ليه يا عباس تفكر تاخد اجازه

**سمسم** · 17-08-2010, 06:39 PM

صديقنا العزيز عباس

فكر يقضى يوم فى البيت مع أسرته الكريمه
وللأسف ماكانش عارف ايه اللى هيقابله ماعلينا
نبدأ يوم عباس مع بعض
عباس موظف عادى متزوج وعنده 4 اولاد

فلة:صباح الخير يا عبس

عباس:صباح الخير يا فلة يا مراتى يا حبيبتى

فلة:خير اللهم اجعله خير مالك يا راجل؟ انت عامل عملة ولا ايه؟

عباس:يا فتاح يا عليم يا رزاق يا كريم
يا وليه بقولك صباح الخير هو انا لسه اتحركت من قدامك

اصطبحى وقولى يا صبح وامشى انجرى اعمليلى كباية شاى

عشان ارتاح خمسة من خلقتك دى

فلة:عينى يا عبس انت تؤمر

عباس:يا سبحان الله شكلى هروح الشغل

فلة سمعت عباس وهو بيقول شكلى هروح الشغل
وكانت الليلة

فلة:تروح فين يا راجل انت مش قايلى انك آخد أجازة عشان
تقضى معانا اليوم وتفسح العيال ولا جالك تليفون قولى رايح فين وهتشوف مين؟
هتتجوز عليا يا راجل بعد العشرة الطويلة دى

عباس:تصدقى يا فلة فكرة ايه رأيك أتجوز علييييييييييييييكى؟

فلة:يالهوى
وقامت فلة جرى فتحت الشباك وقابل عندك يا عبس

فلة:الحقونى يا نااااااااااااااس الراجل اتجوز عليا
قام عباس جرى جاب فلة من شعرها

عباس:يا وليه انا بقول ايه رأيك؟ هو اللى يتجوزك يفكر يتجوز تانى؟

وادخلى بأة وإكتمى خالص بدل ما أغوزك

فلة:قصدك ايه يا راجل؟

عباس:قصدى انك عندى بالدنيا وانا اقدر برضه؟
عباس فى سره

الله يحرق اليوم اللى شوفت خلقتك فيه أموت وأعرف مين اللى زقنى؟

لا اله الا الله اروح فين بس يا ربى؟
أما أروح أشوف العيال

وفتح عباس أوضة العيال وكانت الصدمة
كمال متنح قدام الكمبيوتر 15 سنة وده الكبير

جمال متنح برضه من شباك الاوضة لبنت الجيران 11 سنة وده الوسطانى

بيبو بأة 9 سنين ماسك اخوة الصغير حلاوة

وبيتدرب عشان يطلع حلاق

حلاوة بأة 6 سنين

دخل عباس الأوضة وصرخ بأعلى صوت

عباس:انت يا واد انت وهو وهو وهو
تعالى يا هانم شوفى عيالك المفاعيص بيعملوا ايه
جت فلة جرى على صوت عباس

فلة:فى ايه يا بيسو مالك بتزعق ليه؟

عباس:بلا بيسو بلا نيلة عاجبك كده الواد خلى دماغ اخوه شوارع

والتانى ده اللى متنح لبنت الجيران امشى ياض اومال اما تكبر هتعمل فينا ايه؟
ولا سقراط افندى اللى لزق فى شاشة الكمبيوتر

فلة:امشى يا واد منك له تعالى يا خويا ماتفاورش دمك تعالى نقيلى الرز

عباس:الله يحرق ده يوم يا شيخة انا ايه اللى خلانى اتخبط فى نفوخ اهلى
واخد اجازة النهاردة؟

وخرج عباس وبيكلم نفسه وراح فاتح التليفزيون يتفرج على احوال الدنيا

اشرب شاى العفريت ........................
اشترى طقم حلل وخد كنكة هدية ...........................

اشترى اشترى اشترى

عباس:بــــــــــــــــــــــــــــــــــــــس

فلة:مالك يا حبيبى ايه اللى حصلك بتكلم نفسك؟

عباس:مين الحمار اللى جاب التليفزيون ده؟ الله يلعن ابو التليفزيونات

فلة:يالهوى ى ى ى ى ى ى ى ى ى ى انت يا حبيبى

عباس:امشى يا وليه من قدامى حضريلى الحمام

عايز اخد دش

خلى اليوم ده يعدى على خير

فلة:حااااااااضر ياخويا وماله

فلة فى سرها: (وبالمرة تريحنى شوية من صوتك ده)

يخربيت الجواز وسنينه وخصوصا لو من بيسو أنا عارفة ايه اللى خلاه ياخد أجازة؟

دخل عباس ياخد دش

خرج عباس من الحمام مزاجه زى الفل

عباس:فلة يا روحى

فلة:مش هنخلص بأة من الإصطباحة دى

وردت فلة عليه وهى متغاظة:
نعم يا حبييييييييييييييييييييبى

عباس:البسى ولبسى العيال خلينا ننزل من البيت نشم نفسنا شوية

فلة:حاضر بس انت ماكلتش حاجة من الصبح مش هتاكل يا راجل؟

عباس منشكح اوى:لاء انا عازمكوا على الغدا
فلة:غدااااااااااااا؟وماقلتش ليه يا راجل انت من

الصبح بدل ما انا واقفة

من صباحة ربنا فى المطبخ وكمان الاكل اللى انا عملته ده مين اللى هيطفحه؟

عباس:ماتحطى الأكل يا ولية هو أنا اتكلمت؟
وسكت عبس طبعا وقعد زى الـــــــ.................. احم انتوا عارفين بأة

فلة:يالا يا بيسو الأكل يا حبيبى
عباس:حبيبى؟ حبك برص

نادى على الولاد يا ولية خلينا ناكل فى يومكوا اللى مش فايت ده

فلة:يا جمااااااال يا كماااااااااااال يا بيبووووووووو يا حلااااااااااااوة

الأولاد:نعم يا مامااااااااااااااااااااااا

فلة:تعالوا يا حبايبى عشان تاكلوا

الأولاد:حاضر يا ماما

عباس:ده اية الأدب ده يا فلة

فلة:طبعااااااااااا أنا ولادى مؤدبين يا راااااجل
واتفق الأولاد مع بعض على أخذ حقهم من بابا عباس

كمال:بقولكوا ايه؟ الراجل ده خنقنى النهاردة مش طايق حد من الصبح

وكمان نازل شخط ونطر هو محدش عاجبو ولا ايه؟

جمال واخواته:أوامرك يا كيمو احنا معاك يا معلم يالا بينا

كمال:يالا بينا

وعلى طرابيزة السفرة كل الأسرة مجتمعة

جمال:اتفضل يا بابا طبق الشوربة ده من ايد ابنك حبيبك اللى بيحبك

عباس:الله ايه ده ؟ده العيال مؤدبين بجد شكرا يا ابنى يا حبيبى

واندلق طبق الشوربة وهو فى طريقو الى عباس بس فين ؟على عباس يا سادة

قام عباس منفوض من على الكرسى الشوربة سخنة يا اخوانا

عباس:الله اللـــــــــــــــــــــــــه يا نهار منيل الله يخربيت ده يوم ده انا لسه واخد دش

جمال:معلش يا بابا أنا أسف ماكانش قصدى

فلة:ماخلاص بأة يا عبس الواد مش قصده وبعدين قالك أنا أسف

عباس متغاظ:خلاص يا حبيبى مافيش حاجة اقعد كمل أكلك
وباقى الولاد الحلوين قاعدين ميتين من الضحك

عباس:قوم يا كمال هاتلى كباية ميه

كمال:حاضر يا بابا

دى فرصتى بأة يا جدعان سيبونى

ودخل كمال المطبخ عشان يجيب كباية المية لأبوه

وحط كمال معلقتين ملح على الكباية وراح لأبوه

وقاله:اتفضل يا بابا

عباس شرب طبعا ومش واخد خوانه وهووووووووووب
عباس:ايه ده ياااااااض الله يقرفك الميه دى فيها ايه؟

كمال:مالها يا بابا أنا جايبها من الحنفية يعنى هو أنا اللى عاملها؟

وطبعا عباس مش طايق نفسه وعايز يقوم يكسر البيت على دماغ العيال وأمهم

اللى شايفها قاعدة بتاكل ولا على بالها خبر
لاء لسه بيبو وحلاوة دول بأة عاملين مقلب فى عباس يا ولدااااااااااااااه

اتسحب كل من بيبو وحلاوة وجابوا حبل غسيل
وربطوا بالرااااحة رجل بابا عباس فى الكرسى وبعد ماخلص أكل يا ولداااااااااه قام طبعا
عشان يغسل ايده بعد اليوم الفظيع ده

فلة:رايح فين يا راجل كمل أكلك

عباس:شبعت خلااااااااص الحمد لله
وكانت المفاجأة

اتكوم(بتشديد الواو) عمنا بيسو على الأرض طبعا بالكرسى

جروا أصحابنا طبعا على أوضهم وقفلوا عليهم لأنهم عارفين ايه اللى هيحصلهم

قامت فلة منزعجة جدا :يا لهوى سلامتك يا حبيبى قوم قوووووم

عباس:امشى يا وليه انتى وعيالك انصرفى انصرفى

وبعد ما قام عباس فكر يعاقب العيال العفاريت دول
وبعد تفكير عمييييييييييييييق قرر قراااااااااااار مهم جداااااااااااااا

عارفين ايه هو؟

انه مش ممكن ياخد يوم أجازة تانى ابدااااااااااااااااااااااااااا ويقضيه فى البيت

**حواء** · 18-08-2010, 01:23 AM

ههههههههههههههه اعتقد انه يروح حديقة الحيوان افضل هههههههههههه

**mjkup1** · 18-08-2010, 01:37 AM

ههههههههههههههههههه

يسلموووووووووووووووو

**سمسم** · 20-08-2010, 05:09 PM

المشاركة الأصلية كتبت بواسطة حواء

ههههههههههههههه اعتقد انه يروح حديقة الحيوان افضل هههههههههههه

ههههههههههههههههههههههههه

كان هيبقا اريح له يا حواء

نورتى الموضوع

**سمسم** · 20-08-2010, 05:10 PM

المشاركة الأصلية كتبت بواسطة mjkup1

ههههههههههههههههههه

يسلموووووووووووووووو

mjkup1

يسلملى مرورك الجميل فى الموضوع

الموضوع: ليه يا عباس تفكر تاخد اجازه

أدوات الموضوع

ليه يا عباس تفكر تاخد اجازه

رد: ليه يا عباس تفكر تاخد اجازه

رد: ليه يا عباس تفكر تاخد اجازه

رد: ليه يا عباس تفكر تاخد اجازه

رد: ليه يا عباس تفكر تاخد اجازه

المواضيع المتشابهه

السؤال ماهي قيمة A و B وما هو الزوج C

لا تفكر انك لو رحلت ........

عباس ابن فرناس !!! ... نصائح هامه للجميع ارجوك لا تكن عباس ابن فرناس

عاجل - اصطدام طائره باحد ابراج نيويورك

غدا اجازه

الاوسمة لهذا الموضوع

عروض شركات الفوركس