ليه أغني مع إن صوتي
مبسمعوش إلا أنا
ليه أغني مع إن فيه
مليون وشوش متلونه
ليه بغني
مع إن صوتي انخرس
أول ما غنى
ليه أغني
مع إن إحساس حبنا
مبقاش لازمنا
ليه بغني وببتسم
وبضحكة عمال بترسم
والشوق جرح
قلبي الصغير واندبح
مبقاش لا فيه قلب ولا
إنسان بينده في الخلا
ولا عتش فيه الكلمتين
الدمعتين
إنت وأنا
ليه بغني وغنوتي
عماله بتعيد جملتي
ورسمت أحلامي في طريق
ومشيت أنا عكس الطريق
كان كل شيء بيهدني
حتى حبيبي
حتى حبيبي هدني
ذلني
خلاني أشوفه
زي ما يكون أصله غول
خلاني أحس إنه مهول
مبقاش حبيبي
مبقاش طبيبي
طيب خجول
ومعتش فيه الكلمتين
الدمعتين
إنت وأنا
هيه نهاية حبنا
هو هده كل حظنا
إنك تنول
وإني أنول
ومهما يحصل مش هقول
الكلمتين الدمعتين
إنت وأنا
أنا مش راح أرجع أغني تاني
هيه دي آخر غنوة ليّه
أنا مش راح أفضل عمري أعاني
والدنيا دي تضحك عليّه
طب ليه أغني
ولمين أغني
ولا حد حاسس ولا فاكرني
حتى أنت ياللي بتقرا الكلام
عايش في دنية الابتسام
عمال بتقرا والسلام
ولا مهم إني أموت
ولا مهم يخرس لي صوت
أو حتى حالة من السكوت
هوه المهم
إن المهمة بتاعتي لازم تكتمل
وإن النهاية المرة لازم تنكتب
إني أموت
وأنت تغني
يا كل عمري
يا حتة مني
15/08/2009