السلام عليكم : عايز اسال عن شركة

[anahesho]

السلام عليكم
انا بقيلى فتره باشوف اعلانات عن وظائف مراقب عملات فى شركة infinity 4 trading ف قولت اروح اعمل انترفيو واجرب وفى الانتر فيو مكملتش كتير قالتلى عندك خبره فى الفوركس قولت ايوا وشويه اساله كمان وبعدين قالت طيب هانعمل اختبارين ولو نجحت فيهم هاتشتغل قولتلهم مفيش مشكله وخلص الانترفيو على كدا وقالت هانتصل بيك عشان نحدد ميعاد الاختبار
بعدين واحد اتصل بيا بعدها بيوم وقالى ان الاختبار هايكون صعب ولو عايز تاخد كورس عن الفوركس عندنا ب1800 جنيه او تجيبلنا شهاده معتمده مرتبطه بالفوركس
قولتله انا عندى خبره كويسه فى الفوركس ومش محتاج اى دورات حضرتك ممكن تختبرنى ولو لفيت انى محتاج اى كورسات انا هاخد كورس عندكم قالى ماشى مفيش مشكله هانتصل بيك تانى قريب عشان الاختبار
وخلص الكلام على كدا

دا اللى حصل بالتفصيل لغاية امبارح فانا عايز اعرف معلومات اكتر عن الشركه دى وانا لما بحثت لقيت عندهم منتدى ولقيت ان عندهم فرعين واحد فى بنها و التانى فى المظلات ودا كل اللى اعرفه عن الشركه
ياريت ياشباب اللى عنده اى معلومات عن الشركه يفيدنى عشان لو طلعت شركه محترمه انا ممكن اخد الكورس عندهم معنديش مشكله بس المهم تكون شركه مجترمه

منتظر اجابتكم واسف عالاطاله

[halmoos]

خلي بالك

أنا معرفهمش للامانة

بس طريقتهم من كلامك مش مريحة خالص, و تحس أن هدفهم يلبسوك الكورس مش هدفهم انهم يشغلوك

الله يوفقك و ابقى قلنا إيه الأخبار

[مصطفى خالد]

ابعد عن الكلام افلاضى ده
ليه معاه تجربه
و مع صديق ليا تجريه

و الهدف انهم يلبسوك الكورس و هتلاقيه كورس من ابو 50 جنيه فى الاخر

[anahesho]

انا برده حسيت انهم عايزين يلبسونى الكورس بس لاحظ فى كلامهم انهم قالو ان انا ممكن اخد الكورس من عندهم او تاخد كورس متعلق بالفوركس ويكون معاك شهاده معتمده بكده و بعدين قولتهم طيب ممكن تنصحونى اخد الكورس فين عشان انتو بعيد عنى(اختبار ليهم عشان اعرف لو عايزينى اخد الكورس عندهم ولا فى اى حته) ونصحنى انى اسال فى جامعة القاهره
بس كان واضح انه مكنش يعرف حاجه عن الفوركس
عالعموم انا هاشوف هايتصلو ولا لا
انا قولتلهم انى مستعد لاى اختبارات من غير كورسات وهما قالو خلاص هانكلمك تانى عشان الاختبار
بس عموما الشركه فى حته محترمه يعنى هى فى برج البرج دا كله شركات بس وكمان الشركه من جوا شكلها نضيف يعنى بس انا سالت واحد شغال فى العماره قالى انهم لسه جداد فى العماره مكملوش سنه واللى مقلقنى انى مش لاقيلهم موقع خاص بيهم يعنى مش معقول يكون فيه شركة فوركس معندهاش موقع عالعموم انا مستنى منهم مكالمة الاسبوع الجاى ونشوف هما على حق ولا ايه

[شهيد الاسلام]

من خلال كلامك يا غالى واضحة وضوح الشمس أنهم كل هدفهم انك تشترك فى الكورس بتاعهم

[halmoos]

انا برده حسيت انهم عايزين يلبسونى الكورس بس لاحظ فى كلامهم انهم قالو ان انا ممكن اخد الكورس من عندهم او تاخد كورس متعلق بالفوركس ويكون معاك شهاده معتمده بكده و بعدين قولتهم طيب ممكن تنصحونى اخد الكورس فين عشان انتو بعيد عنى(اختبار ليهم عشان اعرف لو عايزينى اخد الكورس عندهم ولا فى اى حته) ونصحنى انى اسال فى جامعة القاهره
بس كان واضح انه مكنش يعرف حاجه عن الفوركس
عالعموم انا هاشوف هايتصلو ولا لا
انا قولتلهم انى مستعد لاى اختبارات من غير كورسات وهما قالو خلاص هانكلمك تانى عشان الاختبار
بس عموما الشركه فى حته محترمه يعنى هى فى برج البرج دا كله شركات بس وكمان الشركه من جوا شكلها نضيف يعنى بس انا سالت واحد شغال فى العماره قالى انهم لسه جداد فى العماره مكملوش سنه واللى مقلقنى انى مش لاقيلهم موقع خاص بيهم يعنى مش معقول يكون فيه شركة فوركس معندهاش موقع عالعموم انا مستنى منهم مكالمة الاسبوع الجاى ونشوف هما على حق ولا ايه

و احتمال كبير كمان يكون الكورس اللي في جامعة القاهرة ده برضه تبعهم, يعني عادي (بيبعد الشكوك عن نفسه بس)

و قلق قوي حكاية انهم مكملوش سنة و مالهمش موقع, و بصراحة كل كلامك بيدل انهم مش مظبوطين

عموما أنت ممكن تمشي معاهم بس بدون ماتدفع أي حاجة و شوف إيه اخرهم

و أن شاء الله مستنينك تقولنا عملت إيه

و اتمنالك التوفيق من كل قلبي

[anahesho]

ابعد عن الكلام افلاضى ده
ليه معاه تجربه
و مع صديق ليا تجريه

و الهدف انهم يلبسوك الكورس و هتلاقيه كورس من ابو 50 جنيه فى الاخر

كلامك فكرنى بتجربه مريت بيها من ناس تبع شركه تانيه اسمها trading 4 egypt
قالولى تعالى على مكتبنا فى صقر قريش بس انا دخلت على موقع الشركه واتصلت بالشركه
والشركه قالتلى ان الناس دى نصابه ومش تبع شركتنا واحنا لم نعلن على وظائف هما بس هايخدو منك حق الكورس ومش هاتشوف وشهم تانى

[anahesho]

و احتمال كبير كمان يكون الكورس اللي في جامعة القاهرة ده برضه تبعهم, يعني عادي (بيبعد الشكوك عن نفسه بس)

و قلق قوي حكاية انهم مكملوش سنة و مالهمش موقع, و بصراحة كل كلامك بيدل انهم مش مظبوطين

عموما أنت ممكن تمشي معاهم بس بدون ماتدفع أي حاجة و شوف إيه اخرهم

و أن شاء الله مستنينك تقولنا عملت إيه

و اتمنالك التوفيق من كل قلبي

شكرا على كلامك يا غالى وانا هامشى معاهم للاخر
وهافولكم ايه الاخبار الاسبوع الجاى لو اتصلو مع انى حاسس فعلا انهم مش هايتصلو
شكرا على اهتمامك

[dr.sheta]

والشركات أزاى فتحت فى مصر أذا كان الفوركس أصلا غير مقنن ؟؟؟

وأية طبيعة عمل الشركة يعنى قلولك هتشتغل أية

[anahesho]

والشركات أزاى فتحت فى مصر أذا كان الفوركس أصلا غير مقنن ؟؟؟

وأية طبيعة عمل الشركة يعنى قلولك هتشتغل أية

مراقب عملات
ولما استفسرت عنها قالولى هانفهمك كل حاجه بعد الاختبار

[ابوعافيه المصري]

نصابين