متابعة صفقاتى فى الزولو تريد ..

[Leonardo]

السلام عليكم ورحمة الله وبركاته

تحية طيبة للمنتدى و اعضاءه و مشرفيه ,,

الغرض من الموضوع دا انى اقييم نفسى و ادائى خلاص عام ان شاء الله من دلوقتى عن طريق موقع الزولو تريد (( Zulu Trade )) و يكون فيه رقيب عليا و على ادائى الا و هو اعضاء المنتدى الكرام , علشان كل ما افكر اخاطر او اغامر او اخل ب إدارة رأس المال افتكر ان فيه ناس شيفانى و اجبر نفسى على الالتزام بيها و فى نفس الوقت هيكون تقييم كويس لأدائى من حيث الصفقات و نسبة التراجع و اقصى مكسب و هكذا لذلك فتحت حساب ك مزود اشارة مربوط ب حساب حقيقى لى على فكسول بريطانيا ( ميتاتريدر ) و بدأته ب 500 دولار و الحمد لله انا اصبح لى خبرة جيدة .

و لمن لا يعرف عن الزولو تريد فهو موقع يتوسط بين مزودى الاشارات او مقدمى التوصيات و بين المتاجرين العادين عن طريق ربط حساب المتاجر ب مزود الاشارة و تنفيذ الصفقات بين الاثنين نظير عمولة بسيطة يحصل عليها مزود الاشارة و هى تقريبا نصف نقطة فقط لا غير مهما كان حجم المكسب او الخسارة و يحصل ايضا الموقع على نسبة اعتقد هى الاخرى نصف نقطة .

الزولو تريد يعتبر من افضل الحلول للناس الى معندهاش وقت تشتغل و كمان لسه فى مراحل المتاجرة الاولى و محتاجة ناس خبراء يسندوا حسابهم لانك عندك امكانية انك تضيف اكتر من خبير و تتحكم فى حجم صفقات كل مزود و عدد الصفقات الى ممكن ينفذها على حسابك من غير ما يشوف رصيدك او اى معلومات عن حسابك و فى نفس الوقت بتلاقيه شارح استراتيجيته ببساطة و طريقة عمله الى ممكن تستفيد منها و كمان من المتابعة هتقدر تفهم اكتر طريقة شغله و ادارته للصفقات ماشية ازاى و هتقدر تكتسب منه خبرة و انا عن نفسى عملت كدا فى الاول فتحت حساب ديمو و تابعت كذا مزود اشارة و حللت ادائهم و استفدت من خبرتهم و اعجبت بالفكرة لما فيها من تحدى و للأسف ملقتش عرب كتير فى قائمة افضل مزودين و ان يكن فيه شخص مصرى فى مركز متقدم لكن للأسف معرفش عنه حاجة .

فا حبيت اخد الخطوة دى و تشاركونى فيها بالتقييم و المتابعة علشان اثبت لنفسى ان شاء الله انى اقدر اعمل زى اى واحد اجنبى و احقق عدد نقاط محترم خلال سنة .

ان شاء الله هنزل صفقاتى هنا الى بتتم على حسابى فى الميتاتريدر و الى بتتنفذ ايضا على الزولو تريد و الله الموفق .

اول 3 ايام تداول حقيقى ليا حققت نسبة نجاح ب 83% عن طريق تنفيذ 62 صفقة و حققت 552 نقطة الحمد لله كلهم على اليورو دولار لكن كان العيب الوحيد هو الدروداون او اقصى صفقة سلبت عليا و كانت 200 نقطة و لكن مقفلتهاش على خسارة عززت و استنيت لما رجعت و عملت مكسب فى باقى صفقات التعزيز و كانت اسوء صفقة خسرانة عندى ب - 44 ثقطة و طبعا التعزيزات عوضتها , لكن اتحسب ليا الدروداون ب 2000 نقطة لانى كنت داخل 10 عقود العقد ب 10 سنت يعنى اجمالى النقطة ب دولار فا اتحسب 200 نقطة سالب فى 10 عقود تساوى بالنسبة للموقع 2000 نقطة و دى للأسف حاجة مأخدتش بالى منها انها بتتحسب بالشكل دا على الرغم من انى قفلت الصفقات على مكسب و بعد كذا خليت نظامى انى اشتغل يوميا 5 عقود العقد ب 10 سنت لانه حساب 500 زى ما ذكرت فى الاول , و اقصى عدد للعقود يكون 10 عقود فى 10 سنت يعنى النقطة ب1 دولار صحيح و ان شاء الله احاول اوصل بنقاط الربح الى 2000 نقطة فى الشهر الاول لمعادلة الدروداون و البدء فى تقليل نسبته التى تحسب مقارنة بالأرباح و ربنا يوفق ان شاء الله .

[Leonardo]

بيانات الدخول للحساب و متابعة الصفقات


login : 633902
password : P0WV8OE7

و دا حسابى الحقيقى فى فكسول فرع بريطانيا لتنفيذ الصفقات و الى رابطه بالزولو تريد للتقييم

[Leonardo]

تم فتح صفقة بيع على اليورو دولار من 1.2772

[Leonardo]

و صفقة بيع اخرى من 1.2793 و للعلم الصفقات كلها ب 10 سنت للصفقة الواحدة

[لجنة منتدى التوصيات]

السلام عليكم ورحمة الله وبركاته

اخى الفاضل

عذرا عن هذا الامر ولكن هذا غير مسموح داخل المنتدى فى الفترة الحالية

ولكن هنالك الامكانية لفتح حساب تجريبى لكم والمتابعة علية داخل الموضوع الخاص بكم فى منتدى التوصيات التجريبى

حيث يتم تقييم هذا الموضوع والحساب شهريا وعرضة على الاعضاء الكرام

اما بالنسبة للموضوع الخاص بكم

(متابعة صفقاتى فى الزولو تريد)

فسيتم اغلاقة

برجاء اخى الفاضل

فى حالة وجود اى استفسار مراسلتنا على الفور حتى يتم الرد عليكم

تقبل اخى الفاضل تحيات لجنة منتدى التوصيات