البرشام ده مش جديد علينا بس كان للمتجوزين ولبعض فئات من الناس
دلوقتى الشباب اتضربت بالبرشام ده

المهم ان الشباب اتجهوا للبرشام ترامادول او الترادول او تيدول او كونترمال
البرشام ده حط تحته خطين ودايره حمره وسلط عليه الاضواء لان ده موضوعنا النهارده
من اخطر انواع المخدرات المنتشره لاى شاب لانك تقدر تدخل لاى صيدلى من بتوع الثراء السريع وتشتريه طبعآ باربع اضعاف تمنه
او تشتريه من نفس تجار الحشيش امال هيا الناس دى حتبطل شغل ولا ايه دا حتى الايد البطاله وحشه

البرشام ده ادمان اقوى من الحشيش بمراحل واكثرهم انتشارآ الترامادول
الماده الفعاله :- ترامادول هيدروكلوريد مسكن قوى للالم (strong bian killer)

دواعى الاستخدام :-
يستخدم لعلاج حالات الالم القوى او المزمن فى حالات زى السرطان او الكسور الصعبه فى الجسم اوكسر العمود الفقرى او الام الظهرالمزمن او العظام وبعد العمليات الجراحيه الحرجه وحالات صعبه اخرى

الاستعمال :-
يستخدم بحرص شديد تحت اشراف وجرعات يوصى بها الطبيب ولا يصرف الا بروشته من الطبيب المعالج
المسميات والتركيزات :- تختلف المسميات ولاكن الماده الفعاله واحده مثلآ ( ترامادول _ ترامادول x_ ترامادول sr_تراماجاك_ تامول _تامول ْْxx_الترادول _كونترمالsr_ الخ..) اس ار معناها ممتد المفعول

تركيز الماده الفعاله:- (50ملى _100ملى _150ملى_200ملى_225ملى) وطبعآ كل ما زاد التركيز......
التاثير:- تسكين للجسم _ نشاط _قوه _تقل فى الدماغ_ زياده وقت العلاقه الزوجيه { بعد التعاطى فتره حيحصل العكس المخدر اساسا بيعطل مراكز الاحساس فى المخ فابالتالى مش بيستقبل المؤثرات الخارجيه فاينتج ضعف فى الانتصاب)


بدايه الطريق للادمان:
واحد صاحبك بيوجب عليك بنص حبايه وبيقلك دى حتخليك 100% { يعينى على الصحاب} وبتاخدها تلاقى نفسك فعلا نشيط وقوى ومصحصص ولو متجوز بتطول فى وقت العلاقه يعجبك الموضوع وتجرب تانى وتالت وتقول 100 ملى عند اللزوم متعملش حاجه لو معاك شغل كتير او عايز تسهر او تذاكر الخ..
وطبعا صاحبك مش حيصرف على كيفك كفى نفسك انتا فا بتديله فلوس يشتريلك شريط ويخلص الشريط فى شهر ويبدأ الصداع لانك بتاخد نص حبايه كل كام يوم وصاحبك مش قاعد كل يوم فابيعرفك بالتاجر وشهر ورا شهر بتلاقى نفسك بتاخد 200ملى كل يوم لان الجرعات الاقل مش بتاثر فيك وكل مرحله تدخلك فى الى اخطر منها وتلاقى نفسك بتشرب شاى وسجاير كتير جدآ جدآ لدرجه انك مش عارف تتنفس وصدرك بيتدمر وانتا مش حاسس

 واستمتع بالاثار الجانبيه :-
  1. ارق {حتلاقى نفسك بتطبق يومين وتلاته او تنام كل يوم ساعتين}
  2. عدم تركيز _ ضعف فى الجسم _رعشه اعصاب _ شحوب فى الوجه_ ضعف فى الابصار
  3. نقص شديد فى الوزن ( مثلا لو انتا 70 كيلو حتلاقى نفسك بعد كام شهر 50 كيلو )
  4. فقدان فى الشهيه
  5. مغص +امساك مستمر
  6. مقتنع انك اذكى واحد
  7. اختلاق قصص خياليه على انها حصلت لك او لغيرك
  8. انت صح فى كل شىء دائما


كده ابشرك انتا كده بقيت مدمن وده من اول برشامه بس انتا مكنتش حاسس وخلى بقا تجار البرشام يتحكموا فيك


يا اما تتحول انتا لتاجر والنهايه معروفه السجن

عايز تبطل

والله حتقدر

 مظاهر الانسحاب حتتعبك
احساس بصداع + خمول + وجع فى الظهر


الاعراض حيختفى اغلبها فى اول 3 او 4 ايام وحتلاقى نفسك بترجع تنام وتاكل كويس وباقى الاعراض حتختفى بعد اول اسبوع وترجع كويس