النتائج 1 إلى 7 من 7
- 18-04-2012, 01:14 PM #1
اختلاف فى النقاط بين الميتاتريد والFX AccuCharts
بسم الله الرحمن الرحيم
السلام عليكم ورحمة الله وبركاتة
واضح جدا انى عضو جديد فى المنتدى بس انا من انشط الزوار للمنتدى
قبل ما ادخل فى الموضوع عايز اشكر كل اعضاء المنتدى من الصغير للكبير
لانة كان بوابتى للفوركس وعلى فكرة يا جماعة المنتدى رائع وجميل باعضائة مش بحاجة تانية مرة تانية شكرا ليكم وربنا يبارك لكم.
الموضوع بقى ان برنامج اف اكس سول FX AccuCharts
الشارت فية جاب سعر مجابهوش فى الميتا تريد
يعنى فى الميتا تريد كانت القمة عند مثلا 1.3094
وفى برنامج اف اكس سول القمة 1.3097
يعنى فى الميتا تريد السعر موصلش للى وصلة فى برنامج اف اكس سول
والموضوع دة هيجننى لانى مش عارف احط الاستوب لوز على انهى برنامج
الميتا تريد ولا بتاع اف اكس سول وكمان هو دة مش معناة ان فى لعب فى الشارت انا بدات اتوغوش ربنا يستر ومنتظر رئيكم
- 18-04-2012, 01:26 PM #2
تأكد بأنهم جميعهم على الــ Bid
- 18-04-2012, 01:47 PM #3
تسلم يا غالى لمرورك بس هو مش المفروض الشارت واحد سواء بيع او شراء ولا انا فى حاجة مش فاهمها معلش هتقل عليك مبتدئ بقى وجايلك عشان تكسب فيا ثواب ههههههههههه منتظر ردك
- 18-04-2012, 02:16 PM #4
السلام عليكم ورحمة الله وبركاته
بص يا خالد انا ححاول افهمك الموضوع ماشى ازاى عشان متلخبطش نفسك
السبريد بينضاف على سعر الدخول بتاعك
بمعنى انك لو حتبيع زوج اليورو سعره 1.3000 حتتفتح سعر الصفقة الاوبن 1.3000
لكن عشان تقفلها فى نفس اللحظة بيبقى السعر مضاف ليه السبريد 1.3003 ( 3 نقاط)
موضوع اعلى سعر و اقل سعر بقا
السعر بيوصل فى الميتاتريدر على مثالنا السابق لو فرضنا انه اعلى سعر فى اليوم هو 1.3000
لكن فى الجى تى اس بيقلك ان اعلى سعر وصله اليورو فى اليوم هو 1.3003 السعر الاساسى بالاضافى للسبريد
ملخص الكلام :: سعر التشارت فى الميتاتريدر هو سعر العرض فى الجى تى اس
واعلى سعر بيتحقق فى الجى تى اس اخصم منه السبريد وبيبقى هو اعلى سعر فى الميتاتريدر وصله الزوج
ملحوظة كمان برنامج FX AccuCharts فى خيار انه بيظهرلك تشارت الطلب ( السعر + السبريد) لكن الميتاتريدر بييظهر سعر العرض بس
اتمنى انى اكون فهمتك الموضوع .. وملخبطكش اكتر
تقبل تحياتىآخر تعديل بواسطة moh.gahmy ، 18-04-2012 الساعة 02:18 PM
- 18-04-2012, 02:27 PM #5
moh.gahmy روح ربنا يباركلك ياشيخ ربنا يفتحها فى وشك يارب تكسب 100 نقطة انهردة هههههههههههههه دعوات من القلب دى على فكرة وانا كدة فهمت وتسلم لمرورك
معلش سؤال اخير رأيك انهى افضل FX AccuCharts ولا الميتا تريد؟آخر تعديل بواسطة khaledmh ، 18-04-2012 الساعة 02:33 PM
- 18-04-2012, 02:39 PM #6
- 18-04-2012, 05:20 PM #7