النتائج 1 إلى 15 من 54
الموضوع: إنما أشكو بثي وحزني إلى الله ..
- 30-07-2012, 01:49 AM #1
إنما أشكو بثي وحزني إلى الله ..
السلام عليكم ورحمة الله وبركاته
من شوي كنت عم حاول اني افتح المنصة عندي بس مو رضيان يشبك مع السيرفر ويزودني بالداتا
المهم طلبت من واحد من الاصدقاء انو يفتح الحساب ويتابعلي الصفقات
وبشرني انو الحساب تمرجن وما ضلان فيو غير 65 دولار من اصل 864 دولار .. ومنصتي هي FXDD
بهالموضوع انما أشكو بثي وحزني إلى الله .. وأعلم من الله ما لا تعلمون ..
إنما السؤال اللي بيدور بذهني كما أذهان الكثيرين هون بالمنتدى
انو يا أخي شو هالمؤامرة الكونية من شركات الفوركس على صغار المتداولين وصغار الكسبة والعمال وطبقة الكادحين
يعني انو معئول على مستوى الفوركس كلو .. وعلى مستوى الموقع والمنتدى كلو مافي حدا رابح
واقصد بكلمة رابح .. انو يدخل على الانترداي ويربح ويسكر صفقاتو
معقول لهالدرجة الفوركس معقد وغامض ؟؟!!
ولا القصة هي قصة علم ومعرفة !! وفعلا ما يأتي بالسهل يذهب بالسهل !!
يعني عن جد إلى الان انا ما قدرت افهم قصة هالمؤامرة الكونية علينا نحن المتداولين البسطاء ..
وكل ما واحد يفتحلك موضوع يتحدث فيو عن خبرتو وسهرو الليالي ومعرفتو وانو هو الأب الروحي للفوركس وللطريقة اللي مابعرف شو اسما
وانو ما بيحسن يحط مؤشرو او استراتيجتو وما بعرف شو لانو شركة فوركس كذذا رح تضربلو ياها !!
لك يا اخي داخل على الله وبعدين عليكن .. لك نحن بأول ما بدينا نتعلم الفوركس ونقرا فيو .. تعلمنا انو شركات المضاربة انما هو شأنها انو تزودك بالاسعار
يعني اخر همها اذا كسبت او خسرت .. لانو هي هيك او هيك عاملة سياج لحالها .. ان حضرة جنابك كسبت او خسرت ما رح تفرئ معن لانها محمية بالسبريد
وع العكس تماما .. انت كل ما عملت صفقات اكتر هنن المستفيدين .. يعني انت لا عم تاخد من راس مالن ولا عم تنهب من فلوسن
بئا شو ترتيبة هالمؤامرة الكونية علينا .. وانو الشركات عم تركض ورانا بدها تضرب الاستراتيجية ولا المؤشر
بعدين بالله عليكم فكروا فيها عقلا ذهنا .. انو ابسط شركة ما اظن عندها اقل من 5 الاف عميل اذا مو اكتر
يعني بالله عليكم رح تترك المخلوقات كلها وتحط دابها من دابك لحتى تعرف كيف تدخل وتخرج وكيف مؤشرك يعمل ..
وتروح بعدين تحرض وتجيش البنوك المركزية والاقتصادات الكونية عليك من شان تضربك استراتيجيتك .. وبكم يا ترى !!؟ فقط بكم نقطة !!
بالله عليكم شبعنا من هالهراء والعلاك المصدي والحكي والعر اللي ما بيفيد ولا بيجيب ولاد .. واللي لا يسمن ولا يغني من جوع
دخلنا بالرقمي .. وكلو كذاب .. وكلو عم يستعرض .. واللي شغال وربحان منيح ومية بالمية صدق انو مستخبي ولا رح يفرجيك حالو
واذا فرجاك حالو فرح يدخل يحط توصيات وياخد اجرو من الله .. شو بدو هو من الشهرة والفضيحة ولا استعراض العضلات و استعراض غير شغلات
بالله عليكم ارحمونا بئا شوي .. حاااااااااااج
دخلنا ع الفلكي .. طلعلي الف واحد وكلن ع اساس هنن الاااااااااويين بالفلكي ( ومصطلح الاوي ليس كفرية وانما هو تعبير من قبله على ان المولى عز وجل اعطاه من دفين علمه وسره وملكوته .. فأصبح هو العالم العارف بالله المدرك لاسرار الكون )
المهم .. وبيصيرو بيحكو وبيستعرضو معلومات .. بس وين الرابط !!
ثق تماما هو نفسو مالو عرفان راسو من رجليه ولا عرفان يربط الامور مع بعضها
من اكابر الرجال والسادات اللي تعرفت عليهم في هذا المنتدى واللي بصدق انتفعت بعلمهم .. واللي بصدق اتمنى يرجعو بأقرب وقت ويساعدونا بالفلكي لانو هو الوحيد اللي بيسبق السعر واللي السعر بيحترمه وبيمشي على اساسو على عكس كل المؤشرات
اكابر الرجال هم :
doctortablet الدكتور محمد الشبراوي ( امد الله بعمره وزاده بسطة في العلم )
الدكتور حمادة سلام ( عبد السلام اسماعيل ) اذا ما كنت مخطأ .. ايضا نفعنا الله بعلمه وتواضعه
الاستاذ الكبير الاخ عمرو .. بارك الله فيه
اوجه لهؤلاء الرجال كل التحية والاجلال والاحترام
وللكذابين .. بئلن .. إلكن الله .. فيكن تكذبو وتستعرضو على خلئو .. بس هو مستوي على عرشه في ملكوته بيعرف الكذابين منكن والمستعرضين
وللكذابين الئشرين أقول .. اتقوا الله في أنفسكم .. واتقوا الله فينا
وحاج بئا ئصة هالمؤامرة الكونية علينا .. شبعنا ترهاات وعلاك وحكي فاضي
خلونا بالعملي .. العالم بلشت تعمل تجارب على حلب البقر على القمر .. ونحن لسعنا قاعدين نحكي بمؤامرة شركات المضاربة علينا
دي حااااااااااااااج ياااااااااا .. ئال مجنون يحكي وعائل يسمع !!
فشيت ئهري شوي هلأ .. بس القادم اعظم
ودمتم بودآخر تعديل بواسطة mohamadkonsy ، 30-07-2012 الساعة 01:52 AM
- 30-07-2012, 01:56 AM #2
لا تبتأس اخى الكريم ربنا يعوضك خير من فضله الكبير
واسأل الله فى هذا الشهر الفضيل الا يخسر مسلم ويسترها علينا جميعا بستره الجميل
- 30-07-2012, 01:57 AM #3
لا تيأٍس
لايوجد شخص بهذا المجال لم يزوره المارجن
ولكن في كل مره خذ درس
وواصل
تحياتي لك -
- 30-07-2012, 01:57 AM #4
رد:إنما أشكو بثي وحزني إلى الله ..
مش قادر اقول غير ربنا يعوض عليك ويرزقك من حيث لا تحتسب
- 30-07-2012, 02:04 AM #5
ربنا يعوضك يا صديقى .. ما هذا الا رزقك ..
حديث قدسي
عن النبي صلى الله عليه و سلم قال : قال الله عز وجل :
يا ابن آدم ..
خلقتك للعبادة فلا تلعب , وقسمت لك رزقك فلا تتعب
فإن أنت رضيت بما قسمته لك أرحت قلبك و بدنك و كنت عندي محمودا
و إن لم ترضى بما قسمته لك فوعزتي و جلالي .. لأسلطن عليك الدنيا
تركض فيها ركض الوحوش في البرية ثم لا يكون لك منها إلا ما قسمته
لك و كنت عندي مذموما .
- 30-07-2012, 02:13 AM #6
ونعم بالله
- 30-07-2012, 02:16 AM #7
ان شاء الله تتعوض اخي الكريم
- 30-07-2012, 02:18 AM #8
- 30-07-2012, 02:19 AM #9
- 30-07-2012, 02:20 AM #10
رد:إنما أشكو بثي وحزني إلى الله ..
>
معوض ربح بمشيئة الله
- 30-07-2012, 02:21 AM #11
رد:إنما أشكو بثي وحزني إلى الله ..
الله يعوضك.....
كم عدد الصفقات التي كانت مفتوحة وكم الرافعة المالية اذا سمحت؟؟؟
- 30-07-2012, 02:25 AM #12
اخي الكريم
والله ان هذا السوق شرس وغدار وقاتل
والضعيف ملوش فيه مكان لان سوق ما بيرحم الضعيف والقوي دائما بياكل الضعيف في هذا السوق
الموضوع مش تعليم او طريقة او ... او الموضوع راس مال قوي تدخل فيه مع الحيتان وتقدر تواجه هذا السوق
وللاسف الشركات عايشة على امثالنا الناس الضعيفة حسابات الـ 500-1000- وهذه الطفسات الصغيرة واحنا من الفقر والعوز تحصل الواحد لم مصروفه وباع مش عارف ايه على شان يدخل بالف والفين يجرة رجله ويتمرجن
يرجع من تاني يتسلف ويلملم على امل يعوض ونفس الشيء ويرجع من تالت ورابع وووووو
والله ان هذا السوق لا يرحم الضعيف بس المشكله لا في السوق ولا في الشركات المشكله فينا حنا
- 30-07-2012, 02:26 AM #13
والله يامحمد لا تزعل على فلوس انما الرزاق بيد الله و ما بتاخد الا الي كاتبه ربنا الك
بالنسبة لطريقة المتاجرة انت قلتها بلسانك ركز على المفهوم الزمني و اتوكل على الله
ياما 10000$ و 20000 و و راحو بس بالنهاية اعملت من 100 1000
الصبر ثم الصبر
و دعوات اخوانا الك بالشهر الفضيل كفاية
- 30-07-2012, 02:33 AM #14
الله يعينك ويفرج همك .
- 30-07-2012, 03:14 AM #15
الله يعوض عليك اخي
الاخ ابو نواف بقلك ماحدا الا وزاره المارجن وانا بقلك انه المارجن صار واحد من اهل البيت واعز من اخ وصديق وانت تقول خسرت . قول الحمدلله وابدا من جديد انا الحمدلله تعلمت كثير منا لخسائر والان اعوض والحمدلله بدأت اربح واخسر احيانا لكن الحمدلله صدقني هذا السوقق فيه الكثير من الربح الوفير لمن يتعلم (الصبر) امثالي . اصبحت اصبر اسابيع وشهور واخرج بما اريد انا لامايريد السوق . ان شاء الله تعوض المبلغ بالمبلغ المتبقي . رمضان كريم وربك اكرم اخي .
بالتوفيق