يا جماعة انا هتجنن الفوركس حلال ولا حرام؟؟؟؟؟؟؟؟

[subzero]

السلام عليكم ورحمة الله
بقالي كتير اوي بتعلم في الفوركس وبدور وبجرب بقالي حوالي سنة مضيعها على الفوركس ده على اساس اني كنت شايف فتوى ان الفوركس حلال وفيه حسابات اسلامية لحد ماكثرت المواضيع اللي بتتكلم عن شرعية الفوركس وكثرت الفتاوي ناس تقول حلال وناس تقول حرام والواحد مش عارف الصح ايه ولكن لقيت ان فتاوي كتير بتقول ان الحسابات الاسلامية في الفوركس حلال ولكن في حالة واحدة وهي ان الفلوس اللي بتتاجر بيها كلها فلوسك يعني بدون استخدام نظام الهامش يعني بدون روافع مالية!!! طب ماهو معظم الناس اللي هنا في المنتدى بتستخدم الروافع المالية ان لم يكونوا كلهم بيستخدموه فهل يقبل كل هؤلاء على انفسهم حاجة حرام!! المنتدى بسم الله ماشاء الله مليان ناس متدينة وواضح انهم يعرفو ربنا كويس ومش هينافقوا فهل هم يعرفوا من اجاز التعامل بالروافع المالية؟؟؟ معلش يا جماعة انا بجد متلخبط ومحبط عاوز حد يجاوبني من الناس اللي عندها خبرة في الموضوع ده عشان يا اما اكمل في الفوركس وانا مطمن يا اما انسحب وربنا يعوض عليا ياريت حد يساعدني وله الاجرعند ربنا

[hatem elsherief]

بص مهما قلتلك برضه هتلاقي نفسك مشتت لكن نصيحه مني صلي استخاره

انا شخصيا مرتاح في المتاجره في الفوركس بالرافعه الماليه والشيخ مصطفي العدوي بنفسه اجازها والسؤال كان مباشر ع الهواء لكن هو لم يستحبها باعتبار المخاطره اللي ممكن تحصل للمتاجر باعتبار لو لاقدر الله خسر ماله

كذلك الشيخ عصام حسنين بالاسكندريه والسؤال كان في درس علم بمسجد سعد زكي
وبرضه كان التحذير من ناحيه تحمل الانسان المخاطره

لو فعلا انت مش مرتاح نفسيا للفوركس في مجالات تانيه مربحه
emarketing
ecommerce
b2b
المجالات دي اقل ربحا من الفوركس لكن لو اجتهدت فيها ان شاء الله تحقق عائد جيد ومربح منها

[subzero]

متشكر جدا على مرورك يا استاذ حاتم وعلى نصيحتك
بس المشكلة هنا ان الفوركس خد من وقتي كتير فعلا وموضوع اني ابدأ في تعلم حاجة تانية ده صعب اوي
ياريت يكون في حد من الاخوة يعرف شيوخ كبار تانيين اجازو التعامل بالرافعة المالية عشان الواحد يطمن اكتر
انا عارف ان الفوركس في حد ذاته حلال اذا اجتنبت الفوائد الربوية
ولكن المشكلة هنا هي الرافعة المالية
في انتظار مشاركات باقي الاعضاء الكرام
شكرا جزيلا

[subzero]

في انتظار مشاركات الاعضاء واصحاب الخبرة في الموضوع

[عبدالكريم]

الرافعة المالية من الامور المختلف فيها ما بين العلماء , وهناك من أجازها وهناك من لم يجزها , وفي هذا الموضوع ستجد موضوعا كاملا عن هذه الفتاوي ( التي اجازت والتي لم تجز )

https://forum.arabictrader.com/t27559.html

[atef abo sofa]

لا يا عم
بيع المسواك امام المساجد وتجاهل الدنيا بما فيها هو اللي حلال

طبعا انا مش ضد المسواك طبعا فكلي احترام له ولصاحب سنتة

ولكن انا مع
الحكمة ضالة المؤمن يبحث عنها في كل شيء

والمسلم لا يترك مجال افتى الكثيرون فيه ويتقاعس عم التعلم ويتمسك بشماعة


يمكن حرام

[subzero]

الرافعة المالية من الامور المختلف فيها ما بين العلماء , وهناك من أجازها وهناك من لم يجزها , وفي هذا الموضوع ستجد موضوعا كاملا عن هذه الفتاوي ( التي اجازت والتي لم تجز )

https://forum.arabictrader.com/t27559.html

شكرا جزيلا اخي عبد الكريم ولكن هذا الموضوع بالذات هو اللي لخبطني

[subzero]

لا يا عم
بيع المسواك امام المساجد وتجاهل الدنيا بما فيها هو اللي حلال

طبعا انا مش ضد المسواك طبعا فكلي احترام له ولصاحب سنتة

ولكن انا مع
الحكمة ضالة المؤمن يبحث عنها في كل شيء

والمسلم لا يترك مجال افتى الكثيرون فيه ويتقاعس عم التعلم ويتمسك بشماعة


يمكن حرام

شكرا جزيلا اخي عاطف ولكن انا مش بتمسك بشماعة ولا حاجة ولا عايز اتقاعس عن التعلم
ولكن دي مسألة رزق والواحد يحب ان يكون رزقه حلال هذا كل شيء
وطبعا الرزق الحلال مش بالجلوس فقط امام المساجد وبيع السواك ولكن في مجالات عديدة
هتقولي خلاص روح شوف حالك في المجالات العديدة التانية هقولك ماشي بس انا صعبان عليا الوقت اللي ضيعته في الفوركس
عشان كده عاوز قبل ان اخذ قرار اكمل فيه ولا اتركه اكون متأكد هو حلال ولا حرام
والموضوع اللي وضعهولي الاستاذ عبد الكريم جزاه الله خير ملئ بالفتاوي منها الكثير اللي بيحلل الفوركس ولكن بدون ذكر شيء عن الروافع المالية
ومعظم من تحدث عن الروافع المالية حرمها ولكن فتاوي الرافعة عموما كانت للاسف فتاوي قليلة
وعشان السبب ده انا فتحت الموضوع
عشان اللي يعرف اي حاجة او عنده اي فتوى عن الروافع المالية يحطها هنا
وانا متأكد ان الموضوع ده بيشغل بال الكثير وليس انا فقط
في انتظار مشاركات الاخوة الكرام وشكرا جزيلا للجميع

[zx10]

السلام عليكم
أخي الكريم, اقرأ حديث رسول الله صلى الله عليه و سلم و تفكر به جيدا و من ثم أنت بنفسك خذ القرار المناسب .

الحديث الشريف:
عن وابصة بن معبد رضي الله عنه أن النبي صلى الله عليه وسلم قال له : (جِئْتَ تَسْأَلُنِي عَنْ الْبِرِّ وَالْإِثْمِ فَقَالَ نَعَمْ فَجَمَعَ أَنَامِلَهُ فَجَعَلَ يَنْكُتُ بِهِنَّ فِي صَدْرِي وَيَقُولُ يَا وَابِصَةُ اسْتَفْتِ قَلْبَكَ وَاسْتَفْتِ نَفْسَكَ ثَلَاثَ مَرَّاتٍ الْبِرُّ مَا اطْمَأَنَّتْ إِلَيْهِ النَّفْسُ وَالْإِثْمُ مَا حَاكَ فِي النَّفْسِ وَتَرَدَّدَ فِي الصَّدْرِ وَإِنْ أَفْتَاكَ النَّاسُ وَأَفْتَوْكَ)

[المراقب العام]

الاخ الكريم
السلام عليكم ورحمة الله

نعتذر لكم عن اغلاق الموضوع , فليس في المنتدى من هو أهل للأجابة على تساؤلاتكم , يمكنكم الاطلاع على هذا الرابط الذي فيه الفتاوي المجمعة عن هذا المجال , ثم التوجه الى علمائكم واستفتائهم بخصوص المتاجرة في سوق العملات , فهم اولى بالاجابة على هذه الاسئلة .

https://forum.arabictrader.com/t27559.html

نشكر لكم تفهمكم وحسن تعاونكم معنا
تقبلوا تحيات المراقب العام