اتضربلك استوب و السعر موصلهوش فعلا .. ادخل عشان تعرف ليه؟

[مصطفى خالد]

ازيكو يا فوركساويه ؟
عاملين ايه؟ فى التخبط بتاع الدولار و محدش بقه عارف هو طالع و لا نازل و لا فى ايه
المهم ندخل فى الجد

حصل لحد فينا قبل كده انه باع اليورو و السعر وصل مثلا ل 1.4099 و هو حط الاستوب على 1.4100
و لقى الصفقه فى المنصه ضرب استوب؟؟
او اشترى الباوند على على 1.5700 و حط الاستوب على 1.5650 و لقى الاستوب اتضرب رغم ان لو امبارح كان 1.5651
طبعا اول حاجه بتيجى فى دماغك ان الشركه حراميه و الكبار ضربو الاستوبات و ان الفوركس ده حريقه فلوس و بينصبو بيه علينا
و الكلام الساذج الى بيجيب ورا بس
انا قبل كده حصلى الحوار ده و سالت و لفيت و كلمت خدمه عملاء لكذا شركه لحد ما فهمت الموضوع بالكامل
و كمان ملاحظ فى الفتره الاخيره ناس كتير بتقول غلطات منصات و شركات نصابه ( هو اكيد فى غلطات منصات و سريفرات بتحصل لكن نشوف الموضوع الاول و نشوف لو ليك حق يبقى هايرجعلك )

صلو على النبى الاول و كل من له نبى يصلى عليه
افتح الميتا تريدر كده و بص عليه كويس
شايف الاسعار ؟؟
تعرف ان الاسعار دى مش هى الاسعار الى بتدخل عليها لو شارى و لو بايع الزوج ليه اسعار تانيه؟؟
حاسس انك اتصدمت و عرقان و حالتك بقت حاله
اصبر اشرحلك الى الى بيحصل
نقول مثلا انت راجل ناوى تشترى اليورو ين على 113.52 مثلا بستوب 20 و تارجت 20 كمثال مش اكتر
و اديك البروكر بتاعك امر بكده
تمام؟؟
يقوم البروكر شارى العمله من البنك على 113.52 و مديهالك انت على كااااااااااااام ؟؟
ايوه شاطرين على 113.56 و يضيف 4 نقط على قيمه العمله كمكسبه هو
فكده البروكر كسب 4 نقط منك تمام
عشان كده بتنزل العقد و انت خسران 4 نقط
ركزو بقه فى الحته دى
يعنى يبقى دخولك الحقيقى 113.56 و تارجتك الحقيقى 113.76 و ستوبك الحقيقى 113.36
لانك فى تلك الحاله مش بتتكلم باسعار المنصه الى قدامك
انت بتتكلم بالاسعار الحقيقيه لدخولك
مش الى مكتوبين على المنصه

حد يسال و يقول الدخول الحقيقى ده ايه اقوله ده النقطه الى عندها بتبتدى مكاسبك الشخصيه فى حسابك

تمام ؟؟
طب بص على الصوره اوضح شويه

ففى الحاله دى لو السعر وصل ل113.75 و نزل تانى يعنى بعد التارجت الى انت حاطه ب3 نقط و قبل التارجت الحقيقى بنقطه التارجت مش بيتفعل و الصفقه لسه متقفلتش
طب لو الاستوب وصل ل 113.35
يعنى لسه موصلش للاستوب الى انت حاطه عند 113.32 و تلاقى الصفقه اتضرب ليه؟؟
عشان وصل للاستوب الحقيقى الى انت مش واخد بالك منه عند 113.36

تمام يا رجاله
طب و انت بااااااااايع ؟؟
العكس بالظيط
و على نفس المثال لو انت بايع يبقى دخولك الحقيقى من 113.52 و البروكر بياخد العمله من البنك و بديهالك اعلى ب 4 نقط
يعنى من 113.56 نقطه الدخول الحقيقى للشراء

يعنى لو الطلب 113.52 و العرض 113.56
سعر الطلب الى قدامك على المنصه هو ده سعر البيع الحقيقى لو داخل بيع
و العرض الى قدامك على المنصه هو ده سعر الشراء الحقيقى
ليه بقه؟؟
و انت بتبيع عمله هاتبيعها اكيد من سعر العرض مش من سعر الطلب لانى فى واحد تانى عايز يشتريها من سعر الطلب
و الفرق بيروح للبروكر كمكسبه المادى

طب احنا نعمل ايه؟؟؟
كل ما علينا اننا نراعى النقطه دى بعد كده
يعنى كل واحد يظبط التارجت و الاستوب بتوعه على فرق الاسبريد عشان لما يضرب استوب يبقه عارف كويس انه ضرب الاستوب الحقيقى مش الى على المنصه

نبقه نركز بقه فى الحاجات دى عشان ميتضربلناش استوبات على حاجات رفايع كده و نراعى الجزء ده لما ناا الحمد لله فهمناه
انما لو اتضربلك استوب على فرق اكبر من فرق الاسبريد يبقى كده فى حاجه غلط
يعنى مثلا شارى الدولار ين و لقيت ضربلك استوب على 113.40 مثلا يغنى و و لا ستوب حقيقى و لا وهمى
يبقى فى حاجه غلط اكيد و غلطه حقيقى فى منصه التداول و فى الحاله دى تقدر تشتكى و تاخد حقك و المكسب المفترض كمان و تبلغ عليهم الهيئه الرقابيه كمان و تاخد حقك بالقانون و تاخد غرامات كمان من الشركه

و اى سؤال انا فى الخدمه يا رجاله

[maxjan]

بارك الله فيك معلومات غائبة عن كثير من الخاسرين

[foreeex]

يا غالى اكيد اللى انت بتقوله طبعا و المفروض ميغفلش على كثير من الاعضاء
لان اكيد المفروض تضيف سعر الاسبريد لكل زوج
على صفقات الشراء المعلقة وليس هدف الشراء او بيعه لان هدف الشراء و بيعه بيتحقق عند نفس السعر بالظبط لا قبله بنقطة ولا بعديه بنفقطة
لكن صفقات البيع لو عملت بيع معلق باخده من عند السعر نفسه مش بضيف فرق الاسبريد ابدا خالص للزوج
لكن بضيف فرق الاسبريد لاهداف البيع و استوبات البيع

ده الشرح وباختصار و المفروض ميغفلش عن كثير من المضاربين
بالتوفيق

[safari42]

السبريد هو اول شيئ لازم المتداول يعرفه قبل ما يشتغل على الديمو اصلا

[مصطفى خالد]

يا غالى اكيد اللى انت بتقوله طبعا و المفروض ميغفلش على كثير من الاعضاء
لان اكيد المفروض تضيف سعر الاسبريد لكل زوج
على صفقات الشراء المعلقة وليس هدف الشراء او بيعه لان هدف الشراء و بيعه بيتحقق عند نفس السعر بالظبط لا قبله بنقطة ولا بعديه بنفقطة
صلى على النبى
اشرحلك باستفاضه اكتر
انت لو شارى من 113.52 على نفس المثال الاستوب بتاعك ده معناه ايه؟؟؟؟؟؟
معناه ان السعر لو وصل ل113.32 هاتبيع الى معاك صح
و يما انها عمليه بيع يبقى اكيد هاتتم باسعار العرض مش باسعار الطلب
تمام يا غالى
و لاننا متفقبن على ان الاسعار الى على المنصه دى اسعار الشراء فقط و ان شعر الشراء دايما اكبر من سعر البيع ( بص على اسبريد هتلاقى الطلب دايما اكبر من العرض مثلا الدولار ين ب 113.52 طلب و العرض 113.56
فلما سعر الشراء الى قدامك على المنصه بيوصل ل 113.36 الى هو الاستوب الحقيقى على المنصه قدامك بيكون امر الاستوب الى هو امر بيع وصل للنقطه اى الناس يتشترى فيها من سعرك
و بالتالى الشركه بتبيع العمله الى معاك لان امر الاستوب بتاعك ده هو فى الاساس امر بيع للعمله الى معاك
فهمت يا غالى
و الى ماشى على الشراء ماشى على البيع بس بالعكس

لكن صفقات البيع لو عملت بيع معلق باخده من عند السعر نفسه مش بضيف فرق الاسبريد ابدا خالص للزوج
لكن بضيف فرق الاسبريد لاهداف البيع و استوبات البيع
ده الشرح وباختصار و المفروض ميغفلش عن كثير من المضاربين
بالتوفيق

الرد فى الاقتباس

[body_mlm]

فى الواقع أنا شايف الموضوع أبسط من كدة بكتير...

ببساطة فى الميتاتريدر اعمل show ask line
يعنى البرنامج يظهرلك خطين أسعار مش خط واحد
خطوط الأسعار بالطبع كما يعرف الجميع هى خطوط سعر الشراء و البيع
ولكن الإعدادات الإفتراضية هى ظهور خط واحد فقط على الشارت، ولكن عندما نعمل show ask line فسيظهر الخطان... والفارق بين الخطين بالطبع هو الاسبريد و هو مكسب البروكر...
وبالتوفيق للجميع...

[مصطفى خالد]

فى الواقع أنا شايف الموضوع أبسط من كدة بكتير...

ببساطة فى الميتاتريدر اعمل show ask line
يعنى البرنامج يظهرلك خطين أسعار مش خط واحد
خطوط الأسعار بالطبع كما يعرف الجميع هى خطوط سعر الشراء و البيع
ولكن الإعدادات الإفتراضية هى ظهور خط واحد فقط على الشارت، ولكن عندما نعمل show ask line فسيظهر الخطان... والفارق بين الخطين بالطبع هو الاسبريد و هو مكسب البروكر...
وبالتوفيق للجميع...

حلوه دى
معلومه اول مره اعرفها
تسلم يا غالى

[صالح بن أحمد]

ولازم تعرف كمان ان الاوردر المعلق بالشراء والسعر الحالي فوق الاوردر لازم ينزل تحت سعر الاوردر ب 4 نقاط مثلا عشان يتفعل .
واذا كان الاورد فوق السعر يتفعل (قبلها) ب 4 نقاط .