### موعد و مكان لقاء أعضاء المتداول العربى بالقاهرة ###

[طاهرالمصرى]

للأسف الشديد جدا غالبا هيفوتني اللقاء المنتظر
لأن مشوارب من 5 ل 6 ساعات ولسه شايف الميعاد دلوقتي

المرة الجاية إن شاء الله
و أتمني لكم لقاء مثمر بإذن الله

و ايه يعنى
احنا أمامنا لحد منتصف الليل
و لايهمك يا دكتور
احنا منتظرينك

من محطة رمسيس هاتبقى بعيده قوى

النزول فى إحدى هاتين المحطتين
يا إما العتبة ( المترو الجديد خط شبرا ) وتنزل بإتجاه شارع 26 يوليو
يا إما المترو القديم خط حلوان وتنزل محطة جمال عبدالناصر بإتجاه 26 يوليو أيضا

الكافتريا خلف شارع 26 يوليو من عند مطعم جاد فى منتصف شارع 26 يوليو


وده شارت يحدد المكان

يعنى نشترى و لا نبيع ؟

ربنا يسهل و اقدر اجى ان شاء الله و احاول اجيب معايا بروكين سول

كفاية انى اقابل الحبايب كلهم

يا ريت و الله
أنتم لازم تيجو

يعنى هانشرب قهوة يا جماعة ولا اية
قهوة ام كلثوم قريبة على بعد 20 دقيقة كويس المكان مش بعيد باذن الله لقاء محموم

زنجبيل الله عليك يا محمد يا عزب
انا اللى لى الشرف انى اكون موجود بين اخواتى
محمد العزب وطاهر المصرى وكل الاخوة
بس برده هاشرب قهوة يا محمد

الله يكرمك يا أستاذ جمال
و الله شرف لنا مقابلتك

ما تنسوش الصور يا جماعه عايزين نتفرج علي اللقاء

زى ما قال لك مشرفنا العزب اللى من مصر و مش هيحضر هنحجب عنه الصور

[af159]

اتمني ان يجمعكم الله علي خير وان يكون لقاء مثمر وجميل وبإذن الله يكون لي شرف التواجد بينكم في اللقاء رقم ( 2 )

[طاهرالمصرى]

اتمني ان يجمعكم الله علي خير وان يكون لقاء مثمر وجميل وبإذن الله يكون لي شرف التواجد بينكم في اللقاء رقم ( 2 )

جزاك الله خيرا يا أبو زياد
لكن لماذا لا تحضر معنا اليوم ؟
الوقت بدرى و ممكن تلحقنا لو خرجت الآن من قنا و نفسنا نقابلك

[مصطفى شاهين]

-

السلام عليكم و رحمة الله و بركاته



الحمد لله تم الاتفاق على أن يكون المكان
كافيتيريا أم كلثوم بشارع عماد الدين فى قلب القاهرة
و الموعد غدا الجمعة الموافق 18/12/2009 --- 1 محرم 1431 هجرية
بعد صلاة المغرب مباشرة
حوالى الساعة 5:15 م

فى انتظاركم جميعا



أوعى حد يتأخر







https://forum.arabictrader.com/t85538.html



-

طيب يا جماعه مش كنتوا تعلنوا عن الموضوع بدري شوية علشان اقدر آجي طيب انا في أسيوط دلوقتي هاجي ازاي ..... ربنا يسامحكم كنت عاوز أشوفكم

[مصطفى شاهين]

السلام عليكم ورحمة الله وبركاته
تسجيل حضور ان شاء الله يا جميل

أستاذ هيثم نجم استراتيجة القاهرة أزاي حضرتك تدخل المنتدى ومتسبش بصمتك في صفحات استراتيجية القاهرة ..... كدا عليك حق عرب

[نور المصرى]

طيب يا جماعه مش كنتوا تعلنوا عن الموضوع بدري شوية علشان اقدر آجي طيب انا في أسيوط دلوقتي هاجي ازاي ..... ربنا يسامحكم كنت عاوز أشوفكم

3 ساعات ونصف وتكون هنا ولسه فاضل 4 ساعات على اللقاء
واللقاء ممتد حتى منتصف الليل يعنى هاتلحق هاتلحق إن شاء الله

ماحدش عنده حجه

البس وتعالى بدون تفكير

[نور المصرى]

أنا بصراحة ماكنتش جاى

كنت مشغول جدا وحدث لخبطه فى تحديد الميعاد

لكن عملت المستحيل وفضيت نفسى

[طاهرالمصرى]

لكل إخواننا الصعايدة : الموضوع من أسبوع شغال
و الوقت بدرى للحضور
حتى لو 5 ساعات هتلحقوا
التجمع من المغرب و اللقاء فعليا من بعد العشاء إلى منتصف الليل

لسة بدرى جدا
البسوا و تعالوا
بجد لازم نشوفكم

[مصطفى شاهين]

3 ساعات ونصف وتكون هنا ولسه فاضل 4 ساعات على اللقاء
واللقاء ممتد حتى منتصف الليل يعنى هاتلحق هاتلحق إن شاء الله

ماحدش عنده حجه

البس وتعالى بدون تفكير

والله يا أستاذ نـــــور نفسي أكون موجود علشان اتكلم معاك في البرصه المصرية شوية لكن للأسف الموضوع صعب جداً بالنسه لي .... تتعوض في اجتماع قادم ياريت يكون قريب وتتفقوا عليه في اجتماع النهارده ... أو ممكن كمان في أجازة منتصف العام على الشباب اللي عنده امتحانات ..

المهم تتفقوا النهارده على الاجتماع القادم

[dr_helz]

أنا بصراحة ماكنتش جاى

كنت مشغول جدا وحدث لخبطه فى تحديد الميعاد

لكن عملت المستحيل وفضيت نفسى

يا بختك
أنا بقي المستحيل ما نفعش معايا للأسف

[نور المصرى]

والله يا أستاذ نـــــور نفسي أكون موجود علشان اتكلم معاك في البورصه المصرية شوية لكن للأسف الموضوع صعب جداً بالنسه لي .... تتعوض في اجتماع قادم ياريت يكون قريب وتتفقوا عليه في اجتماع النهارده ... أو ممكن كمان في أجازة منتصف العام على الشباب اللي عنده امتحانات ..

المهم تتفقوا النهارده على الاجتماع القادم

كان يسعدنى لقائك
حاول بس تيجى

المهم إطمئن البروصه طالعه اليومين الجايين شوية

[كينج]

اول ماتيجو تعرضو الصور على طول

[ابوعافيه المصري]

تحيه للاخوة
كنت ناوي احضر بس للاسف لسه شايف الموضوع الان
زائد اني خارج القاهرة
يلا انشاء الله تتعوض المرة الجايه بس يكون في تحديد قبلها باسبوع
وممكن نعملها لقاء دوري كل شهر مرة مثلا
وكل عام وانتم بخير

[كينج]

تحيه للاخوة
كنت ناوي احضر بس للاسف لسه شايف الموضوع الان
زائد اني خارج القاهرة
يلا انشاء الله تتعوض المرة الجايه بس يكون في تحديد قبلها باسبوع
وممكن نعملها لقاء دوري كل شهر مرة مثلا
وكل عام وانتم بخير

اقترح كل ثلاثه شهور

[abo ali 21]

لقاء ميمون باذن الله