المتاجره مع الاتجاه وبس

[portfolio manager]

يا جماعه انا عمال بسمع في استراتيجيات وكلام كتير كده ، على فكره انا محلل فني في السوق المصري في احدي شركات السمسره وعلى فكره انا في الفوركس بقالي فتره مش قصيره والحمد لله بكسب كويس جدا الحمد لله ، بس علشان الناس تبقى فاهمه انا حصل لي اول ما دخلت 2 مارجن كول بحسابات حقيقه اينعم المبالغ كانت صغيره لكن دلوقت الحمد لله وبقالي فترة كويسه الحمد لله بكسب كويس ..


انا بس عايز اقول حاجه لاني شايف تخبيطات كتيره اوي وناس عماله تنقض واستراتيجايت وحجات كده كتيره انا شايف انه فكرة الاستراتيجات ده في التحليل ملهاش اساس من الصحه بتاتا ً ..

الموضوع لو هتحلل بجد لازم يكون التحليل كامل وفي شويه صبر ..

الطريقه اللي انا بشتغل بيها في منتهى البساطه ، هي اني من احساس اجنده الاخبار تقدر تحدد الاتجاه السليم اللي ممكن العمله تمشي بيه ، وترجع تحلل العمله اسبوعي ودايلي هتعرف تجيب الاتجاه السليم اللي هي ماشيه فيه والاخبار هدعمك كويس جدا لانها نادرا ما بتيجي عكس الاتجاه وحتى لو جت مش بتقصر جامد زي لو نزلت مع الاتجاه الاساسي انا بالنسبه لي ، بدخل بحجم عقد بالكتير اوي 20000 للوت ده لما بكون هنتحر يعني ، وده مش بيمثل اكتر من 5% من راس المال ده اذا دخلت بيه اصلا اساس .. والطريقه اللي بدخل بيها هي اني بعمل اوامر limit order في طريق الاتجاه بمعنى انه انا بحلل ويكلي ودايلي زي ما سبق وقلت لكني مش بدخل اعمل امر بعشرين الف مره واحده لاني عمري ما هظبط نقط الدخول بالسنت ، انا برص الاوامر بترتيب مثلا كل 5 نقط عقد بالف دولار للوت وارص مثلا في المجنون على مدار 100 نقطه ، والاستوب بعد 100 نقطه كمان من المتوسط واسيب الجهاز واقوم يوم ولا يومين ولما ارجع الاقي عقود منهم كسبانه انزل الاستوب تحت مستوى الدخول بكام نقطه واعمل trail stop وارجع الامر limit order في مكان دخوله تاني ولو خلصت العقود عند مستهدف معين مش بدخل عكس الاتجاه خالص اشوف زوج تاني او اسيب الشغل لغاية ما يرتد لفوق تاني او تظهر معالمه اكتر ، لكن بصوا كده كام واحد دخل في صفقه وقفلها كسبانه وقال هو هنا كفايه هيرجع تاني وراح الزوج مكمل وكسر له استوب ضيعت له كل اللي عمله ،، صدقوني ايا كان الطريقه ملهاش حل غير انك تمشي مع الاتجاه وبس


عشان تفهموا كلامي بصوا على مقارنه بين اليورو والباوند الاثنين تم تثبيت الفائده عليهم ، لكن علشان الدولار قصاد اليورو مثلا في اتجاه هابط وناوي يعمل تصحيح وده تقريبا من 25-7 شفتم عمل ايه استمر فعلا في الاتجاه بتاعه لانه من التاريخ ده بدا يعمل lower hi من غير مؤشرات ولا غيره بالترند بس

لكن في نفس الوقت بصوا بقى على الجنيه الاسترليني تم تثبيت الفائده برده لكن هو كان شغال بالعرض وبيستعد انه يوص لمستوى القاع بتاع المنطقه العرضيه يعني شوفوا خبر تثبيت الفائده في الطرفين عمل ايه هنا وعمل ايه لكن كل منهم احترم الاتجاه الاساسي بتاعه الاخبار بتحفز شوفوا بقى كام استراتيجيه وكام مؤشر عملوا انحرافات ايجابيه وعملوا اشارات دخول ضد الاتجاه الهابط اللي دخل وكسب شويه خسر تاني بعد كده

[shebami]

طـــريـــقـــة مــــجــــربــــة

بــس مـــيـــن يـــــقــــــرأ؟؟؟

جزاك الله خير

[portfolio manager]

طـــريـــقـــة مــــجــــربــــة

بــس مـــيـــن يـــــقــــــرأ؟؟؟

جزاك الله خير

اه واللهي trend is our friend

[محلل كول]

مظبوط يا باشا التحليل الفنى على الفريمات الكبيرة هوا اللى يجيب المفيد - لكنى مختلف معاك فى حتة الالتزام بالترند حتى اخر قطرة لانك ممكن تتوقع نهاية الترند بالدايفرجنس والشموع - بس بردو ارجع واقولك ( ويكلى دايلى والدخول على الاربع ساعات)

[محلل كول]

وياريت يا جماعة تنورونى فى الورشة الصغيرة بتاعتى https://forum.arabictrader.com/t51687.html

[portfolio manager]

مظبوط يا باشا التحليل الفنى على الفريمات الكبيرة هوا اللى يجيب المفيد - لكنى مختلف معاك فى حتة الالتزام بالترند حتى اخر قطرة لانك ممكن تتوقع نهاية الترند بالدايفرجنس والشموع - بس بردو ارجع واقولك ( ويكلى دايلى والدخول على الاربع ساعات)

اكيد تحديد نقطه الدخول هتكون دقيقه اكتر مع اربع ساعات مفيش شك في ده

[muhannad22]

انا معك ان اللي يريد يربح بالفوركس يمشي مع الترند

لكني افرض انه انا عملت صفقة شراء على اساس انه الترند صاعد
وبعد فتره كسر الترند !!

[S@IF]

طريقه ممتاز شكرا لك يا غالي

[portfolio manager]

انا معك ان اللي يريد يربح بالفوركس يمشي مع الترند

لكني افرض انه انا عملت صفقة شراء على اساس انه الترند صاعد
وبعد فتره كسر الترند !!

طب وفين الاستوب لوس بتاعتك

[جمال بسيس]

مشكور اخي على الطريقة والنصائح.......... انت تعمل على فريم الاسبوعي واليومي... يعني يتم اصطياد الفرص على اليومي؟؟؟؟؟ وما هي افضل الازواج التي تعاملت معها والتي تحترم فعلا الترند؟؟؟ بالتوفيق

[khaldon999]

السلام عليكم
اخي العزيز كلامك مقنع جدا
وخاصة ان الاتجاة العام للتريند ياخذ فترة طويلة لتغيير مسارة بدرجة كبيرة وايضا اكثر تغيراتة تاتي عن طريق اشكال تشارت معروفة كالراس والكتفين وكسر الترند بانواعة وسبب تكون هذة الاشكال هي الاخبار الايجابية او السلبية علي فترات ليست طويلة نسبيا لذا تتكون معظم هذة الاشكال علي تشارت الدايلي والاسبوعي.
لذا ارجو منك اخي صاحب الموضوع ان تفتح ورشة عمل تتابعها بنفسك ونتشارك في تبادل الاراء والتحليلات والاخبار واكتشاف الفرص ذات المدي البعيد.

وشكرا

[portfolio manager]

السلام عليكم
اخي العزيز كلامك مقنع جدا
وخاصة ان الاتجاة العام للتريند ياخذ فترة طويلة لتغيير مسارة بدرجة كبيرة وايضا اكثر تغيراتة تاتي عن طريق اشكال تشارت معروفة كالراس والكتفين وكسر الترند بانواعة وسبب تكون هذة الاشكال هي الاخبار الايجابية او السلبية علي فترات ليست طويلة نسبيا لذا تتكون معظم هذة الاشكال علي تشارت الدايلي والاسبوعي.
لذا ارجو منك اخي صاحب الموضوع ان تفتح ورشة عمل تتابعها بنفسك ونتشارك في تبادل الاراء والتحليلات والاخبار واكتشاف الفرص ذات المدي البعيد.

وشكرا

بالظبط كده هو ده الكلام

[portfolio manager]

مشكور اخي على الطريقة والنصائح.......... انت تعمل على فريم الاسبوعي واليومي... يعني يتم اصطياد الفرص على اليومي؟؟؟؟؟ وما هي افضل الازواج التي تعاملت معها والتي تحترم فعلا الترند؟؟؟ بالتوفيق

انا مش بشتغل غير على GBP/JPY (المجنون) بس لانه حركته كويسه لكن دلوقتي هو في حيره شديده ما بين الضغط من الاسبوعي والترند على الديلي لكن لو استعنا بصديق (المؤشرات ) نلاقي انه ناوي يكسر

[lkn3000]

كلام جميل ,,ودمتم أخي

[عمرو خضر]

السلام عليكم ورحمة الله وبركاته

والله العظيم يا اخى انت جيبت من الاخر . انا لسه مبتدأ فى الفوركس

من حوالى شهرين و مركز جدا فى هذه الفتره فى القراءه والتعلم بشكل مكثف واقرأ

للاساتذه فى هذا المجال امثال كاثى لين وباتريك دايس وكينيث اجيستينوا والامر الوحيد

الذى يتفق عليه الجميع هو تحديد الاتجاه العام على الشارت الويكلى والديلى ومن ثم

انتظار اقرب فرصه للدخول مع الاتجاه العام على الساعه او الاربع ساعات .

هكذا بمنتهى البساطه لان 80% من الحركه تحدث فى 20% من الوقت مع الاتجاه العام

ولكنى فى كثير من المواضيع على منتدانا الغالى ارى استراتيجيات غريبه مثل تفتح

الربع ساعه ولو فولان قطع علان تدخل لونج وحاجات كده ممكن تكون بتحقق ارباح

لكن فى الحركات البسيطه اللى بتكون عكس الترند لكن الحركات الكبيره بالطبع!!!!

بالاضافه انها لا تستطيع ان تجعل من الفرد مستثمر واعى قادر على قراءة الاسواق

والتمتع النظره الثاقبه الواسعه وهذا الاخير هو هدفى الاول قبل الارباح لذا

فأنا وبشده اناشدك ببدء ورشة

اصدقاء الترند فورا.