يعني الكتاب مبين من عنوانه. كل خبراء العالم وكل دورة دخلتها .وكل واحد له باع طويل بالسوق . اذا جيت تساله كيف اصير هاموووووووووووور يقولك تحكم بنفسيتك واعرف كيف تدير راس مالك.طيب قولي كيف اتحكم بنفسيتي وعواطفي لانها اهم نقطة .يقولك راجع نفسك .حلوه . وكاني شاتم اهله .وماسكني بزاوية وخذ تكفيخ. تعرفون السبب . مافيه خبير او محلل لديه المام بالعواطف والتخلص منها اثناء المتاجرة.يديك استراتجية اوك . يديك طريقة رسم ترند او طريقة متاجرة معينه ok ولكن مستحيل يديك الشي الذي انت بالاصل تملكه.بسيطه ماتصتصعبهاش .شباب تعرفون العواطف بالسوق هي مجرد معلومه . صدق مجرد معلومه اشرحلك كيف وركز .وسوي فرمته للجمجمه . طبعا بعد ماتشحن البطارية. تخيل معي ان هذه المعلومه تتعلق فيك ولاتتعلق بالسوق. ولكن انت طبعا بفراستك تحولها الي معلومات متعلقة بالسوق. وهذا غلط كبير جدا بصراحه .لانه احينا يلتبس الامر علينا ونضيع بالطوشه .وتصير اطرش وسط الزفه. السوق نفسه ولكن مشاعرنا هى اللي تغيرت .فلو شعرت بالخوف لانك خسرت بهذه الصفقة طبيعي انك راح تتردد وماتدخل الصفقة الثانية. وانت عندك مؤشراتك وتحليلك واستراتجيتك اللي تقولك دخول. طيب يااخ العرب. احسبها معي . الصفقة تغيرت الجواب لا ربح او خسارتك تغيرت الجواب لا السوق مو نفسه سوق العملات ماتغير فيه شي . صح. طيب انت فوت فرصه على نفسك لان مشاعرك تغيرت . يعني من داخلك ماصار عندك ثقة بنفسك ولا بنمط تحليلك ولا باستراتجيتك.. وصلت معاك اتش والحراره فل . شوي وتصير كبريت . ماعليك اذا صار معك هذا الشي روح اقرب نقطة دفاع مدني وارمي بنفسك بخزان الماء عادي عادي الماء عندهم نظيف.المهم. شويت حشرات وضفادع وهلما جراء .بس لاتخاف صدق نظيف.ايون ويجيك ولد صغير وعارف انك خسران ومحبط يقولك يافاشل . وزملاك بالاستراحة ماسكينك بهذله . حاطين عليك. واحد بلعب باللوت واخذ صن يوم فاز عليك قاللك ياشيخ ماعندك سالفه. روح بحضن امك افضلك. زوجتك بالبيت والله قوية اذا تزعلها قالت روح انت خسران وفاشل . يعني صرت منشفة زراء.جلست مع نفسك شوي وقلت والله راح اثبتلهم العكس .رحت وضاعفت عقودك تبي تصير سبيدر ماااااااااااااااااااان .وخسرت. اههههههههه.ياحرام خسران.طيب ويش الحل وكيف راح اقولك بس قرب اذنك شوي وماابي اسمع ولا صوت. ضروري جدا تسوي غسيل مخ بعد كل شي صار.لازم تنسا انك خسرت وان اللي احلا بكثير.لاتحسس نفسك انك عجزت وانك مو قادر توصل للهدف اللي تبيه –طبعا اكثرنا يبي المليووووووووووون-بتوصل ولكن بالصبر والتفكير السليم.ولاتشعر بان هذا الشي مستحييييييييييييييل. شفتو كيف طويلة. امدح نفسك ولاتفكر بانتقاد الاخرين لك لان اغلبه محبط.حط خوفك بكرتونة وارمية بالبحر . وان لقيت سمك قرش نذل ورجعه لك مسج على اقرب حوت وينتهي الموضووووع.اعجبني كلام قاله ريتشارد باندلر. يظن بعض الناس ان السعادة هي نتيجة النجاح ولكن العكس هو الصحيح حيث ان النجاح هو الشعور بالسعادة. بعدين حرر نفسك من الخساره اللي تعرضت لها ولاتخليها لازقة فيك على طول. وشوف بعدين ماتجرب باذن الله راح تكون شخص ثاني وشخص ناجح.
. اسف طولت عليكم ولكن والله المقصد ان الخير يعم الجميع.


همسه
اربع مبادء للسعادة
الهدوء النفسي الداخلي
الصحة السليمة
الحب للكل
تحقيق الذات