الدولار...مصر..كلاكيت رابع مرة
النتائج 1 إلى 9 من 9
  1. #1
    تاريخ التسجيل
    Aug 2005
    الإقامة
    شبرا . مصر
    المشاركات
    73

    افتراضي الدولار...مصر..كلاكيت رابع مرة


    الإخوة المتابعون لسوق الصرف فى مصر.
    هل لكم ملاحظات على مستقبل الدولار فى مصر , و هل ستعود ظاهرة الدولرة مرة اخرى,
    مع ما يتراءى بزيادة الفائدة الأمريكية و ما صاحب ذلك من خفض الفائدة على الجنيه المصرى,
    فقد أصدر البنك المركزى المصرى عدة قرارات أخيرة لخفض الفائدة على الجنيه المصرى ,
    بعد ان كانت 11.4% فى طريقها لتصبح 7% لودائع اليوم الواحد..
    ما رأى الخبراء الملمين بالحالة الإقتصادية فى مصر.
    هل هى بداية لعودة ارتفاع سعر الدولار و إختفائه و ندرته.
    هذه دعوة للمناقشة , و ليفيدنا من لديه الخبرة


  2. #2
    تاريخ التسجيل
    Oct 2005
    الإقامة
    القاهرة . مصر
    المشاركات
    447

    افتراضي مشاركة: الدولار...مصر..كلاكيت رابع مرة

    حكايه ان الدولار يطلع تاني في مصر دي صعبة شوية , لان الحكومة استخدمت في السنوات اللي فاتت سياسه التخويف والاشاعات , بمعني اولا منعت استيراد حاجات كتيرة جدا جدا ( هي صحيح ملهاش لازمة ) وحتي الشركات اللي بتحتاج دولار بشكل دائم بدأ البنك بتوفيرة لها , دا غير ان مع اي طلوع ينزل خبر في الجرائد بأن المركزي هيضخ , دا غير شغل الاعتقالات من مباحث امن الدولة , بص انا عمري ما شفت دولة فيها سوق مصرفية حرة وفي نفس الوقت البنك هو اللي بيعطي الاسعار لشركات الصرافة , انا بكلمك من واقع 8 سنوات كنت بشتغل في شركة من اكبر شركات الصرافة في مصر , عموما في حاجات مينفعش تتكتب هنا ولو تحب تفاصيل اكتر ممكن تراسلني علي الخاص , لكن الدولار هيطلع علشان تقليل الفائدة, علي ما اعتقد ان دا هدف من الحكومة المصرية الجديدة في الاستثمار في البورصة خصوصا بعد ما دخول 2 مليار جنية فقط في اكتتاب المصرية للاتصالات
    تحياتي

  3. #3
    تاريخ التسجيل
    Aug 2005
    الإقامة
    شبرا . مصر
    المشاركات
    73

    افتراضي مشاركة: الدولار...مصر..كلاكيت رابع مرة

    أشكرك اخى امير على مرورك و تعليقك على هذا الموضوع.
    ولى عدة ملاحظات,
    اولاً. السوق فى مصر ليست حرة لكنها تتبع سياسة التعويم الموجه, اى التدخل الفورى من جانب المركزى إضافى الى وضع مستويات للسعر و هامش السبريد بين الشراء و البيع من 1% للعملات العربية, 2% لليرو و الدولار , 3% لباقى العملات.
    ثانياً. المصرية للإتصالات طرحت 340 مليون سهم بقيمة إسمية 14.8 جنيه مصرى ما يساوى 5 مليارات و32 مليون جنيه مصرى مما ادى لحل بعض الدائع الدولارية بقيمة ما يقرب من مليار دولار فى أسبوع واحد ,
    سيدى معروف ان الناس تذهب اينما كانت الفائدة مرتفعة , و ان سبب نشاط البورصة المصرية الملحوظ ليس قوتها بقدر ما هو ضعف للدولار فى مصر, ( حسن سوق مش حسن بضاعة )
    و مع انخفاض كثيراً من الأسهم و كذلك مؤشر البورصة الفترة الماضية له دلالة تعويضية,
    ثالثا. حجم المستثمرين المصريين أو المضاربين فى السوق فى الفترة الحالية لا يزيد عن 16.4 %
    و الباقى صناديق إستثمار عربية و غربية.
    و ما حدث للبورصلت الخليجية و ما يتبعه من إنسحاب بعض المستثمرين الخليجيين لتعويض خسائرهم فى بورصات بلادهم يستلزم اتجاه للدولرة لأنهم بالطبع لن يحولوا جنيه مصرى لبلادهم بل دولار وهذا هو مثال و كذلك إحتمال
    و السلام عليكم

  4. #4
    تاريخ التسجيل
    Oct 2005
    الإقامة
    القاهرة . مصر
    المشاركات
    447

    افتراضي مشاركة: الدولار...مصر..كلاكيت رابع مرة

    اقصد بسوق مصرفية حرة , يعني شركات الصرافة هي اللي تحدد سعر الدولار حسب العرض والطلب والسوق نشأت في بداية التسعينيات تقريبا لبدء فتح استثمارات اجنبية كبيرة في مصر وكان يتطلب القضاء علي السوق السوداء , اما من ناحية اال 2 مليار بتاعت المصرية للاتصالات اقصد ايضا حجم التداول اليومي في البورصة من بعدها وليس قيمة الاسهم المطروحة لها , وصدقني خدها مني نصيحة الحاجات اللي انت بتقولها دي في دول لها بنوك تعرف ما هو الاقتصاد , مش بنوك راس مال كبير ولكن خدماتها خدمات دفاتر التوفير , وممكن اعطيك مثل بسيط جدا جدا اتصل بأي بنك واعرف سعر اليورو او البوند مثلا شوف فرق البيع من الشراء كام ( بيتراوح من 10 الي 15 قرش ) هل تعتقد ان في بنك في ممكن يبقي فرق البيع عن الشراء كبير كدا( لتحديد سعر اليورو مثلا 5.73 سعر شراء الدولار * 1.21 مع خصم حدود 20 نقطة من الشاشة, تزيد او تنقص تقريبا = 6.933 تقريبا , ونفس العملية مع اي عملة مع فارق الضرب او القسمة علي حسب نوع العملة ) , حاجه تانية تعرف ان المفروض في الدلينج روم اي شخص معاه دولار يقدر يحولة لاي عمله اخري مع خصم نقط من الشاشة وان هذا القسم حاليا ممنوع يعمل الموضوع دا لاي شخص ومش في كل البنوك واصلا صعب حتي تضارب باسلوب المارجن الا للاشخاص اصحاب الحسابات الكبيرة والمعروفين , صدقني في حاجات كتير جدا جدا وبسيطة لما تكتشفها هتعرف ان احنا العملية ماشية معانا بالبركة , واخيرا وليس اخرا دا رأي شخصي متواضع وانا اتمني ان الدولار يطلع في مصر , لان علي الاقل هيبقي في مبرر لطلوع كافة الاسعار, بس ازاي؟؟؟؟
    تحياتي

  5. #5
    تاريخ التسجيل
    Dec 2005
    الإقامة
    سواح فى البلاد ... واخطوة بينى وبين حبيبى صباح
    المشاركات
    1,779

    افتراضي مشاركة: الدولار...مصر..كلاكيت رابع مرة

    اسعار العمولات الصعبة فى مصر ليست حقيقية .. فالدولة واصحاب المصالح الذين يسيطرون على الدولةوهم قلة يفعلون ما يتراءة لهم ومصالحهم ويقررون ما يتماشىمن قرارات مفاجئة لتجعل من الدولار وفجأة يساوى 200 % من قيمتة بين يوم وليلة لترفع بالاسعار الى الضعف كما حدث 2004 .

    ثم ثبت الدولار ـ يصعد ويهبط فى كل العلم الا مصر ـ

    ثم وفجاة سيرتفع الى الضعف مرة اخرى عندما ينسى الشعب ما حدث فى 2004 ليماشى مع مصلحة القلة من رجال الاعمال المسيطرة على الحياة السياسية .

    ولايمكن لاحد ان يعرف متى سيحدث الارتفاع لانة لة اهداف سياسية ومصلحةلمن هم وراء الكواليس من اعضاء لجنة السياسات التى يعمل رئيسها فى سوق المال ويعمل كمستشار لشركات فى البورصة مثل هيرمس وعضو فعال فىبعض البنوك الكبيرة وهو الذى يضع ويقرر السياسات المستقبلية ,, يعنى بتنجان على زلبية .

  6. #6
    تاريخ التسجيل
    Oct 2005
    الإقامة
    القاهرة . مصر
    المشاركات
    447

    افتراضي مشاركة: الدولار...مصر..كلاكيت رابع مرة

    اقتباس المشاركة الأصلية كتبت بواسطة متيم اليورو
    اسعار العمولات الصعبة فى مصر ليست حقيقية .. فالدولة واصحاب المصالح الذين يسيطرون على الدولةوهم قلة يفعلون ما يتراءة لهم ومصالحهم ويقررون ما يتماشىمن قرارات مفاجئة لتجعل من الدولار وفجأة يساوى 200 % من قيمتة بين يوم وليلة لترفع بالاسعار الى الضعف كما حدث 2004 .

    ثم ثبت الدولار ـ يصعد ويهبط فى كل العلم الا مصر ـ

    ثم وفجاة سيرتفع الى الضعف مرة اخرى عندما ينسى الشعب ما حدث فى 2004 ليماشى مع مصلحة القلة من رجال الاعمال المسيطرة على الحياة السياسية .

    ولايمكن لاحد ان يعرف متى سيحدث الارتفاع لانة لة اهداف سياسية ومصلحةلمن هم وراء الكواليس من اعضاء لجنة السياسات التى يعمل رئيسها فى سوق المال ويعمل كمستشار لشركات فى البورصة مثل هيرمس وعضو فعال فىبعض البنوك الكبيرة وهو الذى يضع ويقرر السياسات المستقبلية ,, يعنى بتنجان على زلبية .


    جبت الخلاصة

  7. #7
    تاريخ التسجيل
    Aug 2005
    الإقامة
    شبرا . مصر
    المشاركات
    73

    افتراضي مشاركة: الدولار...مصر..كلاكيت رابع مرة

    الأخ أمير
    السوق ليس عشوائى دائما.
    السوق يتكون من افراد و مؤسسات حيثما غلبت الطبيعة تغلبت , إن كانت عشوائية أو غير ذلك , معك أن السوق أحياناً يخدم مصالح البعض, لكن أحيانا أخرى يضرهم بل لا يرحمهم , مسألة حجم التعامل فى البورصة لم تنعشها المصرية للإ تصالات , كما أسلفت حجم إكتتاب يزيد عن 5 مليار وحجم التداول لا يتعدى 15 مليون فى السهم ذاته ,
    - مسألة العشرين نقطة التى تقطتع عند بيع العملة أنت نفسك متداول و تعلم حدود حركة زوج العملة , أى اذا كانت ستدخل انتر بانك فبكم سيأخذها البنك أو بعد ساعة كم تساوى , أى العشرين نقطة معقولة , يوجد بعض البنوك تقتطع 50 نقطة
    - فرق القروش بين الشراء و البيع إن كنت تعمل فى الصرافة يجب أن تعلم أن المركزى يحدد لك هامش الحركة . فبما تفسر مثلاً أن سعر بيع الريال 1.5364 مثلاً , إنه هامش محدد , و كما قلت أن المركزى يتبع مع الجنيه سياسة التعويم الموجه.
    - ثم أن السوق الحرة ليست من شأنها جذب إستثمارات لكن هدفها توفير السيولة اللازمة للمواطن العادى و ليس التاجر أو المستورد فهؤلاء مجالهم البنوك.
    و السلام عليكم

  8. #8
    تاريخ التسجيل
    Oct 2005
    الإقامة
    القاهرة . مصر
    المشاركات
    447

    افتراضي مشاركة: الدولار...مصر..كلاكيت رابع مرة

    عزيزي انا بقول البورصة اول مرة تسجل اعلي تداول من حيث الحجم اليومي بعد المصرية للاتصالات ودا مش كلامي لوحدي دا كلام كل الناس وممكن ترجع ل case 30 وتشوف , اما ان البنك المركزي يحد هو الهامش اعذرني يا صديقي فانا اشتغلت في اكبر شركة صرافة من سنه 1998 وتم تسريحنا جميعا في منتصف 2003 وكان السبب هو ان البنك الزم شركات الصرافة باخذ الاسعار اليومية من البنوك , وبعد سنه 2003 اشتغلت سنه ونص تقريبا لوحدي , لكن فترة الخمس سنوات في الشركة عمر ما كان سعر العملة علي الشاشة يتعدي بأي حال من الاحوال الخمس قروش وفي بعض العملات كان يبقي الفرق الفعلي بعد الاسعار المميزة في المبالغ الكبيرة هو ملاليم ( صدق او لا تصدق ) لان انا شغتلي كانت ديلر , ولازم تبقي عارف ان شراء العملة بالكاش تفرق كتير جدا عن الهامش لان الكاش تقدر تعمل تكلفة بسهولة دا غير ان انت بتبيع في وقت بسعر معين والتنفيذ ممكن تاني يوم علي السعر المتفق عليه سواء هبط او طلع , واما ان المركزي يتبع سياسه التعويم فدا كلام جرايد الحكومة , وثم انا مقلتش ان السوق الحرة لجذب الاستثمار صدقني انا كلامي واضح , انشاء سوق مصرفية حرة للشفافيه وليس للجذب بمعني , ان دلوقت انت راجل اجنبي هتفتح مصنع عربيات فأزاي هتقدر تحسب التكلفة والمكسب وانت معندكش سوق عملة واضح بل سوق سوداء , وبعدين البنوك في مصر بتعتمد توفير العملة عن طريق فتح اعتماد فقط لكن في ناس كتير بتستورد بطرق مختلفة البنك لا يدعمها , ومع العلم ان ان حتي فتح الاعتماد يبقي بعد تقريبا اسبوع او اتنين من تاريخ التقديم وبالسعر الجديد بعد قبولة ( يعني انت اليوم قدمت اعتماد وكان السعر 5.73 وبعد القبول باسبوع او اتنين يتمع الفتح علي السعر الجديد يومها ) وكلامي دا مش صعب سهل جدا تتاكد منه , وتعرف انا ممكن اقولك علي حاجه مضحكة جدا جدا روح اي بنك قريب لك وخد معاك اي ورقة من الدولار او اي عملة تانية مقطوعه او تالفة تعرف ان البنك مش هيرضي يغيرها لك , والبنك الوحيد المتخصص في كدا هو البنك العربي فرع المهندسين فقط ومش هيديلك ورقة تانيه بل هيصرفها لك مصري , واعتقد ان لو اتضح صحة كلامي يبقي هتعرف ان دي فعلا بنوك لكن خدمات دفاتر التوفير , وعلي فكرة انا ميهمنيش اثبات لك وجه نظري صحيحه ام خطأ لكن يهمني انك تعرف البلد دي كويس من كتر السرقة بترجع لورا اوي اوي , وياريت وحيات ابوك سبني ساكت علشان انا بجد مش عايز اتكلم كلام مش يفيد بل يضر
    تحياتي
    آخر تعديل بواسطة amir ، 11-04-2006 الساعة 04:48 PM

  9. #9
    تاريخ التسجيل
    Aug 2005
    الإقامة
    شبرا . مصر
    المشاركات
    73

    افتراضي مشاركة: الدولار...مصر..كلاكيت رابع مرة

    عزيزى
    يبدو من كلامك أنك كنت تعمل صرافاً فى شباك احدى شركات الصرافة مثلا مع ضاحى أو الدكتور بلال أو محمدالأبيض أو ماجدة أو سيد عبد الكريم أو حتى لولو فى شارع الألفى.
    صدقنى لا تعتمد على أقوال هؤلاء كى تبنى وجهة نظر إقتصادية سليمة.
    ولأنك كنت تقطع اليورو أو الريال فى العربى تظن أنه البنك الوحيد الذى يفعل ذلك
    -أصحاب الأكشاك أو تجار العملة لا تجعلهم مصدراً لثقافتك المالية و الإقتصادية
    - أى بنك يصدر للخارج تستطيع أن تقطع معه مثل المصرى الأمريكى و ليس فقط العربى
    - خمس سنوات صرافاً فى شركة صرافةلا تجعلك تحكم على السوق لأنك كنت ترى السوق من خلال التاجرالذى تعمل لديه فقط و لا شأن لك بالسياسلت التى تحكمكم.
    ماذا كنت تقول لو أن مجالك كان مثلاً فى مراقبة النقد الأجنبى
    -أن كنت تعمل فى محل للصرافة كنت تعلم أن السعر قابل للتغيير فى اليوم نفسه ولابد من إبلاغ المركزى بالأسعار أولاً بأول
    - مسألة ارتباط الأسعار بالبنوك هى فى التعديلات التى أدخللت فى قانون 2003 بشأن تنظيم السوق الحرة
    - لابد أنك تعلم أنه فى فترة التسعينات كى يحافظ الجنزورى على سعر الصرف من 339 حتى 347 قرشاً كلف الإ حتيطى 26 مليار دولار من 44 مليار حتى 14 مليار , و الحكومة ليست على استعداد للتضحية بالعشرين الموجودة الأن ...أسف 23 مليار 258 مليون
    أخيرا هل أنت أمير عبد الوهاب أم أمير الذى كان يعمل فى فينيكس للأوراق المالية

المواضيع المتشابهه

  1. المجنــــون .. كلاكيــت رابع مـــرة !
    By سكوفيلــد in forum سوق تداول العملات الأجنبية والسلع والنفط والمعادن
    مشاركات: 13
    آخر مشاركة: 07-10-2009, 07:44 PM
  2. 3.6 مليار دولار خسائر رابع اكبر بنك في أمريكا
    By التحليلات والأخبار in forum سوق تداول العملات الأجنبية والسلع والنفط والمعادن
    مشاركات: 0
    آخر مشاركة: 11-09-2008, 03:46 PM
  3. ## بـــشـــرى : التسجيل في رابع دورات أكاديمية المتداول العربي ##
    By الأكاديمية in forum سوق تداول العملات الأجنبية والسلع والنفط والمعادن
    مشاركات: 43
    آخر مشاركة: 19-12-2007, 06:42 AM
  4. الصين رابع اقتصاد عالمي
    By التحليلات والأخبار in forum سوق تداول العملات الأجنبية والسلع والنفط والمعادن
    مشاركات: 0
    آخر مشاركة: 03-07-2006, 12:28 PM
  5. الدولار...مصر..كلاكيت رابع مرة
    By alfaruk in forum سوق تداول العملات الأجنبية والسلع والنفط والمعادن
    مشاركات: 8
    آخر مشاركة: 11-04-2006, 05:39 PM

الاوسمة لهذا الموضوع