النتائج 1 إلى 15 من 28
- 03-04-2011, 12:42 AM #1
أنـــا اسف يا شــــــــــعـــــــــــب تونـــــــس
__________________________________________
مش عارف اقول ايه بجد
اول مرة فحياتى اتكسف انى مصري
بس رسالة اعتذار ياريت تقبلوها مننا
بجد اسفين على احداث ماتش الزمالك دة
__________________________________________
- 03-04-2011, 12:45 AM #2
تكسف انك مصرى!!! ليه
ياعم دى ناس متخلفه للاسف احنا لسه عندنا ناس كتيررررررررررر متستحقش تبقا موجوده الجهل والتخلف
صراحه انا مش فاهم هنفضل كدا لامتى
- 03-04-2011, 12:47 AM #3
كرة القدم هي أفيون الشعوب
وهي تدمير الشعوب العربيه
فالانتفاضه الفلسطينيه قتلت في مصر بسبب ماتش الأهلي والزمالك 6\0
والان يريدون قتل الحب بين الشعبين وثورة البلدين بماتش كرة قدم
نعتذر لاهل تونس الاخيار الكرام
- 03-04-2011, 12:48 AM #4
كرة القدم هي أفيون الشعوب
وهي تدمير الشعوب العربيه
فالانتفاضه الفلسطينيه قتلت في مصر بسبب ماتش الأهلي والزمالك 6\0
والان يريدون قتل الحب بين الشعبين وثورة البلدين بماتش كرة قدم
نعتذر لاهل تونس الاخيار الكرام
- 03-04-2011, 12:48 AM #5
كل بلد وفيها الناس الحلوه والناس للاسف السئيه
وللاسف السيئ يسى لكل البلد
حسبنا الله ونعم الوكيل
- 03-04-2011, 01:00 AM #6تتكسف انك مصرى ازاى يعنى
ياريت تراعى كلامك اخى
ومن فعلو ذلك اشخاص اقل من ان نتأسف باسمهم
- 03-04-2011, 01:06 AM #7
بقالى سبع سنين مستنى الزمالك ياخد الدورى لدرجه كرهت الكوره حاسس هموت ومش هياخد الدورى والسنه الى فيها الاهلى تعبان والزمالك هياخد الدورى اهو رئيس الوزراه طلع دلوقتى لغى الدورى
والله احسن بجد دى قله ادب الى حصل ده
- 03-04-2011, 01:11 AM #8
للاسف الشخص الناقص اللى اسمه ابراهيم حسن هو السبب فى كل اللى حصل هما لسه مصدقين وهم انهم قدوة ورمز لمصر انت واخوك من اسوء النمادج المصرية وعمركم ما هتكونوا رمز للشباب الشرفاء اللى خرجوا يوم 25 يناير لانهم اشرف منكم واطهر من امثالكم وحسبى الله ونعم الوكيل فى كل اللى شارك فى ماساة اليوم واعتدار منى لكل فرد فى الشعب التونسى الشقيق وياريت يبقى من اللحظة دى يبقى عندنا مبادئ فقه الاولويات يعنى منكونش فى ثورة ونروح نتعصب لحتة ماتش كورة وارجو من المراقب العام فضلا لا امرا عدم حدف مشاركتى http://youm7.com/News.asp?NewsID=382562
- 03-04-2011, 01:14 AM #9
- 03-04-2011, 01:15 AM #10
لما الأمــن المركــزي مش قادر يحكم سيطرته عالملعب ليه قبل ان المباراه تتلعب
ما كان الجيش نزل امنها من الاول ولا احنا بنتحرك بعد خراب مالطة
والله ياريتنا خسرنا 20 صفر بس المشهد دة مكنش حصـــل
لو واحد بس من اللى نزلو بيفهم كان عرف ان الناس دى استضافة المصريين اللى هربوا من ليبيا وشالوهم على راسهم
كان حتى لو بيفهم عرف ان دول اخواتنا وحتى لو مش اخواتنا مينفعش تعمل معاه هنا كدة
- 03-04-2011, 01:16 AM #11
كل الاحترام و التقدير للشعب التونسي
انا لا اشاهد ماتشات الكرة ابدا و لكني علمت الان فقط بما حدث
و قد قام وزير الخارجية و رئيس الوزراء المصري بالاعتذار الرسمي للخارجية و الشعب التونسيين كما ستبدأ الداخلية المصرية بتحقيق عاجل مع من تم القبض عليهم من مثيري الشغب
افتخر انك مصري و ان مصر اصبحت علي اعلي مستويات مسئوليها تهتم باي شئ يعكر صفو العلاقات الاخوية مع الشعوب العربية......و اظنكم تذكرون للاسف رد الفعل في ماتش الجزائر بتاع كاس العالم
- 03-04-2011, 01:16 AM #12
مش معاك انك تتكسف انك مصري اول مرة أزعل منك اخي محمود
ماحدث امس فعلا أمر مؤسف لكن لا يعبر عن مصر والمصريين عشان نخجل منه ,
ومش عادة الشعب والجمهور المصري هذه التصرفات , معروف ان الامر مجموعة مندسة عشان توصل رسالة محددة ان ده مكانش بيحصل قبل كده واننا فعلا لسنا مؤهليين للديمقراطية والاحترام زي ماكانو بيقولو علينا وقت الثورة ,
الله المستعان واتفق معك الاعتذار واجب لاهل تونس لكن أكيد هم متفهمين مايحدث لاننا نمر سويا بنفس الظروف حاليا ....
تحياتي وتقديري
- 03-04-2011, 01:19 AM #13
يا جماعه لازم نكون منصفين شوية , اللى حصل فى الماتش هى عبارة عن مصر الصغيره للأسف , البلطجة انتشرت بشكل كبير جدااا وأصبح كل شخص يعتمد على قوته أو قوة السلاح الذى يحمله وفى الأونه الأخيره بدأ الجيش يسحب بعض مدرعاته من المدن على الرغم من أن الوضع لم يستقر بعد وبدأ بدفع أفراد الشرطه العسكرية ولكن ليست بالقوة الكافية , ولذلك لابد أن يتخذ المجلس العسكرى إجراءات رادعة ويزيد من حجم قواته فى الشوارع وفى تسيير الدوريات مع رجال الشرطة حتى يستعيدوا ثقتهم بأنفسهم , لأن للأسف اللى حصل ده مؤشر خطير جداا للأيام القادمة وأتمنى أن تكون العقوبات رادعة وتنفذ بشكل علنى ,
ونحن نعتذر كمصريين للشعب التونسى الشقيق عما حدث للأسف من بعض المصريين الأغبياء الجهلاء وإن كانوا من رواد الكليات .
- 03-04-2011, 01:23 AM #14يا جماعه بلاش نلقى التهم وخلاص لمجرد كلام ممكن تكون نرفزه بعد الماتش ومش من المنطق طبعا ان كل دول يتجمعوا عشان كلام واحد هما واحد ولا اتنين دول اكتر من الف شخص
ويا جماعه كلمه حق الجهاز ولاعبين الزمالك كانوا رجاله دول حموا التونسيين ودى كفايه وحسام وابراهيم رغم انى عكس قطارهم تماما بس هما اتظلموا فى الحكايه دى الا لو كان فيه تحقيقات
اللى راح استاد القاهره قبل كده يعرف ان البوابات الصافره دى عمرها مبتتفتح المشكله ان كل البوابات اتفتحت مع بعض بعدين كان فيه تفتيش قوى على البوابات ازاى الناس دى دخلت اصلا؟؟
تونس على راسنا انا فاكر لما نزلت يوم 28 يناير فى المظاهرات واحد ادانى علم تونس وفضلت محتفظ بيه لحد الان فمش كوره وهبل اللى تخلينا نخسربعض
- 03-04-2011, 01:26 AM #15
و الله يا اخي الجيش زهق,,,, بعني تضع لك دبابتين عند الجونين مثلا.....
و بعدين و بعدين انت عارف ان الامن المركزي قادر و قادر علي تامين اي ماتش و لكن انت عارف الحزازيات الان بين الجمهور و الشرطة لذلك يحاول تخفيف وجوده الكثيف و المستفز ليس اكثر..... المشكلة فيمن استغل الظروف ليقوم بهذه الفتنة..... لكنك ستري كيف سيحاسبون