تحذير من التوصيات المدفوعه لياسر فؤاد الشهير ب Magictarget

[@KimoOo@]

السلام عليكم ورحمة الله وبركاته

انا بكتب الموضوع ده لتحذير الجميع بعد معاناه مع هذا الرجل
اقسم بالله نوعيه من الاشخاص لم ولن اتعامل مع مثلهم فى حياتى بعد كده
غريب بشكل فظيع
يناقد نفسه
يتفق معاك على حاجة ويعمل عكسها بعد اسبوع على اساس ان الواحد بينسى الى اتفق عليه يعنى
كل شوية اخويا فى امن الدولة اخويا فى امن الدوله على اساس انه بيهدد المشتركين الى معاه يعنى ولا ايه مش فاهم
نيجى للحكايتى معاه المضحكة بقى
انا اشتركت معاه مرتين بغباء شديد منى
اول اشتراك ده كان فى شهر يناير واتفقت معاه على التوصيات ودفعتله 200 دولار على اساس توصيات دان الشهيرة
لقيته عمال بيدينى فى توصيات تسمى بتوصيات البنك الالمانى طب فين دان لا اصله قليل جدا
احمد ربنا ان الحساب بتاعى كان لسه متفعلش من الشركة وهو كان بيدينى فى التوصيات اول اسبوع
فجأه الاقى الصبح على موبايلى رسالة بتوصيه لدان طبعا وهو كان بيقول دووس فيها بلوت كبير الى حد ما
المهم التوصيه لقيتها خسرانه فوق ال 100 نقطة اكلمه على الاميل يقولى اصل احنا عكسنا الصفقة وكسبنا منها مبرووووووك قولتله وانا فين من كل ده قالى اصلك مكنتش موجود على الميل
قولتله احنا متفقين دان موبايل مش ميل قولتله على العموم الحمد لله انا مشفتهاش غير الصبح
وكانت التوصيه عدت
بأمانه كان بيدى توصيه مثلا ب 50 نقطة بتحقق الهدف
اخر الاسبوع قولتله من فضلك وقف اشتراكى لظروف خاصه تعب والدتى وظروف اخرى
وكان حسابى اتفعل واديته لمدير حسابات كلكه تعرفوه اسمه تامر المصرى
وكأنى بطلع من حفرة اقع فى ضحضيرة
المهم جيت بعد غياب شهر كان تامر خسرنى فى الحساب شوية قولت اعوض بالتوصيات
كلمته قالى اشتراكك انتهى قعدت اتكلم معاه
المهم اقتنعت انى غلطان وهو ملوش دعوة وقولت عوضى على الله فى ال 200 دولار
ووعود بالتعويض لو اشتركت معاه تانى وجرب بس واخر اغرائات
قولت اتوكل على الله واشترك معاه من جديد بصراحه كنت من احد الى دمرهم هيثم الشامى وسابلى فوق دماغى بلاوى كتيرة
اتصلت بيه واقسم بالله انا لم اكذب فى كلمة
كلمته وقالى انا هديك 800 نقطة فى الشهر بس ادارة راس المال عليك قولتله موافق طبعا
ياريت تديهوملى فى اسبوع حتى وانا هجددلك الاشتراك قالى تمام قوى
قولتله اهم حاجة عندى توصلنى لل 800 نقطة ويبقى كده فل اوى قالى وفى اوبشن زياده كمان
فوق البيعه توصيات دان غير ال 800 نقطة قولتله دنتا كده ربنا يخليك ( هيقف جنبى بقى )
اشتركت من 21 \2 بالتحديد
اول اسبوعين توصيات على اليورو ين بأمانه حلوة كانت بتجيب الهدف رغم انه بيزاول الواحد ويلخبطه كتير
الاسبوعين التانيين واذا بالمفاجأه وستضحكون كثيرا
انه تعاقد مع واحد اسمه جوزيف شغال مع جورج ساورس هههههههههه
جورجش ساورس الذى افلس البنك البريطانى اقسم بالله اول ما قالى موت على نفسى من الضحك
وقالى انه هياخد منه توصيات اليورو دولار هههههه
ولما قولتله ياراجل ازاى بس بالعقل متخليش حد يضحك عليك
قالى انت مش اهم حاجة تجيب الهدف خليك عملى بقى
قولتله خلاص انا اهم حاجه عندى تجيب الهدف
واذا بالصاعقة بيع اليورو دولار من 3590 تخيلو من اسبوعين والتعزيز من 3680
شوفو الصفقة سلبت اد ايه يا جماعه والله لو تشوفو منظرها تتخضو
المهم فضلنا الاسبوعين الى فاتو على كده تنزل شوية وتطلع
بعت رساله للناس تقفل الصفقتين على 3600 قولت ومالو
كمان يومين اقفلوها على 3640 ويبقى كده قفلناها على صفر قولت ومالو برضو خلينا فى المضمون
وسط الاحداث بيقولى على الرغم انى متفقتش على اليورو دولار الا انى اتمنى ان الناس تقفلها على خير
شوفتو التناقد يعنى مديهم الصفقة ومش مشكلة بيبرأ نفسه
لانه كان متفق على 3 عملات بس يورو ين ويورو دولار وباوند دولار
طبعا احنا قفلناها من هنا والسعر جرى لتحت
بالله عليكو هل يعقل ان جورج ساورس يدى توصيه بالمنظر ده توصيه تضحك
ناس بتخش الصفقة بنسبة 4 الى واحد اقل شىء تخش صفقات بالمنظر ده
دان او جورج هو وهم من خيال صاحب التوصية
بكلمه النهارده بيقولى اشتراكك انتهى
طب فين ال 800 نقطة يقولى احنا عملنا 1100 نقطة الشهر ده قولتله فين ده
قاالى مليش دعوة بالى انت بتحسبه قولتله والله بحسب الصفقة لنهايتها بس ورينى
قالى يا عم احنا بنخسر هههههههههه
وهرب طبعا كالعاده من اى حوار

طبعا كنت بقعد احكيله انى وقعت مع هيثم او مع تامر هل ده عيب يا جماعه
الواحد مخنوق وبيتكلم
لانى عارف لو دخل هيقولى اتشطر على الى نصب عليك
طب هو انا بس دى مصر كلها اتنصب عليها من لاتنين دول

اخيرا انا معايا كل حواراته معاه على الميل عشان لو دخل كذبنى
ومعايا استتمنت حسابى للى عايز يشوفه

اخر حاجة بيورينى استيتمنت ليه بعد خبر فايده الدولار لقيته كل صفقات كسبانه
قولتله مقولتليش ليه عليها قالى دى صفقات بتاعت الفايده مش ببعتها
انا بقول الكلام ده لانه ممكن ينزل استيتمنت على الديمو ويوريكو انه بيكسب

اقسم بالله كل كلمه قولتها حصلت وانا بحذر الناس من التعامل معاه
عشان ابرىء ذمتى قدام ربنا

ارجو من الاشراف الكريم عدم حذف الموضوع

[راجي البشاير]

ربنا يكن بعونك

هو لو لاقي ارباح بالفوريكس كان ماحتاج انه يخدع الاخرين

تركه اولى من البدايه هارد لك ياكيمو

[@KimoOo@]

ربنا يكن بعونك

هو لو لاقي ارباح بالفوريكس كان ماحتاج انه يخدع الاخرين

تركه اولى من البدايه هارد لك ياكيمو

اه والله هو لو كان بيكسب فعلا مكنش هيستنى حاجة من الناس

ربنا يعوض علينا خير ان شاء الله

وانا دلوقتى حسيت بمكانة منتدى المتداول العربى

لما وقف موضوعه ووقف عضويته فى المنتدى

[محمد العزب]

أخي الحبيب
هذا التحذير الذي كتبه المراقب العام بعد ما قمت بمراسلة دان زنجر وأكدلي أنه لا يتعامل في سوق الفوركس اساسا

الاخوة الكرام
السلام عليكم ورحمة الله وبركاته
تم غلق الموضوع لعدم التزام صاحب الموضوع بقوانين المنتدى
حيث أنه من أول يوم تم فيه فتح الموضوع وهو يقوم بالتسويق والدعاية
وليس كما يدعي ان الاداره تقوم بحذف النتائج فكل المشاركات الموجود فيها النتائج والتوصيات مازالت في الموضوع ولكن تم حذف جميع المشاركات التي يقوم فيها بالتسويق والخروج عن الموضوع
وللتوضيح أعضائنا الكرام
دان زنجر لا يقوم لا بإدارة حسابات أو اعطاء توصيات خاصه بالفوركس
فقد قام الأستاذ محمد العزب بمراسلة موقع دان زنجر www.chartpattern.com
والاستفسار منهم ان كان دان زنجر يعطي توصيات او تقارير او أي شيء متعلق بسوق الفوركس لأن المعروف أن دان زنجر لا يتاجر بالفوركس ولا هو أقوى محلل في العالم كما يدعي صاحب الموضوع
وكانت الاجابه من دان زنجر أنه لا يقوم بادارة حسابات ولا باعطاء توصيات خاصه بسوق الفوركس وهذا نص الرسالة




تقبلوا تحيات المراقب العام

مع العلم أيضا المراقب العام قام بايقاف العضوه mona 11
التي كانت تتدعي انها تعطي توصيات جورج ساورس
وقام ايضا المراقب العام باعلان ذلك
حتى نخلي مسئولية المتداول العربي من هؤلاء
لكن اسمحلي باغلاق الموضوع لان المنتدى ليس لمناقشة هذه الأمور لأننا نخلي مسئوليتنا منها