السيارة والسفر

[احمد سامى]

ياسعد لاتسرع عليك الركاده
حافظ على السياره اللي تقوده


يجب على السايق يحط اجتهاده

يشغل حركاته ويؤدي جهوده


حافظ على الطبلون واظبط عداده

يعطيك من عقب الحراره بروده


وصّلت ربعك بالفرح والسعاده

وايقظت لك عود سطت به لهوده


لجيت انا منزل "عجاج وحماده"

غمّوا اعيوني لين اطوف العموده


ماعاد لي عقب المشاكيل راده

البر جافيني سهله وصعوده


من عقبكم ياهل الكرم والعباده

ماعاد اريد البر لوزان عوده


ياما شربنا دله في قناده

وجنوب حيل علقت في عموده


جنات عدن اللي لطيف براده

عساه مسكنكم الى هب نوده


كل على همه وهمي "حماده"

مرحوم ياللي ماكرالجود جوده


ماازين حماده راكب في شداده

حر على وكره عريب جدوده


لااطلقت سبقه يعجبك في هداده

ابشر وبشر بالعشا من صموده


هذي منازلها وهذيك صاده

والطايرات اطيارهن مايكوده


وليا قضب له بندق في زناده

يمناه تطلقها وعينه ركوده


وليا ركب بنت العبيه وقاده

يفرح به اللي صبّح القوم ذوده


فعله وفعل اللي مضوا به جداده

يردون حوض المنايا حزة وروده


ومجالس الحكام غاية مراده

كم مشكلات فكها من عقوده


انا اشهد انه سيد وابن ساده

ومقاسي بيض الليالي وسوده



من خالد الاول و"عقل وحماده"

ابن الوليد متورخ به شهوده


الطيب في كل الرجاجيل عاده

كل على حقه وكل بزوده


العمر زرع وعند ربي حصاده

نسرح ونضوي والاجال معدوده


هنيكم يامدركين الشهاده

الموت حق وعند ربي حدوده



احد هرم واحد طريح الوساده

وواحد بقيمان تدافع جنوده


نسيت كلمة والحوادث زياده

الله من نفس طوت به لحوده


صبرعلى ضيم الليالي عباده

وصلواعلى الهادي وتموا سجوده

[شذى22]

سلمت يداك