ماتيجوا نفكر بصوت عالي مع بعض

[hamadov1]

السلام عليكم ورحمة الله وبركاته ... والصلاة والسلام علي محمد اشرف خلق الله

احبائي في الله اعضاء المنتدي الكريم ...اللي هاقوله في مقدمه الموضوع يعلم الله انه نابع من قلبي بنيه نصيحه صافيه لوجه الله لكل الناس اللي عندها أمل وثقه في الله ....

بدأت احس ان فيه ناس كتييير جدا عندها حلم انهم يحققوا الملايين في دقائق قليله .... ليكم الحق انكم تحلموا ولكن احلموا حلم قابل انه يتحقق .. علشان مايأثرش عليك نفسيا بصوره عكسيه .. ممكن تكون اكثر من خطيره فعلا

كتير مجرد مايشوف اكسبيرت ناجح علي باك تيست ... يروح يستلف فلوس ويودعها علي امل وفجأه يضيع الحساب !
احب اوضحك نقطه بسيطه اوي ... فيه قاعده عامه في الحياه بتقول ان اللي بيجي بسهوله لازم يروح بسهوله .. ودي عن تجربه شخصيه وتجارب كتير شوفتها بأم عيني ....

لازم ياجماعه تتعبوا علشان تحققوا اللي بتحلموا بيه ... لو اخترت طريق الفوركس يبقي توكل علي الله وجد واجتهد واقرا وجرب واكسب واخسر مره واتنين وعشره ولكن المهم ان لا تتسرع ... لان ببساطه الفوركس مش هايخلص !
اتناقش مع اللي حواليك وافهم من كل شخصه معلومه ... لو الفوركس مش هو مصدر دخلك الوحيد يبقي انت ببساطه واخد الفوركس مصدر ثانوي .... يبقي مجهودك ووقتك المبذول علي الفوركس لازم يكون برده ثانوي ... علشان الاوهام ماتاخدش اكبر من حجمها وتأثر عليك نفسيا

عن نفسي وقعت في كل الفخاخ دي قبل كده وكل معرف معلومه اقول بس انا بقيت خبير وابدا اتاجر الاقي السوق مختلف خالص علي الكلام النظري ....والحمد لله مؤخرا بدأت احط رجلي علي بداية الطريق الطويل ...ده مش معناه اني بدأت اوصل لمكاسب طائله لا ... معناه اني لسه بدرس وبتدرب لحد ماشوف اني بقيت متمكن اني اعتمد علي الفوركس في حياتي ..لا اكتشفت انك تطلع السلم خطوه بخطوه وفي الاخر توصل حتي لو اخدت 10 سنين علشان توصل لأول دور بس المهم انك ماتقعش وتضيع مجهود بذلته ووقت ضيعته ... بطئ ولكن ان شاء الله أكيد هاوصل...

هاتلاقي اكسبيرت يديك دخل مرتاح ان شاء الله ... بس السؤال الاهم .... أمتي ؟؟ بجد لازم تقف عن السؤال ده !! مش يكمن بعد سنه او 10 سنين !! وجايز تيجي تشتغل عليه تلاقي السوق كله عكسك يبقي انت ضيعت سنه او 10 مستني الفرصه .... بالله عليكم جدوا واجتهدوا لو كنت عرفت معلومه في اليوم خلال عشر سنين اللي انت كنت مستني فيهم الاكسبيرت كان بقي عندك 10 * 360 = 3600 معلومه في مجال الفوركس .. يعني ممكن تكون بقيت محلل دولي )

كلامي مش معناه انك تبطل بحث ... لا دور ولف وشوف بس علي مهلك وادي دايما الموضوع علي قد حجمه وخليك حاطط في بالك ان 90% من الاكسبيرت الموجوده وفي متناولنا مش هايديك اللي انت عاوزه بل بالعكس ممكن يخسر .... تعامل مع الاكسبيرت انه حرامي وهايسرقك واكي لا تثق فيه اللا بعد ماتطمئن له جدا جدا جدا

عن نفسي في انتظار الاكسبيرت المزعوم ولكن لو ماوصلتلوش مش هاكون خسرت حاجه .. لاني بدور وبتعلم وفي نفس الوقت بشتغل دوامي الكامل ... المهم ان كل منهم ليه نصيبه من الاهتمام علي حسب الفائده العائده منه


اسف علي الاطاله .. ولكن والله بقولها للناس اللي بدأت احس انه هايقعوا في نفس الدوامه ..... بالله عليكم اتعبوا شويه وان شاء الله ربنا كريم وهايجزيكوا خير ان شاء الله

[adel600]

اهلا اخي حمادوف ... الحمدلله على السلامه ... فينك غايب عنا يارجل .... موضوع شيق ولي عودة ان شاء الله

[عبده المصرى]

الفوركس بحر هائج أأمن ما فيه شاطئه ....

[Jmeel]

أخي حمدوف فعلا هي رسالة من القلب وجزاك الله خير .

[hamadov1]

أخي حمدوف فعلا هي رسالة من القلب وجزاك الله خير .

بارك الله فيك اخي جميل فا انت من الناس الذي احترمهم جدا بسبب مجهودك الجبار في التطور ... الي الامام دائما بإذن الله

الفوركس بحر هائج أأمن ما فيه شاطئه ....

حقيقه ... ليت الكل يدركها

اهلا اخي حمادوف ... الحمدلله على السلامه ... فينك غايب عنا يارجل .... موضوع شيق ولي عودة ان شاء الله

الله يسلمك يالغالي ... تنور ان شاء الله

[hamadov1]

خليني برده افكر معاكوا بصوت عالي وممكن استفيد وافيد معاكوا ....

ايه رأيكم في استراتيجيه مفتوحه للنقاش من الكل حتي يتنج عنها في الاخر اكسبيرت محترم لعل وعسي نقدر نعتمد عليه ... ولكن علشان الناس ماتفهمش غلط .... انا قصدي نتعب في استراتيجيه سهله يشارك فيها الجميع بخبراته ونجربها فتره كافيه لاتقل عت 3 شهور مثلا وبعدين لو فيها الخير نجرب المرحله التانيه

الاستراتيجيه ماتكونش سكالبينج ويكون متطبق فيها اساسيات التحليل واحترام قواعد الفوركس زي التريند والدعوم والمقاومه والفيبوناتشي .... وطبعا هاتكون قابله للتطوير من الجميع كبير و صغير

وانا هابدأ ان شاء الله بفكره بسيطه للجميع .... ومش شرط النتائج تكون جيده في البدايه ولكن الاهم لنجاح الفكره ان تتحسن النتائجه للأفضل كل فتره

اساس الفكره : الدخول بعد كسر اقصي ارتفاع او اقل انخفاض لليوم اللي قبل الحالي Daily Highs And lows علي فرين الساعه

الناس التقيله دايمه بتقول كلمه Just Daily High And Lows Should pay you Enough يعني( اقصي ارتفاع واقل انخفاض خلال اليوم فقط يمكن لهم ان يجلبوا الدخل المطلوب )

الناس التقيله برده بتقول Trend Is Your Friend التريند هو صديقك بمعني انك لازم تتجنب الدخول عكس التريند

الدعم والمقاومه مافيش حد مايعرفش يعني دعم ومقاومه اللي هي الف ب فوركس

طيب من كل الكلام ده ممكن نستنج ايه .. كلام سهل بسيط جدا المهم كيفية التنفيذ ودي مفتوحه تماما للنقاش .. حد عنده فكره - مؤشر- خبره ... محتاجين كل دول

انا هابدأ بفكرتي :

1 - فريم ساعه - دخول شراء بعد اغلاق الشمعه الحاليه اعلي من اعلي ارتفاع لشمعه اليوم السابق او العكس بالنسبه للبيع
2- تحديد الاتجاه العام والتريند عن طريق فريم اكبر من الساعه وفيه كذا طريقه ممكن نعم بيها كده ... اذا كان الاتجاه العام صاعد علي الفريم الاكبر . . نبحث عن شراء فقط بمعني لو كان مثلا الاتجاه صاعد علي الفريم اليومي وتحقق شروط البيع علي فريم الساعه واغلق السعر اسفل اقل انخفاض لليوم المنصرم ....لا ندخل فيها لان الاتجاه العام كان صاعد ولا نريد الدخول عكس التريند
3- تجنب الدخول بالقرب من خطوط الدعم والمقاومه علي الفريمات الكبيره علي سبيل المثال خطوط الفيب

دي مجرد فكره ومفتوحه للنقاش والتعديل .... في انتظاركم معنا ان شاء الله حتي نصنع استراتيجيه من خبراتنا نحن ونتعلم من بعضنا البعض

[MRVivantor]

شوف عايز تبقى تليريونير من الفوركس وتكسر الدنيا ؟؟؟


حاول تجيب نقطة او نقطتين مضمونين ولو بنسبة 99% والناس الكدابة ال بتقولك مافيش حاجة مضمونة للاسف دول بيشتتوك لا فية حاجات مضمونة وشفتها بعيني بس انا لا املكها وشخص مصري وعايش ف امريكا ال بيمتلكها !!

فحاول تدقق كويس ف الشارت وف احجام الشموع وربنا معانا يارب !

[Ram22]

فكرة ممتازة , أنا جربت بصراحة أكسبرتات بشروط عشوائية ليس لها علاقة بقواعد الفوركس وكانت النتيجة أنه ممكن ان يتحسن الباك تست ويصير ممتاز أما الديمو والحقيقي فلن يربح الا الخسارة.

ربما فكرتك بأن نعمل باك تست ونحسنه بشرط تطبيق قواعد الفوركس هي الحل.

يعني خلاصة الكلام بأن كل أستراتيجية تتكون من عناصر أساسية لا يجب الأستغناء عنها.

- نقطة الدخول (أن تكون لها علاقة بقواعد الفوركس وليس دخول عشوائي)

-الدخول مع الترند وعدم الدخول العشوائي حتى لو كان الباك تست خيالي .

-فلتر التذبذب (أن يكون فلتر واحد لا أكثر ومبني على قواعد الفوركس)

- نقطة الخروج (لها علاقة بقواعد الفوركس)

ولو جمعنا أفكار كثيرة لكل نقطة من النقاط السابقة وقارنا بينهما واخترنا أفضل باك تست ربما سينجح الحقيقي.

بصراحة أنا جربت أكسبرت وفرحت بنتائجه على الباك تست لانها كانت فوق الخيال ولكن شروط الأستراتيجية عشوائية ولو شرحت شروط الاستراتيجية التي دخل بها هذا الاكسبرت أنا متاكد ان الكل سيضحك عليها لأن ليس لها أدني علاقة بقواعد الفوركس وكانت النتيجة عدم نجاحه على الديمو والحقيقي.

[hamadov1]

فكرة ممتازة , أنا جربت بصراحة أكسبرتات بشروط عشوائية ليس لها علاقة بقواعد الفوركس وكانت النتيجة أنه ممكن ان يتحسن الباك تست ويصير ممتاز أما الديمو والحقيقي فلن يربح الا الخسارة.

ربما فكرتك بأن نعمل باك تست ونحسنه بشرط تطبيق قواعد الفوركس هي الحل.

يعني خلاصة الكلام بأن كل أستراتيجية تتكون من عناصر أساسية لا يجب الأستغناء عنها.

- نقطة الدخول (أن تكون لها علاقة بقواعد الفوركس وليس دخول عشوائي)

-الدخول مع الترند وعدم الدخول العشوائي حتى لو كان الباك تست خيالي .

-فلتر التذبذب (أن يكون فلتر واحد لا أكثر ومبني على قواعد الفوركس)

- نقطة الخروج (لها علاقة بقواعد الفوركس)

ولو جمعنا أفكار كثيرة لكل نقطة من النقاط السابقة وقارنا بينهما واخترنا أفضل باك تست ربما سينجح الحقيقي.

بصراحة أنا جربت أكسبرت وفرحت بنتائجه على الباك تست لانها كانت فوق الخيال ولكن شروط الأستراتيجية عشوائية ولو شرحت شروط الاستراتيجية التي دخل بها هذا الاكسبرت أنا متاكد ان الكل سيضحك عليها لأن ليس لها أدني علاقة بقواعد الفوركس وكانت النتيجة عدم نجاحه على الديمو والحقيقي.

سعيد جدا بمشاركتك معانا ياباشا وياله بقي شد حيلك وادينا فكره من افكارك الجهنميه

[M.A.T.R.I.X]

انا سعيد لان الافكار بدات تبقي بالصوت العالي يعني ممكن الواحد يفكر بصوت عالي علشان اصحح اخطائي وعلشان اقول معلومه تفيد متاجر
انا متابع الموضوع وجزاك الله خير الجزاء

[ahmedessam58]

الايشيموكو هوه الحل

[hamadov1]

الايشيموكو هوه الحل

تمام ياباشا ..... طب ياريت تفيدنا بخبرتك في الايشيموكو وتورينا امثله للمتاجره من خلاله علشان نفكر مع بعض والكل يستفيد .... اللي يعرف الايشيموكو واللي مابيعرفوش

[hamadov1]

انا سعيد لان الافكار بدات تبقي بالصوت العالي يعني ممكن الواحد يفكر بصوت عالي علشان اصحح اخطائي وعلشان اقول معلومه تفيد متاجر
انا متابع الموضوع وجزاك الله خير الجزاء

جزاك الله الف خير ... في انتظارك متابع قوي معانا

[ahmedessam58]

تمام ياباشا ..... طب ياريت تفيدنا بخبرتك في الايشيموكو وتورينا امثله للمتاجره من خلاله علشان نفكر مع بعض والكل يستفيد .... اللي يعرف الايشيموكو واللي مابيعرفوش

لقد قمت بعمل اكسبيرت للطريقه ولو تحبوا اضع الاكسبيرت واطوره بناءا على افكاركم واقتراحاتكم

[MRVivantor]

يعني انا الوحيد ال حضرتك اتجاهلت مشاركتة طيب شكرا سلام عليكم