طريقة لطيفة...

[kingooo]

اخواني وأساتذتي أعضاء المنتدى الكرام

مقدمة لابد منها (مش هنطول فيها أن شاء الله)

من زمان نفسي افيد اخواني في المتداول العربي هنا وأكتب مواضيع واستراتيجيات جديدة زي الاخوة المحبين (الموجودين بكثرة هنا)
بس للاسف كل الحاجات اللي عندي ليست ذات قيمة تذكر ولا ترقى لمستوى أن تكون استراتيجية
وكل ما املك هو خبرات كثيرة جدا من اخواني هنا

بس قررت اضع الطرق الخفيفة اللي عندي لعلها تفيد أي شخص
ملحوظة: أنا وضحت أني لست مخترع ولا مكتشف وكلها خبرة من اخواني فاتمنى عدم التجريح أو النقد السخيف الغير بناء

خلصت المقدمة هيييييه

طريقة العمل

طبعا فيه ناس كتير اتكلمت عن مفينج 55 وأهميته وعلى رأسهم (بالنسبالي) الأستاذ الكبير سمير صيام وناس كتير ففكرت ازاي استخدم المفينج ده بسهولة

العملة: يورو دولار
تايم فرام: 4hr

الشراء
شمعة (طولها اقل من 50 نقطة لتلافي الشموع العنيفة وقت الأخبار) اخترقت مفينج 55 سمبل لأعلى
نفتح شراء في الشمعة اللي وراها على طول بستوب لس 100 نقطة
أول مايتم تحقيق 10 نقاط ربح يتم اغلاق نصف العقود وتقديم الستوب لس على سعر نقطة الدخول
ونغلق الصفقة المفتوحة (لو ماكانتش اتقفلت) بنهاية الشمعة اللي دخلنا مع بدايتها

البيع
العكس تماما
شمعة (طولها اقل من 50 نقطة لتلافي الشموع العنيفة وقت الأخبار) اخترقت مفينج 55 سمبل لاسفل
نفتح بيع في الشمعة اللي وراها على طول بستوب لس 100 نقطة
أول مايتم تحقيق 10 نقاط ربح يتم اغلاق نصف العقود وتقديم الستوب لس على سعر نقطة الدخول
ونغلق الصفقة المفتوحة (لو ماكانتش اتقفلت) بنهاية الشمعة اللي دخلنا مع بدايتها

المؤشر والكسبيرت
طبعا مش هنفضل عايشين جنب الكمبيوتر علشان لو فرصة اتكونت (خصوصا إن الفرص مش كتير)
عشان كده مرفق مؤشر لطيف يضع سهم وممكن يعطي تنبيه صوتي (زي ماأنت عايز من الاعدادات) عند اختراق شمعة للمفينج 55

طيب افرض الفرصة اتكونت في نص الليل وأنت نايم !!

علشان كده فيه اكسبيرت لو سبته شغال هو هيظبط كل حاجة ويفتح الصفقة وكمان هيحرك الستوب لس (ولو عايز يطلع يبوس ايدك كمان ههههههه)
وطبعا ممكن نعمل بيه باك تست كمان

ادارة راس المال
طبعا دي بالذات كل واحد فيها حر يعمل اللي عايزه
بس أنا هنا هقول اقتراح بناءا على باك تست عملته من أول 1-1-2010 إلى الآن
لو الرصيد 100 دولار
عند تكون فرصة ندخل بـ0.06 (النقطة بـ60 سنت)
وبعد كده زي الطريقة مابتقول أول مانحقق 10 نقاط ربح نغلق 0.03 ونسييب 0.03

ملحوظة: في الكسبيرت لتنفيذ ادارة راس المال بالأعلى دي يتم وضع اللوت في الاعدادات 0.03

النتايج
بناءا على باك تست من 1-1-2010 إلى 31-12-2010
يعني سنة 2010 كلها (طبعا مر على ايام التذبذب والترند وكل حاجة )
بادرة راس المال المذكورة
تم تحقيق 200% في السنة
مرفق الباك تست بكل الصفقات اللي اتعملت

همسة: أعتقد هناك من يعتبرها نسبة صغيرة جدا, بس احب اسالك سؤال لو وضعت الفلوس في البنك كانت هتديلك كام (5.5-6-8-9-10% في السنة؟)
بلاش المشروع التجاري بيحقق كام في السنة من راس المال (بحيث راس المال لا يقل عن كذا) يعني مش هتعرف تفتح محل بـ100$
عموما النتايج امامكم و كل إنسان بيختار اللي يعجبه

المميزات
- الطريقة سهلة جدا جدا (أي واحد داخل الفوركس النهارده يقدر يطبقها)
-وضوح الشروط (هو شرط واحد هههههههه)
-وجود مؤشر واكسبيرت ليها (يعني لا يشترط الالتصاق بالشارت هههه) ولو غاوي تشتغل يدوي برده مفيش تعب لانك هتبص بَصة كل 4 ساعات

العيوب
-الفرص مش كتير (يعني ممكن تلاقي شهر مليان فرص وشهر مفيهوش ولا فرصة خالص )
وأنا شايف أن ده فعلا عيب رخم لأن الواحد فينا بطبيعته ميقدرش يمسك ايده وميفتحش ولا صفقة هههه ويمكن هو ده سبب اغلب خسايرنا
وعشان كده شايف أن دي احسن حاجة ليها مبلغ عندك على جنب وتحطه وتشغل عليه الاستراتيجية دي فقططط (وهي بتدي في المتوسط حوالي 10-20% شهريا) يعني كل كام شهر (4 شهور مثلا) تروح ساحب 40 % ربح من راس المال
بأكد تاني انها مش بتدي كل شهر بانتظام (يعني ممكن شهر تدي 70% وشهر متديش حاجة) وده زي أي مشروع تجاري في الحياة (وهو ده الفرق بين التجارة والمرتب الثابت في وظيفة)

كده الطريقة خلصت
وفي ناس بتقول إيه الهبل ده, بس هقوله يا عم KEEP IT SIMPLE
يا رب حد يستفاد يا رب يا رب يا رب يا رب

طبعا حق التعدييل والتغيير و كل حاجة مكفول للجميع ومرحب بيه بشدة
ويسلام كمان لو واحد جدع يعملنا باك تست على 2009 كمان مثلا يبقى 100%

تقبلوا محبتي لكم جميعا

[متفائل ولكن]

الشراء
شمعة (طولها اقل من 50 نقطة لتلافي الشموع العنيفة وقت الأخبار) اخترقت مفينج 55 سمبل لأعلى
نفتح شراء في الشمعة اللي وراها على طول بستوب لس 100 نقطة
أول مايتم تحقيق 10 نقاط ربح يتم اغلاق نصف العقود وتقديم الستوب لس على سعر نقطة الدخول
ونغلق الصفقة المفتوحة (لو ماكانتش اتقفلت) بنهاية الشمعة اللي دخلنا مع بدايتها

البيع
العكس تماما
شمعة (طولها اقل من 50 نقطة لتلافي الشموع العنيفة وقت الأخبار) اخترقت مفينج 55 سمبل لاسفل
نفتح بيع في الشمعة اللي وراها على طول بستوب لس 100 نقطة
أول مايتم تحقيق 10 نقاط ربح يتم اغلاق نصف العقود وتقديم الستوب لس على سعر نقطة الدخول
ونغلق الصفقة المفتوحة (لو ماكانتش اتقفلت) بنهاية الشمعة اللي دخلنا مع بدايتها

عشان ماحدش يتلخبط اكتب الصفقات المعلقة يا Kingoooooooooooooo

[أبو عمران]

السلام عليكم و رحمة الله و بركاته

ما فيش أسهل من كدا الله يجازيك كل خير، جاري التجربة و عمل الباك تيست

[nabeluon]

شكرا لك على طريقتك البسيطه المربحه
وبحق خوطوط الموفيج كنز للى يعرف ستغلها
لكن انا للاسف من الاشخاص اللى مبيعرفوش يستغلوها
لكن ان شاء الله هجرب هذه الطريقة
ونسبة الربح اللى انت كاتبها لييست بالقليلة
نسبة ممتازة

[kingooo]

عشان ماحدش يتلخبط اكتب الصفقات المعلقة يا Kingoooooooooooooo

احنا معندناش صفقات معلقة خالص, احنا كل شغلنا ماركت (مش فاهم حضرتك تقصد إيه بخصوص معلقة)

السلام عليكم و رحمة الله و بركاته

ما فيش أسهل من كدا الله يجازيك كل خير، جاري التجربة و عمل الباك تيست

الله يخليك يا جميل, ومتابعة حضرتك ورأيك مهمين جدا بالنسبة لي......

شكرا لك على طريقتك البسيطه المربحه
وبحق خوطوط الموفيج كنز للى يعرف ستغلها
لكن انا للاسف من الاشخاص اللى مبيعرفوش يستغلوها
لكن ان شاء الله هجرب هذه الطريقة
ونسبة الربح اللى انت كاتبها لييست بالقليلة
نسبة ممتازة

ربنا يكتبلك الربح الوفير اخي
ويا رب طريقك كله اخضر

جرب وقول لنا إيه الأخبار

[عبدالله2010]

شكرا جزيلا


وطريقة سهله جدا وواضحة بارك الله فيك

[t.analysis]

طريقة سهلة
نجربها ان شاء الله

[kingooo]

شكرا جزيلا


وطريقة سهله جدا وواضحة بارك الله فيك

العفو يا باشا, اتمنى أن تفيدك

طريقة سهلة
نجربها ان شاء الله

بطل كاس شخصيا في موضوعي...............

ده شرف كبير ليَّ يا باشا, اتمنى بقى من حضرتك تقيم الطريقة وتقولي رأيك وأي تعديلات حضرتك شايفها.....

[Alsager00]

صباح الورد
واستراتيجيات وباك تست كمان ........... يا كنقوو
انت بتزاكر من ورانا ههههههههههه

يعطيك العافية ما شاء الله عليك
لهلوبة ........... بالتوفيق اخي الكريم
ومعروفة قوة الموفنج على الشارت وفي العادة يحتاج
الى فلترة ,,,, او مضاعفات ( كما استخدمها انا )
ولكن مع طريقتك السهلة المرنة
كله عال العال


تحية ود للجميع

[kingooo]

صباح الورد

واستراتيجيات وباك تست كمان ........... يا كنقوو

انت بتزاكر من ورانا ههههههههههه

يعطيك العافية ما شاء الله عليك

لهلوبة ........... بالتوفيق اخي الكريم
ومعروفة قوة الموفنج على الشارت وفي العادة يحتاج
الى فلترة ,,,, او مضاعفات ( كما استخدمها انا )
ولكن مع طريقتك السهلة المرنة
كله عال العال

تحية ود للجميع

صباح الفل

وكمان أساتذة المفينجات وصلوا

ده شرف كبير ليَّ يا باشا

منتظر رأيك وتعديلاتك بفارغ الصبر

تقبل تحياتي

[Mo3Ty]

الله ينور عليك يا كينجو

[adeliskandar]

اسهل و ابسط من كدة مفيش
موفق انشاء الله

[kingooo]

الله ينور عليك يا كينجو

وكمان معطي باشا
ده الحبايب كلهم هنا..........

يلا بقى يا باشا مستني رأيك

همسة: أنا بحس أنك اكتر واحد ملتزم أنا شفته في حياتي (مش عارف ليه, بس احساس)

اسهل و ابسط من كدة مفيش
موفق انشاء الله

الله يخليك يا باشا

مستني مشاركتك الفعالة

همسة: توقيعك اكثر من رائع

[femtogold4]

اية يا باشا العملات وهل ممكن يشتغل على اكثر من عملة؟

ر بنا يكرمك يا كينجو دنيا واخرة يارب انت انسان محترم واكيد ربنا هيكافئك.

[kingooo]

اية يا باشا العملات وهل ممكن يشتغل على اكثر من عملة؟

ر بنا يكرمك يا كينجو دنيا واخرة يارب انت انسان محترم واكيد ربنا هيكافئك.

اليورو دولار يا باشا

بالنسبة لي, أنا مجربتش عملة تانية غير اليورو, زي ماتقول بحاول اتخصص في اليورو (لاني بدوخ لما اتابع كذا عملة هههههههه)

ألف شكر على الدعوة الحلوة دي (من بقك لباب السما)