النتائج 1 إلى 1 من 1
الموضوع: وصية خروف.....!!
- 14-10-2013, 08:35 AM #1
وصية خروف.....!!
وصية خروف.....!!
مكتوب علينا نندبح و ف كل عام
و مين اللى يهرب م القدر ف الدنيا مين
عايشين قطيع دايما نتوه وسط الزحام
و اخدنا ايه م المأمأة اخرتها طين
مربوط ف حبل و فجأة بسمع تكبيرات
فجأة افتكر ف اللحظة دى جدى اللى مات
فاضل دقايق ع اللى مكتوب ع الجبين
ف اكل اوى و اشرب اوى و ارضى بمصيرى
من سكات
تتلم ناس م الحبل فجأة بيسحبونى
و مع انى عارف انهم هيموتونى
لحظة ما احس انى البطل وسط الجموع
و اول ما الاقى الف عين باصة لعيونى
بعمل كأنى مش هامننى رغم خوفى
و اهو كل عام و انتم بخير يلا ادبحونى