من اشهر الاطباق علي السفره المصريه في عيد الاضحي هو طبق الفته

اضغط على الصورة لعرض أكبر الاســـم: 1391564_543844279016929_1362453401_n.jpg المشاهدات: 50 الحجـــم: 47.1 كيلوبايت الرقم: 386988

الفته بالخل والثوم بالموزه :


كيلو من لحم الموزه
٢ كوب ارز مصري
٢ خبز مصري
زيت لتحميص الخبز
سمن
٥ طماطم
معلقتين صلصه
بصله
ملح وفلفل
نصف كوب خل
٤ فصوص ثوم


اللحم الموزة تتبل بملح وفلفل وبصله مبشورة وطماطم مبشورة وبهارات وقرفه و معلقة صغيرة خل و نتركها في التتبيله ساعتين ثم نشوحها في معلقه كبيره من الزبدة ونضعها في صينة مع نصف كوب ماء وتغطي بفويل وندخلها الفرن ساعه حتي تنضج ثم نرفع الفويل ونفتح الشوايه لتتحمر ثم نشعل قطعه من الفحم ونضعها للموزة مع معلقه زيت وتغطي بالفويل وتترك حتي وقت التقديم

الفته :

نقطع خبز بلدي مصري ونرش عليه زيت زيتون وندخله الفرن يتحمص

للارز (في حله نضع معلقة سمنه ونشوح فيها كوبين الارز ثم نضع عليه كوبين ونصف من الشوربه و نتركه حتي ينضج تقريبا نصف ساعه )

الصلصه ( نشوح بصله مفرومه ناعم وعليها فص توم مهروس وعصير الطماطم والصلصه وملح وفلفل ومكعب ماجي )

التومه ( نشوح 4 فصوص توم مفرومين في معلقة زبدة وعليهم معلقتين خل كبار وكوب شوربه )

في طبق التقديم نرص الخبز المحمص وعليه رشه من الصلصه والتومه و قليل من الشوربه وعليهم الرز الابيض وقليل من صلصه و اخيرا نضع الموزة علي الوجه وعليها التومه