استفسار هام عن تمويل

[ياسر$المصرى]

السلام عليكم و رحمة الله وبركاته
انا احتاج الى مساعدة كل من تعرض لهذه المشكله
فى البدايه انا مبتدىء فى مجال الفوركس وظللت اعمل على برنامج الميتاتريد لمدة 10 اشهر حساب تجريبى حتى تيقنت انى على مقدرة فى ممارسة هذا المجال فبدأت اسأل على اجراءات فتح الحساب كنت انوى ان افتح حساب فى شركة الفكسول لما لها من شعبية واسعه ولكن اجراءات الاوراق كانت عائق لى فطلبت من احد خدمة العملاء بالمتداول العربى فى مساعدتى
فاقترح عليا شركة دبليو دبليو ام حيث انها هى تتوافق مع الاوراق التى سوف اقوم بتقديمها وكان من ضمن الاوراق كشف حساب بنكى فسألت عن افضل البنوك التى يمكننى فتح حساب بها فكانت الاقتراحات على البنك العربى الافريقى او الاهلى سوستيه او اتش اس بى سى فذهبت الى تلك البنوك فكان رد موظف بنك الاهلى سوستيه انه يحتاج الى اوراق كثيره من اثباتات الهويه لفتح حساب بالدولار فذهبت الى بنك اتش اس بى سى وكان موقف موظف البنك بسؤاله لى.. من سوف تقوم بالتحويل اليه فاجبت شركة بالخارج ولم افصح عن مجال الفوركس لما به من مشاكل فى حالة ذكره فكان رد الموظف اذا كنت سوف تقوم بالتحويل الى شركة لابد من وجود سجل تجارى خاص بك وبطاقه ضريبيه فاجبته ياسيدى انا مش تاجر دى فلوس بحولها قصاد خدمات بتقدمها لى الشركه قالى دى تعليمات البنك فمشيت وانا فى غاية الاحباط ولكن تذكرت ان لى حساب ببنك القاهره قديم فسألت عنه لقيته مازال شغال ولكن كان حساب توفير وسألت الموظف هل ممكن احول منه عملات اجنبيه قالى لازم تفتح حساب تحته بالعمله الاجنبيه قالتله موافق وفعلا فتحت حساب جارى دولار امريكى وقلت المشكله اتحلت وبعدين قولت احول للشركه علشان اقدر اتتداول فذهبت لبنك القاهره لعمل التحويل روحت شباك الموظف قولتله عايز احول فلوس بره قالى على حساب ايه قولتله دولار سكت شويه وقالى لأ روح لاستاذ فلان وروحت للموظف الاخر ومع العلم انه شكله مدير قسم فى البنك قالى عاوز تحول فين اديتله بيانات البنك اللى انا عاوز احوله طبعا شاف اسم المستفيد دبليو دبليو ام قالى دى شركه قالتله اه وكانت الامور عادى بعدين راح لمكتب موظف اخر ورجعلى قالى احنا محتاجين فاتوره للشركه اللى هتحولها علشان نرفقها مع طلب التحويل قلتله بس انا معنديش فاتوره ليها قالى يبقى مينفعش احولك او التحويل هترفضه الاداره وهيرجع تانى قلتله ليه قالى برده دى تعليمات البنك ورفض عمل التحويل قلتله فى جماعه زمايلى بيحوله للشركه فسألنى هى الشركة ديت بتاعت ايه وانت ضامن ان الفلوس اللى هتحولها هيجبولك الحاجه اللى انت عاوزها طبعا انا قلت ان الشركة خاصة ببيع مكتبات برمجيه لتصميم البرامج ودى باخدها من على النت بعد تسديد المبلغ فى حسابهم وعلشان خدمات برمجيه مبيطلعش ليها فاتوره قالى تقدر تعملها فيزا كريديت كارت قالتله ودى اجرائتها ايه قالى تحط فى حساب مجمد 10000 جنيه مصرى قلتله واللى مش معاه المبلغ وانا فتحت حساب جارى علشان التحويلات قالى والله مقدرش اعملك تحويل بنكى الا بفاتوره
وانا بقالى اكتر من 12 يوم مش عارف امول الحساب ارجوكم قولولى ايه الحل ولو كان فيه اخوان بيتعاملوا مع بنك القاهره ازاى عملوا التحويلات بتاعتهم او يكون حد عارف فرع للبنك متساهل فى الاجراءات لانى للاسف مش قادر افتح حساب فى بنك اخر بسبب الاوراق اللى بيطلبوها حيث انى اقيم فى بلد غير الاقامه اللى موجوده على البطاقه
ولكم جزيل الشكر واسف على الاطاله

[ياسر$المصرى]

السلام عليكم ورحمة الله وبركاته
معقول 34 مشاهده ومفيش حد عنده اى افاده او حد ممكن تكون واجهته نفس المشكله