النتائج 1 إلى 15 من 60
الموضوع: دعوه للمناقشه مع استاذ ابو ادم
- 19-11-2011, 10:14 PM #1
دعوه للمناقشه مع استاذ ابو ادم
بسم الله الرحمن الرحيم
سوف نبدأ مناقشاتنا ان شاء الله
مع ضيفنا اليوم
الاستاذ
ابو ادم
وندعو جميع اعضاء المتداول لهذه المناقشه
واى استفسار بخصوص اى شئ متعلق بالفوركس لضيفنا اليوم
وارجو من الاعضاء عدم وجود اى مشاركات تحرج ضيفنا اليوم
والف شكر لاستاذ ابو ادم على تلبية هذه الدعوه
ونرجو ان تخرج بافاده لجميع الاعضاء
وتكون مثمره ان شاء اللهآخر تعديل بواسطة saly22 ، 19-11-2011 الساعة 10:17 PM
- 19-11-2011, 10:22 PM #2
بسم الله الرحمن الرحيم
اول سؤال لحضرتك
هل الفوركس هو تخصصك او مجالك الوحيد يعنى متفرغ له ولا هو جزء من عملك
- 19-11-2011, 10:23 PM #3
السلام عليكم
اشكر اولا اختنا المحترمة سالي على تنظيم هذا الموضوع
ونشكر استاذنا ابو ادم لتلبية الدعوة لكى نستفاد من خبراته
وعندي كام استفسار الان حتى اجمع بقية الاستفسارات
1- كم الفترة الى تعمل بها فى سوق الفوركس حتى الان؟
2- هل مرجنت حسابات ليك قبل ما الامور تتصلح معك؟ وكيف عدلت امورك اذا كنت مرجنت حسابات؟
3- هل الفوركس هو عملك الاساسي ؟ وهل ترى ان سوق الفوركس يمكن ان يكون بجانب شغل خارجي ؟
4- هل في رايك طريقة الستوب او التعزيز والمضاعفات افضل ؟ ولماذا؟
5- ما هي الادوات التي تعتمد عليها في الفوركس؟ وهل حضرتك سكالبنج ولا انتر داى ولا سوينجات؟
اتمنى تكون هذه الاسالة خفيفة وغير مزعجة
تقبل تحياتي
اخوك
+معطي+
- 19-11-2011, 11:08 PM #4
شكراً للأخت سالي على فكرتها الرائعه
واحب احيي الضيف العزيز ابو ادم
بصراحه انا من متابعين الورشة علشان حضرتك ماشاء الله لك نظره ثاقبه
الاخ معطي ماشاء الله قال كل الأسئله اللي فبالي
بس حاب اعرف حضرتك من وين تعلمت التحليل الأساسي ؟
وماهي المواقع اللي بتابعها لمعرفة اخر الاخبار ؟
- 19-11-2011, 11:11 PM #5
بسم الله الرحمن الرحيم
مساء الخير اختى
اولا انا خريج كليه التجاره جامعه القاهره ومن بعد التخرج بسنه تقريبا تعرفت على الفوركس عن طريق شركه وساطه بمصر ليا علاقه بصاحبها وهو الى دخلنى السوق وتعلمت على ايد الناس الى هناك لحد ما الحمد لله ربنا كرمنى بعلمه
الفوركس عملى الاساسى لكن انا احب التجاره واحب المشاريع يعنى شويه كنتى تلاقينى شريك بسيبر( نت كافيه يعنى) شويه تانيه تلاقينى بمحل موبيلات شويه تالته عقارات يعنى انا شخصيتى لا تقبل ان يكون ليا مدير للاسف وصراحه لقيت متعتى بالفوركس
ان شاء الله اكون قدرت اجاوب على سوالك اختى تسلمى
وشكرا على الاستضافه ويارب اكون عند حسن الظن
- 19-11-2011, 11:17 PM #6
الف شكر على الاجابه
- 19-11-2011, 11:35 PM #7
اشكر الاخت سالى على فكره موضوعها الجميل
واشكر الاخ الجميل ابو آدم على قبول الاستضافه
واسمحولى ابتدى بالاسئله المحرجه ههههههههه
1- سنك كام سنه يا استاذ ابو آدم ؟ وما هو اسمك الحقيقى ؟
2- كان معرفك القديم على ما اذكر ( حرنكش ) ترى ما سبب اختيارك للحرنكش كاسم لمعرفك ؟ وهل ثمه علاقه تربطك بالحرنكش ؟ هههههههه
3- هل عاصرت منتدى المركز الخليجى قديما قبل اغلاقه ؟ من من اعضاؤه ما زلت تذكره بالخير ؟
4- من من الاعضاء هنا الذى تراه صاحب اطيب قلب ؟ ( اسم واحد فقط )
5- نرى مشاركاتك وتحليلاتك مركزه فى موضوع او اثنين ، لماذا قله المشاركه ؟ ولماذا لم تفكر فى عمل موضوع خاص بك ؟ ( على فكره انا شخصيا بحترم جدا ومعجب باسلوبك هذا )
6- اذا اراد آدم الولوج الى عالم الفوركس مثل ابيه ولكن فى سن مبكره هل ستمنعه ام ستشجعه ؟
7- واخيرا وليس آخرا ، كلمه ( اخوى ) بحثت عنها فى القاموس الالمانى فلم اجدها ، هل لك ان توضح لى هذه الكلمه بأى لكنه يا سيدى ؟
هذه بعض الاسئله التى جالت بخاطرى ولى عوده مره ثانيه
- 19-11-2011, 11:40 PM #8
هل تتاجر فى الفوركس وقت معين فى اليوم وتفضل اى فتره ولماذا
- 19-11-2011, 11:46 PM #9السلام عليكم
وعليكم السلام ورحمه الله وبركاته
اخبارك ياباشا
اشكر اولا اختنا المحترمة سالي على تنظيم هذا الموضوع
ونشكر استاذنا ابو ادم لتلبية الدعوة لكى نستفاد من خبراته
- لا شكر على واجب اخوى ويشرفنى وجودى معاكم
1- كم الفترة الى تعمل بها فى سوق الفوركس حتى الان؟
-تقريبا 8-2007 تعرفت على الفوركس
2- هل مرجنت حسابات ليك قبل ما الامور تتصلح معك؟ وكيف عدلت امورك اذا كنت مرجنت حسابات؟
-هحكيلك قصه معلش بعد تلت شهور من معرفتى بالفوركس اتعلم فيهم مبادى الفوركس حبيت اجرب صراحه ويمكن ناس تضايق منى انا مابعترفش بالديمو اى مبتدا يقدر عمل ملايين من الديمو بس ينصدم من الحقيقى لان العامل النفسى وضغط السوق ليه عامل المهم قلت اجرب فقلت احط الف دولار اهو نشوف صراحه فى 24 ساعه وصلت المبلغ 1850 دولار وكنت فرحان جدا مش علشان المبلغ لا لانى عرفت ازاى وقتها امتى ادخل وامتى اطلع من السوق وللاسف دخل واحد معرفه على حسابى لعب بالحساب وصحيت من النوم لقيته الله يرحمه
وحطيت تانى فلوس بس مبلغ كويس وكنت بشتغل بدماغى وطرقتى بلس + كنت مع فتحت السوق اشتغل على الجاب المهم عرفت ادبلر المحفظه وجه بعد فتره دخول فى فتحه السوق على جاب وللاسف الجاب ماتغطاش الا لما راحت المحفظه
بس بعديها بقا تعلمت ان الفوركس دى محتاجه راسمال كويس وكويس دى بالنسبه ليا مش اقل من 10 الف ده اقل شى ومحتاجه هدوء اعصاب وطبعا واحد يعرف يشتغل على الشارت
واهم شى اخوى انا عمرى ماسلمت دماغى لحد كنت ادخل بدماغى انا شايف شراء ادخل شراء والعكس ممكن انت تقولى السوق رايح للمنطقه دى مادخلش عميانى لا اشيك وراك ياقتنع يامقتنعش وادخل على دماغى
بس
3- هل الفوركس هو عملك الاساسي ؟ وهل ترى ان سوق الفوركس يمكن ان يكون بجانب شغل خارجي ؟
- ايوه هو الاساسى وبيبقا فى شى مشاريع معاه جانبيه - والله اخوى نقطه الشغل الخارجى دى قدرات فى ناس ماتقدرش وناس تقدر بالنسبه ليا انا يوم اكون بالسوق تلاقينى بقا دماغى على طول عند السوق ياترى راح فين وجه منين لدرجه ان شركات الاتصالات اعتقد انا عب عليهم
4- هل في رايك طريقة الستوب او التعزيز والمضاعفات افضل ؟ ولماذا؟
-انا مابشتغلش بالاستوب ابدا صراحه انا انا بحب المضاعفات جدا وبدون مبالغه اوقات كتير اتمنى السعر يوصل للمضاعفه التانيه والتالته وعادى الرابعه اكيد الربح بيبقا اكبر اما الاستوب بقا حولت زمان اشتغل بيه يضربلى الاستوب بنقطه اتنين وبعدين يجبلى الهدف اكتر من مره لحد ماكرهته ( صحيح المضاعفات لازم تكون مدروسه والواحد يدرس لو السعر عكس معاه لحد 7 مضاعفات هل هيستحمل وله لا الموضوع مش سهل )
5- ما هي الادوات التي تعتمد عليها في الفوركس؟ وهل حضرتك سكالبنج ولا انتر داى ولا سوينجات؟
- الادوات الى انت بتشوفها وبنزهلها بالورشه شغلى كله كلاسيكى ترندات وفيبو وعامل تمبل كدا للموفينج بس نادر جدا لما تلاقى على جهازى موشرات
شوف اخوى موضوع انترداى وسوينجات والكلام ده مايهمنيش اوى المهم اطلع بربح يرضينى فلو دخلت على الهيستورى عندى هتلاقى التلت انواع ممكن تلاقى اوردر مقفول على 500 بيب وممكن تلاقى مقفول على 10 بيب
اتمنى تكون هذه الاسالة خفيفة وغير مزعجة
الله يسلمك اخوى معطى ويارب اكون قدرات اجاوب على استفساراتكآخر تعديل بواسطة ابــ آدم ــو ، 20-11-2011 الساعة 12:09 AM
- 20-11-2011, 12:03 AM #10شكراً للأخت سالي على فكرتها الرائعه
واحب احيي الضيف العزيز ابو ادم
- الله يسلمك اخى العزيز
بصراحه انا من متابعين الورشة علشان حضرتك ماشاء الله لك نظره ثاقبه
-يشرفنى اكيد متابعتك حضرتك وربنا يخليك على رايك
الاخ معطي ماشاء الله قال كل الأسئله اللي فبالي
اه انا حاسس انى عملت مجهود فى الرد على اسالته ^_*
بس حاب اعرف حضرتك من وين تعلمت التحليل الأساسي ؟
- بخصوص التعلم انا ادين بالفضل بعد ربنا لشخص احترمه جدا وهو الى علمنى الشغلانه دى وهو من المهتمين بالتحليل الاساسى وهو الى قالى ان التحليل نوعين اساسى وفنى ومن هنا بداءت اهتم بالاساسى وابحث عنه وعلى فكره انا كمان ادين بفضل كمان فى اشياء كتير لصحبى وحبيبى عمرو التابعى كتير وانا فى اول الطريق كان يتناقش معايا وينصحنى فنيا لكن اساسيا هو مش بيقتنع بحاجه اسمها اساسى
وماهي المواقع اللي بتابعها لمعرفة اخر الاخبار ؟
اكتر من موقع عندك الفوركس فاكتورى & بورصه انفو & رويترز & والاهم التويتر انا عامل اضافه لكل مواقع الاخبار فبتجيلى على التويتر
شكرا اخوى @Kir على اسالتكآخر تعديل بواسطة ابــ آدم ــو ، 20-11-2011 الساعة 12:10 AM
- 20-11-2011, 12:04 AM #11
اوبه
انا لازم اسال بقه
دلوقتى يا ابو ادم
لو قدامك شارت اول مره تشوفه ( الفوتسى او النيزولندى كرونا او حتى سعر الاسبرين )
ايه هى خطوات التعامل معاه عشان تحدد اتجاهه و تقدر تفهمه
- 20-11-2011, 12:12 AM #12الف شكر على الاجابه
تحت امرك اختى saly واى سوال انا حاضر ان شاء الله
- 20-11-2011, 12:33 AM #13
الحقيقية ماعندي سؤال
لكن اسجل شكر واعجاب بشخصك الكريم
تقبل مني كل التقدير والاحتارم واشكر اختنا سالي على استاذة شخصية رائعة
موفق ياغالي
- 20-11-2011, 12:35 AM #14واشكر الاخ الجميل ابو آدم على قبول الاستضافه
واسمحولى ابتدى بالاسئله المحرجه ههههههههه
ربنا يستر والدنيا دواره وكما تدين تدان هههه
1- سنك كام سنه يا استاذ ابو آدم ؟ وما هو اسمك الحقيقى ؟
- الحمد لله فى اكتوبر الى فات اصبحت 28 سنه
اسمى احمدحسن احمد ابراهيم - موبيلى 011 والباقى ماتغير
2- كان معرفك القديم على ما اذكر ( حرنكش ) ترى ما سبب اختيارك للحرنكش كاسم لمعرفك ؟ وهل ثمه علاقه تربطك بالحرنكش ؟ هههههههه
مظبوط كان معرفى harnkish وانا قلت السبب بالورشه بس اختى رانيا كانت دايما تنسا حرف من اسمى قلت اغيره بقا كدا هى بوظت اسمى وبالفعل كان ليه علاقه بالحرنكش بس يوم عرفت ان الحرنكش الكيلو بقا اغلى من 20 جنيه غيرت اسمى
3- هل عاصرت منتدى المركز الخليجى قديما قبل اغلاقه ؟ من من اعضاؤه ما زلت تذكره بالخير ؟
-لا والله اخى اول مره اسمع عن المنتدى ده
4- من من الاعضاء هنا الذى تراه صاحب اطيب قلب ؟ ( اسم واحد فقط )
اهى دى الاسئله بقا المحرجه شوف اخوى الكل هنا بجد بحترمه وبقدره وكلهم ناس محترمه واحنا بمنتدى متخصص معظم كلامنا بالبورصه والفوركس فاكيد متعرفتش على ناس بشكل مباشر او قابلتهم وجهه لوجه ( طبعا عمرو التابعى احنا عشره سنين مع بعض وتقابلت مع اخونا MYEGY بس واكيد يشرفنى اتعرف اكتر على الباقى بس علشان ماتقولش انا دبلوماسى خلينى احور السوال واقدر اقولك الشخص الى مايختلفش عليه اتنين فى المساعدات والتعاون هى مشرفتنا الغاليه رانيا وجدى
5- نرى مشاركاتك وتحليلاتك مركزه فى موضوع او اثنين ، لماذا قله المشاركه ؟ ولماذا لم تفكر فى عمل موضوع خاص بك ؟ ( على فكره انا شخصيا بحترم جدا ومعجب باسلوبك هذا )
- طيب هيفيد بايه كميه المشاركات صدقنى الى عندى بقوله بالورشه فملهاش لازمه اكتب نفس الكلام باكتر من مكان وصراحه انا مرتاح فى الورشه ومع الناس الى تشارك فيه وطبعا اولهم اختى رانيا - بخصوص موضوع لوحدى لا مش بفكر ولا هفكر لانى صدقنى مابحب اكون صاحب توصيه لكن موضوع بتاعنا ورشه يعنى عباره عم وجهات نظر مختلفه مش توصيات فطالما اختى رانيا مش مضايقه من وجودى بموضوعه فانا قاعد مربع جوه وعلى فكره انا احب اكون فى الخفه مستخبى دايما
6- اذا اراد آدم الولوج الى عالم الفوركس مثل ابيه ولكن فى سن مبكره هل ستمنعه ام ستشجعه ؟
لا مش عايز يشتغله دى حرقه اعصاب ياراجل مجهود ذهنى رهيب ان شاء الله يكون احسن منى وباذن الله يكون بحياه كريمه وشغلانه يحبها ويقدر يبدع فيها بس لو هو مصمم برحته يبقا فقرى زى ابوه
7- واخيرا وليس آخرا ، كلمه ( اخوى ) بحثت عنها فى القاموس الالمانى فلم اجدها ، هل لك ان توضح لى هذه الكلمه بأى لكنه يا سيدى ؟
ههههههههه انت مصمم بقا ليا صحاب من الخليج من كتر قعدتى معاهم مسكت بلسانى
هذه بعض الاسئله التى جالت بخاطرى ولى عوده مره ثانيه
هههههه ماشى ماتتاخريش بس
شكرا اخوى ابو مهاب
آخر تعديل بواسطة ابــ آدم ــو ، 20-11-2011 الساعة 12:41 AM
- 20-11-2011, 12:44 AM #15
السلام عليكم ورحمة الله
ازيك ابو آدم
حبيت اسلم عليك في موضوع كرسي الاعتراف
الله يعينك علي اسئلة الاخوة الكرام والاخوات الكريمات
حقيقة اتشرف بمعرفتك في الواقع كل الشرف
تمنياتي بكل التوفيق وتحيه لشخصكم الكريم