السلام عليكم .. عندى استفسار عن فتح حساب بنكى فى مصر بعض الاسئله البسيطه عن كيفيه فتح

[عصفور الغرام]

السلام عليكم .. عندى استفسار عن فتح حساب بنكى فى مصر بعض الاسئله البسيطه عن كيفيه فتح حساب

انا سنى 27 سنه وبصراحه كنت بحاول اتجنب البنوك علشان موضوع الربا ده ولكنى رغمة على ان اتعامل معها

وذلك لائنى ان شاء الله مسافر تركيا بعد كام يوم منها سياحه ومنها شغل ولكنى اثناء

بحثى فى المنتديات وجدة اكتر الاعضاء المسافرين لتركيا يشتكون من البلطجه

فى الشوارع والازقه والنصب الدائم من الباعه وخاصه فى استنبول ....وانا نازل استنبول..................الاهم

انا عاوز افتح حساب بنكى باليورو واحصل على فيزا كارت عالميه تتعامل مع جميع

ماكينات الصراف الالى انا روحت بنك بيريوس و cib و سئلت اذا فى فروع للبنوك دى هناك فوجئت

برد لا معندناش فروع وكذا بنك مش فاكرهم بصراحه

المهم هل اذا فتحت حساب بنكى فى مثلا بيريوس ممكن بالفيزا دى اسحب فلوس

من اى صراف الى فى تركيا وهل ستكون مكلفه عند السحب من اى صراف اخر يعنى تقريبا النسبه كام

وايه رائيكم فى الاهلى جنرال سوستيه فى خدماته وهل له فروع فى تركيا ........

شكرا مقداما وانا اسف على الايطاله

[رانيا وجدي]

وعليكم السلام ورحمة الله وبركاته

ممكن تجرب بنك زي HSBC له فروع في تركيا

وعادة البطاقات من نوع فيزا واللي بتطلب انها تكون فعالة بكل العالم هتشتغل على اي ATM بيقبل VISA

لكن الأفضل أنصحك زور فرع HSBC وإستفسر من خدمة العملاء هناك

وده رابط لموقع فرع تركيا http://www.hsbc.com.tr/eng/

[رائد السعدي]

الاهم من البنك اخي نوع بطاقة الصراف الالي , لازم تكون VIZA او mastercard مثلا و مش مهم الحساب باي عملة , هيك بتقدر تسحب من اي مكان بالعالم و العمولة تقربا 3% على مبلغ السحب

[عصفور الغرام]

مشكورة جدا على ردك السريع


لكن انا سئلت عن البنوك المذكورة اعلاه وقالوا افضل البنوك

انا سؤالى الاهم بعد اذنك هل بطاقه الفيزا التابعه لاءى بنك ممكن التعامل بها فى اروبا من اى صراف الى اى كان البنك الى انا تابع ليه

[رانيا وجدي]

مشكورة جدا على ردك السريع


لكن انا سئلت عن البنوك المذكورة اعلاه وقالوا افضل البنوك

انا سؤالى الاهم بعد اذنك هل بطاقه الفيزا التابعه لاءى بنك ممكن التعامل بها فى اروبا من اى صراف الى اى كان البنك الى انا تابع ليه

المفروض تشتغل بشرط انها تكون مفعلة للإستخدام العالمي وليس داخل مصر فقط

وعلى فكرة HSBC من البنوك الممتازة وأفضل بكتير من بيروس

[عصفور الغرام]

مشكور اخى رائد

انتا ذكر حاجه كنت عاوز اسئل فيها ايه الفرق بين
mastercard و vizacard

[عصفور الغرام]

المفروض تشتغل بشرط انها تكون مفعلة للإستخدام العالمي وليس داخل مصر فقط

وعلى فكرة HSBC من البنوك الممتازة وأفضل بكتير من بيروس

انا سمعت انه بياخد نسبه كل شهر من حسابى ازا وصل مثلا 500 دولار يخصم شهريا حوالى 25 دولار او20 ده بالنسبه خصم البنوك من الحسابات الصغيره

[مصطفى خالد]

انا سمعت انه بياخد نسبه كل شهر من حسابى ازا وصل مثلا 500 دولار يخصم شهريا حوالى 25 دولار او20 ده بالنسبه خصم البنوك من الحسابات الصغيره

فى بعض البنوك الخاصه بيخصم مبلغ من حسابك لو قل عن 5000 جنيه او ما يعادلها بالدولار
بس الحكومه و بعض الخاص لا يفعل ذلك

[عصفور الغرام]

تنصحونى بأى بنك يكون كويس ومفيهوش خصومات ويكون الفيزا تخرج بسرعه حتى لو يكون بنك حكومى وهل اقدر افتح حساب فى بنك حكومى باليورو

[أبو أيمن المصري]

أولاً: معظم البنوك التي ستعطيك بطاقة Visa أو Master ستعمل بإذن الله على معظم ماكينات الصرف الآلية حول العالم

ثانيًا: بخصوص بنك HSBC أو غيره، يُعتبر (كقاعدة عامة) الفرع المصري مختلفًا بالكلية عن الفرع الموجود في أي بلد آخر، مثلاً الفرع الكوري لـHSBC يتعامل مع الفرع المصري وكأنه بنك مختلف تمامًا تمامًا، لا يربط بينهم سوى الاسم فقط، وهذه المعلومة أكيدة لأني سألتهم بنفسي قبل سفري إلى كوريا الجنوبية

ثالثًا: بالنسبة للبنوك المصري، ففي الحقيقة أنا محتار أنصحك بأي بنك، الخدمة البنكية في مصر سيئة للغاية حتى في البنوك الخاصة، لكن يبقى HSBC أفضلهم، ويليه العربي الأفريقي، والمفترض أن CIB جيد ولكن تجربتي معه بالغة السوء
كذلك هناك بنك نسيت اسمه هو الأسرع في استخراج بطاقات الفيزا، سأحاول أن أتذكر وأخبرك بإذن الله

[عصفور الغرام]

مشكور اخى ابو ايمن

لكن تنصحنى باى بنك مصرى حكومى بما ان البنوك الخاصه سياستها تعبانه مع العملاء يبقى تعب بتعب وبنك حكومى وخلاص ولا خصم من الرصيد ولا غيرة