أريد نصيحه من خبراء الفوركس

[slash]

انا مصرى و طالب فى كليه التجاره فى السنه الثالثه و قد قرأت ان الفوركس هو مثل البورصه و به نسبه ربح جيده و لكن معظم قصص من جربوا موجوده على النت انهم خسروا كل اموالهم لا اعرف لماذا ؟
هل هو مجال عمل حقيقى يمكن من خلاله تحقيق ربح ؟
و هل فى هذه الظروف (الازامات الاقتصاديه) الموجوده حاليا فى معظم بلاد اروبا و امريكا من الممكن ان ابدا بالفوركس أم سيكون من الصعب على مبتدا البدايه فى ظل هذه الظروف ؟
و اذا اردت دراسته اين اجد كتب و كم من الوقت سيتغرق منى ذلك و كيف ابدا و ماذا علي ان أعرف ؟

[داليـــا]

الطماعين يخسروا غالبا

في علم في قراءة جيدة للسوق في إدارة رأس مال

إذا الربح موجود

[Mo3Ty]

اولا اهلا بيك ياباشا لو تجارة اسكندرية يبقا احنا زمل فى وفي نفس السنة
معظم الناس بتخسر ايوة فعلا لانه سوق بيعتمد على النفسية فى الاول والاخر ومحتاج شوية تعب
بالنسبة هل عمل مجال حقيقي ايوة بل هو افضل من اى مجال موجود الان
بالنسبة للمشاكل الاقتصادية الان انا شايفها ميزة عندنا مشعيب لان المشاكل هى الى بتحرك السعر فى الشارت
اين تتعلم وتجد الكتب فى المتداول حتلاقي كل شئ
ادخل مدرسة المتداول على الرابط ده واقرا كل فيه حياخد معاك بالكتير اوي اسبوع
https://www.arabictrader.com/portal/ar/kb
وبعدين تعالا المنتدي وابدا جرب استراتيجيات الموجودة وشوف الى حتنفع معاك وابدا اشتغل بيها ديمو لمدة على الاقل 6 شهور
واى استفسارات اكتبهلنا فى المنتدى وكلنا حنقف جمبك باذن الله

[slash]

اولا اهلا بيك ياباشا لو تجارة اسكندرية يبقا احنا زمل فى وفي نفس السنة
معظم الناس بتخسر ايوة فعلا لانه سوق بيعتمد على النفسية فى الاول والاخر ومحتاج شوية تعب
بالنسبة هل عمل مجال حقيقي ايوة بل هو افضل من اى مجال موجود الان
بالنسبة للمشاكل الاقتصادية الان انا شايفها ميزة عندنا مشعيب لان المشاكل هى الى بتحرك السعر فى الشارت
اين تتعلم وتجد الكتب فى المتداول حتلاقي كل شئ
ادخل مدرسة المتداول على الرابط ده واقرا كل فيه حياخد معاك بالكتير اوي اسبوع
https://www.arabictrader.com/portal/ar/kb
وبعدين تعالا المنتدي وابدا جرب استراتيجيات الموجودة وشوف الى حتنفع معاك وابدا اشتغل بيها ديمو لمدة على الاقل 6 شهور
واى استفسارات اكتبهلنا فى المنتدى وكلنا حنقف جمبك باذن الله

انا معاك تجاره اسكندريه على فكره -- هوا ممكن ابدا ب 200 دولار ولا الموضوع كدا هيبقى خساره اكيده ولازم ابدا ب 5-7 الاف دولار؟

[عبد الله عبد الرحمن]

أخي صلاح مرحبا بك
الفوركس حقيقه ويمكن من خلاله تحقيق أرباح
و الأزمات لا تنتهي في العالم بل هناك من صنع ثروته من الأزمات خصوصا في مجال العملات فأنهيار عمله هو صعود اخرى
لكن
ظن بعض الخاسرين و هم كثر انه مجال سهل و بوابة الهروب من الواقع.
فبالقاء حفنه من أموالهم في اي شركه سوف تبدأ الأرباح تنهال من كل صوب.
و من تجربتي الأمر ليس بالهين بل أصعب من المتاجره العاديه. فتقلبات السوق هنا قويه و سريعه كفيله بألتهام حسابات ضخمه.
و لا تصدق تلك الأعلانات الوهميه على صفحات الأنترنت بان احدهم فتح حساب ! فنمى الى الضعف خلال ايام دون حتى ان يدري صاحب الحساب بذلك النمو.
و احب ان أقول لك أهم شيئ في الموضوع دراستك في كليتك
اما عن الدراسه فعليك بالكورسات الموجوده بكثره هنا في المنتدى و سوف يستغرق منك الأمر و قت طويل فلا تتعجل ابدا في فتح حساب قبل سنه او اثنين على اقل تقدير
اللغه الأنجليزيه عماد التعلم في هذا الموضوع
و بعد كل هذا اعلم انه لا توجد بعد ذلك ضمانات للربح
و الله ولي التوفيق

[Mo3Ty]

انا معاك تجاره اسكندريه على فكره -- هوا ممكن ابدا ب 200 دولار ولا الموضوع كدا هيبقى خساره اكيده ولازم ابدا ب 5-7 الاف دولار؟

طيب اشطة اوى بعتلك رسالة خاصة اقراها
بالنسبة للمبلغ لا ده كدة قليل اوي اقل مبلغ ممكن يظبط معاك يا من 500 دولار لفوق
ومشلازم تبدا ب 5 الى 7 الاف انا شخصيا بدات ب 500 دولار والحمد لله ماشية

بس متفكرش دلوقتي فى القصة ده وحتى متفكرش تفكر فى الفلوس حتجيبها ازى
خلى هدفك دلوقتي انك تتعلم الفوركس وتدوس فيه وبعد كدة حتى لو مقدرتش تجيب الفلوس تقدر تدخل مسابقات كل المنتديات بتعملها وهنا كمان
وبيدي حسابات لايف فيها مبالغ كويسة تقدر بيها
وربنا معاك

[amasat]

انا معاك تجاره اسكندريه على فكره -- هوا ممكن ابدا ب 200 دولار ولا الموضوع كدا هيبقى خساره اكيده ولازم ابدا ب 5-7 الاف دولار؟

ممكن بس سنتين تدرييييييييييييييييييييييييييييييييييييييييييييييي يييييب اكرر سنتين
سنة ديمو اكاونت السنة الثانية ميني او مايكرو اكاونت غير كده انا اضمنلك هتكون من 98%
your choice
وبالتوفيق

[slash]

شكرا جدا عبدالرحمن على النصيحه -- كلامك خوفنى شويه الصراحه بس حاسس انو حقيقى 100% شكرا جدا

[slash]

يا جماعه شكرا بجد على النصايح ده و انا انشاء الله هبدا بقى دراسه الموضوع دا من النهارده و السنه الجايه هخش الاكونت التجريبى و انشاء الله خير ! مش سنتين كتير اوى ؟
!! قرات عن ناس درسو 8 شهور و حساب تجريبى 6 شهور و بقو كويسين ؟ دا مش كفايه؟

[slash]

طيب اشطة اوى بعتلك رسالة خاصة اقراها
بالنسبة للمبلغ لا ده كدة قليل اوي اقل مبلغ ممكن يظبط معاك يا من 500 دولار لفوق
ومشلازم تبدا ب 5 الى 7 الاف انا شخصيا بدات ب 500 دولار والحمد لله ماشية

بس متفكرش دلوقتي فى القصة ده وحتى متفكرش تفكر فى الفلوس حتجيبها ازى
خلى هدفك دلوقتي انك تتعلم الفوركس وتدوس فيه وبعد كدة حتى لو مقدرتش تجيب الفلوس تقدر تدخل مسابقات كل المنتديات بتعملها وهنا كمان
وبيدي حسابات لايف فيها مبالغ كويسة تقدر بيها
وربنا معاك

هتلاقينى ف اميلك على فكره :] و ذاكر شويه بقى الكليه بدأت

[amasat]

يا جماعه شكرا بجد على النصايح ده و انا انشاء الله هبدا بقى دراسه الموضوع دا من النهارده و السنه الجايه هخش الاكونت التجريبى و انشاء الله خير ! مش سنتين كتير اوى ؟
!! قرات عن ناس درسو 8 شهور و حساب تجريبى 6 شهور و بقو كويسين ؟ دا مش كفايه؟

No
السنة الاولى ديمو فقط
السنة الثانية حقيقي بس ميني او مايكرو اذا خسرت لا قدر الله وده وارد 100% تكون خسرت مبلغ لا يذكر في عالم الفوركس
والله يوفقك

[mm110575]

متعتمدشي علي الفترة سنة او سنتين تتعلم فيهم الكلام دا كلو غلط

انت ممكن تتعلم في غضون اشهر لان دا بيعتمد علي عقليتك واستيعابك في السوق

انا عن نفسي درست السوق واتعلمتو في شهر وعملت استراتيجية لنفسي ودا من اسباب نجاح الفوركس

انك متعتمدشي علي اي استراتيجية غير استراتيجيتك اللي صنعتها من علمك

ومتبصش علي المواضيع الخاصة بالخسارة والربح

انت امامك الشارت وامامك البرنامج ادخل صفقات وجرب وشوف عيوبك اية وحلها

ومتعتمدشي علي حد

وانا حاقولك اانك ان شاء الله حاتنجح في الماركت دا

[slash]

شكرا amasat انا شايف انك اسكندرانى زايى -- شكرا تانى بجد انا اهو ببدأ احمل كتب هفضل اذاكر فيها طول السنادى و ابدا حساب ديمو بقى بعد السنه الطويله ده و الله المستعان بقى يارب

[Mo3Ty]

يا جماعه شكرا بجد على النصايح ده و انا انشاء الله هبدا بقى دراسه الموضوع دا من النهارده و السنه الجايه هخش الاكونت التجريبى و انشاء الله خير ! مش سنتين كتير اوى ؟
!! قرات عن ناس درسو 8 شهور و حساب تجريبى 6 شهور و بقو كويسين ؟ دا مش كفايه؟

بص ياباشا من الاخر كدة هى بتختلف من شخص لشخص حسب تعبه فى التعلم واخذ الموضوع بجدية
فشد حيلك ووواحدة واحدة كله حيبقا تمام
المهم متستعجلش فى الدخول لايف عشان متتصدمش فى الاخر

[slash]

شكرا mm110575 بجد حاسس انك متفائل و دا كل اللى انا مجتاجه دلوقت عشان ابدا شويت تفائل و تشجيع