~¤®( الفيبوناتشى والزوايا السعرية 2012 )®¤~

[EGYPTIAN PROF]

بسم الله الرحمن الرحيم


مع انى دة اول موضوع ليا وكنت أكتفى طوال الفترة الماضية بالتعلم فى هذا الصرح الكبير ولكن بدون مقدمات سنتحدث عن الأفكار التى اود أن اطرحها مباشرة...توكلنا على الله.

KEEP IT SIMPLE


هحاول بقدر المستطاع ان أقوم بطرح ما لدى بأكثر درجة من البساطة ممكنة لأنى شخصيا بعشق البساطة ومعرفش اتكلم غير بيها و بشوف فيها أصل عبقرية اى فكرة مهما كانت هذة الفكرة معقدة فالأمور فى اصلها بسيطة واحنا اصلا الفكرة اللى هنتناقش فيها ونطورها بسيطة جدا ولكن لها مفعول السحر ان شاء الله.

اى تحليل اى كان نوعة بيدرس الحركة السابقة للسعر علشان يعرف السعر فى المستقبل بعد كدة هيروح فين لكن هناك دائما حركة حقيقة أخيرة قصيرة المدى للسعر بيقولنا منها هو ناوى يعمل اية بعد كدة يعنى 100 نقطة قادمة أو اكثر أو اقل قليلا هل السعر هيطلعهم أو هينزلهم .وتمثل هذة الحركة أهم حركة لمضاربى الأنترداى ويتم استخلاصها من فريم 4H وبعد أن يتم تحديد هذة الحركة نستطيع ان نتعرف على أتجاة السعر القادم لفترة 100 نقطة أو اكثر أو أقل قليلا ثم يتم تحليلها على الفريمات الأقل لأستخلاص نقاط الدخول والخروج سواء كانت تارجت أو ستوب .

ان شاء الرحمن فى هذا الموضوع سنقوم بالأعتماد على الأدوات التالية فقط لاغير فى تحليلنا لأى زوج.....
1- الفيبوناتشى.
2- الزوايا السعرية.
3-نماذج الشموع الأنعكاسية.


أولا .... الفيبوناتشى....

أداة فعالة جدا يستعملها أغلب المحللين و المضاربين ولكن تختلف طريقة الأستخدام من شخص لأخر تبعا للغرض من أستخدامها . وفى موضوعنا هذا سنستخدمها لتحديد أخر حركة حقيقية للسعرعلى فريم 4H لتحديد نطاق العمل على الفريم الأقل 1H


ثانيا ... الزوايا السعرية.....

يعنى الدكتور حمادة سلام يعنى الأستاذ عمرو يعنى كشف كل الأسرار والمستخبى

كل الشكر ليكو اساتذتى الكبار تعلمت منكم الكثير وفصصت اغلب مواضيعكو وأخذت منها ما يناسبنى فى تجارتى
طبعا فية البعض استفاد جدا من كل تفصيلة فى هذة المواضيع وفية البعض الأخر اللى أخد ما يناسبة وانا منهم والبعض الأخر اللى حاولو يفهمو كل شى ولم يوفقو فى ذلك لأنهم صعبوها على نفسهم وأنا بدعوهم لمحاولة تبسيط الأشياء واعادة فهمها مرة أخرى بما يناسبهم

أستخدامنا للزوايا ان شاء الله فى موضوعنا هيكون على القمم والقيعان المتكونة على فريم الساعة فقط فى اطار نطاق الحركة الحقيقية التى تم تحديدها على الفريم الأكبر فريم 4H بمعنى أخر ان الحركة الحقيقية التى سنحددها على الفريم الكبير سنعمل بالزوايا بداخل هذة الحركة فقط ونستخلص القمم أو القيعان المتكونة ونكتشف الأشكال التى يسير بداخلها السعر وسنتعرف على انتهاء هذة الحركة قبل أن يأتى الوقت ولم يأتى السعر


ثالثا ... نماذج الشموع الأنعكاسية ....

ستمثل لنا ظهور نماذج الشموع الأنعكاسية عند مستواياتنا اشارة الدخول وسيكون الستوب لوس هو هاى او لو هذة النماذج الأنعكاسية بمعنى اننا سنتدخل صفقاتنا بتارجت يفوق الستوب مرتين على الأقل وهو ما يضمن لنا النجاح على المدى القصر والبعيد ان شاء الله وسأتحدث فى المشاركة القادمة عن الأستراتيجة التى اتبعا لادارة رأس المال .

وسنقوم بتنفيذ صفقاتنا على حساب ديمو بقيمة 1000 دولار على منصة FXDD والتى سنعتمد عليها فى تحليلتنا
ونطبق عليها صفقاتنا تبعا لأستراتيجتنا الفنية واستراتيجية ادارة راس المال التى سوف نتحدث عنها

تحميل المنصة
من هنا

بيانات الحساب

Login      : 67408461
Investor   : qvz2wpt (read only password)

الله المستعان

يتبع

[بهدوووء]

بالتوفيق اخي الكريم واعتبرني معاك متابع

الفايبوناتشي وإلا فلا

[EGYPTIAN PROF]

~¤®( كيفية ادارة رأس المال )®¤~ الجزء الأول

سنتحدث فى البداية عن اهم شى فى جميع اسواق المال وهو ادارة راس المال وهو الدرع الواقى الذى يحميك من سلبيات استراتجيتك الفنية التى تتبعها ويجعلك تحافظ على بقائك فى السوق .

فى البداية لازم تحدد عايز تضحى بكام فى المية من رأس مالك فى كل صفقة

1% يعنى لاقدر الله محتاج 100 صفقة متتالية خاسرة حتى تصل الى المارجن
2% يعنى لاقدر الله محتاج 50 صفقة متتالية خاسرة حتى تصل الى المارجن
5% يعنى لاقدر الله محتاج 20 صفقة متتالية خاسرة حتى تصل الى المارجن

أكثر من كدة فى وجهة نظرى الشخصية تبقى مقامرة وليست متاجرة

بعد ما حدننا هنخاطر بكام فى كل صفقة نقدر نحدد هندخل بحجم عقد قد أية يعنى مثلا لو رأس مالك 1000 $ وهندخل كل صفقة بمخاطرة 5% من رأس المال يبقى هنخاطر فى كل صفقة ب 50 $ لتحديد حجم عقد الدخول نقوم بتطبيق المعادلة التالية
قيمة المخاطرة \ قيمة نقاط الستوب = حجم عقد الدخول.
يعنى لو جيت تخش صفقة ولقيت ستوبك .....
25 نقطة يبقى هندخل بقيمة عقد 2 مينى. (50\25=2)
50 نقطة يبقى هندخل بقيمة عقد 1 مينى.(50\20=1)
100 نقطة يبقى هندخل بقيمة عقد 0.5 مينى او 5 عقود ميكرو. (50\100=0.5)
وهكذا.....

نأتى لمفهوم أخر وهو RISK REWARD نسبة المخاطرة الى الربح

بمعنى انى مثلا لو داخل صفقة ستوبها 50 نقطة وترجتها 50 نقطة يبقى داخل بريسك ريورد 1_1
يعنى لتعويض صفقة خاسرة محتاج صفقة رابحة

ولو داخل صفقة ستوبها 50 نقطة وترجتها 100 نقطة يبقى داخل بريسك ريورد 1-2
يعنى لتعويض صفقتين خاسرتين محتاج صفقة رابحة واحدة فقط

ولو داخل صفقة ستوبها 50 نقطة وترجتها 150 نقطة يبقى داخل بريسك ريورد 1-3
يعنى لتعويض 3 صفقات خاسرة محتاج صفقة رابحة واحدة فقط

وهكذا.....

ونلاحظ انة كلما كان نسبة الربح الى الخسارة اكبر كلما كان تعويض الصفقات الخاسرة محتاج الى عدد اقل من الصفقات الرابحة لتعويض الخسارة

يتبع

[EGYPTIAN PROF]

~¤®( كيفية ادارة رأس المال )®¤~ الجزء الثانى

تحدثت فى المشاركة السابقة عن تحديد حجم عقد الدخول عن طريق ايجاد نسبة المخاطرة والستوب ونستنتج منهم حجم عقد الدخول مرفق برنامج يسهل كل ما سبق مجرد فقط ان تدخل البيانات المطلوبة ويقوم البرنامج تلقائيا باظهار حجم العقد المناسب للدخول

نأتى الى نقطة أخرى وهى تحديد التارجت وهنا اتذكر جيدا عندما كنت أتعلم الأيشيموكو كينكو هايو من كتاب الأستاذ محمد عبد الرحمن ذكرة الله بالخير عندما كان يتحدث عن الأستراتيجة المالية وكان لة وجهة نظر اقتنعت بها ومازلت اطبقها حتى الأن فى صفقاتى الفكرة كالتالى......

مثلا بعد ان نستخلص حجم العقد الذى سندخل الصفقة بة وليكن مثلا كانت النتيجة الدخول بلوت مينى فنقوم بالدخول بهذا العقد على مرتين كل مرة ندخل فيها بنصف عقد مينى (5 عقود ميكرو) والدخول يكون من نفس النقطة ولكن الغرض من تقسيم عقود الدخول هو اختلاف التارجت لكل منهم.
فالنصف الأول من العقد نضع لة تارجت مساوى للأستوب
والنصف الأخر من العقد نضع لة تارجت كما تخبرنا استراتيجتنا الفنية

مثال.....
جتلنا صفقة ترجتها 150 نقطة وستوبها 50 نقطة ورأس مالنا 1000$ وهنخاطر 5% من رأس مالنا فى كل صفقة......
يبقى عقد الدخول =50$\50=1 اذن الدخول سيكون بعقد مينى
هنخش من نفس النقطة الدخول بعقدين متساويين قيمة كل منهم 0.5
العقد الأول تارجت 50 نقطة
العقد التانى تارجتة كما تخبرنا استارتيجتنا الفنية وهو 150 نقطة مثلا
وبمجرد تحقيق التارجت الأول للعقد الأول يتم تقديم ستوب العقد التانى لنقطة الدخول وبذلك اذا انعكس السعر وعاد لنقطة الدخول لم نخسر شيئا وكمان كسبنا 50 نقطة منا لعقد الأول
والغرض من كل ذلك انة عند الدخول طبقا لشروط استراتيجية فنية سليمة يجب أن يسير السعر على الأقل مسافة مساوية للستوب الفنى الذى تم وضعة .

[faridns]

متابع معاك بقوة اخي الكريم و الحقيقة الفيبوناتشي بالنسبة لي رقم 1 و اختيار موفق جدا

[AbuJmel]

مبروك الورشة الجديده اخي الكريم

[EGYPTIAN PROF]

~¤®( الأستراتيجية الفنية )®¤~ الجزء الأول

يأتى دور فنيات الدخول والخروج بأستخدام استراتجيتنا الفنية وتنقسم لجزئين....

الجزء الأول ...تحديد نطاق العمل وذلك عن طريق رسم الفيبوناتشى على أخر حركة حقيقية للسعر على فريم 4H ...

عندما يكون أتجاة للسعر سواء صاعد أو هابط بنرسم علية الفيبوناتشى وهنا عندنا أحتمالين لاثالث لهما....
أولا....ان السعر هيروح يصحح وبعدين يكمل أتجاهة الطبيعى.
ثانيأ....ان عملية التصحيح دى هتتطور وتتحول الى تغير فى الأتجاة والأتجاة الصاعد يبقى هابط او الهابط يبقى صاعد.

طيب لو السعر هيصحح هيصحح عن نسبة كام ولو ناوى يغير أتجاهة اعرف منين دة هيجرنا لمعرف فايدة كل مستوى من مستويات الفيبوناتشى....

مستوى 100...وهو مستوى بداية الرسم فعندما نرسم الفيبوناتشى على أتجاة صاعد يمثل هذا المستوى القاع الذى بدأ منة الأتجاة الصاعد.وعند رسمة على أتجاة هابط يمثل هذا المستوى القمة الذى بدأ منها الأتجاة الهابط .

مستوى الصفر...وهو القمة التى بدأمنها الأتجاة الصاعد التصحيح او القاع الذى بدأمنة الأتجاة الهابط فىا لتصحيح .

مستوى23 ...وبضرب السعر لة يصبح الفيبوناتشى داخل نطاق الخدمة ونبدأ فى الأعتماد علية فى تحليلنا.

مستويات 38-50-61 هى مستويات التصحيح المتوقعة للسعر وان كان اضعفهم مستوى 38 والذى يصحح عندة السعر فى حالات نادرة جدا واستخدامنا لة سيكون فقط فى تحديدة كهدف لصفقاتنا عندما ندخل فى بداية التصحيح ثم بعد ذلك نغلق صفقتنا ونترك السعر ليذهب الى مستويات 50 و61 ونراقب سلوكة هناك لمعرفة ان كان سيكتمل الأتجاة السابق وتنتهى عملية التحصحيح ام سيتحول التصحيح الى اتجاة جديد.

مستويات 161-261 اذا تحول هذا التصحيح الى أتجاة جديد فستكون تلك المستويات هى حدودة واللى لو جة عندها لازم يقوم بعملية تصحيح قبل استئناف حركتة

[ahmedphen0m]

شرح مميز جدا
و عجبتنمي جدا ادارة راس المال شغل محترفين بصراحة
موفق ان شاء الله

[Mo3Ty]

اول موضوع ايه بس ده موضوع يوضح انك محترف بسم الله ماشاء الله
وحتبقا ورشة رائعة وقوية
تسجيل متابعة
تقبل تحياتي

[EGYPTIAN PROF]

EUR-USD



كما نرى فى هذة الصورة الأتجاة الصاعد الأخير قام بالتصحيح الى مستوى 50 فيبوناتشى وهناك أظهر البرايس أكشن سلوك أنعكاسى بشمعة هامر تدل على انتهاء التصحيح واستئناف الأتجاة السابق مرة أخرى ولكى نتعرف على حدود الأتجاة القادم اللى سيصل اليها بعد ان أنهى تصحيحة نقوم بتعديل رسمة الفيبوناتشى ونرسمها على موجة التصحيح لتكون بهذا الشكل



هنا لدينا أحتمالين عند وصول السعر لمستويات 50-61 فيبوناتشى اما انة سيظهر سلوك انعكاسى يدل على انتهاء التصحيح للأتجاة الهابط الأخير او انة سيكسر مستوى 61 فيبو وساعتها قدامة هدفين الهدف الأول القمة الأخيرة والهدف التانى مستوى 161فيبو ولو ركزنا فى الصورة السابقة هنلاحظ انى السعر كسر مستوى 61 ووصل للقمة الأخيرة اللى هى هدفة الأول ثم عاد وأغلق اسفل مستوى 61 وبهذا الأغلاق يتوجب علينا اعادة رسم الفيبو على الموجة الجديدة التى تكونت لدينا وهتكون من نفس القاع ولكن سيصبح القاع هنا هو نقطة البداية وسنغير القمة وهى اخر قمة كونها السعر قبل ان يعود ويغلق اسفل مستوى 61



نلاحظ ان السعر صحح من الموجة الصغيرة عن مستوى 61 فيبو ثم انعكس فنقوم بتعديل الرسم على المعطيات الجديدة ليصبح بهذا الشكل


وزى ما هو وضاح السعر كسر 61 فيبو والقمة الاخيرة بشمعة ليموزين واحدة وراح لهدفة التالى عند 161 ثم اظهر سلوك انعكاسى يدل على انعكاس الأتجاة فيجب ان نغير موضع القمة حسب المعطيات الجديدة ايضا لتصبح بهذا الشكل


هنلاحظ نفس الكلام بيتكرر ونفس السيناريو الممل الممتع فى نفس الوقت
السعر راح لمستوى 61 واظهر السلوك السعرى ان التصحيح قد انتهى وسيستأنف الصعود
ثم نرسم الفيبو بناءا علىا لمعطيات الجديدة القمة زى ماهى بس هتبقى نقطة البداية والقاع هيبقى لو الشمعة الأنعكاسية اللى ظهرت عن فيبو 61 لتصبح بهذا الشكل


وهنا السعر كسر مستوى 61 وقعد يتذبذب ولم يستطع الوصول للقمة الأخيرة وهذة اسوأ الحالات التى من الممكن اتن تواجهنا واللى لما نلاقيها نعرف ان اللسوق حركتة عرضية ويفضل الأبتعاد الا ان تتضح الأمور
لما تظهر حالة زى دى نستنى ونشوف السعر هيعمل اية هيسكر القمة ولا هيقفل اسفل مستوى 61 هبص نلاقية قفل تحت مستوى 61 يبقى نرسم على اخر قمة اتكونت قبل ان يغلق اسفل مستوى 61 والقاع هوهو بس هنبدأ الرسم من عندة ليكون بهذا الشكل



هنلاقية كسر مستوى 61 وكسر القاع الأخير وكسر 161 ولم يظهر عندها اى سلوك انعكاسى حتى وصل الى المحطة اللى لازم تبقى الأخيرة لية وهى مستوى 261 ثم اظهر سلوك انعكاسى وانعكس بالفعل

يتبع

[EGYPTIAN PROF]

EUR-USD



كما نرى فى هذة الصورة الأتجاة الصاعد الأخير قام بالتصحيح الى مستوى 50 فيبوناتشى وهناك أظهر البرايس أكشن سلوك أنعكاسى بشمعة هامر تدل على انتهاء التصحيح واستئناف الأتجاة السابق مرة أخرى ولكى نتعرف على حدود الأتجاة القادم اللى سيصل اليها بعد ان أنهى تصحيحة نقوم بتعديل رسمة الفيبوناتشى ونرسمها على موجة التصحيح لتكون بهذا الشكل



هنا لدينا أحتمالين عند وصول السعر لمستويات 50-61 فيبوناتشى اما انة سيظهر سلوك انعكاسى يدل على انتهاء التصحيح للأتجاة الهابط الأخير او انة سيكسر مستوى 61 فيبو وساعتها قدامة هدفين الهدف الأول القمة الأخيرة والهدف التانى مستوى 161فيبو ولو ركزنا فى الصورة السابقة هنلاحظ انى السعر كسر مستوى 61 ووصل للقمة الأخيرة اللى هى هدفة الأول ثم عاد وأغلق اسفل مستوى 61 وبهذا الأغلاق يتوجب علينا اعادة رسم الفيبو على الموجة الجديدة التى تكونت لدينا وهتكون من نفس القاع ولكن سيصبح القاع هنا هو نقطة البداية وسنغير القمة وهى اخر قمة كونها السعر قبل ان يعود ويغلق اسفل مستوى 61



نلاحظ ان السعر صحح من الموجة الصغيرة عن مستوى 61 فيبو ثم انعكس فنقوم بتعديل الرسم على المعطيات الجديدة ليصبح بهذا الشكل


وزى ما هو وضاح السعر كسر 61 فيبو والقمة الاخيرة بشمعة ليموزين واحدة وراح لهدفة التالى عند 161 ثم اظهر سلوك انعكاسى يدل على انعكاس الأتجاة فيجب ان نغير موضع القمة حسب المعطيات الجديدة ايضا لتصبح بهذا الشكل


هنلاحظ نفس الكلام بيتكرر ونفس السيناريو الممل الممتع فى نفس الوقت
السعر راح لمستوى 61 واظهر السلوك السعرى ان التصحيح قد انتهى وسيستأنف الصعود
ثم نرسم الفيبو بناءا علىا لمعطيات الجديدة القمة زى ماهى بس هتبقى نقطة البداية والقاع هيبقى لو الشمعة الأنعكاسية اللى ظهرت عن فيبو 61 لتصبح بهذا الشكل


وهنا السعر كسر مستوى 61 وقعد يتذبذب ولم يستطع الوصول للقمة الأخيرة وهذة اسوأ الحالات التى من الممكن اتن تواجهنا واللى لما نلاقيها نعرف ان اللسوق حركتة عرضية ويفضل الأبتعاد الا ان تتضح الأمور
لما تظهر حالة زى دى نستنى ونشوف السعر هيعمل اية هيسكر القمة ولا هيقفل اسفل مستوى 61 هبص نلاقية قفل تحت مستوى 61 يبقى نرسم على اخر قمة اتكونت قبل ان يغلق اسفل مستوى 61 والقاع هوهو بس هنبدأ الرسم من عندة ليكون بهذا الشكل



هنلاقية كسر مستوى 61 وكسر القاع الأخير وكسر 161 ولم يظهر عندها اى سلوك انعكاسى حتى وصل الى المحطة اللى لازم تبقى الأخيرة لية وهى مستوى 261 ثم اظهر سلوك انعكاسى وانعكس بالفعل

يتبع

أستكمالا لما سبق نعود ونستكمل

نرسم القيبوناتشى بناءا على المعطيات الجديدة نفس القمة و لكن ستصبح نقطة بداية الرسم والقاع عند مستوى 261 ومنهنا نستطيع الدخول شراء ما علينا من دخول الصفقات الأن فسنصل بمشيئة الرحمن الى نقاط دخول منتقاة بستوب صغير واهداف بعيدة ان شاء الله

بعد تعديل الرسم يصبح بالشكل التالى


ونجد ان السعر قد صحح عند مستوى 50 فيبوناتشى واسهل سلوك انعكاسى بشمعة شهاب تبعها ابتلاع بيعى فنقوم بتعديل رسم الفيبوناتشى نفس القاع ولكنة سيصبح نقطة البداية والقمة هاى الشمعة الأنعكاسية ليصبح بهذا الشكل



نرى ان السعر كسر مستوى 61 فيكون هدفة القاع الأخير عند مستوى 100 بداية الرسم وبالفعل وصل لها ثم كسر مستوى 100 وعاد واغلق فوقة ثانية هذة حالة شاذة اخرى تشبة الحالة عندما يكسر السعر مستوى 61 الى الأسفل مثلا ثم يعود ويغلق فوقة ولكن الأختلاف هنا انة كسر مستوى 100 ثم عاد واغلق فوقة هنا ننتظر ان يعود السعر الى اتجاهة الطبيعى تحت مستوى 100 واستئناف اتجاهة الهابط الى مستوى 161 او يغلق اعلى مستوى 61 ننتظر اى من الحالتنين تتحقق حتى نقوم باعادة رسم الفيبوناتشى على المعطيات الجديدة فسنجد انة اغلق فوق مستوى 61 فيبو اذن هنا نقوم بالرسم على القاع الجديد الذى تكون ليكون بالشكل التالى


أخترق مستوى 61 الى الأعلى ثم عاد واغلق اسفلها مرة اخرى فنعيد الرسم عل المعطيات الجديدة طبعا كل هذا يعكس التذبذب الشديد والمقرف اللى كنا بنعيش فية الأيام اللى فاتت مع زوج اليورو دولار

سنستكمل باقى المشوار الى موضع السعر الحالى ان شاء الله ولكن بعد طرح الخطوات النظرية والتى فضلت ان تأتى بعض التطبيقات العملية حتى يتم فهمها بطريقة صحيحة ففى المشاركة القادمة ان شاء الله سأقوم بوضع الأساسيات النظرية التى نحرك بها رسم الفيبوناتشى ثم بعد ذلك نستكمل التطبيقات العملية مرة اخرى لتعميق فهمها

[a7md 3ziz]

السلام عليكم ورحمة الله وبركاته

بسم الله ماشاء الله .. لاقوة إلا بالله ..

شرح رائع وسهل .. أرفع لك القبعة أخي الكريم .. واصل فقد استمتعت كثيرًا بشرحك وطريقتك الرائعة..
والفايبوناتشي أداة قوية في المتاجرة وأنا أستخدمها كثيرًا مع الأيشميكو ولا أستغني عنها، ولكن أعجبني كثيرًا طريقة استخدامك لها وبإذن الله سأستفيد من طريقتك هذه إن سمحت لي.

أتمنى أن تشرفنا بإسمك الكريم.. فأنا أحب أن أنادي الناس بأسمائهم أو كنيتهم..

متابع بشغف .. وموضوعك من المواضيع الرائعة والمحببة إليّ، والتي تستحق المتابعة والإهتمام.

[EGYPTIAN PROF]

بالتوفيق اخي الكريم واعتبرني معاك متابع

الفايبوناتشي وإلا فلا

اهلا بيك اخى الكريم يسنى جدا متابعتك وارجو منك الأتنقطع وان تشاركنى الحديث ويد الله مع الجماعة ان شاء الله

متابع معاك بقوة اخي الكريم و الحقيقة الفيبوناتشي بالنسبة لي رقم 1 و اختيار موفق جدا

بالفعل اخى الكريم الفيبوناتشى اداة هامة جدا لازم تكون موجود جنب اى نوع من التحليل بتستخدمة او جنب اى طريقة بتنفذها واهو ان شاء الله هنحاول نوظفة علشان ناخد منة اكبر استفادة ممكنة وياريت تبقى تفيدنا بخبرتك فية يا باشا

مبروك الورشة الجديده اخي الكريم

شرح مميز جدا
و عجبتنمي جدا ادارة راس المال شغل محترفين بصراحة
موفق ان شاء الله

شكرا ليك ما احنا بتوع برمجة زى بعض ولازم نفهم بعض

اول موضوع ايه بس ده موضوع يوضح انك محترف بسم الله ماشاء الله
وحتبقا ورشة رائعة وقوية
تسجيل متابعة
تقبل تحياتي

حبيبى شكرا لمجاملتك الجميلة دى ونتمنى تشاركنا ونستفيد من خبرتك يا حبى

[mercury_man]

موضوع رائع
متابع معك اخي الكريم
بالتوفيق والنجاح

[أبوجلال]

ورشة رائعة اخي الكريم
والتوفيق للجميع