سؤال مهم لاهل الخبرة بخصوص الية عمل الفوركس و لا مركزيته

[zelenko]

السلام عليكم

منذ يومين طرأت علي ذهني هذه الفكرة ولم اجد لها جوابا فقلت لعلي اجده هنا عند احد الاعضاء

ركزوا معايا

دلوقتي سوق الفوركس فيه ناس صغيرين اللي هما اسمهم retail traders
اللي هو احنا و نسبتنا في السوق لا تتعدي ال 20% علي اقصي تقدير

و فيه ناس كبار و دول بيمثلوا 80% الباقية و دول زي البنوك العادية و البنوك المركزية و صناديق التحوط
و المؤسسات المالية الضخمة و هكذا

طيب بالنسبة لنا احنا ال retail traders
ننقسم لجزئين جزء اصلا يعتبر مش من ضمن ال 20% لانه بيتعامل مع شركات ماركت ميكر و بالتالي اوامر البيع و الشراء بتاعتك مش بتخرج من الشركة للسوق الفعلي لان الشركة بتكون هي الطرف التاني

و جزء تاني مننا بيتعامل مع شركات ال ecn و دي فعلا اللي بتمرر الاوردرات بتاعتك للسوق

نيجي بقي للمهم

طول عمرنا بنسمع ان سوق الفوركس غير مركزي صح كدة ؟؟؟

انا بقي مش مقتنع بالكلام ده ليه بقي تعالي واحد واحدة و فكر معايا

1- دلوقتي السعر بيطلع ليه عشان المشتريين اكتر من البياعين صح كدة ؟؟؟

2- طب و السعر بينزل ليه لان البياعين اكتر من المشترين صح كدة برضوا ؟؟

3- ليه الاسعار علي كل المنصات و كل البنوك مع اختلافهم و اختلاف المصدر اللي بياخدوا منه التسعير بنلاقي السعر هو نفسه واحد في كل المنصات مع فروق بسيطة جدا ... يعني بنلاقي السعر في سوليوشن زي الباري زي جين كابيتال زي دوكا سكوبي زي .... مع طبعا اختلاف السبريد او اختلاف بسيط في السعر و طبعا كل شركة من دول بتاخد التسعير بتاعها من مكان مختلف عن الاخري صح كدة ؟؟؟

نجع لورا تاني دلوقتي السعر نزل ليه ؟؟؟

عشان كل البياعين في انحاء العالم كانوا اكتر من كل المشترين في انحاء العالم

طب ياتري ايه المكان او الجهة اللي اتجمعت فيها كل اوردرات الشراء و البيع و حصل بينهم مقاصة و طلع ان اوردرات البيع ( من كل انحاء العالم ) اكثر عشان كدة السعر نزل ؟؟؟؟؟

يعني مثلا تعالي مثلا نضرب مثال بالبطاطس ؟؟

دلوقتي لو قلنا البطاطس ليها سوق مركزي في الحتة الفلانية فهتلاقي كل بتوع الخضار بيروحوا المكان ده و اللي معاهم البطاطس برضوا بيروحوا لو مثلا الطلب كان زيادة علي البطاطس بتلاقي سعرها غلي و لو الطلب ضعيف بتلاقي سعرها رخص و بالتالي هيتعرف في كل انحاء البلد ان البطاطس النهاردة بالسعر الفلاني

و هو ده اللي بيحصل في الفوركس لان السعر بيكون واحد في كل العالم و في كل المنصات و البنوك

طب لو قلنا ان سوق البطاطس غير مركزي

هتلاقي في اسوان مثلا الطلب عليها زيادة فسعرها غلي و بقي 3 جنيه للكيلو

في القاهرة مثلا الطلب عليها قليل فسعرها نزل و بقي الكيلو بجنيه

و بما انه سوق غير مركزي فمحدش هيقدر يجبر بتوع اسوان انهم يبيعوا بنفس سعر بتوع القاهرة و لا حد يجبر بتوع القاهرة انهم يبيعوا بسعر اسوان

مع ان بتوع اسوان هيبقوا عارفين ان البطاطس بتتباع في القاهرة رخيصة و بتوع القاهرة هيبقوا عارفين انها غالية في اسوان
مع ان دي بطاطس و دي بطاطس

الخلاصة :: لو انت اقتنعت زيي كدة ان السوق ده مركزي لاني زي ما قلت السعر بيكون واحد في كل انحاء العالم مع ان الناس المؤثرة في السوق بيحطوا اوردرات من كل دول العالم لذلك لابد انت تتجمع كل هذه الاوردرات في مكان واحد (( مركزي )) و يتم في هذا المكان مقاصة علي اساسها يتحدد اذا كان السعر هينزل او هيطلع

اذا اقتنعت مثلي بهذا فيا تري ما هو هذا المكان المركزي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اما اذا كنت تري ان السوق غير مركزي فلو سمحت تجاوبني و تقنعني و تقوللي ازاي السعر بيتوحد في كل العالم في نفس اللحظة و ليه السعر بينزل و ليه بيطلع في كل العالم في نفس اللحظة ؟؟؟؟؟؟؟؟؟

منتظر اجابتكم الفعالة

[forexegyptian]

من خلال قرأتي لسوق الفوركس ان اسعار العملات تكون معروفة للبنوك المركزية والبنوك الاستثمارية الكبيرة من خلال منصة ebs - electronic brokering system التي تتعامل مع interbanks من خلالها يمكن معرفة حجم سيولة فى سوق الفوركس بس لسؤال حضرتك حول مركزية سوق الفوركس فهو سوق غير مركزي لان أوامر الشراء والييع لا تتنفذ فى جهة واحد كما حاصل فى سوق الاسهم ولكن فى اكتر من جهة واقصد بالجهة هنا البنك او عددة بنوك فى حالة اذا كان بروكر ليس ماركت ميكر وحيكون البروكر نفسه لو كان ماركت ميكر ارجو ان اكون وضحت وجهة نظري

[Alsager00]

https://forum.arabictrader.com/t84280.html

[zelenko]

https://forum.arabictrader.com/t84280.html

الحمد لله طلعت مش انا لوحدي اللي جاتلي نفس الفكرة

احلي حاجة ان اول مشاركة هو ده بالمللي اللي في دماغي

هاكمل قراءة باقي الموضوع شكرا لك اخي ساجر

[zelenko]

https://forum.arabictrader.com/t84280.html

اثناء قرائتي للموضوع ده ظهرلي حبة اسماء و حاجات

حاجة اسمها ebs
ده موقعها الرئيسي
http://www.icap.com/

و ده فلاش ديمو ليهم
http://www.icap.com/static/Flash/dem...prime_web.html
مش عارف بصراحة هل ده بروكر بس جامد شوية و لا ده المركز ؟؟

و سمعت عن رويتر و انها المركز فهل ده صح ؟؟

و سمعت عن حاجة اسمها البنك المركزي بتاع البنوك المركزية

و ادي موقعه

http://www.bis.org/banking/index.htm?l=2

و اديني لسة بدور همتكم معي يا جماعة

[zelenko]

حاجة كمان

EBS electronic brokerage service
او Reuters Dealing 3000 Matching

[zelenko]

International Bank of Settlement

[mohands_moslim]

اقرأ يا عصام عن احواض السيولة

[zelenko]

upppppppppppppppppppp

ايه يا جدعان مش عاجبكم الموضوع ؟؟؟


علي فكرة دا موضوع مهم جدا لانه يتعلق باصل الفوركس و اساسه من الاساس يعني ده اللي المفروض نعرفه قبل ما نتعلم تحليل او استراتيجيات

[zelenko]

اقرأ يا عصام عن احواض السيولة

كل سنة و انت طيب يا حمادة

انا عارف موضوع احواض السيولة بس مش قوي

و فيه اكتر من علامة استفهام

هل احواض السيولة دي جهات خاصة ام جهات حكومية ؟؟

كم عددها بالضبط و ما اسمائها ؟؟ و لازم يكون العدد محدد بالضبط لانهم المفروض بيعملوا مقاصة مع بعض

هنرجع برضه لنفس السؤال انت بتقول احواض يعني كذا مكان و برضه لازم يحصل مقاصة بينهم في مكان واحد عشان يطلع سعر موحد للعالم كله

و بعدين سؤال بنك كبير زي المركزي الفيدرالي او المركزي الاوروبي تعتقد انه مربوط بحوض سيولة ؟؟؟؟؟ لو الكلام ده صح يبقي حوض السيولة ده سواء كان شركة او مؤسسة او هيئة حكومية حاجة جامدة جداااااااااااااا عشان البنك المركزي نفسه بيبعتله طلبات الشراء و البيع بتاعته

[zelenko]

http://en.wikipedia.org/wiki/Dark_liquidity

[zelenko]

List of dark pools

[edit]Independent dark pools
TORA Crosspoint
Instinet
SmartPool
Posit/MatchNow from Investment Technology Group (ITG)
Liquidnet
NYFIX Millennium
Pulse Trading BlockCross
RiverCross
Pipeline Trading Systems LLC (later changed name to Aritas Securities LLC)
[edit]Broker-dealer-owned dark pools
Barclays Capital - LX Liquidity Cross
BNP Paribas
BNY ConvergEx Group (an affiliate of Bank of New York Mellon)
Citi - Citi Match
Credit Agricole Cheuvreux - BLINK
Credit Suisse - CrossFinder
Fidelity Capital Markets
GETCO - GETMatched
Goldman Sachs SIGMA X
Knight Capital Group - Knight Link, Knight Match
Deutsche Bank Global Markets - DBA(Europe), SuperX ATS (US)
Merrill Lynch - MLXN
Morgan Stanley
Nomura - Nomura NX
UBS Investment Bank - UBS MTF
Ballista ATS Ballista Securities LLC[citation needed]
BlocSec[citation needed]
Bloomberg Tradebook (an affiliate of Bloomberg L.P.)
Daiwa - DRECT
[edit]Consortium-owned dark pools
BIDS Trading - BIDS ATS
LeveL ATS
[edit]Exchange-owned dark pools
International Securities Exchange
NYSE Euronext
BATS Trading
Direct Edge
Swiss Block[citation needed]
Nordic@Mid[citation needed]
[edit]Other dark pools
Chi-X
Turquoise
[edit]Dark pool aggregators
Bloomberg Tradebook
Fidessa - Spotlight
SuperX+ – Deutsche Bank
ASOR – Quod Financial
Progress Apama
ONEPIPE – Weeden & Co. & Pragma Financial
Xasax Corporation
Crossfire – Credit Agricole Cheuvreux
[edit]See also

Algorithmic trading
Electronic communication network

[ahmedphen0m]

و الله يا حبي هو الموضوع جميل فعلاو بيتكلم في نقطة عمري ام فكرت فيها

بس انا مبشغلش بالي باي حاجة بعيدة عن التداول , طول مانا بتداول براحتي و بكسب و الحمد لله و شغال مع شركرة محترمة مبفكرش بقي في اي حاجة تانية

لاني حتي لو جاوبت علي سؤالك هل ده هيزيد من ارباحي مثلا؟!!!!!!!

بالتوفيق و ان شاء الله توصل لاجابة لسؤالك

[zelenko]

و الله يا حبي هو الموضوع جميل فعلاو بيتكلم في نقطة عمري ام فكرت فيها

بس انا مبشغلش بالي باي حاجة بعيدة عن التداول , طول مانا بتداول براحتي و بكسب و الحمد لله و شغال مع شركرة محترمة مبفكرش بقي في اي حاجة تانية

لاني حتي لو جاوبت علي سؤالك هل ده هيزيد من ارباحي مثلا؟!!!!!!!

بالتوفيق و ان شاء الله توصل لاجابة لسؤالك

بص يا احمد انت عارف احنا عاملين زي ايه ؟؟

عارف الصيدليات طبعا

مين بيشتغل فيها ؟؟

المفروض صيدلي صح كدة

بس طبعا بنلاقي ساعات كتير ان اللي واقف في الصيدلية مش صيدلي ممكن واحد معاه دبلوم او ايا كان


بس الفكرة انه برضه بتاع الدبلوم بيبقي شاطر و فاهم و بيعرف يقرا روشتات زي الصيدلي بالضبط

امال ايه الفرق

الفرق ان الصيدلي فاهم اما صاحبنا التاني حافظ

فيوم لما يحصل موقف يكون محتاج علم الصيدلة ساعتها الصيدلي هيسد في الموقف ده

اما صاحبنا الشاطر الجميل اللي مش صيدلي اللي بقاله 10 سنين شغال زي الفل و عمره ما غلط في روشتة ممكن في الحتة دي يموت المريض

هو ده اللي احنا فيه كلنا

بنستعمل حاجات زي الموفنجات و مؤشرات و مش عارف ايه و حاجات كتير جداااااااا و بنكسب بيها بس ممكن تيجي مرة تمرجن

عارف ليه لان السوق اصلا مش بيعتمد علي الحاجات دي

بس احنامن ساعة ما عرفنا الفوركس و مالقيناش غير الحاجات دي قدامنا و لاحظنا ان الادوات دي السعر بيحترمها فنقوم عاملين استراتيجية تعتمد عليها

و فعلا بتنجح الاستراتيجية و لكن بيجي وقت و بتروح في داهية

يعني انت مثلا متخيل ان جورج سورس حاطط قدامه ستوكاستيك و تقاطع موفنج ؟؟

و لا مثلا وارين بافيت راسم ترند و مستنيه يتكسر ؟؟

و لا البنك المركزي الاوروبي حاطط سي سي اي و ار اس اي و معاهم خط دعم و مقاومة و مستنيه يتكسر ؟؟؟

و لا برنانكي مثلا راسم فيبو و مستني السعر يصحح لنسبة 61 عشان يخش ؟؟؟

يا احمد لازم نفهم اساس السوق عشان ما نبقاش زي صاحبنا بتاع الدبلوم اللي شغال زي الفل فترة طويلة بس ممكن يغلط و يموت بني ادم بسبب عدم علمه

اوعي تزعل مني انا مش قصدي و الله حاجة وحشة لكن انا بقول وجهة نظري

[wadzaman]

بص يا احمد انت عارف احنا عاملين زي ايه ؟؟

عارف الصيدليات طبعا

مين بيشتغل فيها ؟؟

المفروض صيدلي صح كدة

بس طبعا بنلاقي ساعات كتير ان اللي واقف في الصيدلية مش صيدلي ممكن واحد معاه دبلوم او ايا كان


بس الفكرة انه برضه بتاع الدبلوم بيبقي شاطر و فاهم و بيعرف يقرا روشتات زي الصيدلي بالضبط

امال ايه الفرق

الفرق ان الصيدلي فاهم اما صاحبنا التاني حافظ

فيوم لما يحصل موقف يكون محتاج علم الصيدلة ساعتها الصيدلي هيسد في الموقف ده

اما صاحبنا الشاطر الجميل اللي مش صيدلي اللي بقاله 10 سنين شغال زي الفل و عمره ما غلط في روشتة ممكن في الحتة دي يموت المريض

هو ده اللي احنا فيه كلنا

بنستعمل حاجات زي الموفنجات و مؤشرات و مش عارف ايه و حاجات كتير جداااااااا و بنكسب بيها بس ممكن تيجي مرة تمرجن

عارف ليه لان السوق اصلا مش بيعتمد علي الحاجات دي

بس احنامن ساعة ما عرفنا الفوركس و مالقيناش غير الحاجات دي قدامنا و لاحظنا ان الادوات دي السعر بيحترمها فنقوم عاملين استراتيجية تعتمد عليها

و فعلا بتنجح الاستراتيجية و لكن بيجي وقت و بتروح في داهية

يعني انت مثلا متخيل ان جورج سورس حاطط قدامه ستوكاستيك و تقاطع موفنج ؟؟

و لا مثلا وارين بافيت راسم ترند و مستنيه يتكسر ؟؟

و لا البنك المركزي الاوروبي حاطط سي سي اي و ار اس اي و معاهم خط دعم و مقاومة و مستنيه يتكسر ؟؟؟

و لا برنانكي مثلا راسم فيبو و مستني السعر يصحح لنسبة 61 عشان يخش ؟؟؟

يا احمد لازم نفهم اساس السوق عشان ما نبقاش زي صاحبنا بتاع الدبلوم اللي شغال زي الفل فترة طويلة بس ممكن يغلط و يموت بني ادم بسبب عدم علمه

اوعي تزعل مني انا مش قصدي و الله حاجة وحشة لكن انا بقول وجهة نظري

برافو عليك يا دكتور عصام انت جبت المختصر والمفيد ,, وفي نظري حتى لو لم نستفد مما تعلمناه في متاجرتنا بصورة مباشرة او لم نستوعب بصورة دقيقة كل هذه المعطيات والاليات التي يعمل بها سوق الفوركس ولكن على اقل تقدير لو استوعبت بشكل عام كيف يعمل هذا السوق وما هي العوامل المؤثرة فيه حقيقة فهذا اقله سوف يحميك كمتداول من الوقوع في بعض المفاهيم الخاطئة والتي تكاد تكون اوهاما وادعاءات التي يروج لها البعض سواء بقصد او دون قصد مثل من يؤكد ويقسم ويحسم ويجزم بان السعر ذاهب الى هذا الرقم او ذاك لانه كسر المستوى الفلاني او اغلق فوق الخط الفلاني او لوجود النموذج الفلاني لانك ببساطة تكون قد فهمت ما الذي يحرك ويؤثر في الاسعار وفي حركة السوق .