ورشة كيمو فوركس لاعادة احياء استراتيجية الترند المكسور بمكاسب اكبر 2020

[كيمو.فوركس]

يعطيك العافية اخي

دائما طبعا افضل الطرق هي الربح بنسبة 1/2 او اكثر

واذا توفرت هذه الطريقة بنسبة نجاح معقوله

فبالتاكيد راح تكون دائما ربحان وبعيدا عن الخساره والمارجن

واصل اخي فانا وغيري متابعين معك

اكيد مع حضرتك حق
نسبة الريتشيو من اهم عناصر ادارة راس المال السليمة
والاهم طريقة تنفيذ ادارة راس مالك مش بس نسبة الريتشيو
زي ما وضحنا في المشاركة السابقة
ويشرفني جدا متابعتك
وتحت امرك اي وقت

[كيمو.فوركس]

تم كسر المنطقة الصفرا لاسفل بعد تذبذب كبير كان طول الفترة اللي فاتت
الملحوظة اللي عايز اقولها هي ان بالنسبة ليا يعني رأي شخصي
انا بنقل الستوب لوز للدخول بعد كسر مناطق الدعوم والمقومات
لو السعر كمل في الاتجاه المتوقع يعني ساعتها بيكون حقق مثلا ضعف ونص الستوب
يعني نص الهدف الاجمال 3:1
زي ما عملنا في المشاركة السابقة
و حاليا فاضل حوالي 50 نقطة من ال240 الاصليين
فنا مبحركش الستوب لحجز ارباح والسبب ان اوقات كتير وشوفتها بعيني يطلع يتذبذب
وتربح الحاجة البسيطة اللي انت حركت الستوب عليها ويرجع يكمل لهدفك
فنا بتجنب الحتة دي وتاميني للصفقة بيكون الدخول فقط حفاظا علي راس المال واسيبه يا اما يجيب الهدف يااما يخرجني علي الستوب نقطة الدخول
دي بقي النفسية اللي بيقولوا عليها انك تبقي بتتفرج علي الصفقة من اولها لاخرها في كل المراحل اللي بقالها اسبوع وممكن تكمل للاسبوع الجاي

اولا لما بتحلل وتعمل اللي عليك وتتوكل علي الله وتدخل الصفقة
ثانيا بتتفرج علي صفقتك هل هتضرب ولا تحقق الهدف
ثالثا ودي مرحلة صعبة جدا علي اللي متعودش عليها وهي وانت في النص يعني محقق نص هدفك هل اقفل وكفاية كده ولا اكمل واللي بيقفل الصفقة في النص بيبوظ ادارة راس المال تماما وهيخسر في الاجمالي مهما كسب لان اول مراحل الفشل هي قفل الصفقة بدري وعدم الصبر علي الربح وتبعيد الستوب والصبر علي الخسارة احسبها بالعقل علي المدي البعيد لازم هتخسر
رابعا بعد ما قربت من هدفك وخليت الستوب علي الدخول
وفاضل شوية علي الهدف وبرضه مع ان نفسيتك متطمنة علي الراس مال الاساسي
بتخلي الشيطان يقولك كفاية

والحمد لله الواحد عدي بكل ده وبيخلي نفسيته ياما هدف يا اما ستوب
لانك بتتقبل الخسارة قبل الربح ومع ادارة راس المال بتطلع كسبان في الاخر باذن الله
من الاخر اعتبر نفسك بتدير محفظة لحد بيقولك اعمل كده وهيحاسبك علي الكلام ده
اتعامل بالطريقة دي هترتاح
قريب جدا باذن الله هعمل جزء لادارة راس المال
وجزء للنفسية
وهيبقوا في المشاركة الاولي مع طريقة الدخول وتقييم الصفقات الشهري
اسف للاطالة وبالتوفيق للجميع
الملف المرفق 520166

مبرووووووك
الصفقة حققت الهدف
(+240 نقطة )

بعد ما طالت الصفقة 12 يوم
الصبر من عوامل نجاح ادارة راس مال
واهميته زي اهمية كيفية تنفيذ ادارة راس مالك بالظبط
بالتوفيق للجميع وفي انتظار صفقات اخري لكسر ترندات علي فريم الديلي فقط لا غير ويكون الصفقة مع الاتجاه الشهري والاسبوعي بعد تحليلهم من دعوم ومقاومات وشموع كله شغل كلاسيكي
ولما بيكون ساعتها الترند الديلي تصحيح للفريمات الاكبر بعد الكسر بيمشي في اتجاه الفريمات الكبري وده نقطة مهمة جدا جدا جدا
لضمان قوة الصفقة الي حد كبير
ملحوظة الصفقة القادمة ستكون زي ما وضحنا سابقا ب 4% من راس المال
وهتكون بداية المسابقة المكونة من صفقتين مع السوق وبالنسبة الي ليه مش هندخل الصفقة القادمة بارباح السابقة وهنبدا من الاول السبب ان تم تزويد راس المال
بالتوفيق للجميع

[pilot777]

الف مبروووك يابطل
هناك كسر على اليومي ل CHFJPY

[pilot777]

انا لي سنتين في المنتدى باأمانة هذي افضل ورشة عمل وجدنها الى الأن

تحليل واقعي ودقيق ودخول من مناطق قوية مع الإتجاه

انا استعمل استراتيجية مشابهة لها ولكن إضافتك للترند وتحديدك للاهداف اعطاها قوة اكثر

جزاك الله خير ياصاحب الموضوع

[كيمو.فوركس]

الف مبروووك يابطل
هناك كسر على اليومي ل CHFJPY

الله يبارك في حضرتك
وربنا يوفقنا كلنا للخير باذن الله
ياريت ترفق شارت بحيث اقدر اشوف وجهة نظرك ونتناقش فيها
ولافادة الاعضاء ايضا

انا لي سنتين في المنتدى باأمانة هذي افضل ورشة عمل وجدنها الى الأن

تحليل واقعي ودقيق ودخول من مناطق قوية مع الإتجاه

انا استعمل استراتيجية مشابهة لها ولكن إضافتك للترند وتحديدك للاهداف اعطاها قوة اكثر

جزاك الله خير ياصاحب الموضوع

تحت امرك وشكرا لكلام حضرتك
وهدف اي ورشة هو الافادة للجميع
وبالنسبة للترند المكسور فعلا هي الطريقة الوحيدة اللي تعتبر
انك ضامن ان العالم كله راسم الترند ايا كان طريقة تحليله
خصوصا الترند علي الديلي ال3 ارتكازات
لانه قوي جدا جدا

[pilot777]

للأسف ياغالي لااعرف طريقة ارفاق الشارت

[كيمو.فوركس]

للأسف ياغالي لااعرف طريقة ارفاق الشارت

دوس علي زرار برنت سكرين من الكيبورد وروح لبرنامج الرسام paint
وافتح البرنامج واعمل بيست او كنترول v
واعمل سيف للصورة علي الجهاز عندك ولما تيجي تكتب كومنت هنا هتلاقي فيه ادراج صورة
بس كده

[pilot777]

[pilot777]

واضح كسر الترند على اليومي واسفل الموفينق
ايضا وجود رأس وكتفين

[كيمو.فوركس]

الترند بيفضل يكون من اول الموجة زي كده
وللاسف ده ترند ارتكازين فقط
بيكون قوي ساعات لكن احنا اقل حاجة تلت ارتكازات
عشان نقدر نشتغل عليه

[pilot777]

الترند بيفضل يكون من اول الموجة زي كده
وللاسف ده ترند ارتكازين فقط
بيكون قوي ساعات لكن احنا اقل حاجة تلت ارتكازات
عشان نقدر نشتغل عليه

حسب رسمي للترند 3 ارتكازات

هل بقية الشروط مكتملة

[كيمو.فوركس]

حسب رسمي للترند 3 ارتكازات

هل بقية الشروط مكتملة

عشان تضمن انك داخل مع صناع السوق
لازم تكون ضامن انك راسم الترند زيهم من اول الموجة
وللاسف الترند من اول الموجة ارتكازين فقط
واحنا عايزين اقوي فرصة وليست فرصة متوسطة

[كيمو.فوركس]

السلام عليكم
الفرصة القادمة هتكون باذن الله الباوند كندي كسر ترند صاعد علي اليومي
وحاليا يوجد ترندات مشابهه لنفس الوضع علي الباوندات
لانها حاليا كل الباوندات عاملة ترند صاعد علي الديلي
ويعتبر اقرب فرصة هي اللي معانا حاليا الباوند كندي تليها الباوند دولار
ثم باقي الباوندات تباعا
ولكن يجب التحليل تفصيليا من الفريم الشهري

نبدا بسم الله
(فريم الشهري)

الباوند كندي حاليا عامل نموذج مثلث هابط علي الشهري
وده بيدعم الهبوط ثم ملاحظة ان الاغلاقات الشهرية السابقة يعني اخر شهرين مقدرش يقفل
فوق المقاومة الشهرية القوية باللون الموف وحاليا ارتد منها ويتداول اسفل الموفنجات التلاتة
200 لون بنفسجي
100 لون اخضر
50 لون احمر

مما يجعلنا نستنتج ان الفريم الشهري يعتبر اتجاه هابط ومازال
لانه مقفلش فوق المقاومة الشهرية القوية باللون الموف








(الفريم الاسبوعي)
هنلاقي برضه انه السعر ارتد الاسابيع السابقة ومقدرش
يقفل اعلي المقاومة ويكمل صعود وبياكد الفريم الشهري
ومجرد اغلاق اسفل الموفنجات التلاتة علي الاسبوعي واسفل منطقة الدعم الاسبوعي الخضرا مش هيكون قدامه غير الهبوط عشان يكمل اتجاه الشهري باذن الله






(الفريم اليومي )
وده الفريم اللي بنرسم عليه الترندات وبندخل عليه
يعني نقدر نقول اننا بنستني تكوين ترند يكون تصحيحي للفريمات الكبري
الشهري والاسبوعي اتجاهم هابط
فبالتالي لما نلاقي ترند صاعد قوي علي الديلي
مكون من 3 ارتكازات علي الاقل ويتكسر فبيكون دخولك مع صناع السوق ومع اتجاهم اللي هما عايزينه زي الفرصة السابقة علي اليورو ين


طبعا ده ترند صاعد اربع ارتكازات بيتم كسره حاليا بشمعة يوم
واسفل منطقة الدعم اليومية البرتقالي


هنلاحظ كمان انه بداية تقاطع موفنجات 9 و 30 اكسبوننشال كلوز


هنلاحظ انه كاسر موفنج 50 الاحمر




طبعا بما ان الترند القوي ده في طريقه للكسر
المفروض هندخل من اعادة الاختبار باذن الله

طبعا هننتظر لحين اغلاق شمعه اليوم للتاكيد
ثم الانتظار اعادة الاختبار وساعتها هتكون المعطيات كالتالي

1/ كسر ترند صاعد اربع ارتكازات قوي علي الديلي
وسيتم الدخول بيع مع الاتجاه العام الشهري والاسبوعي
من اعادة الاختبار لاخذ سعر كويس


2/ كسر منطقة دعم يومي مهمة باللون البرتقالي


3/ كسر موفنج 50 باللون الاحمر


4/ تقاطع موفنجات 9 و 30 اكسبوننشال قبل الكسر



5/ هنلاحظ ان منطقة اعادة الاختبار باذن الله
هتكون عند حدود سحابة الايشموكو واللي بتعمل كمنطقة مقاومة قوية



طبعا في معوقات للسعر هتقابله في الطريق
زي موفنج 100 الاخضر ومنطقة الدعم الاسبوعية الهامة
واللي تعتبر يومية برضه ولكن لو السعر وصل ليها بامر الله
سيتم نقل الستوب لوز لمنطقة الدخول

ملحوظة مهمة جدا التحليل الفني والورش عموما ما هي الا اجتهاد صاحبها
واي دخول من حضراتكم اكيد حضراتكم فاهمين بيكون علي مسؤليتكم الشخصية
سواء في ادارة راس المال وقيمة اللوتات
او سواء في عدم الصبر علي الصفقة لحين وصول التيك او الستوب ايا كان
او سواء الصبر علي عدد الصفقات لانه مينفعش نحكم من صفقة ربحت او خسرت
لازم عدد صفقات ميقلش عن 10 ويكون راس المال كبر بعدها لان ممكن تكسب صفقتين من 10 وتطلع ربحان في الاخر زي ما وضحنا في ادارة راس المال قبل كده
سيتم متابعه هذه الصفقة اليومين الجايين
بالتوفيق للجميع

[كيمو.فوركس]

السلام عليكم

احنا حاليا في انتظار برايس اكشن شمعه يوم طبعا
لاننا علي فريم الديلي

تكون مثلا شمعه بين بار او دوجي عند مناطق اختبار الترند لتاكيد دخولنا بيع
ويعتبر امامنا فرصتين واحدة باوند دولار وواحدة باوند كندي
واللي هتكون ستوبها مناسب بعد ظهور برايس اكشن سيتم الدخول عليها والتوضيح هنا علي الشارت بالصور كالعادة لاننا بندخل صفقة واحدة بس طالما الزوج علي نفس العملة
محافظة علي نسبة المخاطرة لان دخولك صفقتين شرا علي الباوند مثلا كانك دخلت علي زوج واحد بضعف المجازفة لان تحركهم تقريبا هيكون واحد

اهم حاجة في الدخول بعد التحليل هو البرايس اكشن لان دي اللي بتبين لك الشغل اللي انت راسمه هل انت راسمه زي صناع السوق ولا لا
بمعني اصح هما شايفين اللي انت شايفه
وبكده تدخل معاهم وساعتها السعر بيتحرك بقوة عشان سيولتهم الكبيرة طبعا

في كام ملاحظة عايز اقولها
1/ بما ان الصفقة علي فريم اليوم بستني برايس اكشن من نفس الفريم مش بنزل للفريم الاقل
حتي لو فاتتني الفرصة والسبب انك كده بتمنع نفسك من التذبذب بشكل كبير
لان مثلا ممكن فريم اربع ساعات يطلع لاعادة الاختبار وينزل تاني في الشموع الاربع ساعات اللي بعدها وبالتالي حصل اللي انت متوقعه لكن معملش مثلا برايس اكشن مقنع علي الديلي
بالتالي تقريبا مش هتدخل الصفقة لكن انا بحاول دايما اشتغل ديلي عشان قوة الصفقة تزيد
2/الملاحظة التانية عايز اقولها بالنسبة للستوب
الستوب ده تخيله انه حد هربان وانت عايز تخبيه هههههههههه الكلام بجد والله
وده بيتلخص في فكرة ان منطقة دخولك لما بتتجمع عند اكتر من معطي
يعني مثلا نقطة اعادة اختبار + اختار موفنج مهم+اختبار سحابة الايشموكو مثلا + اختبار منطقة مقاومة او دعم مهمة
فنتا النقطة دي بقت قوية فبالتالي لما تخبي الستوب لوز وراهم معني كده
انت بتتاجر في الصفقة دي مع اتجاه اكتر من استراتيجية بمعني ناس بتشتغل ترند ناس بتشتغل سحابة ايشموكو وناس بتشتغل موفنجات وهكذا وياسلام لو تجمعت النقطة دي مع اكتر من نوع تحليل مثلا كلاسيكي وهارمونيك ودولارات سعرية مثلا وهكذا


اهم نقطة هي تامين الستوب وبعد كده ان شا الله تعمل الستوب عشر اضعاف انت بمجرد
ما تتحرك الصفقة قد الستوب مرة وشوية انت بتخلي الستوب عند الدخول
وتسيبها تعيش حياتها مرة تضرب ستوب عند الدخول مرة تجيب اهداف كبيررررررة جدا وهكذا
ده ملخص ادارة راس المال
ممكن تخسر صفقات كتير وفي الاخر تحقق ارباح
وحد تاني بيكسب صفقات كتير ومحقق خساير ومرجنة

وبشكر دايما استاذ محمد صلاح اللي فادنا في موضوع ادارة راس المال
وكل الكلام الللي دايما بقوله في الورشة دي عن الادارة نابع من قرايتي لموضوعه واللي عايز اللينك هيلاقيه في بداية صفحات الورشة هنا

بالتوفيق للجميع

[كيمو.فوركس]

السلام عليكم
فرصة بيع علي الكندي فرنك فريم اربع ساعات

الفريم الشهري والاسبوعي واليومي هابط والتداول اسفل الموفنجات
ومرتد من مقاومات شهرية

ننتظر لحين الاغلاق اسفل الترند واسفل منطقة الدعم اليوميةالبرتقالي
وساعتها المعطيات هتكون
1/ كسر ترند صاعد والدخول بيع مع الاتجاه العام

2/ تقاطع موفنجات 9 و 30 اسكبوننشال كلوز قبل الكسر

3/ السعر اسفل الموفنجات 100 و 200 و 50

4/ تم الاغلاق اسفل مستوي 61.8 فيبو

5/تم الاغلاق اسفل منطقة الدعم اليومية

6/السعر اسفل سحابة الايشموكو

سيتم الدخول عند الاغلاق واخذ سعر كويس وسيتم الرد هنا باذن الله

بالتوفيق للجميع