النتائج 1 إلى 1 من 1
الموضوع: مثال عملى على الرؤيه + الاعتقاد
- 10-04-2011, 12:17 AM #1
مثال عملى على الرؤيه + الاعتقاد
اللى هاكتبه ده عشان اوضح وجهه نظرى يعنى ايه ندخل الصفقه لما نشوف بعيوننا ان اعتقادنا بيتحقق
فى بدايه الاسبوع 27/3 كان فيه اعتقاد قوى فى المنتدى ان اليورو فى طريقه الى 1.3850 و ظهر هذا الاعتقاد فى موضوع الاستاذه رانيا وجدى و مواضيع تانيه كتير و كانت رؤيه قويه جدا قائمه على تحليل اساسى و تحليل فنى محترم و لكن الاعضاء المحترمه اللى قالت كده اتفقوا انه دائما الشارت بيقول كلمته
انا شخصيا كنت شايفه صعود بسبب تعامل الاغلاقات مع مستوى1.4100 و فى المستويات المهمه فى الزوج انا باستعين بشارت الاسبوعى
و هانلاقى انه فى اسبوع 13/3 اغلق على 1.4180 يعنى اليورو تجرأ على هذا المستوى و لذلك انا بقى عندى خلفيه انه احتمال يكسر المقاومه و لكن لسه مش متاكد و محتار جدا
الاسبوع اللى بعده كان متذبذب و انا اصلا محتار و مش متاكد و لذلك كنت بادخل صفقات بيع و شرا باهداف قريبه حسب طريقتى اللى شغال بيها على طول ( و لسه الاعتقاد فى دماغى بس عايز حاجه تؤكده ) و ظهرت شمعه الاسبوع 27/3 و اول شمعه على الاربع ساعات كانت عكسيه ايجابيه قويه جدا تدعم الصعود و لذلك دخلت مع افتتاح الشمعه اللى بعدها باستوب تحت اللو بنقطه واحده يعنى من 4055 باستوب 4020 الحمد لله قفلتها على مكسب 200 نقطه و اشتريت تانى بعد كده
طيب تعالوا نحلل سلوك الزوج على شارت الاسبوعى
ايه اللى خلاه ينزل فى شمعه 20/3 ... بكل بساطه فى ناس كانت داخله شرا و كسبت كويس و قفلت عقودها و لكن لان اغلاق 13/3كان بيوحى باحتمال كسر المقاومه مش كل الناس قفلت العقود عشان كده شمعه 20/3 كانت صغيره و فيها تذبذب بكم كبير و جت شمعه 27/3 و الناس اللى مازالوا محتفظين بعقود الشرا مبسوطين و كسبانين كويس ... صحيح مكسبهم قل شويه عشان اسبوع 20/3 كانت هابطه ... بس هم عندهم ثقه فى الشرا عشان اغلاق 13/3 و عشان كده لما جت الشمعه الايجابيه الصاعده قرروا انهم يزودوا عقود الشرا و طلع الزوج
و حتى اللى كانوا معتقدين انه هاينزل المفروض انهم لما يشوفوا الافتتاح الايجابى ده يبدأوا يقلقوا و يفكروا فى انهم يخرجوا او يقربوا الاستوب ... لكن اللى منهم تحدى السوق و قال هاينزل يعنى هاينزل اكيد السوق قضى عليه
عشان كده من وجهه نظرى اهم حاجه المرونه و عدم تحدى السوق و دائما تعامل مع ما تراه و لو عندك اعتقاد انتظر لما تشوفه بيتحقق و ادخل على اساسه
تقبلوا تحياتى