه جدا فى اول ايام الاسبوع القادم

تريشيه هيتكلم وطبعا هوكيش زى العاده

بعديه برنانكى الساعه 6 فى اجتماع محافظى البنوك اعتقد انه هيهدى السوق

وبعدين ويليام بول وجانيت يلين والاتنين دول بالذات من مناصرى خفض الفايده ونظرتهم تشاؤميه تجاه مستقبل الاقتصاد

طبعا مش صدفه ابدا ان الكل تقريبا خطاباتهم هتكون داعمه لبعض
عكس اللى شفناه الاسبوع اللى فات لما طلع ويليام بول وقال ان الفايده عاليه اوى والاقتصاد متباطىء جدا
طلع بعديه موسكو الرهيب بخمس دقايق وقال لابد من رفع اخر للفايده وطبعا كلام موسكو اقوى من كلام ويايام بول
لان موسكو زى مقلنا ( من الصقور) صاحب صوت فى قرار الفايده
أما ويليام بول فهو غير مصوت ( كتكوت )
نسأل انفسنا هل هى صدفه لهذا الكم المتتابع من الخطابات المتتاليه اللى هتكون والله اعلم مكمله لبعض
ولا عايزين يهدو السوق شويا !!!!!
ده غير اسعار المستهلكين الشهريه يوم الاربعاء
متوقع انها تنزل الى -3.% بفعل انخفاض اسعار البنزين وكمان اسعار المنتجين للمدخلات
يوم الثلاثاء
يبقى الاهم وهى اسعار المستهلكين بالقيمه النواتيه المتوقع ان تبقى على ماهى
اى زياده فيها ستكون قوة دفع خارقه
اضافيه للدولار
واى انخفاض فى القيمه النواتيه هيخلى كل اللى حصل الاسبوع اللى فات واللى قبله يطلع على مفيش !!!!!
نيجى بقى للباوند
لديه اهم خبر هذا الاسبوع وهو مؤشر اسعار المستهلكين المتوقع ان ينخفض الى .1.%
بعد ارتفاعه الى 4.% ولو ده حصل الباوند هيتبهدل لوحده اكتر ماهو متبهدل بصرف النظر عن قوة الدولار من ضعفه
أما لو خابت التوقعات وشهدنا ارتفاع لاسعار المستهلكين البريطانيه ساعتها الباوند سيحلق عاليا ويقول مين يحصلنى
زى محصل المره اللى فاتت بعد ارتفاع الى 4.% الشهر اللى فات وطلع ساعتها الى 1.9070
بالتوفيق للجميع
أخوكم د/حسن السيد

[ابوتركي الثبيتي]

يعطيك العافيه عمي حسن

ومشكور على هذا المجهود الجبار

وفقك الله

[حسن السيد]

Gold May Gain as Pause in Rate Increases by Fed Erodes Value of the Dollar
Oct. 15 (Bloomberg) -- Gold may rally for a second straight week on speculation a slowing U.S. economy will prevent the Federal Reserve from raising interest rates anytime soon, eroding the value of the dollar. 10/15/2006 11:30 AM
ده بردو تقرير مهم خرج من بلومبرج من شويا
بالتوفيق للجميع

[ayman_tamim]

جزاك الله خيرا كثيرا على التحليل

[يورو2006]

رائع اخى حسن
وفقكم الله

[صيدالخاطر]

جزاك الله خيرا يا دكتور حسن

[Lion]

الله يعطيك العافية يادكتورنا ..

[hadi75m]

اللهم اجعل كل ما يكتبه اخونا الدكتور / حسن فى ميزان حسناته

[يورو2006]

اللهم اجعل كل ما يكتبه اخونا الدكتور / حسن فى ميزان حسناته

امين يارب العالمين

[حسن السيد]

Gold May Gain as Pause in Rate Increases by Fed Erodes Value of the Dollar
Oct. 15 (Bloomberg) -- Gold may rally for a second straight week on speculation a slowing U.S. economy will prevent the Federal Reserve from raising interest rates anytime soon, eroding the value of the dollar. 10/15/2006 11:30 AM
ده بردو تقرير مهم خرج من بلومبرج من شويا
بالتوفيق للجميع

نلاحظ افتتاح الذهب فى سوق
نيوزلندا واستراليا على الشارت المرفق
يظهر ان تقارير بلومبرج فى بداية السوق بتاثر اوى على النفسيه
بدليل تقاريرها بداية الاسبوع الماضى قبل بدء التداولات
عن احتمالية ان تؤدى نتائج التوظيف الاستراليه الى قوة ملحوظه للدولار الاسترالى وبالفعل حدث ذلك فى الاسبوع المنصرم
بالتوفيق

[احمد]

يعنى ممكن نستغل التقارير القويه للقناه دى ونضارب على فجوات الافتتاح للاسواق او على الاقل الحركة القويه للسعر بعد هذة التقارير مادام اظهرت تأثيرا قويا على حركة الاسعار ؟؟؟

[المشارك]

دكتور حسن تقبل خالص تقديري لسيادتكم .. ألف شكر على الموضوع والتنويه

خالص تحياتي

[حسن السيد]

يعنى ممكن نستغل التقارير القويه للقناه دى ونضارب على فجوات الافتتاح للاسواق او على الاقل الحركة القويه للسعر بعد هذة التقارير مادام اظهرت تأثيرا قويا على حركة الاسعار ؟؟؟

التقارير هى مجرد انك تكون
فى الصوره وفاهم ايه اللى ممكن يحصل فى المستقبل
اضافه الى نظرتك الشخصيه واقتناعك بتلك التقارير ومدى منطقيتها من عدمه
لان بلومبرج من اشهر القنوات الاقتصاديه ومسموعه ومرئيه على جميع انحاء العالم
ومتوصلش لدرجة الاخذ بها حرفيا لان فى كثير من الاحيان النتيجه تكون عكسيه للتقارير ومش دايما
بتكون مظبوطه
ولكن الباقى عليك انت تقارنها مع المعطيات الفنيه الاخرى وتشبكهم فى بعض الى ان تصل الى خلاصه انت مقتنع بها فنيا واساسيا
بالتوفيق اخى الكريم

[islamanas]

ماشاء الله عليك يا دكتور
حاضر دائما وممتع فى ردودك ومفسر لكل غموض
جزاك الله عنا خير الجزاء

[حسن السيد]

قرار بنك روسيا المركزى اضافة العمله اليابانيه الى سلة عملات احتياطى النقد الاجنبى الروسى !!!
كان له اثر ملحوظ اليوم فى قوة الين اليابانى
امام الدولار واليورو
ولااعتقد انها ستدوم طويلا
بالتوفيق للجميع