ماريجوانا ...

[forex angel]

جرب وقوللي حتزبط ولا هي صدفه حصلت معايا




الله انتا ايه اللي جابك هنا وايه ده اللي معاك
- جرب اللي معايا وبص اقولك اصل انا جيت هنا افكر ازاي اشتغل الزفت الفوركس ده من غير وجع دماغ وتحليل
- ازاي .. انتا بعظمة لسانك قلت انها وجع دماغ واهم حاجه التحليل
- اه صحيح انا قلت .. بس بفكر بنهفه تانيه
- ايه النهفه دي .. الله ده جامد اوي
- فاضي تسمع
- خلاااص انا فضيت .. ادهشنا
- في عنا بالفوركس سلتين عملات الاولى بتحتوي على عمله واحده وهي الدولار والتانيه بتحتوي ع العملات الباقيه اللي حضرتك حافظهم متل اسمك
- باين عليك رايق و اديك مزبطها عروس وحتعقد تفتي وتتفلسف
- لا ياعم .. بص انا حشتغل على قوة العمله
- ازاي يعني ... حتعمل بطولات للعمله
- هي كده .. حعمل بطوله للعمله والعمله القويه حشتريها والضعيفه ح بيعها
- اها .. دي معروفه يا ابني تشتري الدولار لما يكون قوي يعني ما يكون ليه اخبار اقتصاديه ايجابيه وتبيع والعمله المقابله ...
- شفت انك متسرع ومش حتفهم حاجه من مره بمخك التقيل ده .. هات دي وقوم من جمبي
- طيب ياعم البطيء .. خد دي وفهمني حبه حبه
- انا مش حبيع ولا اشتري الدولار .. دي عملة كفار يا بني
- حتبيع يورو وتشتري فجل مثلا ..
- لا انا حبيع واشتري من السله التانيه
- اها كروس يعني
- اسم الله عليك كروس يعني ..
- طيب ازاي حتعرف العمله القويه من الضعيفه بدون تحليل
- انا اقولك .. شد نفسين وفتح حبتين
نفتح كل تشارتات العمله المقابله للدولار بالسله المقابله ونشوف اني عمله كسبت اكتر عدد من النقاط قدام الدولار ونشوف اني عمله خسرت اكبر عدد من النقاط قدام الدولار .. وبكده نقدر نعرف العمله القويه من العمله الضعيفه

- ده صنف عالي قوي ..
- ركز معايا وسيبك من الصنف .. كده انا قدرت احصر قوة عمله وضعف عمله وناخد مثل اليورو نيوزلندي ..
نقول انه اليورو بالفتره الاسيويه خسر 40 نقطه و النيوزلندي كسب 20 وكانو دول اقوى واضعف عمله اروح انا افتح شارت اليورو نيوزلندي وابص عليه واستنى الفرصه لتيجي لحد عندي ...
- لا ناصح انتا ودماغك المتربنه .. ما انتا كده كده حللت ورجعت للتعب بتاعك
- لا انا كده اتعبت بتحليل بسيط ( لاني حبقى عبيط لو مدخلت الصفقه بدون تحليل ) بس اخدت فرصه كامله والفرصه الكامله حاخد بيها نقاط كتير بعقد كبير
- ماشي ياعم الحكايه دي متجربه
- بص انا جربتهاونجحت معايا بس قلت اكيد في حد فكر بيها لاني لوقلت غير كده حبقى عبيط
- ليك عندي حل ميخرش الميه
- حل ايه ياعم دي الحلول اللي بايدك خلصت
- انا بقول متاخد رأي الشباب دول صحابك بتوع المتداول العربي
- دي فكره هايله .. في نت ع موبايلك
- اهو ومشحون جيجا قبل شويه
- اديني الزفت ده ادخل النت
- اديني الحته اللي معاك وخود الموبايل بالجيجا اللي فيه
- امسك
- تفضل

[kamildamer]

اللة على المواهب . الفترة الاسيوية هي مالفت نظري وهي اساس فكرتك وانا اعمل حاليا على تطوير طريقة لاستخلاص الدعم والمقاومة من الفترة الاسيوية. السوق باعتقادي يرسم طريقة خلال العشرة ساعات الاسيوية كل يوم.

[ozoon]

the power of Currencies

33th

[EakaTrading]

ممكن تعطيني الحته الي في ايدك يا باشا ههههههههههههههههههه

[فوركس افندي]

هههههههههههه .....................استراتجية متكلفه

[alameen911]

العب يا واد الكيف كيف كيفك

هههههههههههههههههههههههه

الله يصلحك بس

[forex angel]

- الله الله عليك العيون السود و ورده وايه ده كمان .. تأمينه ب 25 سنه مع الاشغال
- عايز ايه يا عم انتا
- عايز اعرف حصل ايه معاك بالبطوله
- محصلش حاجه دول الشباب بتوع المتداول العربي محدش عبرني بجمله مفيده
- متخدش ببالك انا عبرك
- حيث كده ولع دي وطق طق ودانك
- ايوه كده يا وديع
- بص بتنتهي الفتره الاسيويه الساعه 11 بتوقيت جرنمتش فقلت من هنا نبتدي نحسب و بعد حساب قوة وضعف العملات وجدت انه الباوند هو اقوى عمله كانت بالفتره الزفت الاسيويه وكان الاسترالي هو الضعيف
- ده صنف توهااان
- ركز معايا قفل
- ادينا مركزين
- اصل الباوند كسب قدام الدولار حوالي 35 نقطه والاسترالي خسر نقطتين بس وده فرق مش كبير ومن جوا قلت انه مش حينفع بس حجرب اخد 20 نقطه بس
- وطلع معاك ايه يا ناصح
- فتحت التشارت ولقيت انه في قمه صغيره كونها السعر بالفتره الاسيويه ودي حاجه مشجعه ان كسر القمه انا ح دخل الصفقه واشتري الباوند وابيع الاسترالي والهدف 20 نقطه والستوب اللو بتاع شمعة الساعه 11
- كده انتا ضمنت الخساره
- قوم من هنا ل انحخعهغتمنبتبمنستتس الي جابوك ... وهات دي
- خلاص ياعم حصل ايه
- علقت صفقه عالهاي بتاع القمه اللي موجوده عندي
- ده انتا لل هاي ... متبص عليا كده خلاص كمل كمل
- خدت 20 نقطه سهله ودخلت العقد ب تلت راس المال اللي معايا
- بص ده اسمو تخلف مهو انتا كده كده كنت ممكن تدخل من غير حساباتك المنيله دي
- تصدق انه صحيح بس الفوركس ده مبني على الاحتمالات وبكده احتمال نجاح الصفقه زاد وتجرئت ودخلت بتلت راس المال
- اقولك ع حاجه ده مش منك ده من اللي في راسك
- انا اشتغل وحسبتها وكسبت وده هو المهم
- مدام كده جيب الحته دي و تعال نشوف لنا مزتين نروش معاهم ونضيع اللي كسبتو النهارده
- انا الحمار الي بتكلم معاك .. قوم من هنا ياد

[nouraba]

الفكرة رائعة .. اما الاسلوب ............ اروع

[forex angel]

اضعف عمله النهارده بالسوق الاسيوي هي الين بخساره 90 نقطه امام الدولار واقوي عمله اليورو بتعادل اي صفر نقطه ... تشارت اليورو ين شراء اليورو 20 نقطة والصفقة نجحت

في حد معايا

[ozoon]

معاك

كيف بتحسب اضعف عملة واقوى عملة ؟

[forex angel]

ياسلام عليك وانت مروق .. حصل ايه متفرحنا معاك
- فاكر بطولة العملات ؟
- صراحة لا مش فاكر
- طب خد دي يمكن تفكتر
- اه اه افتكرت بتاع العملة القويه والعمله الضعيفه
- دنتا افتكرت اهو
- قصر ياض .. حصل ايه
- في واحد اسمو اوزون عاوز يفكر معايا
- ده اللي خرمها ياعم
- ده انتا اللي دماغك مخرومه
- وعايز يعرف ايه عمنا اوزون
- عايز يعرف ازاي حسبت قوة العمله
- سيبني انا اشرح هالو
- بص ياعم اوزون احنا عاوزين نحسب ايه كسبت العمله او ايه خسرت العمله في السوق الاسيوي يعني خلال فتره السوق الاسيوي مش حنشتغل ازاي نحسب ربح او خساره العمله .. نحسبها كده نشوف السبع عملات الرئيسيه ( يعني العمله اللي احد ازواجها دولار متل( يورو دولار او دولار ين الخ الخ الخ ) ونشوف هي كسبت كام او خسرت كام من اول اليوم ولغايه الساعه 11 بتوقيت جرنتش
- وضح اكتر ياعم عشان يفهم ويستوعب مزبوط
- يعني مثلا اليورو كان من الصبح لحد اغلاق شمعه الساعه 11 صاعد 40 نقطه والباوند صاعد 50 نقطه بس النيوزلندي هابط 20 نقطه وكده لكل العملات السبعه
- الله ينور يا باشا
- ونشوف اني اكتر عمله صاعده مقابل الدولار واني اكتر عمله هابطة مقابل الدولار وبكده حيكون عندي عملتين الاولى صاعده قدام الدولار والتانيه هابطة قدام الدولار وحيكوني اقوي عملتين من ناحيه الصعود ومن ناحيه الهبوط
افتح تشارت العملتين دول تشارت الكروس يعني واشتري العمله الصاعده وابيع العمله الهابطه مثلا كان عندي اليوم اكتر عمله صاعده مقابل الدولار لحد اغلاق شمعه الساعه 11 هي اليورو واكتر عملة هابطه لحد اغلاق شمعة الساعه 11 هي الين الياباني رحت انا فتحت تشارت اليورو ين واشتريت يورو ( صفقة شراء ) وحددت هدف 20 نقطة فل مارجن والستوب كان اللو بتاع شمعة الساعه 11 وافتح التشارت وشوف هو عمل ايه يعني انا ندمت اني واخد 20 نقطة بس
- شرح جميل جدا
- بص ياعم انا ماشرحتش مجانا هات الحته دي وقوم نشوف حاجه مفيده نعملها اصل انا مخنوق منك ومن المتداول العربي بتاعك .. بطوله قال .. انتا والبطوله بتاعتك
- الله انتا كتبت الكلام ده
- كتبتو ونفسي المراقب بتاع المنتدى يضربك بالجزمه قال انجل قال دنتا شيطان رجيم

[alameen911]

الظاهر الصنف جايب مفعوله من الآخــــــــــــــــــــــــــــــــــــــــــــــ ــــــــــــــــــــــــــــــــــــــــــــــــر

[forex angel]

ياعم ده العم الامين 911 مش عاجبه الصنف
ده ليه علاقه بالدفاع المدني
لا ياعم ده متداول معانا وكاتب قصيده غزل بالفوركس
طيب متقله يسمعها لنا
ميصحش عيب ده راجل قديم والواحد يستفيد من خبرته
طيب هو فين ما يجي يقعد معانا
ده انتا قفل صحيح ده معانا بالمنتدى
بص ان كان معانا يبقى كويس وان مش معانا يبقى كويس
طب نقول ايه للراجل
خلاص هو لما يبقى يجربها حيبقى يقول
انا حقوله جربها ع ديمو وقلنا حيحصل ايه

ياعم الامين 911 جربها ع ديمو وقلنا حصل معاك ايه

خرمت وداني ياض هاد دي وقوم صرخ بعيد

[فاشل]

وين الحلقه الاخيره كمل انا معاك

[أبو تركي الحربي]

لالالالالا هذا نفس الصنف اللي كان يستخدمه القذافي هههههه