استراتجية البساطة البسيطة ( لا تصلح لمن عمره اكبر من 15 عاما )

[zelenko]

السلام عليكم و رحمة الله و بركاته

العنوان مش غلط هو كدة فعلا

الاستراتيجية دي مش ليك انت دي لابنك الصغير

روح يالا هاته و خليه يقرا الشرح عشان من النهاردة هو اللي هيمسك لك الحساب بتاعك ههههههههههههه




مقدمة : (( اشمعني انا يعني اللي مش هاعمل مقدمة ما كله بيعمل )

- طرحي لهذه الاستراتيجية لعدة اسباب :

1- عشان الناس تدعيلي لما تكسب
2- عشان الناس تدعي لاستاذي و معلمي برنس الفوركس د. جمال ممدوح
3- عشان لو حد من اصحاب الحسابات الكبيرة كسب بسببي يتصل بيا و يبعتلي جزء من الارباح 10% مثلا
4- رغبتي في افادة الجميع و بالذات المبتدئين ( اللي انا منهم ) بدل ما هما تايهين شوية كلاسيك و شوية
مؤشرات و شوية رقمي وشوية جان و شوية اخبار و شوية نجوم و شوية اكسبيرتات و يا عيني ما شافوش
الا الخسارة
طبعا انا لا اقلل من قدر كل تلك المدارس التحليلية و لكني لم اري اي تطبيق قوي لها فعلا الا لافراد قليلين
جدااااااااااااااااااااااااااااااااااااا


و لكن هناك سبب كان يمنعني من كتابة المواضيع هنا في المتداول العربي و اغلب مشاركاتي اما استفسارات او طلبات

و هذا السبب هو:

- عدم تعامل المشرفين مع الاعضاء بحيادية و لياقة

و مش هاتكلم اكتر من كدة و فيه ناس كتير هاتفهم قصدي ايه لان اكيد حصل معاهم الكلام ده

و كنت بقول بيني و بين نفسي خلاص خليهم براحتهم هم الخسرانين سواء انا او اي حد عنده معلمومة قيمة او مفيدة مش هيقولها هنا و يا اما هيقولها في منتدي تاني بيرتاحله نفسيا او هايحتفظ بيها لنفسه

و لكني للاسف اقتنعت في الفترة الاخيرة اني مخطئ

فسواء المشرفين او اصحاب الموقع (( اللي هما مشغلين المشرفين )) مش هيخسروا كتير قوي لانه موجود ناس كتير تانية غيري بتكتب كل يوم استراتيجيات و طرق جديدة اي نعم 90% منهم اي كلام
و لكن للاسف المبتدئين بينخدعوا بيها و بيتابعوها و بيجربوها و يعملولها مشاركات كتير و هيصة و بالتالي اصحاب الموقع مش خسرانين لانه الموقع بيزيد كل يوم فيه المواضيع و المتابعين لها و المشرفين مش خسرانين حاجة لانه مرتبه هيقبضوه اخر الشهر

اذن الخاسر الحقيقي هو انت

عشان كدة انا باكتبلك الموضوع ده

***********************************************
اخيرا خلصت رغي هههههههه

نخش بقي علي الشغل الجامد

استراتيجية البساطة البسيطة

لماذا هذا الاسم؟
1- لانها تعتمد علي البساطة
2- لانها بسيطة
هههههههههههههههههههههههههههههههههههههه

اوعي حد يشتم او يضرب ههههههههههههههههههههههههه

بص يا سيدي نزل منصة انستا

افتح شارت الباوند علي فريم الديلي و فضيه من كل حاجة خلي شموع و بس

تسمع عن الانسايد بار ؟؟؟

احنا بقي استراتيجيتنا تعتمد علي الانسايد بار

بص يا سيدي كل يوم بليل الساعة 11 بتوقيت مصر او مع اغلاق شمعة الديلي افتح شارت الديلي و بص عليه

هل شمعة اليوم اللي لسة قافلة دي من الهاي الي اللو بتاعها هل هو محتوي داخل اليوم اللي قبله ؟؟

لو الاجابة نعم

يبقي نبدا الشغل لو اليوم الجديد اللي لسة فاتح كسر هاي اليوم السابق ( الانسايد بار ) بنقطة واحدة هنخش شراء
و ستوبنا تحت اللو بتاع الانسايد بار بنقطة و تارجتنا قد الستوب

شايف السطرين اللي بالاحمر دول هي دي بقي الاستراتيجية

نخش علي الموني منجمنت

انا هارفق صورة فيها كل الفرص من اول سنة 2012 و حتي الان

مقدار الستوب يتم تحديده كنسبة مؤية من راس المال و انا افضل 5% يعنبي لو حسابك مثلا الف دولار الخمسة في المية تبقي كام منه ؟؟؟ 50 دولار تمام كدة و احنا دلوقتي شوفنا الصفقة لقينا ان الستوب هيكون 100 نقطة
نقسم بقي الخمسين دولار علي 100 نقطة يبقي هنخش اللوت النقطة بنص دولار مفهومة كدة

يتم العمل بنظام المضاعفات يعني لو الصفقة ضربت ستوب بنفتح صفقة معاكسة بضعف اللوت و نفس مقدار التارجت هو هو

في 2012 السنة الجميلة المتذبذبة دي اقصي مضاعفة وصلنا لها كانت الرابعة
يعني ضرب ستوب 5% و 10% و 20% و جاب تارجت 40%

فما بالكم في السنين الجميلة اللي فاتت

عدد الفرص من اول السنة 21 فرصة يعني مكسب 170% من الحساب يعني حسابك لو كان 100 دولار كان زمانه دلوقتي 270 دولار ( طبقا لمعادلة الفائدة المركبة )

و طبعا الفرص دي علي الكيبل بس فما بالكم لما ندخل باقي العملات معانا

المطلوب دلوقتي انكم تتعبوا معايا و بطلوا بقي شغل الجاهز ده و انكم عايزين الواحد يسقيكم الطريقة بالمعلقة

انا عايز الناس بقي تتعب و تعمل باك تست (( االلي انا عامله اساسا بس عايز اتعبكم علي الفاضي )

السنة الواحدة بتاخد من ربع ساعة لنص ساعة و احنا هنبدا تست من 2008 يعني اربع سنين بس

و برضه عايزين نشوف باقي الازواج بالذات الرئيسية عشان لو النهاردة مفيش علي الكيبل ممكن يكون فيه علي اليورو

و بعدها لما نفضي نبقي نشوف فريم الساعة و الشهري و الاربع ساعات و الاسبوعي كمان هههههههههههه
بس نركز دلوقتي علي

الكيبل فريم اليومي و لما تخلصوا الباك تست نبقي نكمل


مرفق صورة لسنة 2012 و فرصها

و صورة توضيحية لشكل الشمعة

[basuoni]

بص يا سيدي كل يوم بليل الساعة 11 بتوقيت مصر او مع اغلاق شمعة الديلي افتح شارت الديلي و بص عليه

هل شمعة اليوم اللي لسة قافلة دي من الهاي الي اللو بتاعها هل هو محتوي داخل اليوم اللي قبله ؟؟




يعنى ايه السطرين دول اخى الفاضل

[basuoni]

السلام عليكم
فى المرفقات صورة تشارت تم تحديد الشموع فيها هل هذه الشموع هي ما تقصدها

..................................

وتسجيل متابعه معاك استاذ زيلينكو وبالتوفيق

[zelenko]

السلام عليكم
فى المرفقات صورة تشارت تم تحديد الشموع فيها هل هذه الشموع هي ما تقصدها

..................................

وتسجيل متابعه معاك استاذ زيلينكو وبالتوفيق

انت كدة راجل برنس

[zelenko]

الاسترالي دولار

16 صفقة من اول 2012

اقصي مضاعفة وصلنالها الرابعة
مرفق صورة التيست

و كدة ابقي مش حارمكم من حاجة

عايز اشوف الشغل بقي

[imad91]

انا احب الاستراتجيات البسيطه
انا برضه استعمل استراتجيه بسيطه
وصاري شهر عليها ومبسوط فيها تمام التمام
الحمد لله

[صافيا]

شكرا جزيلا

توقيت أنستا نفس توقيت ويندسور؟

[soufianhriz]

و دي لحبايبي الزغنطوطين لٍ لٍسّ ما وفوش ال 15 سنة. يا الله يا حلوين انتو ادلعو بَآ.

https://forum.arabictrader.com/t136468.html

[basuoni]

طب اسلوب المضاعفات هيبقى ازاى وبالنسبه لادارة راس المال هتبقى ازاى لان شكل الاستراتيجيه جامده بس محتاجه رأس مال كبير عشان يستحمل المضاعفات

فى المرفقات تشارت فيه يوم 20\3\2012 توافرت الشروط ولكن تم ضرب الاستوب 4 مرات وفى الدخول الخامس تم تحقيق الهدف ... لو حساب صغير مش هيستحمل

[zelenko]

بص يا سيدي كل يوم بليل الساعة 11 بتوقيت مصر او مع اغلاق شمعة الديلي افتح شارت الديلي و بص عليه

هل شمعة اليوم اللي لسة قافلة دي من الهاي الي اللو بتاعها هل هو محتوي داخل اليوم اللي قبله ؟؟




يعنى ايه السطرين دول اخى الفاضل

ده شرح الانسايد بار اللي هنعتمد عليه في الدخول

[MRVivantor]

يبقي نبدا الشغل لو اليوم الجديد اللي لسة فاتح كسر هاي اليوم السابق ( الانسايد بار ) بنقطة واحدة هنخش شراء
و ستوبنا تحت اللو بتاع الانسايد بار بنقطة و تارجتنا قد الستوب

طيب ازاى حضرتك بتقول ان هيبقى محتوي اليوم ال قابلة وازاى هيكسرة بردة ف نفس الوقت !! كلام متناقض المرجوا التوضيح بعد اذنك

[zelenko]

طب اسلوب المضاعفات هيبقى ازاى وبالنسبه لادارة راس المال هتبقى ازاى لان شكل الاستراتيجيه جامده بس محتاجه رأس مال كبير عشان يستحمل المضاعفات

فى المرفقات تشارت فيه يوم 20\3\2012 توافرت الشروط ولكن تم ضرب الاستوب 4 مرات وفى الدخول الخامس تم تحقيق الهدف ... لو حساب صغير مش هيستحمل

تم ضرب 3 ستوبات و تحقق الهدف يوم 27 مايو راجع شارت الساعة

[zelenko]

يبقي نبدا الشغل لو اليوم الجديد اللي لسة فاتح كسر هاي اليوم السابق ( الانسايد بار ) بنقطة واحدة هنخش شراء
و ستوبنا تحت اللو بتاع الانسايد بار بنقطة و تارجتنا قد الستوب

طيب ازاى حضرتك بتقول ان هيبقى محتوي اليوم ال قابلة وازاى هيكسرة بردة ف نفس الوقت !! كلام متناقض المرجوا التوضيح بعد اذنك

ركز معايا جت شمعة الاولي اللي هي الام و بعدها شمعة انسايد بار ( محتواه داخل الاولي ) ثم تاتي الشمعة التالتة تكسر هاي او لو الانسايد بار ( التانية ) و نخش مع الكسر

[zelenko]

طب اسلوب المضاعفات هيبقى ازاى وبالنسبه لادارة راس المال هتبقى ازاى لان شكل الاستراتيجيه جامده بس محتاجه رأس مال كبير عشان يستحمل المضاعفات

فى المرفقات تشارت فيه يوم 20\3\2012 توافرت الشروط ولكن تم ضرب الاستوب 4 مرات وفى الدخول الخامس تم تحقيق الهدف ... لو حساب صغير مش هيستحمل

انا اسف انت صح هو ضرب 4 ستوبات

يعني لو شغالين زي ما انا قلت يبقي هيضرب 5% 10% 20% 40$ ثم تارجت 80%

ده بالنسبة للمضاعفات العادية

بس انا مستني الناس تشتغل شوية و يخلصوا الباك تست و هنقول علي نظام المضاعفات الامثل

[محمد500]

السلام عليكم كل عام وانت بخير اخي واحييك ان فعلا معجب بالاخ والاستاذ النجيب جمال عمر والاستراتجيه قويه فعلا وجديره بالاهتمام وعملت باك تست ووجدت انها تعمل على فريم الاربع ساعات ايضا عدد الفرص اكثر والاستوب اقل لكن يجب مراعات وضع الاستوب اسفل الشمعه المقصوده ب10نقاط فقط وفي حال تم ضرب الاستوب يتم الخول اما من فرصه ثانيه او عكس العمليه مباشره وب مضاعفه واحده ومن النادر ان يضرب الاستوب مجددا وممكن للاخوه عمل باك تست والمناقشه البعيده عن التعقيد والله الموفق وكل عام وانتم بخير