تويوتا تستعرض ملحقات واكسسوارات TRD فى سيارتها GT86 في معرض باريس بالصور


شركة تويوتا بتستعد دلوقتى لتقديم العرض الأول من مجموعتها الجديدة من الاكسسوارات والملحقات اللى قام بانتاجها قسم التطوير الرياضي TRD في شركة تويوتا ،








والملحقات دى هتظهر علي موديل GT86 اللى بيباع في أمريكا الشمالية واسمه سيون FR-S ، وهايتعرض فى معرض باريس الدولى للسيارات اللى ميعاده بعد ايام فى 29 سبتمبر لغاية 14 أكتوبر.








وبالنسبة لقسم التطوير الرياضى TRD حسب " اى فرات" هيقوم بتطوير قطع معدلة لسيارات تويوتا في اليابان من أكتر من نصف قرن ، والمنتجات دى بقت متوفرة دلوقتى لأول مرة فيالاسواق الاوروبية .









و تويوتا هتعرض سيارتها GT86 فى معرض باريس بعرض متزودة بقطع مختارة علشان تسلط الضوء علي القطع الحصرية اللى انتجتها TRD للبدن الخارجي للسيارات ، وكمان انتجتها للتجهيزات الداخلية والمكونات الميكانيكية الموجودة فى السيارة الكوبيه الرياضية ونظام الدفع فيها الدفع الخلفي.

















وشركة تويوتا بتاكد أن القطع اللى انتجها قسم التطوير الرياضى TRD مش هتتجمع على هيئة باقات ، لكنها هتتباع بشكل فردي. ومجموعة TRD للجسم الخارجي بتتشمل الاسبويلر الأمامي ، وأعتاب جانبية ،و اسبويلر خلفي علوي، واسبويلر خلفي سفلي ، وكل الأجزاء دى متوفرة باللون الأبيض أو الأسود أو بدون طلاء. وكمان من الخيارات التانية المتاحة فهيكون فيه غطاء معدني فضي لخزان الوقود ، و مشتت خلفي مصنوع من الفولاذ المقاوم للصدأ وامكانية اختيار مجموعتين من العجلات مقاسها 18 بوصة.













وبالنسبة لمجموعة TRD للمقصورة الداخلية فيها كونسول وسطي مع زر لتشغيل وايقاف المحرك ، وعصا نقل السرعات مغلفة بالجلد. واللى عاوز تحسين قيادة السيارة ، فممكن يزودوا الشاسيه بنظام امتصاص الصدمات ، و مجموعة التعليق المحدثة، و نظام الثبات الأمامي والخلفي وكمان تحسينات في نظام الفرامل.




















ولكن مفيش اى تحديثات تزود القوة الحصانية للمحرك ، بس قسم التطوير الرياضى TRD فى شركة تويوتا بتقدم كاتم للصوت باستجابة عالية بالاضافة لنظام عادم رباعي بيخلى السيارة تظهر مظهر رياضي.