صفحة 1 من 2 12 الأخيرةالأخيرة
النتائج 1 إلى 15 من 27

الموضوع: واثق من نفسك

  1. #1
    الصورة الرمزية سمير صيام
    سمير صيام غير متواجد حالياً عضو المتداول العربي
    تاريخ التسجيل
    Mar 2005
    الإقامة
    مصر
    المشاركات
    37,402

    افتراضي واثق من نفسك

    واثق من نفسك؟



    كتابة ورسوم: د. شريف عرفة



    !! السعادة.. وراحة البال



    هل ساعات بتحس إنك أقل كفاءة من شخص معين؟

    هل ده بيديك نقص في الثقة؟؟
    هل جربت الإحساس ده فعلا؟؟

    هل عندك ثقة تامة في ذاتك؟ ولاّ ساعات الثقة دي بتخونك؟


    بيحصل ساعات مش كده؟

    تعالوا نعرف القصة من أولها



    الثقــــــــة

    الثقة في النفس مش ثابته وغالبا بتتأثر بالظروف اللي حوالينا

    يعني مثلا صحيت من النوم لاقيت الجو كويس ولاقيت

    تقدير من (والديك- شريك حياتك- جيرانك…) ولاقيت الناس كلها مبتسمة في وشك..

    أكيد هتشعر بالثقة وإنت نازل من بيتكم.. صح؟

    لأنك هتحس إن لك دور مهم في حياة الناس دي
    لكن لو نزلت لاقيت واحد طرطش مية من الدور السابع وإنت ماشي في
    الشارع..


    هيكون إحساسك إيه؟ هل ثقتك هتفضل زي ما هي؟؟

    "أحمد" كان متعود يروح النادي كل يوم يلعب اسكواش..

    وكان بيغلب كل منافسيه وكان ده مصدر فخره..

    لكن في يوم حصلت له إصابة في الرباط الصليبي

    والدكتور نصحه مايمارسش الرياضة دي تاني..

    هل لما يقابل الناس اللي كانوا بينافسوه في الاسكواش,

    هل هيتعامل معاهم بثقة زي الأول؟



    كيف تزيد الثقة في ذاتك؟

    أولا لازم نعرف إن الثقة دي مش ثابتة زي ما قلنا..

    يعني الطبيعي إن ثقتك النهارده مش زي بكره مش زي بعده..

    المعدل بيطلع وينزل.. ده الشيء الطبيعي..

    اللي احنا بنعمله هو إن الثقة دي تبقى مرتفعة طول الوقت..

    ممكن تنخفض شوية.. ساعتها تنفذ الخطوات اللي هنقول عليها دي



    خطوات زيادة الثقة..

    ابحث عن نقاط القوة..

    فيه حاجة ظريفة جدا مخنا بيعملها
    لو فيه حاجة إنت متفوق فيها, غالبا بتحس إنها شيء عادي وبديهي بالنسبة ليك
    ..


    وإن أي حد ممكن يعملها.. فممكن ماتحسش إنها نقاط قوة عندك أساسا..

    لي صديق اسمه "حسام".. كان متعود يكتب قصص ساخرة من واحنا في المدرسة..

    وكان مستوى القصص دي رائع في رأيي..
    مرت الأيام وبقيت رئيس قسم في جريدة مشهورة وبقيت مسئول عن خريطة النشر
    ..


    طبعا اتصلت بيه وطلبت منه يكتب لنا قصص علشان ننشرها في القسم بتاعنا


    عارفين عمل إيه؟

    !!


    رفض
    قال إنه مش موهوب قوي وإنه مايستاهلش ينشر في جريدة كبيرة زي دي
    ..


    !! وقال إن دي فرصة أكبر منه


    طبعا فضلت أزن على دماغه وأتبع إستراتيجيات التفاوض واقتنع في النهاية
    ..
    ونشرت له أول قصة ليه
    ..
    عارفين كانت إيه النتيجة؟


    لما رحت الجريدة بعدها لاقيت الجميع معجبين بقصته وأسلوبه..

    لحسن الحظ كان معايا "حسام" ساعتها وسمع كلام الناس عن أعماله
    أكيد متخيل الثقة اللي هو كان حاسس بيها… صح؟


    عايز أقول إيه؟

    اللي عايز أقوله هو إنك لازم تبحث عن نقاط القوة اللي عندك

    ممكن تكون نقاط القوة دي حاجات إنت حاسس إنها عادية وإن ممكن أي حد يعملها


    لو فيه نقاط قوة إنت عارفها أصلا.. ابحث عن غيرها..


    ابحث عن الحاجات اللي إنت بتعملها عادي جدا

    وممكن ناس كتير حواليك مش عارفين يعملوها.. اعرفها مهما كانت بسيطة
    اكتبها واقراها بتمعن.. عملية كتابتك ليها بترسخ المعتقدات دي في ذهنك أكتر



    اكتب نقاط قوتك في هذه المساحة.. خذ وقتك وفكر..


    ثم اكتب هذه الأشياء مهما كانت صغيرة في نظرك..

    هل تنشر البهجة في قلوب الأصدقاء؟ هل تحب مساعدة الآخرين؟

    ما هوايتك؟؟ ماذا تجيد؟؟ بماذا تتميز؟؟
    اكتب كل هذه النقاط هنا لأنها ستساعد على إكسابك الثقة والقوة


    :نقاط تميزي هي











    ركز في نقاط القوة

    فيه قانون في العقل الباطن اسمه (قانون التركيز).

    القانون ده بيخليك لو ركزت على حاجة هتغطي على الحاجات التانية وهتنمو وتزيد

    اوصف شخص إنت بتكرهه.. اكتب صفاته هنا





    إيه اللي حصل هنا؟
    إنت بتكره الشخص ده فمركز على الجوانب السيئة اللي فيه
    ..


    في حين إن أكيد فيه جوانب كويسة.. أكيد يعني..

    عمره ما جامل حد؟؟ عمره ما ابتسم في حياته؟؟ عمره ما ساعد حد في حياته؟؟

    أكيد عمل حاجات كويسة إنت عارفها بس الحاجات دي مش جاية على بالك

    لأن (قانون التركيز) خلاك تركز على الجوانب السلبية بس..


    بعد ما عرفت نقاط القوة اللي عندك, ركز انتباهك عليها..


    خليها دايما في بالك وإنت بتتعامل مع أي حد أو في أي موقف في حياتك..

    لما تركز في النقاط دي هتلغي نقاط الضعف اللي عندك

    لو "محمد علي كلاي" ركز على إنه مش عبقري زي "أينشتاين" كان أصابه الاكتئاب!!

    لكنه ركز على نقطة قوته واللي خلته يتفوق في مجاله..

    لاحظ إن كلمته الشهيرة كانت:"I’m the greatest" !



    مفيش حد كامل في الدنيا دي.. اللي عنده فلوس ممكن يكون ناقصه شخصية جذابة..

    ممكن واحد عنده قصر يزعل إنه ماعندوش جزيرة..

    واللي عنده جزيرة يزعل إنه ماعندوش اتنين..

    واللي عنده جزيرتين ممكن يزعل عشان ماعندوش سلطة مثلا زي الملك الفلاني...

    لو الناجحين بيفكروا كده ماكانوش اتقدموا خطوة...


    ركز في اللي عندك وخليك مؤمن بيه وبقوته.. هيوصلك للثقة التامة في النفس
    ..



    لكن لو ركزت على نقاط ضعفك ده هيكون الحاجة اللي بتشدك لورا وتعيق تقدمك
    ..


    وتدمر ثقتك في نفسك..

    الاختيار في إيدك إنت!

    نقاط قوتك أهي:


    ........و.......





    اقراهم بتمعن.. حطها في محفظتك -في درجك

    في شنطتك أو علقها في غرفتك..
    وجود النقاط دي أمامك وقراءتها بترسخ المعتقدات دي في ذهنك أكتر
    ..
    وارجع هنا اكتبهم تاني لو حبيت تعدل حاجة




    التقديـــر

    كلنا محتاجين للتقدير.. فاكر لما كانوا بيصفقوا لك في الفصل؟

    فاكر لما نجحت وأهلك كانوا فرحانين بيك؟
    إحساس رائع مش كده؟

    كتير مننا الدافع الرئيسي وراء حياتهم هو البحث عن التقدير
    ..


    عايزين الناس تحترمنا -تفخر بينا- تعجب بينا طول الوقت.. صح؟
    طيب.. ده شيء جميل جدا ومطلوب.. لكن فيه مشكلة بقى
    ..


    ماذا لو لم تجد التقدير المطلوب بعد أن أنجزت شيئا مهما؟
    ماذا لو توقف أحدهم عن تشجيعك ومساندتك؟


    هل ستستمر في الإنجاز والنجاح بنفس الدرجة؟

    هي دي المشكلة.. إنك بكده تكون ربطت نجاحك بظروف خارجية مالكش تأثير عليها..

    بقيت كده عامل زي الريشة في مهب الريح.. تجيبك شمال تجيبك يمين..

    !!مطرح تقدير الناس ما يوديك

    لو توقف التقدير من الآخرين ممكن تتوقف عن الإنجاز

    وتفقد الثقة في نفسك..
    طيب إيه العمل بقى في المعضلة دي؟


    فيه حل عبقري يعتبر خدعة للعقل الباطن..

    عشان يخليك ماتحتاجش التقدير من الآخرين..

    وزي ما إنتم عارفين, فيه طرق بنخدع بيها العقل الباطن

    عشان يخلينا نحس بالأحاسيس اللي احنا نقررها.. إنتم لسه شفتم حاجة؟)

    طريقة خداع العقل الباطن كي نتوقف عن طلب التقدير الذاتي من الآخرين:

    الطريقة دي بسيطة جدا وهتخليك يبقى عندك اكتفاء ذاتي من التقدير

    ومش هتكون محتاج تشجيع طول الوقت من حد..
    الطريقة بسيطة جدا وممكن تستهيفها
    ..


    لكن مش ممكن تتخيل مدى تأثيرها..
    ....الطريقة دي هي




    التقدير..

    فاكر لما كانوا بيصقفوا ليك في الفصل؟ فاكر لما نجحت وأهلك كانوا فرحانين بيك؟
    إحساس رائع مش كده؟
    كتير مننا الدافع الرئيسي وراء حياتهم هو البحث عن التقدير..


    عايزين الناس تحترمنا -تفخر بينا- تعجب بينا طول الوقت.. صح؟
    كلنا محتاجين للتقدير عشان نشعر بالثقة في الذات.. صح؟
    طيب.. ده شيء جميل جدا ومطلوب.. لكن فيه مشكلة بقى..



    ماذا لو لم تجد التقدير المطلوب بعد أن أنجزت شيئا مهما؟
    ماذا لو توقف أحدهم عن تشجيعك ومساندتك؟


    هل ستستمر في الإنجاز والنجاح بنفس الدرجة؟

    وقفنا المرة اللي فاتت لحد هنا.... وقلنا إن فيه طريقة نخدع بيها العقل الباطن

    علشان مانحتاجش التقدير من الآخرين ومانخليش ثقتنا في نفسنا تحت تصرفهم..

    أسلوب: المكافأة!!

    لما تعمل حاجة كويسة وتحس إن إنت أنجزت.. كافئ نفسك..!!
    أيوه.. هات لنفسك بوكيه ورد..!
    اعزم نفسك على مطعم بتحبه..!
    هات هدية تكون نفسك فيها..!
    بس كده!!


    ممكن تقول: إيه العبط ده؟ ده كلام فاضي.. أنا مش مقتنع..

    استنى بس اسمعني.. ممكن تهدّي نفسك وتسمع أنا عايز أقول لك

    إيه ولو عايز تمشي امشي.. أوك؟



    أيوه كده هدّي نفسك.. اسمع بقى..

    الطريقة دي لها فوائد رائعة.. منها:


    1- مش هتحتاج تقدير من الآخرين لأن التقدير إنت هتديه لنفسك!
    العقل الباطن محتاج تقدير.. وإنت هتديهوله.. هو مش بياخد باله من الحاجات دي..
    2- الدوافع للنجاح هتكون بكده داخلية مش خارجية!
    الدوافع للنجاح لما بتكون داخلية بتكون أقوى وتأثيرها مستمر


    3- درجة التقبل الذاتي هترتفع!
    هتقدر تتقبل نفسك أكتر وتتصالح مع ذاتك...


    الموضوع ببساطة ومن غير مصطلحات وكلكعة: لما تعمل حاجة كويسة كافئ نفسك..

    دلع نفسك يعني!!
    ولا تهتم برأي الناس.. خليك فاكر إن رأي الناس فيك لا يدل عليك..


    المهم هو رأيك إنت في نفسك..

    وشوف النتيجة بنفسك.... وماتنساش تدعي لي!



    المقارنة:

    الحصول على الثقة شيء مطلوب طبعا..

    لكن فيه ممارسات بنعملها بتدمر الثقة دي تماما..

    ومن أهم الممارسات دي إننا دايما بنعمل مقارنات بينّا وبين الناس الأعلى مننا..
    المقارنة بالناجحين مهمة لو كانت هدفها التحفيز..


    لكن لو زادت لدرجة إصابتك بالإحباط, فكر فورا في حد أقل منك..

    روح قابله واتكلم معاه.... قارن بقى بينك وبينه عشان تعرف النعمة اللي إنت فيها!!



    التكلم مع الذات:
    العقل الباطن عامل زي جهاز الكمبيوتر بالضبط..


    أي معلومات بتديها ليه بيتبرمج عليها ويتصرف على أساسها..



    كرر جواك الجمله دي:
    أنا فرحان - أنا سعيد – أنا طاير من الفرحة...




    راقب إحساسك.. حاسس بإيه؟
    أكيد حاسس بشوية انبساط وممكن كمان تكون ابتسمت..
    القصة هي إن أي حاجة بنقولها أو بنرددها,


    العقل الباطن بيتبرمج عليها لا إراديا ويتصرف على أساسها..

    يعني لو كنت في حياتك بتكرر كلمة: أنا فاشل - انا غير كفء - أنا مش نافع.....

    العقل الباطن مش هيخذلك وهينفذ ليك الأوامر دي بالحرف!!!!

    بعد ما تقول كلمة (أنا....) احذر من الكلمة اللي جاية بعدها..


    لأنها بتعتبر أمر للعقل الباطن إنه ينفذها ويقرنها بشخصيتك..

    ماتكررش إنك عديم الكفاءة والخبرة والحاجات دي..

    لأن الكلمات دي نفسها هي السبب في انعدام الثقة..

    استبدلها بحاجات إيجابية سواء في كلامك مع الناس أو كلامك بينك وبين نفسك..


    استبدلها بحاجات زي: أنا واثق من نفسي - أنا أستحق - أنا قوي....
    ولاحظ تأثيرها في أي موقف..


    ..أهم حاجة إنك تدي نفسك تأكيدات لغوية تديك ثقة في نفسك..



    إعادة التأطير:
    فاكرين العنوان الغلس ده؟ أيوه دي طريقة مهمة عشان تنظر للواقع


    بطريقة تخليك تزيد من ثقتك بنفسك..

    دي خطة الثقة اللي حضرتها ليكم.. مش لازم تستخدمها بالترتيب..

    استخدمها كلها في نفس الوقت أو واحدة واحدة.. براحتك..

    المهم إنك تجربها وتعرف تستخدمها في الوقت المناسب...

    موضوعنا خلص؟


    لأ لسه.. فيه حاجات تانية ممكن تعملها عشان تزيد ثقتك في نفسك..


    منها الطريقة اللي ماحدش قالها على النت قبل كده -على حد علمي-..

    عشان فيها عمق وهتدخل جوه نفسك وتظبط حاجات!!

    الطريقة دي اسمها (الرابط- التثبيت) أو (
    anchoring)..


    هي ليها أسماء كتير بس هاشرحها ليكم بالتفصيل في حلقة منفصلة تماما..

    التكنيك ده يقدر يخليك تستدعي المشاعر اللي إنت عايزها في الوقت المناسب..



  2. #2
    الصورة الرمزية Lion
    Lion غير متواجد حالياً عضو نشيط
    تاريخ التسجيل
    Sep 2005
    الإقامة
    Kuwait
    العمر
    48
    المشاركات
    2,816

    افتراضي رد: واثق من نفسك

    الله يعطيك العافية ياغالي على الموضوع ..

    شخصيا اعتقد ان الثقة تكون نابعة من الشخص نفسة اي من داخلة ومنها تنعكس على تصرفاته على الأمور والحياة ..

    فعندما اسأل ! : هل لدي ثقة في نفسي ؟ أجيب نعم ! لان هذه هي انجازاتي 1..2..3..

  3. #3
    الصورة الرمزية اسير القرآن
    اسير القرآن غير متواجد حالياً موقوف مؤقتا لأن معرفه قد سرق
    تاريخ التسجيل
    Feb 2007
    الإقامة
    ارض الاسلام
    المشاركات
    81

    افتراضي رد: واثق من نفسك

    أستاذ \سمير..........
    الاسلوب المبسط البعيد عن التكلف هو ماجذبني لقراءه الموضوع.......
    التقييم\


  4. #4
    الصورة الرمزية faissal
    faissal غير متواجد حالياً عضو المتداول العربي
    تاريخ التسجيل
    Sep 2006
    الإقامة
    فينا- حلب الشهباء
    المشاركات
    8,737

    افتراضي رد: واثق من نفسك

    ماشاء الله عليك حج سمير
    طبيب نفساني كمان

  5. #5
    الصورة الرمزية alhaidary
    alhaidary غير متواجد حالياً عضو نشيط
    تاريخ التسجيل
    Nov 2005
    الإقامة
    المملكة العربية السعودية
    العمر
    66
    المشاركات
    2,632

    افتراضي رد: واثق من نفسك

    طيب يا أخي سمير

    أنا عاوز أعمل معاك

    بس مش واثق من نفسي

    أعمل إيه ؟

  6. #6
    الصورة الرمزية سمير صيام
    سمير صيام غير متواجد حالياً عضو المتداول العربي
    تاريخ التسجيل
    Mar 2005
    الإقامة
    مصر
    المشاركات
    37,402

    افتراضي رد: واثق من نفسك

    اقتباس المشاركة الأصلية كتبت بواسطة Lion مشاهدة المشاركة
    الله يعطيك العافية ياغالي على الموضوع ..

    شخصيا اعتقد ان الثقة تكون نابعة من الشخص نفسة اي من داخلة ومنها تنعكس على تصرفاته على الأمور والحياة ..

    فعندما اسأل ! : هل لدي ثقة في نفسي ؟ أجيب نعم ! لان هذه هي انجازاتي 1..2..3..
    ممتاز يا اسد


  7. #7
    الصورة الرمزية سمير صيام
    سمير صيام غير متواجد حالياً عضو المتداول العربي
    تاريخ التسجيل
    Mar 2005
    الإقامة
    مصر
    المشاركات
    37,402

    افتراضي رد: واثق من نفسك

    اقتباس المشاركة الأصلية كتبت بواسطة اسير القرآن مشاهدة المشاركة
    أستاذ \سمير..........
    الاسلوب المبسط البعيد عن التكلف هو ماجذبني لقراءه الموضوع.......
    التقييم\

    اهلا بيك يا اسير وربنا يرزقك حلاوة تلاوة القرآن

    وشكرا لتقييمك وياريته يكون ليا انا مجرد ناقل بس عجبنى الموضوع بشدة وبحب اسمع ابراهيم الفقى كتير
    آخر تعديل بواسطة سمير صيام ، 18-03-2007 الساعة 11:43 PM

  8. #8
    الصورة الرمزية سمير صيام
    سمير صيام غير متواجد حالياً عضو المتداول العربي
    تاريخ التسجيل
    Mar 2005
    الإقامة
    مصر
    المشاركات
    37,402

    افتراضي رد: واثق من نفسك

    اقتباس المشاركة الأصلية كتبت بواسطة faissal مشاهدة المشاركة
    ماشاء الله عليك حج سمير
    طبيب نفساني كمان
    حكيم روحانى لو سمحت

  9. #9
    الصورة الرمزية سمير صيام
    سمير صيام غير متواجد حالياً عضو المتداول العربي
    تاريخ التسجيل
    Mar 2005
    الإقامة
    مصر
    المشاركات
    37,402

    افتراضي رد: واثق من نفسك

    اقتباس المشاركة الأصلية كتبت بواسطة alhaidary مشاهدة المشاركة
    طيب يا أخي سمير

    أنا عاوز أعمل معاك

    بس مش واثق من نفسي

    أعمل إيه ؟

    تعال لغاية عندى وانا اديك الثقة بس بعد ما ..........
    عشان تجربها مع حد تانى

  10. #10
    تاريخ التسجيل
    May 2006
    الإقامة
    الجزائر
    العمر
    39
    المشاركات
    1,555

    افتراضي رد: واثق من نفسك

    ثق فى نفسك
    اذا اردت فانك تستطيع
    جرب وسترى
    انا اثق فى نفسى لانى استطيع الوصول الى كل ما اريده طلما لدى الامكانيات
    لدى اهاف كاتبها فى عقلى
    واني احققها تباعا واحدة تلوى الاخرى والعامل الزمنى هو الحاكم والنتائج تائتى تباعا
    واليك قاعدتى
    معطيات = هاذا لا زم يكون فيه معطيات حتى تعمل عليها
    المطلوب = يجب ان توفر كل ما يطلب منك
    النتيجة = الحاكم هو الزمن والنتيجة تائتى تباعا
    والقاعدة الكونية تقول
    من زرع حصد
    من جد وجد
    مثال
    انا اريد ان اكون لعب جيد فى كرة القدم
    المعطيات = عندى صحة بدنية جيدة اى لست معوق او شئ من هذا القبيل
    المطلوب = لزم تمارس الرياضة بشكل يومى وتتعلم كل مهارات العبة ولا تتغيب ... الخ
    النتيجة = ستصبح لعب كرة قدم من الطراز الاول
    تفرج على قصة زيدان وستعلم انى لا اكذب وكلامى ماخوذ من الواقع
    وروح حوس على قصة ولد ديزنى لكى تتأكد من ذالك

    هاذا كله مارسه مع عقلك الباطن
    واحذف جميع الرسائل السلبية وركز على الرسائل الاجابية ستنجح باذن الله
    تحياتى لكم والسلام عليكم
    آخر تعديل بواسطة خيرالدين مهدي ، 19-03-2007 الساعة 12:55 AM

  11. #11
    الصورة الرمزية ahmed hanafy
    ahmed hanafy غير متواجد حالياً عضو المتداول العربي
    تاريخ التسجيل
    Jun 2006
    الإقامة
    Cairo-Egypt
    العمر
    72
    المشاركات
    6,986

    افتراضي رد: واثق من نفسك

    ما شاء الله
    موضوع جميل و مفيد

  12. #12
    الصورة الرمزية zid
    zid
    zid غير متواجد حالياً عضو المتداول العربي
    تاريخ التسجيل
    Oct 2006
    الإقامة
    مصر / القاهرة
    المشاركات
    606

    افتراضي رد: واثق من نفسك

    أستاذ / سمير صيام .
    من ثلاثة أيام كنت واثق من كل شيء وبعد مقال أخونا الأستاذ / أبو نظره واقعيه والدنيا قلبت معي لكل الألوان واعتبرت ان مواقع الفوركس وشركات الوساطه والمكتبه التعليميه كلها أمور نصب في نصب ومضيعه للوقت وعندما توجه بسؤال معين يتم الالتفاف عليه ويقال أصل المقصود هو ادارة رأس المال فنحن اصيبنا بكارثه ولا يوجد من يعطينا الاجابه الشافيه لكل كلمه بهذا المقال لنعرف أين نضع أقدامنا وخاصه في هذا المنتدي الذي نعتبره أساسي في تعليم الفوركس .

  13. #13
    الصورة الرمزية ahmed hanafy
    ahmed hanafy غير متواجد حالياً عضو المتداول العربي
    تاريخ التسجيل
    Jun 2006
    الإقامة
    Cairo-Egypt
    العمر
    72
    المشاركات
    6,986

    افتراضي رد: واثق من نفسك

    اقتباس المشاركة الأصلية كتبت بواسطة zid مشاهدة المشاركة
    أستاذ / سمير صيام .
    من ثلاثة أيام كنت واثق من كل شيء وبعد مقال أخونا الأستاذ / أبو نظره واقعيه والدنيا قلبت معي لكل الألوان واعتبرت ان مواقع الفوركس وشركات الوساطه والمكتبه التعليميه كلها أمور نصب في نصب ومضيعه للوقت وعندما توجه بسؤال معين يتم الالتفاف عليه ويقال أصل المقصود هو ادارة رأس المال فنحن اصيبنا بكارثه ولا يوجد من يعطينا الاجابه الشافيه لكل كلمه بهذا المقال لنعرف أين نضع أقدامنا وخاصه في هذا المنتدي الذي نعتبره أساسي في تعليم الفوركس .

    اخى الكريم
    لا داعى لكل هذا التشاؤم
    استاذنا نظرة عقلانية لا يقصد ان يغرز اليأس فى نفوسنا
    و انما يقصد ان يحذرنا من مغبة المضاربة بجهل
    و برأس مال صغير
    يعنى لازم يكون عندك علم و دراية
    و رأس مال يسمح بسوستة كبيرة
    تقبل ودى

  14. #14
    الصورة الرمزية سمير صيام
    سمير صيام غير متواجد حالياً عضو المتداول العربي
    تاريخ التسجيل
    Mar 2005
    الإقامة
    مصر
    المشاركات
    37,402

    افتراضي رد: واثق من نفسك

    اقتباس المشاركة الأصلية كتبت بواسطة خيرالدين مشاهدة المشاركة
    ثق فى نفسك
    اذا اردت فانك تستطيع
    جرب وسترى
    انا اثق فى نفسى لانى استطيع الوصول الى كل ما اريده طلما لدى الامكانيات
    لدى اهاف كاتبها فى عقلى
    واني احققها تباعا واحدة تلوى الاخرى والعامل الزمنى هو الحاكم والنتائج تائتى تباعا
    واليك قاعدتى
    معطيات = هاذا لا زم يكون فيه معطيات حتى تعمل عليها
    المطلوب = يجب ان توفر كل ما يطلب منك
    النتيجة = الحاكم هو الزمن والنتيجة تائتى تباعا
    والقاعدة الكونية تقول
    من زرع حصد
    من جد وجد
    مثال
    انا اريد ان اكون لعب جيد فى كرة القدم
    المعطيات = عندى صحة بدنية جيدة اى لست معوق او شئ من هذا القبيل
    المطلوب = لزم تمارس الرياضة بشكل يومى وتتعلم كل مهارات العبة ولا تتغيب ... الخ
    النتيجة = ستصبح لعب كرة قدم من الطراز الاول
    تفرج على قصة زيدان وستعلم انى لا اكذب وكلامى ماخوذ من الواقع
    وروح حوس على قصة ولد ديزنى لكى تتأكد من ذالك

    هاذا كله مارسه مع عقلك الباطن
    واحذف جميع الرسائل السلبية وركز على الرسائل الاجابية ستنجح باذن الله
    تحياتى لكم والسلام عليكم
    صحيح حدد طموحك وشوف المعطيات وامكانياتك المتوفرة ليك وابدا على هذا الاساس

  15. #15
    الصورة الرمزية سمير صيام
    سمير صيام غير متواجد حالياً عضو المتداول العربي
    تاريخ التسجيل
    Mar 2005
    الإقامة
    مصر
    المشاركات
    37,402

    افتراضي رد: واثق من نفسك

    اقتباس المشاركة الأصلية كتبت بواسطة ahmed hanafy مشاهدة المشاركة
    ما شاء الله
    موضوع جميل و مفيد
    تسلم ياغالى منورنا

صفحة 1 من 2 12 الأخيرةالأخيرة

المواضيع المتشابهه

  1. عايز تبنى شخصيتك وتكون واثق من نفسك تعال اقولك ازاى
    By شذى22 in forum استراحة اعضاء المتداول العربي
    مشاركات: 1
    آخر مشاركة: 10-08-2010, 07:10 AM
  2. براون يقول انه واثق من إتمام صفقة لويدز-اتش.بي.او.اس
    By التحليلات والأخبار in forum سوق تداول العملات الأجنبية والسلع والنفط والمعادن
    مشاركات: 0
    آخر مشاركة: 30-09-2008, 08:33 PM
  3. بوش واثق من خطة الإنقاذ المالية
    By التحليلات والأخبار in forum سوق تداول العملات الأجنبية والسلع والنفط والمعادن
    مشاركات: 0
    آخر مشاركة: 24-09-2008, 03:46 PM
  4. وول ستريت في مهبّ الأزمة وبوش واثق من أسس الاقتصاد
    By التحليلات والأخبار in forum سوق تداول العملات الأجنبية والسلع والنفط والمعادن
    مشاركات: 0
    آخر مشاركة: 16-09-2008, 03:07 AM
  5. واثق الخطوتي يمشي ملك
    By مترووووك in forum سوق تداول العملات الأجنبية والسلع والنفط والمعادن
    مشاركات: 44
    آخر مشاركة: 05-08-2005, 07:44 PM

الاوسمة لهذا الموضوع


1 2 3 4 5 6 7 8 9 10 11 12 13 14 15 16 17