هل يفعلها الدولار ( بشرى لمشترين الدولار )

[مصطفى خالد]

ازيكو يا فوركساويه
عاملين ايه
فى الكام يوم الى فاتو ( مش يتاعه اليسا لا بتاعه روكى ) الدولار كان حالته متفرقش عن الارحنتين قصاد المانيا فى ماتش ال 4 الفضيحه
من الاخر ضايع و مخلى الناس عايزه تتبرع لامريكا بالى معاها
اشى 5 جنيه و اشى بنطلون مستعمل و اهو اى حاجه تساعد و السلام
و طبعا لاننا مقتنعين ان من امتلك حركه الدولار امتلك حركه الفوركس ( جمله لازم تتسجل كاحسن 5 جمل فى تاريخ الفوركس عشان انا الى قايلها )

بس ملاحظ ان كل الازواج الى فيها الدولار وصلت لنقط ارتداد حديده
و نبص على الازواج كده واحد واحد

نبتدا بالباشا الكبير قائد قوات الفوركس و رئيس مجلس اداره سوق العملات
اليورو دولار
https://forum.arabictrader.com/asset...2&d=1286424489
بصه على الشارت هتلاقى ايه؟؟؟؟؟؟؟؟
رغم نجاحه فى كسر مقاومه 1.3800 و الاغلاق فوقها لكن وصل لمقاومتين يعتبرو الاشد فى مسيرته لها
فابيو 61.8 و الاهم المقاومه النفسيه عند 1.4000
يعنى من الاخر اليورو و الدولار بيلعبو نهائى بطوله االفوركس و راس حربه اليورو منفرد بالمرمى الدولارى و لو حطها جون و كسر المقاوميت دول يبقى محدش هايشوفه الا عند 1.4200 على اقل تقدير و منها الى 1.4600

الباوند دولار
https://forum.arabictrader.com/asset...2&d=1286424382
الباوندده اين عم البورو ( الاتنين ولاد اوروبا ) و على راى المثل انا و ابن عمى على الغريب
البورو و الباوند بيعلو سوا قصاد الدولار و بيهبطو سوا
و فنيا الباوند قرب اوى من مقاومتين فابيو 61.8 و المقاومه النفسيه 1.6000
زى اليورو تمااااااااااااااااام
فى حاله كسرها برضه ( و ده المتوقع فى حاله كسر اليورو ل 1.4000 ) برضه محدش هايحلق الباوند ده
99 فى الميه الاتنين هايكسرو سوا او هايرتدو سوا

الاسترالى دولار
https://forum.arabictrader.com/asset...2&d=1286424382
زوج ظريف جدا تحليله فنيا بيعتبر متعه
طالع طالع طالع و محدش قادر عليه
بس قرب جدااااااااااااا من اااااعلى قمه ليه فى تاريخه قصاد الدولار ( يعنى فى عز الازمه الماليه ) عند 0.9847
فهل هايقدر يكسر القمه التاريخيه؟؟ و يوصل ل 1 ؟؟؟؟؟؟؟؟
بمعنى استرالى واحد بدولار امريكى واحد؟؟
تفتكرو؟؟


الدهب
الدهب مش عمله لاكن الشارت بتاعته مهمه جدا لمعرفه اتجاه الدولار
و حاليا الدهب بيحقق كل يوم هاى جديد و وصل حاليا ل 1354 و مش راحم الدولار

مؤشرات البورصات
الامريكيه الى ارتفاعها ضد الدولار بتصعددددددددد
الاوروبيه الى مؤشراتها ضد الدولار بتصعددددد
و الدولار فى النص عامل زى الى ملموم عليه 6 بيضربوه

كده الفرسان ال 3 الاوروبيينمنافسين الدولار و العملات الاساسيه قصاده وصولو لمقاومات قويه جدا
و الدهب و المؤشرات مش راحمين الدولار

طب الازواج الى الدولار هو الاساسى فيها؟؟؟
الكندى
https://forum.arabictrader.com/attac...&thumb=1&stc=1
زوج من ابريل الى فات بيترواح بين 520 نقطه بس معادا يوم كده طاااااااااااار فيه و نزل تانى
حاليا هو على مقاومه على الديلى وصل ليها 3 مرات و ارتد لفوق بنقط متوسطها 500
و النهارده كسر الدعم ده لكن ارتد فورا و مقدرش يقفل تحته
فهل هايرتد تانى و يدعم الدولار ؟؟

الدولار ين
https://forum.arabictrader.com/attac...&thumb=1&stc=1
هبوط هبوط هبوط و انهيار فى قيمه الدولار لدرجه ان المركزى اليابانى ملقاش فايده فى امريكا فقرر يتدخل بمعرفته الشخصيه
لكن الى حصل ايه؟؟
الدولار عامل زى الطالب الفاشل ممكن تغششه امتحان و ينجح فيه بس هايسقط تانى
و ادى الين وصل لنفس السعر الى اليابانيين اتدخلو فيه
فهل ممكن يتدخلو تانى؟؟
و لا المضاربين هايتوقعو كده فهايشترى و ده يدعم الدولار؟؟
و لا الدولار هايكمل دور الطالب الخايب و ينزل قصاد الين كمان و كمان
لكن المنطق بيقول انه على مقاومه كويسه

الدولار فرنك
https://forum.arabictrader.com/asset...2&d=1286424489
زوج من ساعه ما بصيت عليه ما بيصعدش خالص
هبوط بس
لكن وصل لاقل سعر ليه فى تاريخه 0.9645 و كسره و حاليا فى 0.9623
لكن بيدى علامات ارتدات لفوق او على الاقل تصحيح
و ده بيدعم الدولار قصاد العملات الاوروبيه المفتريه الى ما صدقت الدولار ضعيف و طااااااااااارت


و بكره اعتقد اهم يوم فى السنه الفوركساويه
الياوند و اليورو عليهم اخبار كتيييييييييير مهمه و بصه على المفكره هتلاقى اخبار كتيييييير مهمه عمرها ما جات فى يوم واحد
https://www.arabictrader.com/portal/ar/event



و لو الاخبار ايجابيه كل المقاومات و الدعوم هاتتكسر و الدولار الى انهياااااااار
لو سلبيه الاسعار هاترتد من المقاومات و الدعوم و الدولار هايفوق و بقوم للناس دى كلها و يشيل سيفه

و فى انتظار نتيجه الماتش النهائيه

[مصطفى خالد]

يا جدعان يا ريت حد يقولى ارفع الصور ازاى
عشان المرفقات بتتجمع تحت كلها و مش بتبقه تحت العنوان على طوووووووووول
و كل المواضيع التانيه بلاقى الصور فى الموضوع عادى

[mjkup1]

السلام عليكم


شكرا لك اخي الكريم

بارك الله فيك

[خالـد]

الاسترالى دولار

عملها وكسر 47 اليوم حنشوف الهوايل .......

[مصطفى خالد]

اويهههههههههههه
على الريق كده
الباوند فى ساعه طار 41 نقطه
اليورو 44
الاسترالى 35 و بيسجل هاى تاريخى جديد

و كل الازواج الى الدولار العمله الااساسيه فيها بتنزل

و الدهب هاى تاريخى جديد

خلاص الدولار رايح القراااااااااااافه الله يرحمه
بس لسه نصبر يوم كااااااااامل

[مصطفى خالد]

غريبه جدا
خبر سلبى على اليورو و بيرتفع
و ساحب معاه كل العملات ضد الدولار الغلباااااااااان

دليل جديد على ان من يملك حركه الدولار امتلك الفوركس
و اليورو دولار هو قائد الفوركس

و لسه فى خبر نازل على الباوند و متوقع انه يكون ايجابى جدا

[مصطفى خالد]

الدولار شد حليه
و كل العملات عامله اشارات عكسيه

[محمد العزب]

اتفضل يا جميل
https://forum.arabictrader.com/t107561-2.html

[ENG ESlAM]

ديفرجنس سالبى على اليورو فريم الساعة

[ENG ESlAM]

ديفرجنس سالبى على اليورو فريم الساعة

مبروك
لكل من دخل معنا بيع
60 نقطة فى اقل من ساعة

[مصطفى خالد]

اتفضل يا جميل
https://forum.arabictrader.com/t107561-2.html

يا عزب ماهو الازمه انى لما بعمل رفع
بيظهرلى بيسال عن لينك الصوره
مافيش رفع صوره من حاسوبك

انا بستعمل جوجل كروم
و حتى لما جربت الفايرفوكس ملقتهاش برضه

[مصطفى خالد]

مبروك
لكل من دخل معنا بيع
60 نقطة فى اقل من ساعة

ميروك يا غالى
بس كويس انك لقت قفلت العقد عشان اليورو طار تانى