#لقاء اعضاء المتداول العربى ( القاهرة ) #

[رشدي]

السلام عليكم

ادعوا من الله ان تكونوا فى تمام الصحة والعافية

وحشتنا الجلسات الحلوة قلنا نفتح الموضوع ده علشان نشوفكم تانى

واقترح موعد
يوم الجمعة القادم 23 ابريل

وعليكم تحديد المكان بحيث يكون قريب من الأغلبية

وبعيد عن الحكومة ......

ونتشرف جميعا ان يكون من بين الحضور اخونا العزيز .......

dr.aoudi من دولة الإمارات العربية الشقيق

لوجوده بمصر حاليا فى رحلة عمل وتم التنسيق معه


وعلشان يبقى اللقاء مفيد اقترح عليكم أجندة عمل صغيرة
نتناقش فيها من وجهة نظرنا جميعا

1) إدارة رأس المال
2) اتجاه الدولار والذهب فى الربع الثانى من العام الحالى
3) الأستراتيجيات وطرق التحليل الفنى والأساسى

انتوا عارفين انى انا من الزقازيق فأكيد العزومة على حسابكم طبعا مفيش نقاش فى النقطة دى

[a77med]

اكون سعيد جدا وليا الشرف انى اكون معاكم ولكن ماينفعش يبقى اللقاء فى المنصورة

[أبو مازن]

انا معاكم ولو بوسط البلد بمكان معروف يكون حلو جدا

[رشدي]

اكون سعيد جدا وليا الشرف انى اكون معاكم ولكن ماينفعش يبقى اللقاء فى المنصورة

ياريت بجد انا بحب المنصورة جدا ومحمد العزب كمان من المنصورة

لكن انا اخترت القاهرة لأنها مكان استراتيجيى للجميع ويشرفنى حضورك

انا من الزقازيق وففى اخوة هايشرفونا من الاسكندرية ايضا

بلاش كسل يا بيه

[عبدالكريم]

تعالوا الى ليبيا , وانا اوعدكم ان يكون الحساب على رمضان

الراجل مشهور بكرمه

[رشدي]

انا معاكم ولو بوسط البلد بمكان معروف يكون حلو جدا

احنا اللى معاك يا باشا

اعتقد ان وسط البلد مناسب للجميع من فى القاهرة او الجيزة يكون قريب

بس نحاول نشوف مكان هاديء وبعيد عن الزحام واقترح اى كافيه قريب من ميدان التحرير فى مكان واضح للأخوة القادمون من خارج القاهرة

[رشدي]

تعالوا الى ليبيا , وانا اوعدكم ان يكون الحساب على رمضان

الراجل مشهور بكرمه

خلاص يا باشا موافقين وعلشان ........مانكسفش الراجل ........قبلنا الدعوة

ابعتلى حجز تذاكر الطيران والفندق على حسابكم اقامة كاملة وانا بكرة اكون عندكم

بس مش هاقدر اقعد اكثر من 3 شهور

[a77med]

ياريت بجد انا بحب المنصورة جدا ومحمد العزب كمان من المنصورة

لكن انا اخترت القاهرة لأنها مكان استراتيجيى للجميع ويشرفنى حضورك

انا من الزقازيق وففى اخوة هايشرفونا من الاسكندرية ايضا

بلاش كسل يا بيه

من عنيا حاضر احاول ان شاء الله حتى نتعرف بالناس العسل اللى هنا
ولكن ياريت تبقى تبلغنا بالميعاد بالظبط يعنى هيكون اللقاء الساعه كام بحيث نظبط نفسنا وبرده ياريت لو تبعتلى رقم موبايلك على الخاص بحيث برده يسهل عمليه التواصل وتمنياتى للجميع بالتوفيق
اخوكم احمد

[فوركساوى عربى]

ارجو ان يكون لى الشرف بهذا اللقاء
ولو تقبلوا ارجو ان تكون الدعوة عندى فى اى مكان تختاروه بالقاهرة
وشكرا لاخونا رشدى على هذه الفكرة الممتازة

[mohands_moslim]

تعالوا الى ليبيا , وانا اوعدكم ان يكون الحساب على رمضان

الراجل مشهور بكرمه

عمااار يا ليبيا

انا مع الاخ احمد , يا ريت يكون فى المنصوره وياريت كمان يكون على حسابكم وياريت يكون فى كوك دوور او على الاقل فى بيتزاهات انتم مش رجال اعمال برضه , او نخلى اتنين تلاته كده من الناس التقيله تشيل الليله كلها ! ولا ايه رأيكم

[رمضان غنيم]

خلاص يا باشا موافقين وعلشان ........مانكسفش الراجل ........قبلنا الدعوة

ابعتلى حجز تذاكر الطيران والفندق على حسابكم اقامة كاملة وانا بكرة اكون عندكم

بس مش هاقدر اقعد اكثر من 3 شهور

اهلا بك اخي رشدى انت وجميع اعضاء المتداول العربي

وانا مش حاقول زي عبدالكريم ان العزومة علي حسابه ، انت تشرفنا بس وما تشيل هم اي شي ، بعدين فندق اي ، معقولة تبقي موجود عندنا في ليبيا وتنزل في فندق ، البيت بيتك يا غالي

[رشدي]

ارجو ان يكون لى الشرف بهذا اللقاء
ولو تقبلوا ارجو ان تكون الدعوة عندى فى اى مكان تختاروه بالقاهرة
وشكرا لاخونا رشدى على هذه الفكرة الممتازة

الشرف لينا يا باشا

وكمان الفكرة قائمة من زمان وطرحها اخونا طاهر المصرى لكن بقالنا كتير ما شفناهوش هى الدنيا كده اللى يعمل اول مليون صعب تقابله

عمااار يا ليبيا




انا مع الاخ احمد , يا ريت يكون فى المنصوره وياريت كمان يكون على حسابكم وياريت يكون فى كوك دوور او على الاقل فى بيتزاهات انتم مش رجال اعمال برضه , او نخلى اتنين تلاته كده من الناس التقيله تشيل الليله كلها ! ولا ايه رأيكم

اثنين تلاته من الناس التقيلة ليه يا عم احنا هانبنى برج على النيل

لا ياعم احنا فى المنصورة يبقى الحساب على اهل المنصورة

هذا اللفاء سيكون فى القاهرة لكن اوعدك قريب نعمل لقاء فى المنصورة ان شاء الله

اهلا بك اخي رشدى انت وجميع اعضاء المتداول العربي

وانا مش حاقول زي عبدالكريم ان العزومة علي حسابه ، انت تشرفنا بس وما تشيل هم اي شي ، بعدين فندق اي ، معقولة تبقي موجود عندنا في ليبيا وتنزل في فندق ، البيت بيتك يا غالي

طول عمرك ذوق يا استاذ رمضان

صدقنى فى اول فرصة نيجي الى ليبيا نتعرف بيك يحصلنا الشرف لكن هذه الايام صدقنى ظروف العمل تمنعنى حتى من انى اقضي يومين بالاسكندرية وحشتنى

تحياتى لك يا غالى......

اما بخصوص استاذنا عبد الكريم فهو ممكن يبعتلنا الف دولار حوالة تكاليف العزومة فى مصر مفيش مانع

[عبدالكريم]

اما بخصوص استاذنا عبد الكريم فهو ممكن يبعتلنا الف دولار حوالة تكاليف العزومة فى مصر مفيش مانع

عندي حساب ديمو فيه 500 دولار ينفعوا

[احمد شبانة]

اخى رشدى

كنت اتمنى ان اكون بمصر فى التاريخ المحدد ولكن للاسف انا نازل يوم 26 - 6

لذلك قمت بدعوة الجميع للقاء فى الاسكندرية يوم 2 -7 واتمنى ان تكون موجود من ضمن المجموعه التى

ستحضر وتقبل ودى وتقديرى

[ma7mod3]

السلام عليكم
اخ رشدي انا محمود 21 سنة من الزقازيق بردو لو ينفع احضر يبقي فيك الخير
سلامي