النتائج 1 إلى 5 من 5
- 10-01-2012, 08:07 PM #1
نصيحه : منتدى المتداول العربى طاوله الطعام
عشان نريح نفسنا و نخرج من الحلقه المفرغه من الاستخفاف بالافكار و التهميش و التجهيل و بيوصل الى صدام
ايه رأيكوا لو نعتبر منتدى المتداول العربى زى ترابيزه الاكل (السفره) عليها اكل كتييييييييييييييييير (مواضيع و افكار و طرق تحليل و استراتيجيات) و الترابيزه دى كبيره لدرجه انها تكفى كل اعضاء المنتدى و انت واحد من الاعضاء و تقدر تاكل اى حاجه انت عايزها
من الاصناف الكتير دى فى حاجات هاتعجبك تقدر تاكل منها على قد ما تقدر و فى اصناف تانيه مش هاتعجبك لانك مش بتحبها او ماتقدرش تاكلها لاى سبب خلاص خليك فى اللى عاجبك تقدر تاكل منه و انتهينا ليه على طول نمسك الحاجات اللى مش عاجبانا و نفضل نقول عيوب عليها (لو مش بتحبها ممكن حد تانى يحبها )و لو ماحدش خالص بيحبها خلاص هاتفضل محطوطه على الترابيزه لعل و عسى ييجى حد يجربها
من الاخر عشان الموضوع كبر و ممكن تفتكروا انى هاعمل موضوع عن الطبخ لكن انا كان قصدى اننا يعنى مش المفروض اننا نبقى مهمومين بفحص صلاحيه الافكار الموجوده فى المنتدى على العكس نركز على الحاجات اللى نعجب بيها و نحاول نطور و قد نبتكر شىء جديد و ما لا يعجبنا و ما لسنا معجبين بيه نتركه لحاله لان المنتدى مليان اذواق و افكار و عقول مختلفه
بالتوفيق للجميع
- 10-01-2012, 08:14 PM #2
- 10-01-2012, 08:17 PM #3
السلام عليكم ورحمة الله وبركاته
جزاك الله خيراً أخي الحبيب
بس المصيبه تحصل بعض الناس تاركين الأكل الي على الطاولة وياكلو من لحم الأعضاء الثانين
وما يمنع من النقد (( الهادف))
بالتوفيق للجميع بإذن الله
والسلام عليكم ورحمة الله وبركاته
- 10-01-2012, 08:23 PM #4اخيرا ردود احمدك يارب
متهيالى انا مش باعمل مواضيع كتير غير عشان ظروف الوقت و كده باخاف اعمل مواضيع و ماحدش يرد بس مادام لقيت ردود يبقى فيه امل ان شاء الله
انا كمعتبره كده
الى مش بيعجبنى بتجاهله
انا شخصيا حتى لو الحاجه مش عاجبانى او مش حاسس انها هاتبقى مجديه ( بالنسبه لى ) ممكن اقراها لمجرد العلم بالشىء لان ده فى النهايه افكار ممكن استلهم منها اى شىء او استفيد و لو ماحصلش ده انا مش هاخسر حاجه
آخر تعديل بواسطة Mostafa ZIZOOO ، 10-01-2012 الساعة 08:27 PM
- 10-01-2012, 08:26 PM #5السلام عليكم ورحمة الله وبركاته
جزاك الله خيراً أخي الحبيب
بس المصيبه تحصل بعض الناس تاركين الأكل الي على الطاولة وياكلو من لحم الأعضاء الثانين
وما يمنع من النقد (( الهادف))
بالتوفيق للجميع بإذن الله
والسلام عليكم ورحمة الله وبركاته
مع اننا لو نقلل الاكل شويه و ننام خفيف خفيف هايبقى احسن يعنى هههههه
بس النقض بيبقى فى محله فعلا لو انا عندى فكره مشابهه او ليا راى فى الموضوع ووقتها لو فكرنا مع بعض هانوصل لحاجه اقوى ان شاء الله
لكن النقد المستفز بيبقى النقد لمجرد ان الفكره او الموضوع مش عاجبك (مش داخل دماغك) رغم انه ممكن يكون حلو من وجهه نظر ناس اخرين