أحبائى و أهلى الحقيقيين هم انتم

[mesterex]

السلام عليكم و رحمة الله و بركاته

أهلا بيكم جميعا و يا رب تكونوا بألف مليون خير و رمضان كريم

الحقيقة أنا عاوز أكلم معاكوا و دى لأول مرة من فترة طويلة ..و الله انا مش عارف ابدأ منين لكن كل اللى عاوزه انى اسلم عليكوا لانكم وحشتونى أوى
أنا أخيرا اتخرجت من هندسة القاهرة السنادى و بقيت مهندس ... عاوز أقولكم حاجة مهمة أوى أنا قضيت فى الكلية 6 سنين يعنى فيه سنة انا رسبت فيها و هيه سنة ثالثة هندسة المهم انا بقول دة ليه ؟؟؟
الحقيقة انا كنت بحب الهندسة جدا جدا و كنت متميز فيها فى البداية المهم تعرفت على الفوركس فى بداية 2009 و كنت مبهور به جدا لاسباب كتير أوى لا داعى لذكرها المهم انى لقيت نفسى جدا فى الفوركس و سبت الكلية بالتالى رسبت سنة
بعدها كان لازم اسيب الفوركس و ارجع الكلية المهم سبت الفوركس سنتين و الوقت بعد التخرج رجعت تانى. لكن أقولكوا بصراحة أنا تركت الفوركس فى السنتين دول نظريا بس يعنى كنت دائما أفكر فى المضاربة و اساليبها و الله حتى أيام الامتحانات بس الحمد لله جت سليمة . اعذرونى معلش على الاطالة ... المهم أنا الوقت رجعت تانى لكن بصراحة طريقة التفكير اتغيرت تماما فبعد ان كنت افكر فى المؤشرات و الكلام الفاضى دى الموضوع الوقت فرق كتيييييير اوى . المهم فى الموضوع هو انى متأكد تماما انك انت أو انتى الوقت خلال قراءتك هتقول "و الله يا ريتك ما رجعت" بس اللى عاوز أقوله ليكم انه ممكن مش مستحيل لكن صعب أوى أوى طبعا عارفين أنا بتكلم عن ايه
بالتالى طالما هوة صعب يبقى اعمل ايه بعد ما رجعت ؟؟؟؟؟؟؟؟
أستخدم الصديق الوفى لى و اللى بينفذ اللى بأمره بيه دائما على اكمل وجه لكن هوة هيرجعلى بمعلومات و حسابات معقدة و صعبة جدا جدا على الانسان العادى انه يعملها و أنا هصححله ان ضل طبعا الصديق الوفى معروف بالنسبالكوا

تعرفوا أنا كنت أعرف البورصة من زمان قبل الفوركس بكثير و عرفت الفوركس بالصدفة و الله
أريد ان اقول شئ و هو ان حجم الخسائر الكبير اللى تم تحقيقه بالكامل من الممكن الحصول عليه فى صورة ربح
لكن بشروط و منها مثلا قراءة 30000 شرط أوجملة شرطية و يا ريت لا احد يندهش الموضوع كدة بالظبط
لا تستخدم المؤشرات الفنية الاستخدام التقليدى لكن استخدمها كمساعد لك لتنفيذ تعليماتك
دائما اقولها ان المبرمج الناجح هو من يقوم بتنفيذ ما يريده بادق اسلوب و باقل عدد من الاوامر البرمجية

أنا آسف على الاطالة لكن لو انت أو انتى شايفين حاجة مش واضحة فى كلامى فاعرف انه متعمد منى لان الموضوع كبيييير أوى أوى أنا هدفى من الموضوع دة هو انى أسلم عليكوا فانتم الاصل و انا تلميذكم و أيضا هدفى انك تبدأ تفكر بشكل مختلف أرجوك

م/أحمد عماد

[أحـمـد]

اهلا ياغالى
والف مبروك ياباش مهندس
والحمد لله على عودتك بالسلامه

[عبده المصرى]

مبروك التخرج ياباشا

وعودا حميد إن شاء الله تعالى