اتمنى منكم ارشادى في فتح حساب بنكي في مصر

[abdelazez]

السلام عليكم ورحمه الله وبركاته

اخوتى الكرام

لى سؤال وهو ، هل من الممكن افتح حساب فى بنك مصر بمبلغ 2000 جنيه مصرى ؟
وايه متطلبات وشروط فتح الحساب ، وايه هو الحساب الجارى ؟ وهل لما افتح حساب بمبلغ الالفين جنيه هاخد بطاقه السحب الالى اسحب بيها من الصراف الالى اللى خارج البنك ؟ وانا سمعت ان بطاقه السحب الالى بفلوس يعنى لو اخدتها ياخدوا منى فلوس شهريا تمنها فهل ده صحيح ؟ وهل بنك مصر افضل او البنك الاهلى المصرى ؟ وانا داخل مصر وليس خارجها وسنى 27 ، واعتذر عن كثرة اسألتى .

[delpiero_egy]

الحساب الجارى لا يحتسب عليه عائد او فائدة من البنك و لك الحق فى اصدار دفتر شيكات على هذا الحساب
اما حساب التوفير يحتسب عليه عائد او فائدة و لكن لا يسمح باصدار دفتر شيكات عليه

وكل من الحسابين يتم استخراج كارت ATM عليه للسحب من ماكينة البنك و مصاريفه حوالى 40 جنيه مصرى فى السنة
ارجو ان اكود افادتك

[abdelazez]

طيب انا عايز حساب عليه فوائد واسحب منه فى اى وقت عادى ( ده هيكون اسمه ايه )
علشان اروح للبنك اقول له على طول افضل ما يلاقينى مش فاهم حاجه وانا مش عايز دفتر شيكات مش هحتاج لكده ، وياريت حضرتك تقول لى افضل بنك من الاتنين هل بنك مصر او الاهلى ، والالف ج عليها فوائد كام فى السنه .

[delpiero_egy]

البنك الاهلى افضل لانه يعطى عائد اعلى ( تقريبا 7 % سنويا ) و رسوم الحساب اقل

روح البنك قولهم عايز افتح حساب توفير عادى واملى الاستمارة و بعدين اعمل ايداع بالمبلغ على الخزنة

[abdelazez]

طيب سبعه فى الميه يعنى كام بالجنيه على الالف ؟
وهل كارت ATM هاخده فى نفس اليوم ؟
وهيطلبوا منى ايه ؟ صور شخصيه يعنى صورة البطاقه ؟

[delpiero_egy]

طيب سبعه فى الميه يعنى كام بالجنيه على الالف ؟

70 جنيه

وهل كارت ATM هاخده فى نفس اليوم ؟

لا بعد اسبوعين

وهيطلبوا منى ايه ؟ صور شخصيه يعنى صورة البطاقه ؟

صورة البطاقة بس

الجواب بالاقتباس

[abdelazez]

طيب سؤال اخير
كارت ATM هسحب به من اى ماكينه تابعه للبنك الاهلى ولا من ماكينه الفرع اللى عملت الحساب فيه ؟

[batttot]

طيب سؤال اخير
كارت ATM هسحب به من اى ماكينه تابعه للبنك الاهلى ولا من ماكينه الفرع اللى عملت الحساب فيه ؟

تسحب من اي ماكينةATM تابعة للبنك الاهلي


ملحوظة :لو ناوي تشتغل في الفوركس يفضل ان يكون الحساب بالدولار لتسهيل السحب والايداع مع الشركات

[delpiero_egy]

طيب سؤال اخير
كارت ATM هسحب به من اى ماكينه تابعه للبنك الاهلى ولا من ماكينه الفرع اللى عملت الحساب فيه ؟

ممكن تسحب من اى ماكينة تابعة للبنك الاهلى مجانا

و ممكن تسحب من اى ماكينة اخرى لكن حيتخصم منك 4 جنيه رسوم فى كل سحبة

[abdelazez]

انا مش فاهم ولا عارف يعنى ايه فوركس ؟

واخى

delpiero_egy

مش فاهم يعنى انا فى البنك الاهلى
وممكن اسحب من ماكينه تابعه لبنك مصر مثلا ويتم خصم 4 جنيه ؟

[delpiero_egy]

انا مش فاهم ولا عارف يعنى ايه فوركس ؟

واخى

delpiero_egy

مش فاهم يعنى انا فى البنك الاهلى
وممكن اسحب من ماكينه تابعه لبنك مصر مثلا ويتم خصم 4 جنيه ؟

اه تسحب من ماكينة بنك تانى لكن حيتخصم حوالى 3 او 4 جنيه لكل سحبة

[الذئب]

طيب ايه أفضل بنك مصري للاجانب ؟ ومارايكم في الافريقي أفضل أو cib ووميزاتهم ؟ وأي الفروع أفضل

للبنكيين فاهمة يعني ايه فوركس في التعامل ........... مهم ياجماعة أبغى جواب وافي ودمتم

[delpiero_egy]

طيب ايه أفضل بنك مصري للاجانب ؟ ومارايكم في الافريقي أفضل أو cib ووميزاتهم ؟ وأي الفروع أفضل

للبنكيين فاهمة يعني ايه فوركس في التعامل ........... مهم ياجماعة أبغى جواب وافي ودمتم

CIB و HSBC و العربى الافريقى و البنك الاهلى سوستيه جنرال بنوك كويسة جدا و يفضل التعامل معها

[abdelazez]

اه تسحب من ماكينة بنك تانى لكن حيتخصم حوالى 3 او 4 جنيه لكل سحبة

طيب كويس والله الامر ده
وياريت لو حضرتك تفهمنى ببساطه ايه هو الفوركس

[delpiero_egy]

طيب كويس والله الامر ده
وياريت لو حضرتك تفهمنى ببساطه ايه هو الفوركس

الفوركس هو بورصة العملات الدولية و يتم المضاربة عن طريق شراء العملات و بيعها عن طريق الانترنت و هو علم له اصول و قواعد يجب الالمام بها قبل الدخول الى هذا السوق و يوجد فى هذا المنتدى الكثير من الدروس التعليمية عن الفوركس