البحث عن السعادة

[احلام عمرنا]

البحث عن السعادة

من قديم الأزل والإنسان يسأل نفسه هذا السؤال كيف أكون سعيدا وهذه محاولة متواضعة للرد على هذا السؤال


مشيت أدور ع السعادة
ف الدنيا وبين الناس
جالو السعادة ف الفلوس
ف الجصر والدهب والماس
وجريت أجمع ف الفلوس
لكنى لجيت إحساس
إن السعادة لا ف الفلوس
ولا ف الدهب والماس
جالو السعادة ف النسوان
ففى سهرة حمرا متعة وكاس
وجابلت ف الدنيا ناس
أدمنو الزنا والسهر والكاس
لجيت يا حسرة عليهم
هما ياناس أتعس ناس
وجابلت راجل حكيم
جلت لو يابن الناس
دلنى على السعادة
نونورنى دنا محتاس
سكت شوية وبص وجال
السعادة يابنى ف راحة البال
ف لجمة تاكلهامن حلال
فى فرحة تدخلها على أولادك
ومراتك أم العيال
فصدقة تديها ف خفى
لمسكين فجير ماعنده مال
فى صلاة بخشوع لربك
تبكى وتشكى الحال
وخليد ديما مستجيم
وطهر جلبك من الأرزال
هتلاجى السعادة تندهلك
وتجيك من غير سؤال
جلت لو كتر خيرك
ويصلح ليا وليك الحال
ريحتنى يريح جلبك
ويطمن ربى ليك البال

مما راق لى
تحياتى

[حياتى لله]