اليورو وسعر 4000

[Wigan]

السلام عليكم

باختصار السوق اصبح راضى تماما عند سعر 4000 ولا يوجد بنوك او صناديق او مستثمرين على استعداد لتحمل مخاطر شراء اليورو من منطقة هاى تاريخية وباهداف مجهولة

لان حضراتكم عارفين ان العملة عبارة عن عرض وطلب ورغبة مستثمر فى الشراء او البيع ، لسان حال البنك بيقول اليورو عند 4000 جميل جدا مش هشترى غير من القيعان بجانب حالة عدم الاستقرار العالمىوالكوارث الحالية عافانا الله واياكم
حتى برغم تصريحات تريشيه بخصوص رفع الفائدة لكن الجميع راضى عن سعر 4000 كسعر عادل لليورو ولا حاجة لاى شراء من المنطقة الصعبة دى

بجانب كل دا ضعف الدولار هو مسالة وقتية مرتبطة بعدم استقرار ف منطقتنا العربيه وارتفاع الاسعار اللى كان سببه ارتفاع اسعار البترول والطلب الصينى الكبير عليه ، لانه اصبح وبفعل البيانات الايجابية وارتفاع الاسعار على وضع استعداد لعمل هاى جديد على الاندكس خصوصا ان برنامج التخفيف الكمى الثالث هيتم الغائه بنسبة 90 % بعد الارتفاع الكبير للاسعار ف امريكا ، والسوق معدش محتاج لاى عمليات طبع للدولار

التحليل الاقتصادى وتحليل نفسية السوق يقدر بامر الله يديك بنسبة 70 % نظرة عن السعر اللى السوق عنده معندوش استعداد يتخطاه لانه كده فييييير او عدل للسعر ، وتقدر تعرف امته البنوك شبعت من العملة وامته هتتخلص منها

[himaalex84]

فعلان ال4000 بقت صعبة اوى على اليورو فى الوقت الحالى شكرا على التقارير يا ويجان

[mm110575]

شكرا يا غالى على موضوعك الجميل انا بحب جدا التحليل الاقتصادى البحت وتحدياتة فى سوق العملات. امتياز.

[Wigan]

شكرا لمروركم الكريم

وبالفعل التحليل الاقتصادى من مميزاته انه بيدى نظرة طويلة للسوق بامر الله

[VEVA]

مع احترامي ليك بس وجهة نظرك شخصيا انا مش مقتنع بيها والسبب حركة اليورو ورغبته الواضحة والملحوظة في الارتفاع
عموما اليورو اعتقد في طريقه الى قمة شهر 11 الماضي 1.4283 واعتقد ان هيكون اختراق للسعر ده الى ما ابعد منه

[Wigan]

مع احترامي ليك بس وجهة نظرك شخصيا انا مش مقتنع بيها والسبب حركة اليورو ورغبته الواضحة والملحوظة في الارتفاع
عموما اليورو اعتقد في طريقه الى قمة شهر 11 الماضي 1.4283 واعتقد ان هيكون اختراق للسعر ده الى ما ابعد منه

مفيش مشاكل ابدا الفوركس وجهات نظر لكن ف رايى السعر الحالى فى ظل الاوضاع اللى بتمر بيها الاسواق يعتبر عادل جدا

[Ahmed_vip]

مشكور

[Mostafa ZIZOOO]

وجهه نظر تحترم و لكن اى حد لازم يعرف ان دى ما هى الا تحليل يحتمل الخطا و الصواب و لا يجب ان يسمح للتقارير دى انها تؤثر على حالته النفسيه

[Pharm.D]

مقتنع تماماً بنظرتك لليورو

حتى لو ابتعد فلا اتوقع أن يتجاوز 4450