استراتيجية الهرم للمتاجره فى كل انواع العملات

[walid sabry]

بسم الله الرحمن الرحيم
اقدم لكم طريقه جميله فى المتاجره وقد اثبتت هذه الطريقه نجاحا كبيرا . يعرف هذه الطريقه الكثير من المتاجرين لكنى اقدمها الان للمبتدأين .
أولا يشترط فى هذه الطريقه ان تكون المتاجره بعقود صغيره اى عقود ميكرو.
سأقوم بطرح هذه الطريقه واتمنى من الاخوه الخبراء ان يدعمونى بالتحليل والتطوير .
سأترك لكم المجال لكى تقومو بتجربتها على حساب ديمو لمدة شهر للوقوف على مدى ايجابيتها وتطويرها.
للعلم هذه الطريقه يستخدمها كبار المتاجرين واثبتت نجاحا كبيرا وكل ما اتمناه ان نقوم بتطيرها وانتظر منكم الاراء والردود لمناقشه هذه الطريقه
اولا سنقوم بأختيار نقطة دخول على اى زوج عملات ويفضل الازواج سريعة الحركه
ثانيا سنقوم بالدخول شراء او بيع من اى منطقه حسب ظروف السوق
سنبدأ بالدخول بعقد واحد ميكرو وننتظر تحرك السعر واذا اتجه السعر فى اتجاه ايجابى سيكون الامر طبيعى وايجابى والربح سيكون قليل ولكن سنقول الحمد لله
وفى حالة ان ينعكس السعر سنقوم بالتعزيز بضعف العقود التى دخلنا بها كل 150 نقطه ليكون قمه الهرم هو او عقد دخلنا به والقاعده هى العقود المضاعفه التى ندخل بها كلما انعكس السعر 150 نقطه وذلك بتجهيز عقود باى ليميت فى حالة دخولنا شراء من البدايه
وسيل ليميت فى حالة دخولنا بيع من البدايه
سيكون الدخول بعقد ميكرو ثم عقدين فى حاله انعكاس السعر ثم اربع ثم تمانية عقود وفى حالة ارتداد السعر مره اخرى ووصوله الى اول منظقة دخول سنكون حققنا الكثير من الربح وفى نفس الوقت نريح اعصابنا من التوتر والشد العصبى وذلك لان كل العقود التى ندخل بها هى عقود ميكرو . واعتقد ان هذه الطريقه افضل من الدخول بعقود كبيره . بمعنى اننا سندخل بنفس الحجم من العقود ولكن بتوزيعها على مناطق مختلفه كل 150 نقطه.
ارجو منكم ان تفيدونى بالتطوير وليس النقض وانا مستعد لمناقشاتكم وارائكم .
وارجو من الساده الخبراء مساعدتى فى تحديد نقاط دخول جيده

[jnene]

قول يا رب وتوكل على الله وحاضرين بلي نقدر عليه

[Dr_mahmoud]

طريقة ممتازة ومربحة لانه مما لا شك فيه ان الشارت طالع نازل يعني لابد من العودة الى نقطة الدخول وشكرا

[walid sabry]

قول يا رب وتوكل على الله وحاضرين بلي نقدر عليه

كله على الله . شكرا لمرورك اخى الكريم وسأبدأ بالعمل على هذه الطريقه من الاسبوع القادم
وعالعموم انا اشتغلت بالطريقه دى وحققت معايا مكاسب كبيره

[M. Abo samra]

طب ايه اللي يحصل لو حصل نزله كبيره زي نزلة اليورو و الباوند طول الشهر ده ساعتها هتعزز كل 150 نقطه و هتتمني لو تخرج من الصفقات دي من غير ربح او خساره و تبقي كده اتعطلت شهر

[walid sabry]

يا اخوان الطريقه مجربه وناس شغاله عليها من سنيين ومحققه مكاسب كبيره جدا منها والاهم انها مش بتعتمد على مؤشرات كل اللى محتاجينه من الاخوه هو اختيار نقط دخول قويه بالاعتماد على التحليل الكلاسيكى

[walid sabry]

طب ايه اللي يحصل لو حصل نزله كبيره زي نزلة اليورو و الباوند طول الشهر ده ساعتها هتعزز كل 150 نقطه و هتتمني لو تخرج من الصفقات دي من غير ربح او خساره و تبقي كده اتعطلت شهر

ايه رأيك تخرج من غير مكسب ولا تخرج بخساره كبيره

[walid sabry]

زى ما قلت من البدايه الطريقه محتاجه تطوير مش نقض ومش معقول هندخل فى صفقات ونخسر اكتر من الف نقطه ولو حسبناها هنلاقى ان عدد العقود اللى هندخل بيها تقريبا عقدين مينى ودول بنخسرهم من السوق واحنا مغمضين فى ثوانى ومش معقول الطريقه هتخسرنا على طول الخط واحنا بنقول هنجربها ونطورها وبرضه مش هتخسرنا على طول الخط ومع متابعتى ليها من اكتر من سنه مكاسبها اكتر من خسارتها بكتييييييييير

[عمرو خضر]

انا كنت قرأت الطريقه الهرميه فى كتاب لكاثى لين بس مفهمتش

الموضوع بالظبط .

يالا البركه فيك ان شاء الله بس انا زعلان علشان اغلاقك لموضوع

الشركات النصابه.

[walid sabry]

انا كنت قرأت الطريقه الهرميه فى كتاب لكاثى لين بس مفهمتش

الموضوع بالظبط .

يالا البركه فيك ان شاء الله بس انا زعلان علشان اغلاقك لموضوع

الشركات النصابه.

اهلا بيك اخ عمرو ومتزعلش منى انا مقفلتش الموضوع خالص انا هرجع اكمله بس مش دلوقت لما ييجى وقتها يحلها الف حلال وخلينا دلوقت مع السوق

[M. Abo samra]

زى ما قلت من البدايه الطريقه محتاجه تطوير مش نقض ومش معقول هندخل فى صفقات ونخسر اكتر من الف نقطه ولو حسبناها هنلاقى ان عدد العقود اللى هندخل بيها تقريبا عقدين مينى ودول بنخسرهم من السوق واحنا مغمضين فى ثوانى ومش معقول الطريقه هتخسرنا على طول الخط واحنا بنقول هنجربها ونطورها وبرضه مش هتخسرنا على طول الخط ومع متابعتى ليها من اكتر من سنه مكاسبها اكتر من خسارتها بكتييييييييير

و بعدين 150 نقطه علي عقد ميكرو يعني 15 دولار يعني انا انفخ نفسي شهرين عشان الاقي الربح في الاخر 100 دولار ده لو كنا مرزقين كمان انا رأيي الطريقه دي تنفع لواحد مستثمر معاه مليار دولار عايز يشغلهم

[M. Abo samra]

علي العموم انا متابع معاك و نشوف النتايج و ربنا يوفقك ان شاء الله

[Abo Osamah]

طريقة جيدة وقت التذبذب، ولكن مع الترند تتراكم الخسائر

[walid sabry]

و بعدين 150 نقطه علي عقد ميكرو يعني 15 دولار يعني انا انفخ نفسي شهرين عشان الاقي الربح في الاخر 100 دولار ده لو كنا مرزقين كمان انا رأيي الطريقه دي تنفع لواحد مستثمر معاه مليار دولار عايز يشغلهم

الطريقه دى للغلابه اللى زى حالاتى اللى اعصابهم تعبت من السوق وطالما انت مبسوط وحسابك كبير ممكن تبدأ بعقد مينى

[walid sabry]

علي العموم انا متابع معاك و نشوف النتايج و ربنا يوفقك ان شاء الله

ليها حلول كتير يعنى ممكن تعمل هيدج وياريت يا اخوان نجربها عشان فيه ناس كتير هتستفيد منها